19/10/2026
لو فضلت باصص على اللي في إيد غيرك؛ عينك هتفضل متعلقة باللي ناقصك، مهما كان اللي في إيدك جميل وكفاية!
قال الله عز وجل: ﴿لَا تَمُدَّنَّ عَيْنَيْكَ إِلَىٰ مَا مَتَّعْنَا بِهِ أَزْوَاجًا مِّنْهُمْ...﴾ ودي تربية للقلب إنه ميفضلش متعلق بنِعم غيره، ولا يقيس حياته بما في أيدي الناس!
لأنك لو فضلت تقارن؛، عمرك ما هتشبع..
ولو فضلت تعدّ اللي عند غيرك؛ هتنسى تعدّ نعم ربنا عليك..
فبص للي في إيدك، واشكر ربنا عليه، واسعى للأحسن واسأل الله من فضله، لكن من غير ما تتعلق برزق حد..
ومتخليش كثرة النظر لما في أيدي الناس تنسيّك فضل الله عليك..
فخلي ﴿لَا تَمُدَّنَّ عَيْنَيْكَ﴾ منهج تعيش بيه؛ عشان تعرف تشوف نعم ربنا عليك، وتستمتع باللي في إيدك، وتعيش بقلب أهدى وأرضى.
