12/06/2026
اجلاسِ کابینہ ہب آف پرائیویٹ ایجوکیشن تحصیل تخت بھائی، مردان
آج ہب آف پرائیویٹ ایجوکیشن تحصیل تخت بھائی، مردان کی کابینہ کا اجلاس شام 5 بجے قاضی واشنگ صرف فیکٹری تخت بھائی میں جناب سر شاہ خالد صاحب کی میزبانی اور صدر ہب آف پرائیویٹ ایجوکیشن جناب سر اکبر خان صاحب کی صدارت میں منعقد ہوا۔ اجلاس کا آغاز مولانا ابراہیم جان صاحب کی تلاوتِ کلامِ پاک سے ہوا۔اور اجلاس کے اختتام پر تمام شرکاء کی جانب سے جناب سر شاہ خالد صاحب کا دل کی گہرائیوں سے شکریہ ادا کیا گیا، جنہوں نے اجلاس کے انعقاد کے لیے نہایت عمدہ انتظامات اور بہترین میزبانی کا اہتمام کیا۔ شرکاء نے ان کی مہمان نوازی اور تعاون کو سراہتے ہوئے ان کے لیے نیک تمناؤں کا اظہار کیا۔
اجلاس میں جنرل سیکرٹری جناب سر انتخاب عالم صاحب نے باہمی مشاورت کے بعد درج ذیل فیصلوں اور ہدایات کا اعلان کیا:
1۔ عہدِ وفاداری
تمام اراکین سے عہد لیا گیا کہ وہ تنظیم کے ساتھ مکمل وفاداری نبھائیں گے اور اس کی بقا، ترقی اور فعالیت کے لیے ہر ممکن قربانی دینے سے دریغ نہیں کریں گے۔ نیز ہب آف پرائیویٹ ایجوکیشن تحصیل تخت بھائی کے منتخب صدر اور جنرل سیکرٹری کے ساتھ شانہ بشانہ کھڑے رہتے ہوئے تنظیم کے استحکام اور کامیابی کے لیے بھرپور کردار ادا کریں گے۔
2۔ اجلاس میں بروقت حاضری
تمام اراکین آئندہ اجلاسوں میں بروقت شرکت کے پابند ہوں گے۔ بغیر عذر اور پیشگی اطلاع کے اجلاس سے غیر حاضری کی صورت میں جرمانہ ادا کرنا لازمی ہوگا۔
3۔ گروپ میں فعال شرکت
وہ حضرات جو نہ اجلاسوں میں شرکت کرتے ہیں، نہ گروپ میں اپنی حاضری یقینی بناتے ہیں اور نہ ہی ہب آف پرائیویٹ ایجوکیشن تحصیل تخت بھائی کے ساتھ فعال کردار ادا کرنا چاہتے ہیں، ان سے گزارش ہے کہ وہ ازخود گروپ چھوڑ دیں، بصورتِ دیگر انتظامیہ مناسب کارروائی کرتے ہوئے انہیں گروپ سے خارج کر دے گی۔
4۔ مشاورت اور تجاویز
تمام عہد بردار اور ممبران ایک خاندان کی حیثیت رکھتے ہیں۔ لہٰذا ہر رکن بلا جھجھک اپنی آراء، تجاویز اور مشورے پیش کر سکتا ہے۔ ان شاء اللہ تمام تجاویز پر غور و فکر کے بعد مناسب فیصلے کیے جائیں گے۔
5۔ تعلیمی بہتری کے لیے کمیٹیوں کا قیام
ان شاء اللہ جلد مختلف کمیٹیاں تشکیل دی جائیں گی جو مختلف تعلیمی اداروں کا دورہ کرکے وہاں کے مؤثر تعلیمی نظام، کامیاب اصولوں اور مفید تجربات کا جائزہ لیں گی۔ بعد ازاں ان مشاہدات اور تجربات کو اجلاس میں پیش کیا جائے گا تاکہ تمام اداروں کے تعلیمی معیار کو مزید بہتر اور مؤثر بنایا جا سکے۔
بحکم:
انتخاب عالم
جنرل سیکرٹری
ہب آف پرائیویٹ ایجوکیشن تحصیل تخت بھائی، مردان
