01/05/2026
آج دی قائداعظم پبلک سکول حیات آباد پشاور، برانچ میں یومِ مزدور (لیبر ڈے) کے موقع پر ایک پروقار اور باوقار تقریب کا انعقاد کیا گیا۔ اس تقریب کا مقصد طلباء میں محنت کش طبقے کی اہمیت اور ان کی خدمات کے حوالے سے شعور بیدار کرنا تھا۔
تقریب میں سکول کے بچوں نے بھرپور جوش و خروش کے ساتھ حصہ لیا اور مختلف تقاریر، ٹیبلوز اور خاکے پیش کیے، جن میں محنت کشوں کی جدوجہد، قربانیوں اور معاشرے میں ان کے کردار کو اجاگر کیا گیا۔ طلباء نے اپنی شاندار پرفارمنس کے ذریعے حاضرین کے دل جیت لیے اور یومِ مزدور کی اہمیت کو نہایت مؤثر انداز میں بیان کیا۔سکول انتظامیہ کی جانب سے کلاس فور ملازمین کو سرٹیفکیٹس اور نقد انعامات سے نوازا گیا، جس سے ان کی حوصلہ افزائی ہوئی۔تقریب کے اختتام پر پرنسپل نے اپنے خطاب میں کہا کہ محنت کش طبقہ کسی بھی معاشرے کی ریڑھ کی ہڈی ہوتا ہے، اور ان کی عزت و تکریم ہم سب پر لازم ہے۔ انہوں نے اس عزم کا اظہار کیا کہ ادارہ آئندہ بھی ایسے پروگرامز کا انعقاد کرتا رہے گا تاکہ طلباء میں سماجی اقدار کو فروغ دیا جا سکے۔
