Majalada Jaamacadda Addis, majalada addis, Burco (2026)

31/12/2015

Aafooyinka Qaadka
Waa maxay Qaadku?
Maxaa kamida Aafooyinka uu keeno?
Qaadku waa nooc kamid ah maandooriyayaasha (drugs) loogu isticmaalka badanyahay waddankeena kaas oo inbadan oo bulshadeena kamid ah aanay fahansanyn dhibta uu keeni karo ama sida fudud ee uu ugalaafan karo nolosha bulshadeena hadaba waxaan doonayaa intii suuro gal ah inaan maqaalkan kaga hadlo waxyeelooyinka Qaadka.
Hadaan kuhoreeyo sida uu nolosha bulshadeena wax uga badalay Qaadku waxa kamida in uu meesha kasaaray dhaqankii, diintii iyo damiirkii uu qofku kuxishoon jiray waxa kaloo uu burburiyay dhaqaalihii bulshada yadoo maalinkasta dalka laga dhoofiyo lacag malaayiin dollar ah taas oo laynoogu soobadalayo shay nafteena iyo horumarkeenaba baabiinaya.
Qaadku waa mid ka mid ah waxyaabaha khakhaliya maskaxda (psychotic disorders) kuwaas oo sababa xanuunka waalida, haayada caafimaadka aduunka (WHO) ayaa cilmi baadhis ay kasamaysay magaalada hargaysa oo ay kusamaysay dadka qaba xanuunka waalida ayaa lagu ogaaday in 83% dadka qaba cudurka waalida ay ahaan jireen isticmaalayaasha qaadka.
Hadaba hadaan toos udhexgalo dhibaatooyinka uusababo qaadku waxaynu ukala qaadaynaa xanuuno laba qaybood:-
1: xanuunada markiiba qofka kudhaca ( rapid mental disorders)
2: xanuunada khatarta badan ee uu sababo ( severe mental disorders)
1:Xanuunada dadka qaadka cuna aan laga waayin ee markiiba kudhaca marka qofku qaadka bilaabo waxa kamida:-
Alertness(mushaki): waxa weeye qofku inuu noqdo qof marwalba dareenkiisu kacsanyahay oo qoonsimaad badan.
Aggressiveness(cadho badan): waa inuu qofku noqdo mid aad udulqaad yar oo markiiba cadhooda ama marmarka qaar aan kala garanayn inuu saxan yahay iyo inuu khaldanyahay
Blood pressure(dhiikarka): waxa sidoo kale aan qofka qaadka cuna aan lagaba waayi Karin khalkhal xaga dhiiga ah waxa ay soomaalidu utaqaan DHIIKARKA
Paranoia(khaakhaayiraad): sidoo kale waxa uu qofku yeeshaa khaakhaayiraad yadoo ay kuxidhantahay xadiga qaadka ah ee uu cuno iyo waliba wakhtiyada uu cuno
Insomnia(hurdo yari): qofku wuxu yeeshaa sidoo kale hurdo yari farabadan
2: xanuunada khatar ah ee kudhaca dadka qaadka cunana waxa kamida:-
MIGRAINE: waa madax xanuun aad uculus oo sababa araga qofku inuu daciifo
BLEEDING IN THE BRAIN: waa mid kamida xanuunada ugu khatarsan ee qaadku sababo waana in qofka maskaxda dhiig kaga furmo
HEART ATTACK: waa yadoo si lama filaana wadnaha qofku ujoojiyo shaqada waxa aynu unaqaan WADNE ISTAAG
CHANGE IN S*X DRIVE: waa yadoo qofku tahli waayo ama ay yaraato kayqab qaadashadiisa taranka jinsiga
Dadka uu mamnooca kayahay cunitaankiisuna waxa kamida:-
PREGNANCY AND BREAST FEEDING MOTHER: hooyada uurka leh iyo ta jaqsiinaysa ilamaha waa ka mamnooc cunitaankiisu sababtu waxa weeye in suntiisu ugudbayso ilmaha
DIABETES: yagana waxaan loo ogolayn dadka MACAANKA qaba waayo qaadku wuxu yareeyaa amateetka (less appetite) qofka macaanka qabaana kuma noolaan karo xaaladaa
HIGH BLOOD PRESSURE: qaadku wuxu kordhiyaa garaac wadnaha taasna waxay khatar galinaysaa qofkii awalba garaaciisu sareeyay.

Qalinkii: A/rahman Mohamoud Elmi ( BROVO)

17/11/2015

waxaa todobaadkan Jaamacada Addis qabanqaabinaysàa Kulan balaadhan oo lagu soo bandhigi doono barnaamij cusub. Martida Haldoor ka ah oo xubno dhowr ah waxaa ka mid ah Abwaan Hadraawi

01/11/2015

DHIBAATOOYINKA AY SABABAAN DAWOOYINKA LAYSKU CADEEYO (COSMETICS)
Waxa jira dhibaatooyin laga dhaxlo dawooyinka laysku cadeeyo kuwaas oo galaafan kara nolosha maalaayiin qof oo isticmaala dawooyinkan laysku cadeeyo hadaba waxaan doonayaa inaan maqaalkan kusoo ururiyo qaar kamida ah dhibaatooyinka iyo xanuunada ay sababaan dawooyinka laysku cadeeyaa.
Waxa jira ili ma aragtay ( micro-organism) looyqaano ( micro flora) kaas oo laga helo maqaarka guudkiisa, ili ma aragtaygani wuxu faaiido badan uleeyahay qofka binu-aadamka ah tusaale ahaa shaqooyinka uu qabto waxa kamida : Wuxu ladagaalamaa xanuun sababayaasha ( pathogens) oo uu ka ilaa inay yimaadaan maqaarka qofka sidoo kale wuxu lashaqeeyaa habka difaaca jidhka (immune system).
Hadaba dawooyinka laysku cadeeyo waxay dilaan MICROFLORA waayo waxa kujira xanuun dilaha looyaqaan (antibiotics) kasoo sifudud udilaya ili ma aragtaygan yar, dawooyinka laysku cadeeyo waxa caadiyan loogu talagalay in loo isticmaalo dawo ahaan tusaale ahaan dhiiqada looyaqaan binoofaada (dermovate) waxa loogu talagalay in loo isticmaalo daawaynta finanka sida fin-doobka (Acne)
Inta badan waxaad ku arkaysaa waxyaaha laysku cadeeyo waraaqaha lasocda (leaflets) yada oo ay kuqorantahay dabiici (natural/herbal) ereyadan waxa isticmaali kara cidwalba oo doonta si bilaa shuruud ah, laakiin qofka waxa looga baahan yahay inuu eego waxyaabaha uu shaygani kasamaysanyahay (ingredients) si uu qofku u ogaado khatar kujiraa inta ay leegtahay.
Waxa jira curiyayaal (elements) aad khatar u ah oo hadaad ku aragto in shaygani kasamaysanyahay ay tahay inaad ka fogaato waxana kamida:
1: MERCURY: waa curiye aad khatar u ah oo ah xasaasiyad dhaliye (allergen) daciifiyana maskaxda khatarna uleh ilmaha yare e hooyadu jaqsiinayso
2: LEAD: waa curiye laga helo waxyaabaha lagu casaysto afka (lipsticks) iyo kuwa lagu midabeeyo timaha (hair-dyes) inta badana wuxu ugu jiraa qashin ahaan (waste products) 3:PARABENS: waa mid kamid ah waxyaabaha ugu khatarsan wuxu waxyeeleeya taranka
Xanuunada ay keenaan dawooyinka laysku cadeeyaana haddaynu qaaar soo qaadano waxa kamid ah:
1:ECZEMA: waa xanuun maqaarka ku dhaca aanaad ku arkayso biyo galay jidhka (blisters)
2:URTICARIA: waa cuncun isubadalaya boogo (wounds) kunadhacaya jidhkoo dhan
3: ALLERGY
4: ACNE: finan dheecaan leh oo kasoo baxa jidhka gaar ahaana wajiga
Gabagabadiina waxa jira darasaad badan oo laga sameeyay dawooyinka laysku cadeeyo dhamaana waxa ay isku raaceen khatar wayn ee kujirta isticmaalka dawooyinkan.

Qalinkii: Abdirahman Mohamoud Elmi (BROVO)

22/09/2015

Carwo Cilmiyeed ay Jaamacaddu ku soo bandhigaysay Aqoonta ay Ardayda Barto iyo Sidoo kale soo dhowayn Ardayda Sanadkan isdiwaagelinaysa oo muddo Saddex maalmood ah socday ayaa shalay (Isniin, 21 September 2015) la soo gebogebeeyey.

05/09/2015

Ujeedada Majaladda

1. In ay Aqoonta Jaamacadda taalla soo gaadhsiiso guryaha, goobaha shaqada, ganacsiga iyo dadka iska fadhiya maqaaxiyaha suuqa si loo abuuro dhaqan wax akhris, sii loo dhiirgeliyo, isla markaana la koriyo wacyiga iyo ogaalka qofkasta oo bulshadeena ka mid ah.
2. In intii suuro gal ah aqoonta loo bedelo afsoomaali, si luuqada Hooyo dhulka looga soo kiciyo isla markaana ugu biirto luuqadaha aqoonta ku qoran oo aanay hadda ku jirin.
3. In la tuujiyo garaadka iy maskaxda dihin ee Ardayda, si ay wax u baadhaan, wax u fahmaan, wax u dabaqaan bulshadana ugu soo bandhigaan.
4. Inay soo gudbiso Aqoon baadhis kasta oo ay jaamacaddu samaysay iyo wixii ka soo baxay
5. Inay soo gudbiso Doodaha cilmiga ah ee Ardayda dhexmarta
6. Inay soo bandhigto Kiisaska bulshada ka dhexdhaca ee Aqoonyaridu keento ee ubaahan in si cilmiyaysan loo xaliyo
7. Inay soo gudbiso Fariimaha muhiimka ah (wacyi-gelin xaalad markaa taagan) ee jaamacadu rabto inay bulshada si wadar ah u gaadhsiiso

Hiigsiga Majaladda

Maadaama ay tahay majaladii ugu horaysay ee nooceeda ah, waxay hiigsanaysaa;
1. Inay noqoto barkulan inta Aqoonta u saaxiibka ah ay isku waydaarsadaan kelmedaha, waayo aragnimada iyo doodaha cilmiga ku salaysan

Address

Majalada Addis
Burco
252

Telephone

634310356

Website

http://Wwww.majalada.com/

Alerts

Be the first to know and let us send you an email when Majalada Jaamacadda Addis posts news and promotions. Your email address will not be used for any other purpose, and you can unsubscribe at any time.

Contact The University

Send a message to Majalada Jaamacadda Addis:

Majalada Jaamacadda Addis