25/12/2024
انا اسفه بس لازم تقرو الاستشاره دي 🤣🤣🤣🤣🤣🤣🤣🤣🤣
استشارة :
بحب لي واحد يلا هو بتاع خلع شديد
مثلا يجي يوقف العربية ينزل يولع السـ.ـيجارة
ويجع الزناد في الهواء ويمسكو ويولع السـ.ـجارة وينزل النظارة يعاين يمين وشمال ويمشي
اتكلمته معاهو كتير انت زول كبير الحركات دي ماتعملها قال لي دي شخصيتي
يجي ماشي بكون رافع راسووو فوق نظام مفتري وبمشي كانو معضل وهو ضـ.ـعيف
تاني بتـ.ـعاور مع صحباتي بخلف رجلو بشبكها اسمك منو بتقول لي ريم بقولها معليش بنسي
مشاغل الدنيا المهم عشان ماضيع زمني وبفتح الموضوع
واي شي في الدنيا دا بعرفوا عامل ابو العريف
وخاتي في المقعد لابكوت وبدلة معلقها نظام دكتور وهو شغال في السوق ساي
وكلامو كلو كبار بجيني وانا بكون مستنية مع صحباتي بجي ماشي نظام بتكلم بالتلفون
يازوول اعتبرها صدقة ودي صدقة جارية لازم تقبلها مني
ومرة يجي نظام بتكلم اسمع زسل لي ٢٠ ملـ.ـيار بنـ.ـكك و١٠ دخلها في المشروع الزراعي طبعا كلو طـ.ـلس
بجي شايل موية الصحة محـ.ـشش بيها وماشي تنتنهي بنزل بملها من اي كولر
شايل تلفونين روبيكا وتلفون كبير اي حتة يقعد لازم يطلعهم وعندو
يوم مشينا اجمالي ا امو دقت لي اجيب مواد تمونية قال لي ارح البقالة مشيت معاهَو بتاع البقالة مشرحو انو عندو شركات قال اتفضل قال جيب الكرسي القاعد فيهو دا وقعد وين الورق انا كنت جاي اشيل منك كراتين رمضان للمساكين اشتغل معاي كويس يازول اكتب عندك بصل جبنة طحنية فـ.ـراخ ورجغ ورجغ ورجغ عندو ولد شغال معاهو شبكاو لبك كدا ياولد افتح قزازتين بارد جيبها واشرب انت زاتك قام الشافع قال لي شكرا دي منو المعاك دي قصدو انا قال لي دي السكرتيرة بتاعتي
دا اغيروا كيف الكائن دا حيرني عديل
دا اغيرو كيف
