جامعہ انوارالسراج خانقاہ موسیٰ زئی شریف

29/09/2026

بسم اللہ الرحمن الرحیم

📚 ششماہی امتحان 1448ھ

الحمدللہ! جامعہ انوار السراج، خانقاہ موسیٰ زئی شریف میں ششماہی امتحان 1448ھ کا باقاعدہ آغاز ہو چکا ہے۔

امتحانی ہال میں طلبہ کرام نہایت سنجیدگی، توجہ اور محنت کے ساتھ اپنی تعلیمی استعداد کا جائزہ پیش کرتے ہوئے امتحان میں مصروف ہیں۔ اساتذۂ کرام کی نگرانی میں امتحانی عمل نظم و ضبط اور تعلیمی اصولوں کے مطابق جاری ہے۔

یہ امتحان تعلیمی سال کے دوسرے مرحلے میں طلبہ کی اب تک کی علمی پیش رفت، مطالعے اور تعلیمی استعداد کو جانچنے کا ایک اہم مرحلہ ہے۔

اللہ تعالیٰ ہمارے تمام طلبہ کرام کی محنتوں کو شرفِ قبول عطا فرمائے، انہیں علمِ نافع، عملِ صالح اور اخلاص کی دولت سے مالا مال فرمائے، اور اساتذۂ کرام کی علمی و تربیتی کاوشوں کو اپنی بارگاہ میں قبول فرمائے۔

اللهم انفعهم بما علمتهم، وعلمهم ما ينفعهم، وزدهم علماً

🤲 اللہ تعالیٰ جامعہ کو دن دوگنی رات چوگنی ترقی عطا فرمائے اور اسے دینِ اسلام کی خدمت کا مضبوط مرکز بنائے۔

جامعہ انوار السراج
خانقاہ موسیٰ زئی شریف

25/08/2026

جامعہ انوار السراج خانقاہ احمدیہ سعیدیہ موسیٰ زئی شریف کے سہ ماہی امتحان کے نتائج کی تقریب کی تصویری جھلکیاں ۔۔۔۔

20/08/2026

جامعہ انوار السراج خانقاہ احمدیہ سعیدیہ موسیٰ زئی شریف کے سہ ماہی امتحان کے نتائج ۔۔

18/08/2026

16/08/2026

وفاق المدارس العربیہ سے الحاق یکم شوال سے تیس ربیع الاول تک کا نظم ہے۔۔۔۔جبکہ یکم ربیع الاول سے سالانہ امتحانات کے داخلوں کا بھی آغاز ہوجاتا ہے۔۔۔۔تیس ربیع الاول تک الحاق کرانے والے مدارس اپنے داخلے بھی بھیج سکتے ہیں۔۔۔۔جو ارباب مدارس الحاق کرانا چاھتے ہیں تو اپنے متعلقہ مسؤل صاحب سے رابطہ کر کے الحاق کی تمام ضروری کاروائی کے ساتھ داخلوں کی سہولت بھی حاصل کرسکتے ہیں۔۔۔۔۔

برادرم مولانا عبداللہ مدنی سلمہ اللہ ہمارے وفاق المدارس العربیہ لاہور کے فعال مسؤل ہیں۔۔۔۔بہترین قلمی ذوق کے حامل اور صاحب نسبت بھی ہیں۔۔۔۔۔انہوں نے اس مناسبت سے خوبصورت قلمی اظہار کیا۔۔۔۔اللہ تعالیٰ ان کو خوب خوب جزائے خیر عطا فرمائیں۔۔۔۔آمین

اکابر کی امانت، نسلوں کی ذمہ داری!!!

اکابر و مشائخ کی نسبتیں کسی کتاب کے حاشیے پر لکھے ہوئے چند حروف، قبروں پہ کتبوں کا نام نہیں بلکہ یہ نسلوں کے سینوں میں منتقل ہونے والی وہ حرارت ہے جو زمانے کی سرد مہری میں بھی چراغ روشن رکھتی ہے۔ ان نسبتوں کے ساتھ ایک پوری تاریخ وابستہ ہوتی ہے؛ قربانیوں کی تاریخ، علم کی تاریخ، استقامت کی تاریخ اور اُن مردانِ حق کی تاریخ جنہوں نے اپنے عہد کے ہنگاموں میں دین کی شمع کو تھامے رکھا۔
وفاق المدارس العربیہ پاکستان اسی تاریخ کا ایک روشن باب ہے۔

وفاق المدارس کی پشت پر اُن بزرگوں کی محنتیں ہیں جنہوں نے مدارس کی درسگاہوں کو قرآن و حدیث کی تعلیم، فکر و نظر کی تربیت اور کردار سازی کا ایسا مرکز بنایا جہاں سے علم کے قافلے ہر سمت روانہ ہوتے رہے۔ وقت بدلتا رہا، حالات کے تیور بدلتے رہے، مگر مدارس کا یہ چراغ اپنی روشنی کے ساتھ آگے بڑھتا رہا۔

وفاق المدارس نے اسی سفر کو منظم کیا، مدارس کو ایک مضبوط رشتے میں پرویا اور اہلِ مدارس کی آواز کو اجتماعی قوت عطا کی۔ آج اس کی شاخیں ملک کے طول و عرض میں پھیلی ہوئی ہیں اور اس علمی کارواں کی بازگشت سرحدوں سے آگے بھی سنائی دیتی ہے۔ وفاق المدارس کایہ بام عروج ایک مستقل داستان ہے اک ایسی داستان جس کی راہ میں موسم بھی بدلے، راستے بھی دشوار ہوئے، مخالفتیں بھی اٹھیں اور نئے نئے سوالات بھی سامنے آتے رہے؛ مگر جن لوگوں نے دین کے اس قافلے کی باگ تھامی تھی، ان کے قدموں میں وہ ٹھہراؤ تھا جو مقصد کی سچائی سے پیدا ہوتا ہے۔آج وہی امانت ہمارے ہاتھوں میں ہے۔

اکابر نے ایک فکر، ایک مزاج، ایک نسبت اور ایک ذمہ داری ہمارے سپرد کی ہے۔ اُن کی محنت کا حاصل یہ ہے کہ علم کی شمع ایک نسل سے دوسری نسل تک منتقل ہوتی رہے اور زمانے کی تیز ہوا اسے بجھا نہ سکے۔
اب یہ سوال ہمارے سامنے ہے کہ ہم اس امانت کے ساتھ کیا سلوک کرتے ہیں؟
وقت ہم سے محض عقیدت کا اظہار نہیں، کردار اور عمل کا تقاضا کرتا ہے۔ ہمیں اپنے مدارس کو مضبوط کرنا ہے، انہیں باہم جوڑنا ہے اور اس علمی نظام کو مزید استحکام دینا ہے جسے ہمارے بزرگوں نے اپنی زندگیاں لگا کر قائم کیا۔

اسی لیے اپنے مدرسے کو وفاق المدارس سے وابستہ کرنا ایک ذمہ دارانہ قدم ہے۔ اپنے گرد و پیش کے مدارس کو بھی اس علمی نظم کا حصہ بنانا ہماری اجتماعی ذمہ داری ہے۔ جتنی مضبوط یہ وابستگی ہوگی، اتنا ہی منظم اور توانا ہمارا تعلیمی و دینی سفر ہوگا۔

آئیے، اکابر کی نسبت کو محض تبرک نہ بنائیں؛ بلکہ عمل کی قوت اس نسبت کو مضبوط بنائیں۔
ان کے چھوڑے ہوئے چراغوں میں اپنا چراغ شامل کریں، ان کے بوئے ہوئے شجر کی شاخوں کو مزید پھیلائیں۔
اور اس قافلے کو وہاں تک پہنچائیں جہاں ابھی ہماری نگاہ بھی نہیں پہنچتی۔
کل کی نسلیں ہم سے یہ نہیں پوچھیں گی کہ ہم نے اپنے اکابر کا کتنا ذکر کیا تھا؛ وہ یہ دیکھیں گی کہ ہم نے اُن کی امانت کو کس حال میں آگے پہنچایا۔
اب ہماری ذمہ داری ہے کہ مدارس کا یہ سلسلہ کمزور نہ پڑے، نسبتوں کی یہ ڈور ہاتھ سے نہ چھوٹے اور علم کا یہ چراغ ایک نسل سے دوسری نسل تک اسی آب و تاب کے ساتھ منتقل ہوتا رہے۔اکابر نے تو امانت ہمارے سپرد کر دی ۔اب تاریخ ہماری طرف دیکھ رہی ہے کہ ہم اسے کس شان سے آگے پہنچاتے ہیں۔

تحریر حضرت مولانا طلحہ رحمانی دامت برکاتہم العالیہ