رابطة أبناء دنقلا "جامعة وادي النيل"-انداندي

  • Home
  • Sudan
  • Atbara
  • رابطة أبناء دنقلا "جامعة وادي النيل"-انداندي

رابطة أبناء دنقلا "جامعة وادي النيل"-انداندي رابطة أبناء دنقلا 'انداندي' بجامعة وادي النيل كلية الهندسة والتقنيه🌴❤

اقيمت الجلسة الاسرية لرابطة ابناء دنقلا بجامعة وادي النيل (دورة ترهاقا نسي) لتقوية العلاقات الاجتماعية في الرابطة و كانت...
18/08/2026

اقيمت الجلسة الاسرية لرابطة ابناء دنقلا بجامعة وادي النيل (دورة ترهاقا نسي) لتقوية العلاقات الاجتماعية في الرابطة و كانت جلسة سادتها اجواء الالفة و الترابط و جمعت زمرة من الشباب تحت اسم دنقلا

جانب من الجلسة❤🌴

*بسم الله الرحمن الرحيم*تتشرف رابطة أبناء دنقلا أندادي🌴 بجامعة وادي النيل – دورة ترهاقا نسي بدعوة جميع أعضائها ومنسوبيها...
11/08/2026

*بسم الله الرحمن الرحيم*

تتشرف رابطة أبناء دنقلا أندادي🌴 بجامعة وادي النيل – دورة ترهاقا نسي بدعوة جميع أعضائها ومنسوبيها لحضور الجلسة الأسرية للرابطة، في لقاء يجمعنا على المحبة والألفة والتواصل الأخوي.
📅 الجمعة 14/8
📍 المكان: منتزه ريم بارك
وجودكم يسعدنا ويزيد اللقاء بهجة فكونوا معنا لنلتقي، ونجدد أواصر المحبة والترابط بين أبناء الرابطة.
حضوركم شرف لنا، وبكم تكتمل الجلسة.
الدعوة عامة لجميع أعضاء ومنسوبي الرابطة 🔥
🔥

﴿يَا أَيَّتُهَا النَّفْسُ الْمُطْمَئِنَّةُ ۝ ارْجِعِي إِلَىٰ رَبِّكِ رَاضِيَةً مَرْضِيَّةً ۝ فَادْخُلِي فِي عِبَادِي ۝ و...
03/08/2026

﴿يَا أَيَّتُهَا النَّفْسُ الْمُطْمَئِنَّةُ ۝ ارْجِعِي إِلَىٰ رَبِّكِ رَاضِيَةً مَرْضِيَّةً ۝ فَادْخُلِي فِي عِبَادِي ۝ وَادْخُلِي جَنَّتِي﴾
صدق الله العظيم.

بقلوب مؤمنة بقضاء الله وقدره، وبكل الحزن والأسى، تنعى مدينة عطبرة ومدينة دنقلا ورابطة أبناء دنقلا فقيدها الغالي وأبوها الروحي، العم محمد حامد، من أبناء مدينة دنقلا – قرية كدركة.

نسأل الله سبحانه وتعالى أن يتغمده بواسع رحمته، ويغفر ليه، ويجعل قبره روضة من رياض الجنة، ويجزيه خير الجزاء على ما قدمه من خير ومحبة بين الناس.

كما نتقدم بخالص التعازي والمواساة لابنه حامد محمد حامد ، طالب كلية الهندسة وعضو رابطة أبناء دنقلا، ولجميع أفراد الأسرة الكريمة، وأهله، وأحبابه، ولكل أهل عطبرة ودنقلا.

﴿إِنَّا لِلَّهِ وَإِنَّا إِلَيْهِ رَاجِعُونَ﴾

اللهم اغفر له وارحمه، وعافه واعفُ عنه، وأكرم نزله، ووسع مدخله، واجعل الفردوس الأعلى داره، وألهم أهله وذويه الصبر والسلوان، واربط على قلوبهم، ولا حول ولا قوة إلا بالله.

يقام المأتم بمنزله بالشرقي (شرق السوق).

نسأل الله أن يجعل هذا المصاب آخر الأحزان، وأن يرحم موتى المسلمين جميعًا.

إنا لله وإنا إليه راجعون.

بعض من لقطات الافطار الجماعي السنوي للرابطة بمدينة دنقلا 🤍كل سنة طيبين تامين ولامين يارب 🤲
10/03/2026

بعض من لقطات الافطار الجماعي السنوي للرابطة بمدينة دنقلا 🤍

كل سنة طيبين تامين ولامين يارب 🤲

اعاده الله علينا وعليكم بالخير و اليمن و البركات 🌙❤
07/03/2026

اعاده الله علينا وعليكم بالخير و اليمن و البركات 🌙❤

السلام عليكم ورحمة الله 🌙بمناسبة حلول شهر رمضان المبارك، تتقدم الرابطة إليكم بأسمى آيات التهاني وأصدق عبارات التبريكات، ...
20/02/2026

السلام عليكم ورحمة الله
🌙بمناسبة حلول شهر رمضان المبارك، تتقدم الرابطة إليكم بأسمى آيات التهاني وأصدق عبارات التبريكات، سائلين المولى عز وجل أن يجعله شهر رحمةٍ تتنزل، ومغفرةٍ تُستجلب، ودرجاتٍ تُرفع، وأن يكتب لكم فيه القبول والرضا، ويبارك لكم في أعمالكم وأعماركم، ويحقق لكم ما تصبون إليه من خيرٍ وفلاح.🌙❤
تصومو و تفطرو على خير 🌙❤

أحمد عثمان سعيد محمد…اسم اتكتب بالاحترام والرقي قبل الحروففي ناس بتمرّ في الكلية،وناس بتسكن في القلوب…وأنت من النوع التا...
03/02/2026

أحمد عثمان سعيد محمد…
اسم اتكتب بالاحترام والرقي قبل الحروف

في ناس بتمرّ في الكلية،
وناس بتسكن في القلوب…
وأنت من النوع التاني.

ابن حامدنارتي
شرق النيل دنقلا
الأرض البتطلع رجال
ما بتزوّر في الأخلاق
ولا بتجامل في الأصل.

اسم الوالدة: حرم عثمان محمد
ومن اسمها باين معدن التربية.

مشوارك الدراسي ما كان مجرد مدارس:
عمار بن ياسر
السير
الشهيد أحمد قاسم
وكانت كلها محطات،
لكن القيم كانت ثابتة.

في 2020 دخلت جامعة وادي النيل
كلية الهندسة والتقنية
قسم الهندسة الكهربائية
لكن قبل ما تكون مهندس
كنت إنسان كامل الدسم.

أول دورة،
وأول مسؤولية،
مسكت الأمانة الاجتماعية
وما مسكت منصب…
مسكت وجع الناس وهمّهم
وكان همّ الرابطة فوق راحتك.

ما شفنا منك صوت عالي،
ولا موقف ناقص،
ولا كلمة جارحة.
كلامك محسوب،
وخطوتك موزونة،
واحترامك سابقك وين ما تمشي.

أحمد…
فراقك ما ساهل،
الرابطة ح تحس،
الكلية ح تحس،
حتى الحيطان العارفاك ح تحس.

لكن الفقد ده فخر،
لأنك طالع مرفوع الرأس
وسايب أثر ما بتشال.
لأهلك ولحامدنارتي، تقدر تدخلها زي ما هي داخل

مبروك لأهلك أولًا…
الربّوك بدون ضجيج،
وغرسوا فيك الأدب قبل الطموح،
والاحترام قبل الاسم،
وخلوك تمشي مستقيم حتى في الأماكن الما فيها زول شايفك.
ده نجاح بيت كامل،
نجاح تربية،
نجاح صبر طويل اتحوّل لفخر ظاهر.

ومبروك لحامدنارتي…
الأرض العارفة كيف تطلع رجال،
الما بتكثر كلام، لكن بتثبت بالفعل،
الاسمها لما يتقال يتقال مع الوقار.
أنجبتك شهادة حية
إنو الطيب أصل،
والرقي ما صدفة،
وإنو دنقلا لسه بخير طالما فيها أمثالك.

ورابطة أبناء دنقلا
ما بتودعك…
بتشكرك
على كل وقفة،
وكل خدمة،
وكل نية صافية.

ربنا يفتح ليك دروب النجاح
درب بعد درب
ويخلي خطواتك ثابتة
زي أصلك
وزي اسمك
وزي التربية الجيت منها 🤍




وهِنا…لازم نقيف شوية،نقيف احترام، وتقدير، وفخرلزول ما عادي،لزول الرجولة فيهو سلوكوالخلق فيهو فعل…الخريج معتز مبارك عوض أ...
27/01/2026

وهِنا…
لازم نقيف شوية،
نقيف احترام، وتقدير، وفخر
لزول ما عادي،
لزول الرجولة فيهو سلوك
والخلق فيهو فعل…
الخريج معتز مبارك عوض أحمد (عزززوز) 🤍

من السليم – قسم 3 غرب شمال،
من بلد بتطلّع السند قبل الاسم،
والواقف في الضيق قبل الفرح،
ومن رحم أم عظيمة:
سميرة عباس عبد الجليل،
أم ربّت راجل، قبل ما تفرح بخريج.

معتز بدا مشوارو من
طلحة بن عبيد الله الأساسية،
ومشى بخطوة ثابتة لـ
المتفوقين الثانوية بنين،
وختم المشوار العلمي في
جامعة وادي النيل – كلية الهندسة والتقنية
قسم الهندسة الكهربائية – 2018 ⚡

لكن عزووز،
ما كان شهادة وبس،
كان عشرة،
كان موقف،
وكان زول أول واحد تلقاه جمبك في الضيق
قبل ما تلقاه في الفرح،
واقف، سامع، شايل همّ غيرو
كأنو همّو.

في رابطة أبناء دنقلا
ما كان عضو ساي،
كان روح الرابطة ونبضها،
من أكتر الناس غيرة عليها وعلى دنقلا،
بعلاقات واسعة، وقلب مفتوح للكل،
عشان كدا استلم
الأمانة الأكاديمية
في دورات
2019 – 2020 – 2022 – 2023
استحقاق، ما مجاملة،
ثقة الناس قبل أي حاجة.

معتز عكس لينا دنقلا في أحلى صورها،
وعكس السليم بأهلها وطيبتهـا،
قلبو رحب،
كلامو طيب،
وما سمعنا يوم زول قال
“معتز ضايقني”
ولا “قصّر معاي”،
كان أخ،
وكان سند،
وكان إنسان بمعنى الكلمة.

نحن فرحانين ليك فرح كبير،
لكن وجع الفراق حاضر،
لأنو الزول البيلمّ الناس
غيابو ما ساهل 💔

عطبرة ح تفتقدك،
وشوارعها ح تحس بالفرق،
والكلية
بدكاترتها، بطلابها، بعمّالها
ح تفتقد زول
كان بيزرع الألفة وينشر الطمأنينة.

فخرنا بيك ما بتوصف،
واحترامنا ليك ما بتكتب،
لكن ساكنة في القلوب.

تحية كبيرة واعتزاز
للأسرة الكريمة:
الوالدة المربية سميرة،
والوالد مبارك،
والإخوان والأخوات،
وكل أهالي السليم
الأنجبوا شاب خلوق
واقف جمب الناس في الضيق
وبرفع الراس في الفرح.

ألف ألف ألف ألف ألف مبروك
أخونا الغالي معتز (عزووز) 🌿
نتمنى ليك كل السمح،
تفوق، تقدم،
وحياة عملية مليانة نجاح
قدَر قلبك النضيف وسيرتك السمحة.

فخورين بيك حد السماء،
وزعلانين عليك حد الوجع،
لكن مطمّنين
لأنو الزول الزيك
وين ما يمشي
بيسيب أثر،
وبيكسب محبة،
وما بيتنسى أبداً 🤍





Motaz Mobark

ألف ألف مبروك… وألف فخر واعتزاز 🎓🔥للخريج محمد عبدالله سعيد إبراهيمود دنقلا الأصيل،ود سورتود الحبيبة البتنجِب الرجال وترب...
23/01/2026

ألف ألف مبروك… وألف فخر واعتزاز 🎓🔥
للخريج محمد عبدالله سعيد إبراهيم
ود دنقلا الأصيل،
ود سورتود الحبيبة البتنجِب الرجال وتربي القامات 🌴💙

اتولد في الرياض – المملكة العربية السعودية،
لكن قلبو من بدري مربوط بالنيل،
وأصلو ما عرف الانكسار ولا التنازل،
أصل دنقلاوي صِرف…
ثابت زي النخيل، صابر زي الأرض، وراسو مرفوع وين ما مشى.

مشوارو التعليمي كان مشوار زول عارف هو داير شنو:
بدأ من مدرسة عبدالله بن مسعود الأساسية،
واتدرّج بثبات في الشيخ شريف الثانوية المشتركة،
ومنها شد الرحال بعزيمة الرجال
والتحق بـ جامعة وادي النيل – كلية التقانة عام 2021،
مش طريق مفروش بالورود،
لكن طريق تعب وصبر واجتهاد،
وصل بيهو ليوم الفرح الكبير دا 🎓✨.

محمد عبدالله،
العرفناه وسط إخوانو زول هادئ، رزين،
كلامو قليل لكن موقفو حاضر،
يحترم الكبير، ويسند الصغير،
وأخلاقو سابقاهو قبل اسمو.
زول ما بيحب الضجيج،
لكن أثره واضح، ووجوده محسوب.

ووسط المشوار دا،
رابطة أبناء دنقلا كانت بيتو الثاني،
واحتضنتو وكان واحد من أبنائها،
أخو وسند، قلبو عليها،
وشايل همها زي ما شايل حلمو.

ألف ألف مبروك ليك يا محمد عبدالله،
مبروك الشهادة ومبروك الرجولة قبلها،
ومبروك التعب القِلتو صبر،
والصبر القِلتو نجاح.

التحية والتقدير للوالدة الفاضلة
نِعمات عبدالحميد أحمد عثمان 🌸
الربّت وغرست القيم قبل العلم،
وقدّمت للوطن زول يشبه اسمو،
ويشبه أهلو وأصلو.

ومبروك للأسرة الكريمة كلها،
الوقفت، وسندت، وصبرت،
وشافت اليوم ثمرة التعب.

ومليون مبروك لـ سورتود 🌴
الأرض البتنجِب الهيبة،
والما بتطلّع إلا رجال
بقيمة وطن… وبوزن تاريخ.

ربنا يفتح ليك أبواب الرزق والتوفيق،
ويجعل شهادتك نور دربك،
ومن نجاح لنجاح أكبر،
وترفع راس أهلك وبلدك وين ما تمشي 🤍🎓




Address

Atbara

Website

Alerts

Be the first to know and let us send you an email when رابطة أبناء دنقلا "جامعة وادي النيل"-انداندي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category