09/05/2026
9 مئي يومِ وصال عظيم قابلِ احترام استادِ محترم قاري القراء حضرت استاد قاري محمد حنيف سعيدي رحمتہ اللہ تعاليٰ عليہ
جامعہ راشديہ خانقاهه عاليه پير جو ڳوٺ جي شعبه قرائت جو هڪ روشن ستارو، قاري القراء حضرت استد قاري محمد حنيف سعيدي رحمتہ اللہ تعاليٰ عليہ جو اڄ 14 هون يومِ وصال آهي. حضرت استادِ محترم پنهنجي پوري زندگي درس و تدريس لاءِ جامعه راشديه ۾ وقف ڪري ڇڏي ۽ ڏينهن رات هڪ ڪري اسان جهڙن بيشمار شاگردن جي تربيت فرمائي، علمِ دين جي روشنيءَ سان اسان جي دلين کي منور ڪيو.
پاڻ پهرين مئي 1967ع تي درگاهه شريف پير جو ڳوٺ ۾ شعبه قرائت ۾ پنهنجي فرضن جو آغاز فرمايو لڳ ڀڳ 45 سالن تائين هن عظيم اداري جي خدمت ڪرڻ کانپوءِ 9 مئي 2012ع تي هن فاني دنيا مان لاڏاڻو فرمايائون. اڄ استادِ محترم کي اسان کان وڇڙي چوڏهن سال گذري ويا آهن، پر سندن شفقتون، دعائون، محنتون ۽ تربيت جو اهو مخلصانه انداز اڄ به اسان جي دلين ۾ زنده آهي.
بلاشبہ اهڙا استاد صدين ۾ پيدا ٿيندا آهن، جيڪي پنهنجي ڪردار، علم ۽ اخلاص سبب هميشه جاويد رهجي ويندا آهن. جامعه راشديہ جا استاد ۽ شاگرد کين عظيم خدمتن تي خراجِ عقيدت پيش ڪن ٿا.
الله تبارڪ و تعاليٰ پنهنجي محبوب ٻانهي، استاد محتر قاري محمد حنيف سعيدي رحمتہ اللہ تعاليٰ عليہ جي قبرِ انور تي ڪروڙين رحمتون نازل فرمائي، سندن قبر کي نور سان ڀري ۽ ڪشادگي عطا فرمائي، درجات بلند ڪري ۽ کين جنت الفردوس ۾ بي حساب مغفرت و بخشش سان نوازي. آمين.
اللّٰهُمَّ اغْفِرْ لَهٗ وَارْحَمْهُ وَأَدْخِلْهُ فِي جَنَّاتِ النَّعِيمِ۔
