AJK Professors & Lecturer community

26/09/2026

📢 علامہ اقبال اوپن یونیورسٹی میں مختلف آسامیوں کا اعلان 📢
علامہ اقبال اوپن یونیورسٹی نے مین کیمپس اور ریجنل سینٹرز کے لیے مختلف آسامیوں پر آن لائن درخواستیں طلب کر لی ہیں۔
🔹 اسسٹنٹ ڈائریکٹر
🔹 ریسرچ اسسٹنٹ
🔹 ڈیٹا انٹری آپریٹر
🔹 اسٹاف کار ڈرائیور
🔹 ڈرائیور
🔹 نائب قاصد
🔹 ریجنل ڈائریکٹر
🔹 ایڈیشنل ریجنل ڈائریکٹر
🔹 ڈپٹی ریجنل ڈائریکٹر
🔹 اسسٹنٹ ریجنل ڈائریکٹر
🔹 اسسٹنٹ
🔹 مالی سمیت دیگر آسامیاں
📌 اہلیت: مختلف آسامیوں کے لیے میٹرک، انٹرمیڈیٹ، بیچلرز اور ماسٹرز ڈگری سمیت متعلقہ تجربہ درکار ہے۔
🗓️ درخواست جمع کروانے کی آخری تاریخ: 16 اکتوبر 2026
خواہشمند امیدوار اشتہار میں دی گئی ہدایات کے مطابق آن لائن درخواست جمع کروائیں۔
📱 مزید معلومات کے لیے اشتہار ضرور دیکھیں اور یہ پوسٹ اپنے دوستوں کے ساتھ شیئر کریں تاکہ زیادہ سے زیادہ امیدواروں تک معلومات پہنچ سکیں۔

13/09/2026

نیا اشتہار

13/09/2026

13/09/2026

آزاد جموں و کشمیر پبلک سروس کمیشن کے زیر اہتمام اوپن میرٹ کی بنیاد پر مشتہر شدہ مختلف محکمہ جات کی آسامیوں کے لیے سکریننگ ٹیسٹ کا شیڈول جاری

31/05/2026

"خوشی کی گونج میں بجھتا ایک چراغ"
مظفرآباد کی فضاؤں میں شادی بیاہ کی خوشیوں کے نام پر برسوں سے ایک ایسا المیہ دہرایا جا رہا ہے جسے بعض لوگ رسم، بعض تفریح اور بعض اپنی مردانگی کا اظہار سمجھتے ہیں۔ ہوائی فائرنگ کی گونج میں شاید انہیں اپنی طاقت کا احساس ہوتا ہو، مگر وہ یہ بھول جاتے ہیں کہ بندوق سے نکلنے والی گولی خوشی اور غم میں تمیز نہیں کرتی۔ وہ جب لوٹتی ہے تو کسی ماں کی گود اجاڑ دیتی ہے، کسی باپ کی امید چھین لیتی ہے اور کسی گھر کا چراغ ہمیشہ کے لیے بجھا دیتی ہے۔

گزشتہ روز ننھے حیدر علی کی المناک موت بھی اسی بے حسی، اسی جہالت اور اسی مجرمانہ غفلت کا نتیجہ بنی۔ ایک معصوم بچہ، جس کی آنکھوں میں زندگی کے بے شمار خواب تھے، ایک ایسی گولی کا نشانہ بن گیا جو کسی کی نام نہاد خوشی کے اظہار کے لیے چلائی گئی تھی۔ اس کے ننھے وجود سے بہنے والا خون صرف ایک حادثہ نہیں، بلکہ ہماری اجتماعی بے حسی پر ایک دردناک سوالیہ نشان ہے۔

افسوس یہ ہے کہ ایسی ہر موت کے بعد ہم اپنے ضمیر کا محاسبہ کرنے کے بجائے ایک جملے کے پیچھے پناہ لے لیتے ہیں: "تقدیر میں ایسا ہی لکھا تھا۔" حالانکہ تقدیر کے نام پر انسانی کوتاہی، لاپروائی اور جرم کو چھپایا نہیں جا سکتا۔ جو گولی کسی انسان نے چلائی، جس نے ایک معصوم جان لے لی، وہ محض حادثہ نہیں بلکہ ایک سنگین جرم اور ایک ناحق قتل ہے۔

حیدر علی کی جدائی کا دکھ شاید الفاظ میں بیان نہیں کیا جا سکتا۔ اس کے والدین کے دلوں پر جو قیامت گزری ہے، اس کا اندازہ صرف وہی کر سکتے ہیں جنہوں نے اپنے جگر کے ٹکڑے کو اپنے ہاتھوں سے رخصت کیا ہو۔ اللہ تعالیٰ اس ننھے فرشتے کی مغفرت فرمائے، اسے اپنی رحمتوں کے سائے میں جگہ عطا کرے، اور اس کے والدین و اہلِ خانہ کو صبرِ جمیل، حوصلہ اور اجرِ عظیم نصیب فرمائے۔ آمین۔

اور کاش کہ اس خونِ ناحق کی سرخی ہمارے ضمیر کو جھنجھوڑ سکے۔ کاش کہ خوشی کے نام پر موت بانٹنے والوں کو احساس ہو کہ ان کی ایک لمحے کی نمائش، ایک بے مقصد فائر، کسی خاندان کی پوری زندگی ویران کر سکتا ہے۔ جب تک ہم ایسی خطرناک روش کو سماجی برائی اور قابلِ مذمت جرم سمجھ کر ترک نہیں کرتے، تب تک حیدر علی جیسے معصوم بچوں کی قربانیاں ہمارے اجتماعی ضمیر پر ایک دائمی بوجھ بنی رہیں گی۔
اعجاز احمد

25/05/2026

Date Sheet Languages(Fazal Arabic/Urdu) 1st Annual Examination 2026

25/05/2026

Is News ki kia reality hay?
سرکاری ملازمین کی تنخواہوں میں 20 سے 30 فیصد اضافے کا امکان ۔

گریڈ 1 سے گریڈ 16 تک کے ملازمین کی تنخواہوں میں 30 فیصد اضافے کی تجویز

25/05/2026

برادرِ محترم راجہ شاہد محمود صاحب کے نام

برادرِ عزیز و محترم، جناب راجہ شاہد محمود صاحب کو سینئر چیف ڈویلپمنٹ، گریڈ BS-20، پلاننگ اینڈ ڈویلپمنٹ سیل، محکمہ ہائر ایجوکیشن میں ترقیابی و تعیناتی پر دل کی گہرائیوں سے مبارک باد پیش کرتے ہیں۔

یہ منصب محض ایک اداراتی ترقی نہیں بلکہ آپ کی خداداد صلاحیتوں، بلند کردار، دیانت و امانت، فرض شناسی اور شبانہ روز محنت کا روشن اعتراف ہے۔ آپ نے اپنی مستقل مزاجی، معاملہ فہمی اور خدمت کے جذبے سے یہ ثابت کیا کہ اخلاصِ نیت اور جہدِ مسلسل کبھی رائیگاں نہیں جاتے۔

بلاشبہ آپ کی یہ کامیابی اہلِ علم و دانش، دوست احباب اور خیر خواہوں کے لیے مسرت و افتخار کا باعث ہے۔ دعا ہے کہ اللہ رب العزت آپ کو اس منصب پر مزید عزت، وقار، بصیرت اور خدمتِ خلق کی توفیق عطا فرمائے، اور آپ کے دستِ شفقت و قیادت میں محکمہ ہائر ایجوکیشن ترقی، بہتری اور کامیابی کی نئی منازل طے کرے۔

اللہ تعالیٰ آپ کے علم، عمل، عزت اور خدمت میں برکت عطا فرمائے۔ آمین۔

20/05/2026

تبادلے

20/05/2026

گورنمنٹ بوائز ڈگری کالج بالسیری کے زیر اہتمام پہلی بار تحصیل لیول کا ٹیلنٹ ہنٹ مقابلہ،مختلف اداروں کے میٹرک امتحان سے فارغ طلبہ کی بھرپور انداز میں شرکت،پوزیشن ہولڈرز میں نقد انعامات اور سرٹیفکیٹس کی تقسیم،طلبہ کا جوش و جذبہ دیدنی،بوائز ڈگری کالج کی انتظامیہ کو بھرپور خراج تحسین،تفصیلات کے مطابق گورنمنٹ بوائز ڈگری بالسیری کے زیر اہتمام تحصیل پٹہکہ نصیر آباد کے میٹرک امتحانات سے فارغ مختلف تعلیمی اداروں کے طلبہ کے مابین ٹیلنٹ ہنٹ مقابلہ کا انعقاد ہوا،مقابلہ میں شرکت کے خواہش مند طلبہ کے لیے جماعت نہم میں 60فیصد نمبرز حاصل کرنا لازمی تھے،یوں اس ٹیلنٹ ہنٹ مقابلہ میں اس قابلیت کے حامل تحصیل پٹہکہ نصیر آباد کے درجنوں تعلیمی ادارہ جات کے طلبہ نے بھرپور شرکت کر کے اپنی صلاحیتوں کا لوہا منوایا،نتائج کے مطابق عالیان ہائی سکول پٹہکہ کے طالب علم محمد حسیب عزیز نے پہلی،کشمیر ویلی سکول کے طالب علم شان علی نے دوسری،کشمیر ویلی ہی کے طالب علم حسن علی نے تیسری پوزیشن حاصل کی،جب کہ ٹاپ ٹین پوزیشن ہولڈرز کی فہرست میں عالیان سکول،کشمیر ویلی سکول ریڈ فاؤنڈیشن سکول،ڈگری کالج بالسیری،ہائی سکول کونکاں سرفہرست رہے،ٹیلنٹ ہنٹ مقابلہ میں تحصیل پٹہکہ نصیر آباد کے میٹرک لیول ادارہ جات کے طلبہ نے بڑھ چڑھ کر حصہ لیا،اس موقع پر مختلف اداروں کے اساتذہ،والدین کی کثیر تعداد بھی موجود تھی،ٹیلنٹ ہنٹ مقابلہ کے بعد پوزیشن ہولڈر طلبہ کا باقاعدہ اعلان کیا گیاجن میں سرٹیفکیٹس تقسیم کیے گئے جب کہ پہلی،دوسری اور تیسری پوزیشن حاصل کرنے والے طلبہ میں بالترتیب 10ہزار،6 ہزار،4ہزار روپے بھی بطور انعام تقسیم کیے گئے،اس موقع پر پرنسپل گورنمنٹ ڈگری کالج بالسیری پروفیسر محمد نعیم عباسی نے مقابلہ میں شامل ہونے والے طلبہ کو مبارک باد دیتے ہوئے بھرپور تعاون پر سربراہان ادارہ جات اور طلبہ کا شکریہ ادا کیا۔انھوں نے کہا کہ گورنمنٹ ڈگری کالج بالسیری تحصیل پٹہکہ نصیر آباد کا مرکزی ادارہ ہے،اسے تحصیل لیول پر نصابی و ہم نصابی سرگرمیوں کا مرکز بنائیں گے،انھوں نے اس عزم کا اعادہ کیا کہ ٹیلنٹ ہنٹ یہ سلسلہ آئندہ بھی جاری رہے گا اور آئندہ انعامات کی رقم میں خاطر خواہ اضافہ ہو گا،انھوں نے لائق اور مستحق طلبہ کے لیے اسکالر شپس کا اعلان بھی کیا،یاد رہے گورنمنٹ بوائز ڈگری کالج حالیہ عرصہ میں پہلی بار تحصیل لیول کا تقریری مقابلہ بھی منعقد کروا چکا ہے جس میں انٹرمیڈیٹ لیول کے طلبہ نے شرکت کی تھی،اس مقابلہ کو عوامی سطح پر بھرپور پذیرائی حاصل ہوئی تھی،اب گورنمنٹ ڈگری کالج بالسیری کے زیر اہتمام منعقدہ تحصیل لیول کا یہ دوسرا مقابلہ ہے،کالج انتظامیہ نے نسل نو کی صلاحیتیوں میں نکھار لانے کے لیے ان مقابلہ جات کو آئندہ تسلسل کے ساتھ جاری رکھنے کے عزم کا اظہار کیا ہے۔