رابطة أبناء دنقلا "جامعة وادي النيل"-انداندي

  • Home
  • Sudan
  • Atbara
  • رابطة أبناء دنقلا "جامعة وادي النيل"-انداندي

رابطة أبناء دنقلا "جامعة وادي النيل"-انداندي رابطة أبناء دنقلا 'انداندي' بجامعة وادي النيل كلية الهندسة والتقنيه🌴❤

بعض من لقطات الافطار الجماعي السنوي للرابطة بمدينة دنقلا 🤍كل سنة طيبين تامين ولامين يارب 🤲
10/03/2026

بعض من لقطات الافطار الجماعي السنوي للرابطة بمدينة دنقلا 🤍

كل سنة طيبين تامين ولامين يارب 🤲

اعاده الله علينا وعليكم بالخير و اليمن و البركات 🌙❤
07/03/2026

اعاده الله علينا وعليكم بالخير و اليمن و البركات 🌙❤

السلام عليكم ورحمة الله 🌙بمناسبة حلول شهر رمضان المبارك، تتقدم الرابطة إليكم بأسمى آيات التهاني وأصدق عبارات التبريكات، ...
20/02/2026

السلام عليكم ورحمة الله
🌙بمناسبة حلول شهر رمضان المبارك، تتقدم الرابطة إليكم بأسمى آيات التهاني وأصدق عبارات التبريكات، سائلين المولى عز وجل أن يجعله شهر رحمةٍ تتنزل، ومغفرةٍ تُستجلب، ودرجاتٍ تُرفع، وأن يكتب لكم فيه القبول والرضا، ويبارك لكم في أعمالكم وأعماركم، ويحقق لكم ما تصبون إليه من خيرٍ وفلاح.🌙❤
تصومو و تفطرو على خير 🌙❤

أحمد عثمان سعيد محمد…اسم اتكتب بالاحترام والرقي قبل الحروففي ناس بتمرّ في الكلية،وناس بتسكن في القلوب…وأنت من النوع التا...
03/02/2026

أحمد عثمان سعيد محمد…
اسم اتكتب بالاحترام والرقي قبل الحروف

في ناس بتمرّ في الكلية،
وناس بتسكن في القلوب…
وأنت من النوع التاني.

ابن حامدنارتي
شرق النيل دنقلا
الأرض البتطلع رجال
ما بتزوّر في الأخلاق
ولا بتجامل في الأصل.

اسم الوالدة: حرم عثمان محمد
ومن اسمها باين معدن التربية.

مشوارك الدراسي ما كان مجرد مدارس:
عمار بن ياسر
السير
الشهيد أحمد قاسم
وكانت كلها محطات،
لكن القيم كانت ثابتة.

في 2020 دخلت جامعة وادي النيل
كلية الهندسة والتقنية
قسم الهندسة الكهربائية
لكن قبل ما تكون مهندس
كنت إنسان كامل الدسم.

أول دورة،
وأول مسؤولية،
مسكت الأمانة الاجتماعية
وما مسكت منصب…
مسكت وجع الناس وهمّهم
وكان همّ الرابطة فوق راحتك.

ما شفنا منك صوت عالي،
ولا موقف ناقص،
ولا كلمة جارحة.
كلامك محسوب،
وخطوتك موزونة،
واحترامك سابقك وين ما تمشي.

أحمد…
فراقك ما ساهل،
الرابطة ح تحس،
الكلية ح تحس،
حتى الحيطان العارفاك ح تحس.

لكن الفقد ده فخر،
لأنك طالع مرفوع الرأس
وسايب أثر ما بتشال.
لأهلك ولحامدنارتي، تقدر تدخلها زي ما هي داخل

مبروك لأهلك أولًا…
الربّوك بدون ضجيج،
وغرسوا فيك الأدب قبل الطموح،
والاحترام قبل الاسم،
وخلوك تمشي مستقيم حتى في الأماكن الما فيها زول شايفك.
ده نجاح بيت كامل،
نجاح تربية،
نجاح صبر طويل اتحوّل لفخر ظاهر.

ومبروك لحامدنارتي…
الأرض العارفة كيف تطلع رجال،
الما بتكثر كلام، لكن بتثبت بالفعل،
الاسمها لما يتقال يتقال مع الوقار.
أنجبتك شهادة حية
إنو الطيب أصل،
والرقي ما صدفة،
وإنو دنقلا لسه بخير طالما فيها أمثالك.

ورابطة أبناء دنقلا
ما بتودعك…
بتشكرك
على كل وقفة،
وكل خدمة،
وكل نية صافية.

ربنا يفتح ليك دروب النجاح
درب بعد درب
ويخلي خطواتك ثابتة
زي أصلك
وزي اسمك
وزي التربية الجيت منها 🤍




وهِنا…لازم نقيف شوية،نقيف احترام، وتقدير، وفخرلزول ما عادي،لزول الرجولة فيهو سلوكوالخلق فيهو فعل…الخريج معتز مبارك عوض أ...
27/01/2026

وهِنا…
لازم نقيف شوية،
نقيف احترام، وتقدير، وفخر
لزول ما عادي،
لزول الرجولة فيهو سلوك
والخلق فيهو فعل…
الخريج معتز مبارك عوض أحمد (عزززوز) 🤍

من السليم – قسم 3 غرب شمال،
من بلد بتطلّع السند قبل الاسم،
والواقف في الضيق قبل الفرح،
ومن رحم أم عظيمة:
سميرة عباس عبد الجليل،
أم ربّت راجل، قبل ما تفرح بخريج.

معتز بدا مشوارو من
طلحة بن عبيد الله الأساسية،
ومشى بخطوة ثابتة لـ
المتفوقين الثانوية بنين،
وختم المشوار العلمي في
جامعة وادي النيل – كلية الهندسة والتقنية
قسم الهندسة الكهربائية – 2018 ⚡

لكن عزووز،
ما كان شهادة وبس،
كان عشرة،
كان موقف،
وكان زول أول واحد تلقاه جمبك في الضيق
قبل ما تلقاه في الفرح،
واقف، سامع، شايل همّ غيرو
كأنو همّو.

في رابطة أبناء دنقلا
ما كان عضو ساي،
كان روح الرابطة ونبضها،
من أكتر الناس غيرة عليها وعلى دنقلا،
بعلاقات واسعة، وقلب مفتوح للكل،
عشان كدا استلم
الأمانة الأكاديمية
في دورات
2019 – 2020 – 2022 – 2023
استحقاق، ما مجاملة،
ثقة الناس قبل أي حاجة.

معتز عكس لينا دنقلا في أحلى صورها،
وعكس السليم بأهلها وطيبتهـا،
قلبو رحب،
كلامو طيب،
وما سمعنا يوم زول قال
“معتز ضايقني”
ولا “قصّر معاي”،
كان أخ،
وكان سند،
وكان إنسان بمعنى الكلمة.

نحن فرحانين ليك فرح كبير،
لكن وجع الفراق حاضر،
لأنو الزول البيلمّ الناس
غيابو ما ساهل 💔

عطبرة ح تفتقدك،
وشوارعها ح تحس بالفرق،
والكلية
بدكاترتها، بطلابها، بعمّالها
ح تفتقد زول
كان بيزرع الألفة وينشر الطمأنينة.

فخرنا بيك ما بتوصف،
واحترامنا ليك ما بتكتب،
لكن ساكنة في القلوب.

تحية كبيرة واعتزاز
للأسرة الكريمة:
الوالدة المربية سميرة،
والوالد مبارك،
والإخوان والأخوات،
وكل أهالي السليم
الأنجبوا شاب خلوق
واقف جمب الناس في الضيق
وبرفع الراس في الفرح.

ألف ألف ألف ألف ألف مبروك
أخونا الغالي معتز (عزووز) 🌿
نتمنى ليك كل السمح،
تفوق، تقدم،
وحياة عملية مليانة نجاح
قدَر قلبك النضيف وسيرتك السمحة.

فخورين بيك حد السماء،
وزعلانين عليك حد الوجع،
لكن مطمّنين
لأنو الزول الزيك
وين ما يمشي
بيسيب أثر،
وبيكسب محبة،
وما بيتنسى أبداً 🤍





Motaz Mobark

ألف ألف مبروك… وألف فخر واعتزاز 🎓🔥للخريج محمد عبدالله سعيد إبراهيمود دنقلا الأصيل،ود سورتود الحبيبة البتنجِب الرجال وترب...
23/01/2026

ألف ألف مبروك… وألف فخر واعتزاز 🎓🔥
للخريج محمد عبدالله سعيد إبراهيم
ود دنقلا الأصيل،
ود سورتود الحبيبة البتنجِب الرجال وتربي القامات 🌴💙

اتولد في الرياض – المملكة العربية السعودية،
لكن قلبو من بدري مربوط بالنيل،
وأصلو ما عرف الانكسار ولا التنازل،
أصل دنقلاوي صِرف…
ثابت زي النخيل، صابر زي الأرض، وراسو مرفوع وين ما مشى.

مشوارو التعليمي كان مشوار زول عارف هو داير شنو:
بدأ من مدرسة عبدالله بن مسعود الأساسية،
واتدرّج بثبات في الشيخ شريف الثانوية المشتركة،
ومنها شد الرحال بعزيمة الرجال
والتحق بـ جامعة وادي النيل – كلية التقانة عام 2021،
مش طريق مفروش بالورود،
لكن طريق تعب وصبر واجتهاد،
وصل بيهو ليوم الفرح الكبير دا 🎓✨.

محمد عبدالله،
العرفناه وسط إخوانو زول هادئ، رزين،
كلامو قليل لكن موقفو حاضر،
يحترم الكبير، ويسند الصغير،
وأخلاقو سابقاهو قبل اسمو.
زول ما بيحب الضجيج،
لكن أثره واضح، ووجوده محسوب.

ووسط المشوار دا،
رابطة أبناء دنقلا كانت بيتو الثاني،
واحتضنتو وكان واحد من أبنائها،
أخو وسند، قلبو عليها،
وشايل همها زي ما شايل حلمو.

ألف ألف مبروك ليك يا محمد عبدالله،
مبروك الشهادة ومبروك الرجولة قبلها،
ومبروك التعب القِلتو صبر،
والصبر القِلتو نجاح.

التحية والتقدير للوالدة الفاضلة
نِعمات عبدالحميد أحمد عثمان 🌸
الربّت وغرست القيم قبل العلم،
وقدّمت للوطن زول يشبه اسمو،
ويشبه أهلو وأصلو.

ومبروك للأسرة الكريمة كلها،
الوقفت، وسندت، وصبرت،
وشافت اليوم ثمرة التعب.

ومليون مبروك لـ سورتود 🌴
الأرض البتنجِب الهيبة،
والما بتطلّع إلا رجال
بقيمة وطن… وبوزن تاريخ.

ربنا يفتح ليك أبواب الرزق والتوفيق،
ويجعل شهادتك نور دربك،
ومن نجاح لنجاح أكبر،
وترفع راس أهلك وبلدك وين ما تمشي 🤍🎓




الخريجة فاطمة عوض محمد خيرياختنا الغالية… فطوووومة 💜من رحم الأرض الطيبة،ومن حضن التاريخ،من الولاية الشماليةمحلية البرقيق...
22/01/2026

الخريجة فاطمة عوض محمد خيري
اختنا الغالية… فطوووومة 💜

من رحم الأرض الطيبة،
ومن حضن التاريخ،
من الولاية الشمالية
محلية البرقيق – جزيرة ارتقاشا
جايانا بنت أصل ، بنت نخيل ، بنت نيل ما بيعرف الانكسار.

اسم الوالدة: بثينة محمد علي
اسم محفور في القلب قبل الورق،
أم ربّت، وغرست، وسقت بالقيم،
فأنجبت بنتًا تمشي مرفوعة الرأس،
وتشبه أهلها في الطُهر والكرامة.

مكان الميلاد: عطبرة… بلد الحديد والنار 🔥
المدينة البتعلّم الصبر ، وتصنع الإنسان القوي ، والبتطلع البنات واقفات
زي الجبال… ما بتهزّهم الرياح.

المراحل الدراسية:
▪️ مدرسة الرائد عثمان عمر الأساسية
▪️ مدرسة خالد خضر الثانوية
▪️ جامعة وادي النيل
كلية الهندسة والتقنية
قسم ميكانيكا الإنتاج

مشوار ما كان ساهل،
لكن كان مشوار عزيمة،
خطوة بخطوة،
وتعب فوق تعب،
لحدي ما وصلت بعرقها واجتهادها
لراية التخرّج 👩🏽‍🎓✨

ومن هناك…
اختارت تكون أكتر من مجرد طالبة،
اختارت تكون أخت وسند،
فالتحقت بـ رابطة أبناء دنقلا
وما كانت مرور عابر…

كانت قلب نابض وكانت ضمير حي وكانت صورة مشرفة لمرأة دنقلا وبنت النوبة.

فطووومة 💜
كانت قلبها على الرابطة قبل نفسها ، تحزن لحزنها ، وتفرح لفرحها ، وتقدّم بدون حساب ، وتقف بدون انتظار شكر.

بيتها…
ما كان مجرد بيت ، كان ملجأ ، وكان أمان ، وكان مفتوح لينا في أي زمن،
في الضيق قبل الفرح ، وفي العسر قبل اليسر.

الشكر كل الشكر لجزيرة ارتقاشا
الأرض البتخلّف العِظماء ، والبتنجب البنات البيشرفن بلدهن وأهلهن.

والشكر والتبريكات من القلب لأسرتها الكريمة ، الأنجبت وربّت وقدّمت
بنت بقامة وطن

ألف ألف مبروك يا فطوووومة
مبروك النجاح،
ومبروك التخرّج،
ومبروك لأنك كنتي وستظلي رمزًا مشرفًا لبنت النوبة…ولمرأة دنقلا الحرة 💜🌴


سجّل المكتب التنفيذي لرابطة أبناء دنقلا زيارة مليئة بالوفاء والعِرفان لمنزل الأستاذ : محمد حامد الذي كان ولا ذال الأب ا...
20/01/2026

سجّل المكتب التنفيذي لرابطة أبناء دنقلا زيارة مليئة بالوفاء والعِرفان لمنزل
الأستاذ : محمد حامد
الذي كان ولا ذال الأب الروحي والسند الثابت ، رجل من رجال منطقه كدركه الكبار، رجل بقى مدرسة في البذل والعطاء والمواقف، وصاحب فضل لا يُحصى ولا يُعد عبر سنين طويلة.

بيتو كان دايمًا مفتوح لأبناء دنقلا في أي زمان، في الفرح قبل الحزن، وفي الشدة قبل الرخاء، يجمع الناس ويكسر الخاطر قبل ما ينكسر.

راجل حضورو طمأنينة، وكلمتو وزن، وموقفو ثابت،
قدم للرابطة أكتر من الدعم… قدم روح، واحتوى أجيال، وربّى على القيم قبل الأسماء.

ومن خلال الزيارة، تم تكريم الأستاذ محمد حامد،
تكريم ما بيوفي حقو، لكن شهادة حق من رابطة عارفة قيمة الرجال، وبتعرف تقول شكرًا للي يستاهل.

ربنا يديك الصحة وطولة العمر،
وتفضل دايمًا السند والضِل،
ومقامك محفوظ في القلوب… قبل أي سطر في السجلات 🤍🌴



🎤

الخريج إبراهيم حاج شريف محمد صالح ( هيما )ود دنقلا الأصيل، من قرية سورتود 🌴زول اتربّى على القيم، واتزيّن بالحِكمة قبل ال...
19/01/2026

الخريج إبراهيم حاج شريف محمد صالح ( هيما )
ود دنقلا الأصيل، من قرية سورتود 🌴
زول اتربّى على القيم، واتزيّن بالحِكمة قبل العلم، ومشى درب النجاح خطوة خطوة لحدي وصل المجد بعرقو واجتهادو.

بدأ مشوارو التعليمي من مدرسة عبد الله بن مسعود الأساسية،
ومنها لـ مدرسة الشيخ شريف الثانوية،
وبعزيمة الرجال التحق بـ جامعة وادي النيل
كلية الهندسة والتقنية – قسم هندسة ميكانيكا الإنتاج
في العام 2018، وواجه التحديات بعقل راجح وحِكمة بتسبق القرار.

وإيماناً منو بالهوية والانتماء،
وفي العام 2020 انضم لـ فرقة أحفاد ترهاقا،
وكان جزء أصيل في عرض الثقافة والتراث النوبي،
حامل إرث الأجداد، وممثل لروح دنقلا وتاريخها،
يثبت إنو العلم ما بنفصل عن الجذور،
وإنو الزول الواعي بيحفظ تراثو زي ما بيبني مستقبلو.

ومن القاعات للميدان، لحق بأسرة رابطة أبناء دنقلا،
وكان إضافة حقيقية وثقيلة،
زول معروف بالحِكمة، ورجاحة العقل، والنزاهة،
يعرف متين يتكلم ومتين يسكت،
ويقدّم مصلحة الرابطة ودنقلا فوق أي اعتبار.

كان من أوائل الأعضاء المرشحين للعمل في المكتب التنفيذي،
لأنو صاحب رأي موزون، وحكمتو كانت صمّام أمان في اتخاذ القرارات.
قلبو دايمًا على الرابطة وعلى دنقلا،
ما كلّ ولا ملّ، ولا قصّر يوم في واجب عام.

خدم الرابطة بإخلاص وتجرد في عدة مواقع:
الأمانة الاجتماعية – دورة 2019
والأمانة الرياضية – دورات 2021، 2022، 2023
وكان في كل دورة مثال للرجل الحكيم، المسؤول، والكادر الكفو البتعتمد عليهو الجماعة.

ومن هنا واجب الشكر قبل الختام:
شكراً قرية سورتود،
وشكراً لأسرته الكريمة، الأسرة الربيّت وقدّمت للوطن
رجلاً بقامة وطن،
زرعت القيم وحصدت الفخر، وقدّمت نموذج يُشرف دنقلا كلها.

نقول ليك ألف مبروك التخرّج يا إبراهيم،
ومبروك للرابطة براجل حكيم بقامتك،
ومبروك لدنقلا بيك،
والجايات بإذن الله أوسع وأجمل.

بالجِملة بتتوزن خطاو، وبالفِعل يسبق البيان
راجل همّو في الجماعة، ما هزّتو تقلبات الزمان
من سورتود جا الفخر، والتراث فيهو عنوان
إبراهيم رافع الراس… ورمز لقامة وطن

ابراهيم الشريف

بسم الله الرحمن الرحيم رابطة أبناء دنقلا 🌴– أنداندي🇻🇨جامعة وادي النيل دورة ترهاقا نسي🇻🇨🎉 كرنفال استقبال الطلاب الجدد وود...
18/01/2026

بسم الله الرحمن الرحيم
رابطة أبناء دنقلا 🌴– أنداندي🇻🇨
جامعة وادي النيل
دورة ترهاقا نسي🇻🇨
🎉 كرنفال استقبال الطلاب الجدد ووداع الخريجين 🎓🎊
تحت شعار:
يا دنقلا سنعيدُ للأجيالِ عهدًا قد مضى
ويُسطرُ التاريخُ مجدًا خالدًا 🏺✨🇻🇨
أقامت الرابطة بالأمس، بحمد الله وتوفيقه 🙏، كرنفال استقبال الطلاب الجدد ووداع الخريجين، وسط أجواء مفعمة بالفرح والحماس 🎶🎺. وكان يومًا حافلًا بالتفاصيل الرائعة، عبّر بصدق عن هوية وعظمة الحضارة النوبية التي تمتد جذورها إلى عمق التاريخ 🏛️🌿.
🙏 الشكر الجزيل موصول إلى:
الكروان النوبي: أباذر قاشا 🎤🎶
المايسترو: والي الدين مقاصر 🎼
الإعلامي المتميز: خضر عبد الكريم (الدولي) 🎙️📺
فرقة أحفاد ترهاقا الاستعراضية 🇻🇨
عميد كلية تنمية المجتمع 🤝
كل الاخوة والداعمين للرابطه الذين كان لهم القدح المعلى في انجاح وقيام هذا الكرنفال كل الحب والتقدير والتجلة ♥
🤍 كما نتقدم بالشكر والتقدير إلى الروابط الشقيقة:
رابطة أبناء دنقلا – جامعة الشيخ عبد الله البدري 🤝
رابطة أبناء حلفا – السكوت – المحس بمجمع عطبرة 🌍
رابطة أبناء المناصير – جامعة وادي النيل
رابطة أبناء أمري – جامعة وادي النيل
رابطة أبناء شندي – المتمة – جامعة وادي النيل
رابطة أبناء مروي – الدبة – جامعة وادي النيل
🎓 نرحب بالطلاب الجدد في هذا الصرح العظيم، أهلًا بكم بين إخوانكم؛ نزلتم أهلًا وحللتم سهلًا 🌸
نتمنى لكم حياة دراسية حافلة بالنجاح والتفوق 📚✨.
🌟 وفي الختام، نتمنى للخريجين حياة عملية موفقة، فقد كنتم سندًا لنا في كل خطوة 💪🤍
ولا يعزّ على المرء الفراق، ولكنها سنّة الحياة ??.
🖋️
🔊

17/01/2026

🔴🔴🔴🔴🔴🔴🔴🔴🔴
أحباءنا الكرام تم تغيير موقع الكرنفال من كلية الهندسة الى كلية تنمية المجتمع "الحصايا "لظروف خارج ارادتنا

أبقو كتار 🔥

نلتقيكم على مسرح هندسونا يوم السبت المميز بمشيئة الله على الة المايكرفون الاعلامي المميز خضر الدولي ⏳❤ #كونو في الموعد 💪...
15/01/2026

نلتقيكم على مسرح هندسونا يوم السبت المميز بمشيئة الله على الة المايكرفون الاعلامي المميز خضر الدولي ⏳❤
#كونو في الموعد 💪
#صوت -الرابطة 🎙

#إذا بكل الحب نلتقي💛🎤 ..

Address

Atbara

Website

Alerts

Be the first to know and let us send you an email when رابطة أبناء دنقلا "جامعة وادي النيل"-انداندي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category