Jamia Madina Tul Nabi Naushehra Soon valley

11/10/2026

09/10/2026

مال میں برکت، نیکیوں میں اضافہ!

اللہ تعالیٰ کی رضا اور خوشنودی حاصل کرنے کا ایک بہترین ذریعہ صدقہ و خیرات ہے۔ اللہ تعالیٰ کی راہ میں خرچ کیا جانے والا مال نہ صرف اجر و ثواب کا ذریعہ ہے بلکہ اللہ تعالیٰ اپنے فضل سے اس میں برکت بھی عطا فرماتا ہے۔

اور جو صدقہ تم اللہ تعالیٰ کی خوشنودی حاصل کرنے کے ارادے سے دیتے ہو، تو وہی لوگ اپنے مال کو کئی گنا بڑھانے والے ہیں۔

آئیے! اپنی استطاعت کے مطابق صدقہ و خیرات کریں، ضرورت مندوں کا سہارا بنیں اور دینی تعلیم کے فروغ میں اپنا کردار ادا کریں۔

جامعہ مدینۃ النبی نوشہرہ وادیٔ سون دینی و عصری تعلیم کے فروغ اور نسلِ نو کی بہترین تربیت کے لیے کوشاں ہے۔ آپ کا تعاون اس نیک مشن کو مزید مضبوط بنا سکتا ہے۔

اللہ تعالیٰ ہم سب کو اخلاص کے ساتھ خرچ کرنے اور اپنے مال میں برکت پانے کی توفیق عطا فرمائے۔ آمین!

جامعہ مدینۃ النبی، نوشہرہ وادیٔ سون
برائے رابطہ 03016773392

06/10/2026

سیدی مرشدی یا نبی یا نبی
نو منتخب قیادت کو مبارکباد اور دعائے استقامت

05/10/2026

04/10/2026

ماہانہ درسِ قرآن و سنت
جامعہ مدینۃ النبی ﷺ، نوشہرہ وادیِ سون

قرآنِ مجید سے تعلق مضبوط کرنے اور اس کے پیغام کو اپنی زندگی میں سمجھنے کی ایک خوبصورت نشست...

الحمدللہ! جامعہ مدینۃ النبی ﷺ میں ماہانہ درسِ قرآن و سنت کا سلسلہ جاری ہے۔ گزشتہ دروس میں اہلِ علاقہ اور احباب نے محبت و ذوق کے ساتھ شرکت کی، جس سے اس علمی و روحانی سلسلے کو مزید آگے بڑھانے کا حوصلہ ملا۔

اس ماہ کا موضوع:

سورۃ الفاتحہ ۔۔۔۔۔ اہمیت، فضائل اور ہماری زندگی کی کامیابی

سورۃ الفاتحہ وہ عظیم سورت ہے جسے ہم اپنی ہر نماز میں پڑھتے ہیں۔ لیکن کیا ہم اس کے پیغام، دعاؤں اور ہدایات کو اس طرح سمجھتے ہیں جس طرح سمجھنا چاہیے؟

آئیے! ایک نشست قرآنِ کریم کے اس عظیم پیغام کو سمجھنے، اس پر غور کرنے اور اپنی عملی زندگی سے جوڑنے کے لیے مختص کریں۔

تاریخ: 7 اکتوبر، بروز بدھ
وقت: نمازِ مغرب کے بعد تا نمازِ عشاء
مقام: جامعہ مدینۃ النبی ﷺ، نوشہرہ وادیِ سون

خصوصی گزارش:
نمازِ مغرب جامعہ مدینۃ النبی ﷺ میں ادا فرمائیں اور وقت کی پابندی کے ساتھ اس بابرکت نشست میں شرکت کریں۔

اپنے دوستوں، اہلِ خانہ اور احباب کو بھی اس علمی و روحانی محفل میں شرکت کی دعوت دیں۔

📞 رابطہ: 03016773392

آئیے، قرآن کو صرف پڑھیں نہیں؛ اسے سمجھیں، اس پر غور کریں اور اپنی زندگی کا رہنما بنائیں۔

جزاکم اللہ خیراً کثیراً

04/10/2026

جوہرآباد: دارالعلوم محمدیہ غوثیہ جوہرآباد کیمپس میں الکرم فرینڈز پاکستان کے مرکزی صدر علامہ محمد جاوید اقبال کھارا کی خصوصی پذیرائی، اعزازی شیلڈ پیش

دارالعلوم محمدیہ غوثیہ جوہرآباد کیمپس کے پرنسپل، معروف عالمِ دین علامہ رئیس احمد صدیقی صاحب مدظلہ العالی کی دعوت پر الکرم فرینڈز پاکستان کے مرکزی صدر علامہ محمد جاوید اقبال کھارا نے ادارے کا دورہ کیا۔

اس موقع پر علامہ رئیس احمد صدیقی صاحب نے الکرم فرینڈز پاکستان کے مرکزی صدر کی ذمہ داری ملنے پر علامہ محمد جاوید اقبال کھارا کو خصوصی اعزازی شیلڈ پیش کی۔ یہ اعزاز شیخ الحدیث، استاذ العلماء حضرت علامہ پیر سید محمد اقبال شاہ گیلانی صاحب دامت برکاتہم القدسیہ، خلیفۂ مجاز آستانۂ عالیہ بھیرہ شریف، کے دستِ اقدس سے پیش کیا گیا۔

تقریب میں استاذ العلماء شیخ الحدیث مولانا عبدالرزاق صدیقی صاحب دارالعلوم محمدیہ غوثیہ بھیرہ شریف سمیت متعدد علماء و مشائخ بھی موجود تھے۔

اس موقع پر گفتگو کرتے ہوئے علامہ محمد جاوید اقبال کھارا نے علامہ رئیس احمد صدیقی صاحب کی محبت، خلوص اور ادارے کے لیے ان کی خدمات کو سراہتے ہوئے کہا کہ دارالعلوم محمدیہ غوثیہ جوہرآباد میں علمی، تربیتی اور ادارہ جاتی ترقی کے لیے ہونے والی کاوشیں قابلِ تحسین ہیں۔ انہوں نے دعا کی کہ اللہ کریم علامہ رئیس احمد صدیقی صاحب کے علم، عمل، اخلاص اور ادارے میں مزید برکتیں عطا فرمائے۔

علامہ محمد جاوید اقبال کھارا نے اس عزم کا اظہار کیا کہ آستانۂ عالیہ بھیرہ شریف اور دارالعلوم محمدیہ غوثیہ سے وابستہ تمام اداروں کے ساتھ بھرپور تعاون، مشاورت اور رہنمائی کا سلسلہ آگے بڑھایا جائے گا۔ اداروں کی بہتری، انتظامی رہنمائی، باہمی تعاون اور ادارہ جاتی ترقی کے لیے ایک جامع منصوبہ بھی شروع کیا جائے گا۔

انہوں نے کہا کہ حضور دیوانِ کریم، جانشینِ ضیاءالامت حضرت پیر محمد امین الحسنات شاہ صاحب مدظلہ العالی، سجادہ نشین آستانۂ عالیہ بھیرہ شریف، اور حضرت قبلہ پیر محمد نعیم الدین شاہ صاحب مدظلہ العالی، ولی عہد آستانۂ عالیہ بھیرہ شریف، کے وژن کی روشنی میں الکرم فرینڈز پاکستان کے ماسٹر پلان کو عملی شکل دینے کے لیے جلد احباب، علماء و مشائخ اور متعلقہ اداروں سے دوبارہ رابطہ کیا جائے گا۔

ان کا کہنا تھا کہ ان شاء اللہ یہ ماسٹر پلان دینی اداروں کی ترقی، علمی و تربیتی خدمات کے فروغ، باہمی تعاون اور ادارہ جاتی استحکام کے لیے ایک منظم اور مؤثر سفر کا آغاز ثابت ہوگا۔

اس موقع پر موجود علماء و مشائخ اور شرکائے تقریب نے بھی الکرم فرینڈز پاکستان کے مرکزی صدر علامہ محمد جاوید اقبال کھارا کے لیے نیک خواہشات کا اظہار کیا۔
اس موقع پر الکرم فرینڈز ضلع خوشاب کے ناظم راناغلام رضا اور کارکنان کی بڑی تعداد موجود تھی

رپورٹ: علی رضوان
JMTN Media Official




#جوہرآباد

04/10/2026

پروفیسر حافظ محمد طاہر سومرو (گورنمنٹ ڈگری کالج سبی)
جزاک اللہ خیرا
ایڈمن علی رضوان

04/10/2026