Veterinary Week UofK - أسبوع البيطار جامعة الخرطوم

25/08/2025

انطلاق حملة النظافة ونفير الطلاب بكلية الطب البيطري

انطلاقة حملة النظافة ونفير الطلاب بكلية الطب البيطري
تفخر اللجنة الموحدة لطلاب كلية الطب البيطري بالإعلان عن تعاونها مع مبادرة إعمار جامعة الخرطوم لإطلاق حملة النظافة ونفير الطلاب، يوم غد الموافق 26/8/2025، كخطوة أولى نحو إعادة الحياة إلى كليتنا بعد آثار الحرب. هذه الحملة الطلابية تهدف إلى تنظيف المرافق التعليمية، المختبرات والفصول الدراسية، وتهيئة بيئة صحية وملهمة للطلاب والأساتذة.

ندعو جميع الطلاب، الخريجين، الأكاديميين، والمؤسسات الداعمة للانضمام والمشاركة في هذه الحملة الوطنية. سواء بالمساهمة المباشرة في أعمال النظافة أو التبرعات والدعم المالي، فكل مشاركة تُحدث فرقًا حقيقيًا وتعكس روح الانتماء والمسؤولية الجماعية.

كن جزءًا من هذه الخطوة الرائدة، وساهم في إعادة كلية الطب البيطري إلى أفضل صورة ممكنة، وبناء مستقبل تعليمي نظيف ومستدام. مشاركتك اليوم هي استثمار في بيئة تعليمية أفضل للغد.

للتواصل وتنسيق النفير ومعرفة التفاصيل الأخرى، الرجاء التواصل مع الرقم: +249920983512

انضموا إلينا وكونوا شركاء النجاح والتميز في حملة النظافة ونفير الطلاب – خطوة أولى نحو كلية أنظف ومستقبل أكثر إشراقًا

19/05/2024

> فإمّا حياة تُسرُّ الصديق و إمّا مماتٌ يُغيظُ العِدى 🇸🇩

الشهيد محمد صديق إبراهيم

صاحب المقولة الشهيرة "الرهيفة التِنقد"
اللهمّ إنّ رحمتك وسعت كلّ شيء، فارحمه رحمةً تطمئنّ بها نفسه، وتقرّ بها عينه. اللهمّ اجِره من حر جهنم و اعفُ عنه و اغفر له و ارحمه و تُب عليه يا رب العالمين.. اللهمّ إنّهُ نَزَل بك وأنت خير منزولٍ به، وأصبح فقيراً إلى رحمتك، وأنت غنيٌّ عن عذابه فاللهم احشره مع خيرة عبادك 🇸🇩
؟
19/5/2024

15/04/2023

سلام عليكم

⭕️ اتذكر انك مدني و غير مسلح و ما تنساق ورا اي دعوة للخروج للشارع او حتى لتتريس الحي.

🔴 انتبه انو دي معركة اسلحة ثقيلة، و افضل حاجة تعملها انك تلتزم المنزل لغاية الاوضاع تروق، بعدها اطلع اشتري حاجات أساسية (طعام، أدوية، الخ) من اقرب مكان و ارجع التزم المنزل.

🔴 من الأفضل انك ما تساند ولا واحد من الطرفين و ما تحاول تخلق اي راي عام لأنك فاضي و متوتر و قاعد في السوشيال ميديا

🔴 التزم الهدوء و المراقبة و نشاطك في السوشيال ميديا ما يتعدى:
1. تهدئة الناس و الخطاب الايجابي
2. نقل الأخبار الموثوقة فقط لتنبيه و حماية الناس
___________________________________

*اللهم انا نستودعك السودان امنه وأمانه لك يا رب السموات والأرض،، اللهم هون علينا الشدائد و سهل خلاصنا من هذه الازمة التي اثقلت على البلاد والعباد اللهم انت تعلم أن فينا الضعيف والعاجز والطفل واليتيم والثكلى وام الأيتام نسألك يا الله بقوتك وعزتك ان تيسر لنا مخرجا من هذا الضيق الذي اثقل كاهل البلاد دون فوضى او خراب او دمار ، اللهم يا مقلب القلوب والأبصار اقلب حال السودان لأحسن حال، اللهم الطف بنا و احفظه لنا و احفظنا..

14/04/2023

ياتو نوع من الورق🤫🤫🤫

قلم الشيني وين؟🙂

-لا لا احسن اللون دااا😍😍

الخطاط منو منو😢🤯

لا لا دي احسن نعلقها هنا🤝🤝
دي محلها ما مظبوط

الباثوليجست محضرين ليكم....ا.. ام.. ل.... .. 😎❤‍🔥✔️

و الله هرشوني 🤐🤐🤐🤐🤐

ديل ناس الباثولوجي بعملو في عظمة وراء الكواليس🔥🔥🔥

خليكم قرااااب بس❤️❤️😍🤫

14/04/2023

حصل شفتو ليكم حيوانات مشوهه؟😮
طيب الكلب العندو كراع واحده ورا .؟ 😮 طيب طيب شفتوو الخرووووف العندو اربعه عيون؟ 😮😮😮😮😮
لمن تجو حا تشوفو الحصان العندو...😉 م دايرين نحرق ليكم المفاجاه 😆
ما تخاف ما تخاف 😂 الحاجات دي بتحصل وعندنا بالكوم موجودات وقسمنا بتاع الامراض الجميل مهتم بيهم شديد🤩
متحف كلية الطب البيطري.🏅🎉
ماعز بعين واحدة وخروف بأربعة قرون!!😮
يعد متحف كلية الطب البيطري بجامعة الخرطوم كلية الطب البيطري من اعرق واغنى المتاحف العلمية في العالم 😮🏅
المتحف يتبع حاليا لقسم الامراض pathology
المتحف طبعا من جوه فيهو الجانب العملي حيث يعرض المتحف الآفات المرضية الواضحة المعالم "زي العيون الفوق بتاعت الخروف 😂" وهو مصدر معلومات دولاب البيطرة بالجامعة ويضم على سبيل المثال حالات لتشوهات خلقية منها ولادة ماعز بعين واحدة وخروف بأربعة قرون وعادة تتكرر الالتصاقات بين التوأم لتخرج كائنا مشوها يتم فيه التصاق من ناحية الصدر او بالجزء الخلفي او ولادة حيوان بأكثر من اربعة ارجل وعادة اسباب التشوهات اما جينة وراثية او خلل في الغذاء او نتيجة وجود سموم او استعمال خاطئ للدواء . ويعد المتحف ايضا مزارا للطلاب من الكليات غير العلمية والجمهور السوداني ويتم اخذ العينات وعرضها في المعارض خارج اطار الكلية والدراسة للثقافة العامة.
يتم اعتماد العينات من المسالخ والحيوانات النافقة التي يتم تشريحها في مشرحة الكلية يتم حفظها في مواد تمنع تحلل العينات مثل الفورمالين 😮
- دقيقه دقيقه يعني قصدك الحيوان المشوه دا بحفظوه في علبه مقفوله فيها فورماالين وكمان ما بتغير شكله؟😮
ايييييون كدا..🤩🤩 بقيت بيطري شاطر انت 😹💕
يلا نتابع..😮
فا العينات الغريبة يتم أخذها بحذر خوفا من العدوى من الحيوانات النافقة والجثث والحيوانات الحية بعد ان يتم معرفة تاريخها المرضي وتخديرها او قتلها بالقتل الرحيم بواسطة المواد والادوية الكيمائية السامة او جرعات عالية من المخدر او بحقنها داخل القلب بعقاقير معينة.😔
المتحف ترد اليه العينات من المشرحة وهي عبارة عن غرفة تضم طاولات لتشريح الحيوانات الكبيرة وطاولات للصغيرة وغرفة مبردات لحفظ الجثث وونش صغير لرفع الحيوانات الثقيلة الحجم ويتم التخلص من بقية الجثث بدفنها او بحرقها في المحرقة الضخمة الموجودة بالكلية.💙

المتحف صراحه مليان حيوانات مشوهه وحيوانات محنطة 😮💕 والدكاتره حا يحكو ليكم القصص والروايات عن الحيوانات وحاتعرفو اكتر واكتر 😉🏅تاقي اصحابك وصحباتك عشان يزورونا ويستمتعوا..💙🏅

14/04/2023

البرالمة متجرسين من الهسبندري و الفسيو

الباثو:

14/04/2023

و باقي معنا محورين من محاور الأسبوع و هم أهم محورين🤝🤝🤝
الأول محور المعارض و التاني المحور الرياضي 🔥🔥🔥🔥😎
عندنا في محور المعارض
بتم دعوة الشركات لعرض منتجاتها و المساهمة بشكل فعال في حركة التبادل التجاري و عرض المنتجات او الخدمات لترويجها وتسويقها و برضوا التعريف بها و ممكن ان يكون مصحوب بالبيع المباشر للجمهور او موجها الى عامة المستهلكين و برضوا البازارات و المعارض العلمية و غيرها من انواع المعارض
و من المعارض دي.🔥🎊
معارض الشركات
المعارض التجارية و البازارات
معارض الأقسام العلمية
و اخيرا بنستضيف معانا الهيئات و المراكز البحثية
🔥🔥🔥🤝
و المحور الرياضي اكيييد فيه دوري كرة القدم و كرة الطائرة و بطولة الشطرنج🤫🤫🤫

و عشان تعرفوا تفاصيل اكتر ممكن تلقو كتيبنا التعريفي بأسبوع البيطار في التعليقات بالنسختين العربية و الإنجليزية 👇👇👇

14/04/2023

نحاول نوسع شبااااب 🔥🔥🔥🔥🔥🔥🔥🔥
اهووو النتيجة النهائية جت؟؟؟😎

الفائز بالتحدي بين جمعية الفيسيولوجي و الميديسن هو هو هو
الفيسيولوجي 🏅🔥🔥🔥🔥
باكتساااح وفااارق مقدر جدااا😆😆😆😆🔥🔥🔥🔥

هاردك الميديسن و لسسس الجاي كتير و التحدي الحقيقي في أسبوع البيطار 🔥🔥🔥🔥🔥🔥

12/04/2023

بتعرفو البدايات العظيمة ؟؟؟خلوها البدايات طيب بتعرفو المنافسات العظيييييمة؟؟؟🔥🔥🔥🔥

اول منافسة للبودكاست ح تكون بين مكنات كبار في البلد دي❤️❤️🔥🔥

ياخوانا منافستنا بين الفسيولوجي والميدسن🔥🔥🔥🔥😎

في أول بودكاست من نوعه بمواضيع شيقة، متنوعة و بونسة ممتعة مع اهم جمعيتين معانا❤️❤️

الفسيولوجي لايك والميديسن لاف وارح فججججرررررو البوست دا بي لايكاتكم أو لافاتكم سريع🔥🔥🔥🔥🔥😎

12/04/2023

عايزين تعرفو اكتر على البيطار؟
عايزين تعرفوا عنهم شنو طيب اكتر؟
و عايزين تعرفو عن ياتو جمعيات اكتر و اكتر؟

فطيب لازم تاخدو الكلام من خشم سيدوا
فإذا كنتو بتحبو تستمعوا و تستمتعوا

فتحنا ليكم نافذة جميلة🔥🔥🔥
تقدرو من خلالها تسمعوا عننا و عن تخصصنا و عن جمعياتنا أكتر و أكتر
و تقدرو من خلالها انو نجاوبكم عن أسئلتكم و يترد عليها بصورة مبسطة شديد...
في

برووووودكاست البيطار 💥

بياخدكم فيها البيطار في عالم خاص، بحلل معاكم معظم مشاكل و قضايا المهنة و بشرح ليكم لي البيطار موجود أصلا🔥🔥

بيصحبكم و معاه نخبة من أهل الاختصاص و شباب مبادر في مختلف الجمعيات

ح نسأل و نناقش و انتو تعرفوا و تسمعوا و تستمعوا
و لسة اكتر

مقابلات جميلة مع شباب الجمعيات و أعضاء اللجان و الدكاترة 🤩
و دي بداية بسيطة شديد، تحمسكم لحد نبدأ الورش و نستضيف الدكاااااترة 😉

انتظرونا في سلسلة البيطار برودكاست 🔥

12/04/2023

مقتطفات من الفعاليات المختلفة لجمعية التناسل و التوليد 🔥🔥🔥😍

و لس محضرين ليكم فعاليات أكتر🤫🤫 🔥🔥🔥🔥🙌 🤗🔥🔥