Gareen Shahdadkot

01/07/2026

السلام عليڪم دوستو!
پلانٽيشن مهم جي سلسلي ۾، محرم الحرام جي احترام سبب اسان ڪجهه ڏينهن خاموش هئاسين. هاڻي ٻيهر پنهنجي مهم کي اڳتي وڌائڻ لاءِ سڀاڻي منجهند 1:00 وڳي اسسٽنٽ ڪمشنر سان ملاقات مقرر ڪئي وئي آهي.
سڀني دوستن کي گذارش آهي ته وقت تي پهچي گڏ هلون، جيئن پنهنجي مهم کي وڌيڪ مضبوط ۽ ڪامياب بڻائي سگهون.

17/06/2026

شھدادڪوٽ سنڌي وڻ نم ٻٻر ٻير ٽالهي پپر سرنهن جا وڻ پوکيو. ڪونوڪارپس نه پوکيو.

17/06/2026

15/06/2026

"هڪ وڻ، هڪ زندگي — گرين شهدادڪوٽ، اسان جي ذميواري🌳

14/06/2026

جيئن ته سڀني دوستن کي خبر آهي ته اسان "گرين شهدادڪوٽ" مهم جي شروعات ڪري رهيا آهيون، جنهن جو مقصد شهر کي سرسبز ۽ خوبصورت بڻائڻ آهي.

اسان وڏي پيماني تي وڻ پوکڻ وارا آهيون. هاڻي سوال اهو آهي ته هن نيڪ مهم ۾ ڪهڙا دوست اسان جو ساٿ ڏيندا؟

اچو ته گڏجي پنهنجي شهر کي سائي، صاف ۽ ٿڌو بڻايون. هر دوست هڪ وڻ لڳائي ۽ ٻين کي به هن مهم ۾ شامل ٿيڻ جي دعوت ڏئي.

🌱 گرين شهدادڪوٽ – اسان سڀني جي ذميواري

13/06/2026

🌱 گرين شھدادڪوٽ مهم

گرين شھدادڪوٽ مهم جي سلسلي ۾ ٿيندڙ گڏجاڻي ۾ اهو فيصلو ڪيو ويو آهي ته 16 جون، اڱاري جي ڏينهن، وڻڪاري مهم بابت اسسٽنٽ ڪمشنر شھدادڪوٽ ۽ سي ايم او شھدادڪوٽ سان هڪ اهم ملاقات ڪئي ويندي.

هن ملاقات ۾ شهر اندر وڏي پيماني تي وڻڪاري مهم هلائڻ، پوکيل وڻن جي حفاظت، ۽ شھدادڪوٽ کي وڌيڪ سرسبز بڻائڻ بابت تجويزون ۽ منصوبابندي پيش ڪئي ويندي.

اسان گرين شھدادڪوٽ مهم سان لاڳاپيل سڀني دوستن، ساٿين ۽ ماحول دوست شهرين کي اپيل ٿا ڪريون ته هن اهم ملاقات ۾ گڏ هلي پنهنجي شهر جي بهتر مستقبل لاءِ آواز بلند ڪريون.

🌳 اچو ته گڏجي شھدادڪوٽ کي سرسبز، صاف سٿرو ۽ خوبصورت بڻايون.

13/06/2026

شھدادڪوٽ ۾ ڏينهون ڏينهن گرمي وڌندي پئي وڃي، ۽ ان جو وڏو سبب وڻن جي کوٽ آهي۔جيڪڏهن اسان پنهنجي شهر کي ٿڌو، سرسبز ۽ خوبصورت ڏسڻ چاهيون ٿا ته اچو سڀ گڏجي وڌيڪ کان وڌيڪ وڻ لڳايون۔

وڻ اسان کي صاف هوا، ڇانوَ ۽ سڪون ڏين ٿا۔جتي وڻ هوندا آهن، اتي موسم به سٺي رهندي آهي۔تنهنڪري هر ماڻهوءَ کي گهرجي ته پنهنجي گهر، گهٽين، اسڪولن ۽ روڊن جي ڪنارن تي وڻ لڳائي ۽ انهن جي حفاظت به ڪري۔

مهرباني ڪري وڻ نه ڪٽو، ڇو ته هڪ وڻ ڪٽڻ سان فطرت جو حسن ختم ٿئي ٿو۔اچو ته پنهنجي ايندڙ نسلن لاءِ سائي ۽ خوبصورت سنڌ ٺاهيون۔

"وڻ لڳايو، زندگي بچايو 🌱"

13/06/2026

🌱 سرسبز شھدادڪوٽ مهم 🌴🌳

شھدادڪوٽ کي سرسبز، خوبصورت ۽ ماحول دوست بڻائڻ لاءِ "سرسبز شھدادڪوٽ" جي نالي سان هڪ مهم جي شروعات ڪئي وئي آهي، جنهن جو بنيادي مقصد شهر ۾ وڌ کان وڌ وڻ پوکڻ، پوکيل وڻن جي سنڀال ۽ مالڪي ڪرڻ، ۽ موجود وڻن کي ڪٽجڻ کان بچائڻ آهي.

ان سلسلي ۾ اڄ هڪ اهم گڏجاڻي منعقد ڪئي وئي، جنهن ۾ڪامريڊ عطاالله، مظھر کوسو، حسيب احمد، عبدالستار عرف ببلو ، جاسم منگي ۽ سهيل سومرو شرڪت ڪئي.

گڏجاڻي دوران مهم جي شروعات، ان جي حڪمتِ عملي، مختلف علائقن ۾ وڻ پوکڻ، عوامي آگاهي مهم هلائڻ، پوکيل وڻن جي حفاظت ۽ شهر جي موجود سائي ماحول کي محفوظ رکڻ بابت تفصيلي خيالن جي ڏي وٺ ڪئي وئي.

اسان سڀني شهرين کي اپيل ٿا ڪريون ته هن مهم جو حصو بڻجن، هڪ وڻ ضرور پوکن، ان جي سنڀال ڪن ۽ ماحول جي تحفظ لاءِ پنهنجو ڪردار ادا ڪن.

🌳 "وڻ زندگي آهن؛ اچو ته شھدادڪوٽ کي سرسبز بڻايون."