𝘽𝙖𝙡𝙤𝙘𝙝𝙞𝙨𝙩𝙖𝙣 𝙉𝙪𝙧𝙨𝙞𝙣𝙜 𝘾𝙤𝙢𝙢𝙪𝙣𝙞𝙩𝙮

06/08/2026

شہید بینظیر بھٹو ٹراما اینڈ ایمرجنسی ریسپانس انسٹی ٹیوٹ (SBBTERI)، کوئٹہ میں مختلف شعبہ جات کے لیے کنٹریکٹ بنیادوں پر متعدد آسامیوں کا اعلان کر دیا گیا ہے۔
👨‍⚕️ ڈاکٹرز
👩‍⚕️ اسٹاف نرسز، آئی سی یو و اینستھیزیا نرسز
🧪 فارماسسٹ، لیب و بایومیڈیکل اسٹاف
⚙️ ٹیکنیشنز
📢 انتظامی و میڈیا اسٹاف
🔧 سپورٹ اسٹاف (وارڈ بوائے، پورٹر، نرسنگ آرڈرلی، ڈرائیور، الیکٹریشن، پلمبر، پیون، سویپر وغیرہ)
📍 صرف بلوچستان ڈومیسائل رکھنے والے امیدوار اہل ہیں۔
📅 واک اِن انٹرویوز: ✅ 12 اگست 2026 — سپورٹ اسٹاف
✅ 17 اگست 2026 — میڈیکل، نرسنگ، ٹیکنیکل اور انتظامی عہدے
⚠️ اہم ہدایت:
میڈیکل، نرسنگ، ٹیکنیکل اور انتظامی عہدوں کے امیدوار انٹرویو سے قبل اپنی آن لائن پروفائل لازمی مکمل کریں۔ سپورٹ اسٹاف اصل دستاویزات کے ساتھ مقررہ تاریخ پر براہِ راست واک اِن انٹرویو میں شرکت کرے۔
یہ صحت کے شعبے میں خدمات انجام دینے اور اپنے کیریئر کو آگے بڑھانے کا ایک بہترین موقع ہے۔ اہل امیدوار بروقت تیاری کریں اور مقررہ تاریخ پر انٹرویو میں شرکت یقینی بنائیں۔
شیئر کریں تاکہ یہ معلومات زیادہ سے زیادہ مستحق امیدواروں تک پہنچ سکے۔

05/08/2026

Future Nursing Officers
آج کے طالب علم، کل کے قائدِ صحت🫡

03/08/2026

صوبے کے تمام سکولوں میں ہفتہ کی چھٹی ختم، اب سکولز میں صرف اتوار کے دن چھٹی ہوگی۔ پیر سے ہفتہ تک سکول کھلا رہے گا۔
محکمہ تعلیم بلوچستان نے نوٹیکفیشن جاری کر دیا

31/07/2026

بلوچستان نرسنگ کمیونٹی

آخر کب تک بلوچستان کے طلبہ انتظار کریں؟

بلوچستان نرسنگ کمیونٹی، بلوچستان کے ہزاروں طلبہ کی جانب سے BUMHS NCAT امتحان میں مسلسل تاخیر پر شدید تشویش کا اظہار کرتی ہے۔

جنوری 2026 سے طلبہ NCAT کے انعقاد کے منتظر ہیں، مگر سات ماہ گزر جانے کے باوجود انہیں صرف غیر یقینی صورتحال، ذہنی دباؤ اور مایوسی کا سامنا ہے۔ افسوسناک امر یہ ہے کہ 9 اگست کے لیے جاری کی گئی تاریخ بھی ملتوی کر دی گئی، جس سے طلبہ کی بے چینی میں مزید اضافہ ہوا ہے۔

اگر ایک ہفتے بعد MDCAT کا امتحان منعقد کیا جا سکتا ہے تو پھر NCAT کے انعقاد میں مسلسل تاخیر کی کیا وجوہات ہیں؟ اس تاخیر کے باعث متعدد طلبہ دیگر جامعات میں داخلوں سے محروم ہو چکے ہیں، جبکہ بہت سے طلبہ کا قیمتی تعلیمی سال ضائع ہونے کے خطرے سے دوچار ہے۔

بلوچستان نرسنگ کمیونٹی واضح کرنا چاہتی ہے کہ طلبہ کسی خصوصی رعایت کا مطالبہ نہیں کر رہے، بلکہ صرف اپنے آئینی اور تعلیمی حق کا تقاضا کر رہے ہیں کہ ان کا امتحان بروقت اور شفاف انداز میں منعقد کیا جائے تاکہ وہ اپنی تعلیم کا سفر بغیر مزید رکاوٹ کے جاری رکھ سکیں۔

ہم BUMHS انتظامیہ سے پُرزور مطالبہ کرتے ہیں کہ مزید تاخیر سے گریز کرتے ہوئے NCAT کے امتحان کی حتمی تاریخ کا فوری اعلان کیا جائے اور امتحان مقررہ وقت پر یقینی بنایا جائے۔ طلبہ کے مستقبل سے وابستہ معاملات میں غیر ضروری تاخیر کسی بھی صورت قابلِ قبول نہیں۔

بلوچستان نرسنگ کمیونٹی

30/07/2026

نرسز صحت کے شعبے کا ایک بنیادی ستون اور مریضوں کی دیکھ بھال کا اہم ترین حصہ ہیں۔
مریض کی مسلسل نگرانی، ادویات کی بروقت فراہمی، ایمرجنسی حالات میں فوری اقدامات، مریضوں اور اہل خانہ کی رہنمائی اور علاج کے عمل کو بہتر بنانے میں نرسز کا کردار نہایت اہم اور قابلِ قدر ہے۔

30/07/2026

سینڈمین (صوبائی) ہسپتال، کوئٹہ کی جانب سے مختلف آسامیوں پر واک اِن انٹرویوز کا اعلان کر دیا گیا ہے۔

مقام: پوسٹ گریجویٹ میڈیکل انسٹیٹیوٹ، سینڈمین (SPH) کوئٹہ

تمام اہل امیدوار مقررہ تاریخ پر اپنی مکمل دستاویزات کے ساتھ انٹرویو میں شرکت کریں۔
اس اطلاع کو زیادہ سے زیادہ شیئر کریں تاکہ کوئی بھی اہل امیدوار اس موقع سے محروم نہ رہے۔

28/07/2026

بلوچستان نرسنگ کمیونٹی کا مؤقف

وزیراعلیٰ بلوچستان میر سرفراز بگٹی کی جانب سے صحت کے شعبے میں اصلاحات اور تمام اسٹیک ہولڈرز سے مشاورت کے عزم کا خیرمقدم کیا جاتا ہے۔ تاہم یہ امر انتہائی تشویش کا باعث ہے کہ صحت کے شعبے کی ریڑھ کی ہڈی سمجھے جانے والے نرسنگ پروفیشن کو اس اہم مشاورتی اجلاس میں نمائندگی نہیں دی گئی۔

نرسز وہ پیشہ ور قوت ہیں جو چوبیس گھنٹے مریضوں کی دیکھ بھال، ایمرجنسی خدمات، علاج معالجے کے تسلسل اور صحت کے نظام کی مؤثر کارکردگی میں بنیادی کردار ادا کرتی ہیں۔ ایسے میں نرسنگ کی نمائندگی کے بغیر صحت کے شعبے سے متعلق کسی بھی پالیسی، اصلاحات یا فیصلوں کو مکمل اور جامع قرار نہیں دیا جا سکتا۔

بلوچستان نرسنگ کمیونٹی کو وزیراعلیٰ بلوچستان میر سرفراز بگٹی سے یہ توقع تھی کہ صحت کے شعبے سے متعلق ہر اہم اجلاس، مشاورتی عمل اور پالیسی سازی میں نرسنگ کی مؤثر، بااختیار اور باوقار نمائندگی کو یقینی بنایا جائے گا۔

ہم پُرامید ہیں کہ آئندہ ایسے تمام فورمز میں نرسنگ کمیونٹی کو اس کا جائز مقام دیا جائے گا، کیونکہ ایک مضبوط، مؤثر اور پائیدار صحت کا نظام تمام متعلقہ شعبوں، خصوصاً نرسنگ، کی فعال شمولیت کے بغیر ممکن نہیں۔

نرسنگ کو نظر انداز کرنا درحقیقت صحت کے نظام کے سب سے اہم ستون کو نظر انداز کرنے کے مترادف ہے۔



Health Department, Balochistan.

25/07/2026

بلوچستان نرسنگ کمیونٹی کا مطالبہ

کنٹریکٹ ملازمین بھی انسان ہیں، عارضی نہیں مستقل کرو!

بلوچستان نرسنگ کمیونٹی حکومتِ بلوچستان سے پُرزور مطالبہ کرتی ہے کہ صوبے بھر میں خدمات انجام دینے والے کنٹریکٹ ملازمین کو فوری طور پر مستقل کیا جائے اور انہیں وفاق اور دیگر صوبوں کی طرح مساوی مراعات، ملازمت کا تحفظ، ترقی کے یکساں مواقع اور برابری کے حقوق فراہم کیے جائیں۔

برسوں سے عوامی خدمت کرنے والے ملازمین کو غیر یقینی مستقبل، امتیازی سلوک اور عارضی حیثیت میں رکھنا ناانصافی ہے۔ وقت آ گیا ہے کہ ان کی محنت، قربانیوں اور خدمات کا عملی اعتراف کرتے ہوئے انہیں مستقل روزگار اور قانونی حقوق دیے جائیں۔

بلوچستان حکومت سے اپیل ہے کہ کنٹریکٹ ملازمین کے مستقل ہونے کا اعلان کرے اور انصاف پر مبنی پالیسی اختیار کرے۔

مستقل روزگار، باوقار مستقبل اور مساوی حقوق ہر ملازم کا حق ہے۔

بلوچستان نرسنگ کمیونٹی

24/07/2026

24/07/2026

بلوچستان نرسنگ کمیونٹی خضدار نرسنگ کالج کے طلبہ و طالبات کو کامیاب علمی سیمینار کے انعقاد پر دلی مبارکباد پیش کرتی ہے۔

یہ خوش آئند امر ہے کہ نرسنگ کے طلبہ اپنی تعلیمی اور پیشہ ورانہ صلاحیتوں کو اجاگر کرنے کے لیے سیمینارز اور علمی سرگرمیوں میں بھرپور کردار ادا کر رہے ہیں۔ ایسے پروگرام نہ صرف علم و تحقیق کو فروغ دیتے ہیں بلکہ مستقبل کے باصلاحیت، بااعتماد اور پیشہ ور نرسنگ لیڈرز کی تیاری میں بھی اہم کردار ادا کرتے ہیں۔

ہم تمام نرسنگ طلبہ کی اس مثبت کاوش کو سراہتے ہیں اور امید کرتے ہیں کہ بلوچستان کے تمام نرسنگ ادارے اسی جذبے کے ساتھ علمی، تحقیقی اور پیشہ ورانہ سرگرمیوں کو فروغ دیتے رہیں گے۔

تعلیم، تحقیق اور قیادت ہی نرسنگ کے روشن مستقبل کی ضمانت ہے۔

بلوچستان نرسنگ کمیونٹی