02/06/2026
جب کسی ادارے میں اپنے پروفیشنل ملازمین کی عزت، وقار اور حقوق کا تحفظ نہ کیا جائے تو پھر وہی لوگ اس ادارے کو چھوڑنے پر مجبور ہو جاتے ہیں۔
صرف چار ماہ کے اندر دوسری مرتبہ بھرتیوں کا اشتہار جاری ہونا اس بات کا واضح ثبوت ہے کہ کہیں نہ کہیں انتظامی سطح پر سنگین مسائل موجود ہیں۔ اگر ادارہ واقعی بہترین ماحول اور پیشہ ورانہ احترام فراہم کر رہا ہوتا تو بار بار آسامیوں کو پُر کرنے کی ضرورت پیش نہ آتی۔
افسوس کے ساتھ کہنا پڑتا ہے کہ کڈنی ہسپتال میں برسوں سے خدمات انجام دینے والی متعدد اسٹاف نرسز، جنہوں نے 8 سے 9 سال تک اپنی ذمہ داریاں انتہائی محنت اور دیانتداری سے نبھائیں، بالآخر مایوسی اور بے قدری کے باعث استعفیٰ دینے پر مجبور ہو گئیں ۔
کسی بھی ہسپتال کی کامیابی صرف عمارتوں اور مشینوں سے نہیں بلکہ اس کے ڈاکٹرز، نرسز اور دیگر طبی عملے سے وابستہ ہوتی ہے۔ جب تجربہ کار اور قابل افراد ادارہ چھوڑنا شروع کر دیں تو یہ انتظامیہ کے لیے لمحۂ فکریہ ہونا چاہیے۔
ادارے عزت، انصاف اور پیشہ ورانہ احترام سے مضبوط ہوتے ہیں، جبکہ بے قدری اور نااہلی بہترین افرادی قوت کو بھی دور کر دیتی ہے۔
