Lasania Online Quran Academy, ugoki, Sialkot (2026)

03/07/2025

محفل ذکر شہدائے کربلا و شہادت سیدنا عمر فاروق رضی اللہ عنہم
مرکز اہل سنت مرکزی مدرسہ لاثانیہ انوارالقرآن اگوکی سیالکوٹ میں
علامہ صاحبزادہ قاری قاضی محمود احمد نقشبندی مجددی مہتمم اعلی مدرسہ ہذا کی زیر صدارت عظیم الشان پروگرام منعقد کیا گیا جس میں طلباء نے قرآن خوانی ، تلاوت ، نعت ، منقبت اور بیانات پیش کئیے ۔
مدرسہ کے اساتذہ نے بھی امام عالی مقام اور سیدنا عمر فاروق کی سیرت پر روشنی ڈالی اور طلباء کو واقعہ کربلا کے اہم پہلو سے روشناس کیا محفل کے اختتام پر طلباء کو لنگر حسینی پیش کیا گیا ۔
الداعی الی الخیر : بزم لاثانیہ و بزم فیضان منظور

24/06/2025

مدرسہ لاثانیہ انوارالقرآن اگوکی سیالکوٹ میں روڈ سیفٹی ٹریفک آگاہی سیشن کا انعقاد۔۔۔۔
مہتمم اعلی علامہ صاحبزادہ قاری قاضی محمود احمد نقشبندی مجددی اور ڈی ٹی او مدثر صدیق کی زیرنگرانی
ڈاکٹر شفقت رسول نے لیکچر دیا۔۔۔۔
ڈسٹرکٹ ٹریفک آفیسر سیالکوٹ مدثر صدیق کی زیر نگرانی ٹریفک ایجوکیشن ونگ سیالکوٹ کی جانب سے مدرسہ لاثانیہ انوارالقرآن اگوکی میں ایک جامع روڈ سیفٹی اور ٹریفک آگاہی سیشن منعقد کیا گیا، جس کی قیادت انچارج ایجوکیشن ونگ ڈاکٹر شفقت رسول نے کی۔ اس سیشن میں مدرسہ کے طلباء، اساتذہ کرام اور معزز علمائے دین نے بھرپور شرکت کی۔طلباء سے خطاب کرتے ہوئے انہوں نے کہا کہ سڑک پر محفوظ طرزِ عمل اپنانا، قوانین کی پاسداری اور دوسروں کے حق کا خیال رکھنا نہ صرف ایک شہری ذمہ داری ہے بلکہ شرعی اصولوں سے بھی ہم آہنگ ہے۔ اکثر حادثات معمولی لاپروائی کے سبب پیش آتے ہیں، جیسے ہیلمٹ نہ پہننا، سیٹ بیلٹ نہ باندھنا یا موبائل فون کا استعمال۔ ان عادتوں میں تبدیلی لا کر ہم قیمتی جانوں کو بچا سکتے ہیں۔انہوں نے نوجوانوں کو تلقین کی کہ وہ خود بھی ٹریفک قوانین پر عمل کریں اور اپنے گھر، محلے، اور رشتہ داروں کو بھی اس شعور سے آگاہ کریں تاکہ ایک محفوظ اور مہذب ٹریفک ماحول قائم ہو۔بعد ازاں علمائے کرام سے ایک خصوصی نشست کا انعقاد کیا گیا جس میں انہیں ٹریفک پولیس کی کاوشوں سے آگاہ کیا گیا۔ ڈاکٹر شفقت رسول نے علمائے کرام سے گزارش کی کہ وہ اپنے خطبات، دروس اور وعظ میں ٹریفک قوانین کی اہمیت کو اجاگر کریں۔آپ جہاں بھی تدریس کا عمل سرانجام دیں، وہاں عوام الناس کو روڈ سیفٹی اور ٹریفک کے اصولوں سے بھی روشناس کروائیں۔ اس عمل سے نہ صرف حادثات میں کمی آئے گی بلکہ معاشرتی نظم و ضبط کو بھی فروغ ملے گا۔
منجانب : آئی ٹی ڈیپارٹمنٹ
مدرسہ لاثانیہ انوارالقرآن (اگوکی سیالکوٹ )