Daha International University Buhodle Campus

12/09/2026

🎓 HAMBALYO ARDAYDA SANADKAN DIFAACATAY BUUGTA QALINJABINTA

Daha International University – Faraca Buuhoodle waxay hambalyo iyo bogaadin u diraysaa dhammaan ardaydii sanadkan si guul leh u difaacatay buugaagtooda qalinjabinta, kaddib dadaal, dulqaad iyo hawl adag oo ay soo mareen.

Guusha maanta waa bilowga safar cusub oo aqoon, adeeg bulsho iyo mustaqbal ifaya leh. Waxaan idiin rajaynaynaa in aqoontii aad jaamacadda ku barateen aad ugu adeegtaan bulshada iyo horumarka dalka.

Daha International University – Faraca Buuhoodle
“Aqoontu waa furaha horumarka.”

09/09/2026

14/06/2026

Muuqaal kooban oo laga duubay jaamacadda Daaha faraceeda Buuhoodle, iyada uu imtixaankuna uu si habboon u socday.

Ardada waxaan u rajaynaynnaa guul iyo natiijo wacan iyo in uu nabadqab innagu gaadhsiiyo sannad dugsiyeedka cusub.

12/06/2026

Jaamacadda Caalamiga ah ee DAAHA Faraceeda Buuhoodle

Habay nimadii khamiista taariikhdu markay ahayd 11/Juun, 2026
waxaa si guul leh inoogu soo dhammaaday imtixaankii ugu dambeeyay ee simistarka labaad ee sannad-waxbarasheedka 2025-2026

Dhammaan ardayda waxa aanu u rajaynaynnaa guul iyo horumar wanaagsan.

19/05/2026

بِسْمِ اللهِ الرَّحْمٰنِ الرَّحِيْم

Tacsi Tiiraanyo Leh

Maamulka, macallimiinta, shaqaalaha iyo ardayda Jaamacadda Daaha Faraceeda Buuhoodle waxay tacsi tiiraanyo leh u dirayaan ehelkii, qaraabadii, asxaabtii iyo guud ahaan bahda caafimaadka ee uu ka baxay Alle ha u naxariistee Dr. Mubaarak Cabdi Nuur, oo ka mid ahaa dhakhaatiirta ka hawlgasha deegaannada Dawlad Waqooyi Bari, gaar ahaan Cisbitaalka Dhexe ee magaalada Buuhoodle.

Geerida marxuumku waxay murugo iyo tiiraanyo ku reebtay bulshada uu u adeegayay, isagoo ahaa dhakhtar lagu xasuusan doono dadaalkiisii, naxariistiisii iyo kaalintii uu ka qaatay adeegga caafimaadka bulshada.

Waxaan Alle SWT uga baryaynaa inuu janadii Firdowsa ka waraabiyo, qabrigiisana u waasiciyo, samir iyo iimaanna ka siiyo dhammaan ehelkii, asxaabtii iyo shacabka uu ka baxay.

إِنَّا لِلّهِ وَإِنَّـا إِلَيْهِ رَاجِعونَ

08/05/2026

Habeennimadii Khamiista ahayd oo ay taariikhdu ku beegnayd 7-da bisha May, 2026, waxaa hoolka jaamacadda Daaha faraceeda Buuhoodle ka qabsoontay, xafladda xilwareejinta guddoomiyihii h**e ee ururka ardada jaamacadda iyo guddoomiyaha cusub.

Jaamacaddu waxa ay goddoomiyaha cusub ugu hambalyaynaysaa xilka uu qaaday ee ay ardadu u idmatay, waxa ayna u rajaynaysaa shaqo, isbeddel, iyo dedaal hoggaamineed oo wanaagsan.

05/05/2026

Jaamacadda Daha oo u hambalyaysay Agaasimaha Cusub ee Wasaaradda Waxbarashada

Jaamacadda Daha, faraceeda Buhoodle, waxay si sharaf iyo qadarin leh hambalyo iyo bogaadin ugu diraysaa Mudane Mukhtaar Maxamed Culujoog oo loo magacaabay Agaasimaha Guud ee Wasaaradda Waxbarashada, Hiddaha iyo Tacliinta Sare ee Dowladda Woqooyi Bari.

Magacaabistan muhiimka ah waxay ka tarjumaysaa kartida, khibradda iyo kalsoonida buuxda ee lagu qabo hoggaamintiisa, iyadoo la rajaynayo inuu door muuqda ka qaato horumarinta waxbarashada, kobcinta aqoonta iyo tayeynta nidaamka tacliinta sare ee deeganka.

Jaamacaddu waxay si gaar ah ugu faraxsan tahay xilkan loo igmaday, waxayna ku kalsoon tahay in uu si hufnaan, daacadnimo iyo karti leh u gudan doono waajibaadkiisa qaran.

Ugu dambayn, Jaamacadda Daha waxay Eebbe uga baryaysaa inuu ku garab galo xilkan culus, ku asturo caafimaad iyo awood, kana dhigo mid ku guulaysta himiladiisa, wax badanna u tara bulshada iyo qaranka.

24/04/2026

Hambalyo Ardayda Jaamacadda ee Soo Gabagabeeyey Imtixaanka Mid-Termka.

Taariikh: 24-4-2026

Waxaa sharaf iyo farxad noo ah in aan hambalyo diirran u dirno dhammaan ardayda Jaamacadda Caalamiga ah ee Daha, Faraceeda Buuhoodle, oo si guul leh u soo gabagabeeyey imtixaankii Mid-Termka ahaa ee sannad-dugsiyeedka 2025–2026.

Maamulka Jaamacaddu waxa uu si gaar ah idiinku bogaadinayaa dadaalka, dulqaadka, iyo waqtiga aad geliseen waxbarashadiinna muddadii imtixaannadu socdeen. Waxaan idiin rajaynaynaa guul muuqata, darajooyin sare, iyo mustaqbal ifaya oo ku dhisan aqoon iyo karti.

Sidoo kale, Jaamacaddu waxay ku dhiirrigelinaysaa ardayda in ay sii wadaan dadaalka iyo horumarka si ay u gaaraan himilooyinkooda waxbarasho iyo kuwo nololeedba.

23/04/2026

Guddoonka Jaamacadda oo Hambalyeynaya Guddoomiyaha Midawga Ardayda.

Guddoonka Jaamacadda Daaha Faraceeda Buuhoodle waxay si rasmi ah oo kal iyo laab ah ugu hambalyeynayaan Guddoomiyaha cusub ee Midawga Ardayda Jaamacadda, Mudane Maxamed Jaamac Maxamed, oo ku guulaystay doorashadii ka qabsoontay xarunta dhexe ee jaamacadda habeennimadii Khamiista.

Doorashadan oo ahayd mid si wanaagsan u qabsoontay isla markaana xambaarsanayd xamaasad iyo tartan hufan, waxay muujinaysaa kalsoonida ballaadhan ee ay ardaydu ku qabaan hoggaamintaada iyo kartidaada.

Guddoonka Jaamacaddu waxay kugu dhiirrigelinayaan inaad si masuuliyad, hufnaan iyo daacadnimo leh u gudato waajibaadkaaga, adigoo xoogga saaraya:

1- Horumarinta iyo hirgelinta himilooyinka ardayda.
2- Xoojinta midnimada iyo wadajirka ardayda.
3- Adkaynta xiriirka iyo iskaashiga u dhexeeya. ardayda iyo maamulka jaamacadda.

Sidoo kale, maamulka jaamacaddu waxay kuu ballanqaadayaan garab istaag buuxa iyo wada-shaqayn dhow si aad ugu guulaysato xilka laguu igmaday.

Ilaahay ha ku waafajiyo gudashada masuuliyaddaas culus, hana kaa dhigo hoggaamiye ku dayasho mudan oo bulshada ardayda u horseeda horumar iyo midnimo.

23/04/2026

Ka qaybgalka Jaamacadda Daaha ee Shirka Wadatashiga Tacliinta Sare.

Jaamacadda Daaha faraceeda Buuhoodle waxa ay ka qayb gashay shirka wadatashiga tacliinta sare ee ay soo qabanqaabisay Wasaaradda Waxbarashada, Hiddaha iyo Tacliinta Sare ee Waqooyi Bari Soomaaliya, kaas oo lagu qabtay xarunta Wasaaradda ee caasimadda Laascaanood.

Shirkan oo ay ka soo qaybgaleen jaamacado kala duwan oo ka hawlgala deegaannada Waqooyi Bari, ayaa diiradda lagu saaray horumarinta tacliinta sare, tayaynta waxbarashada jaamacadaha, iyo xoojinta iskaashiga u dhexeeya Wasaaradda iyo jaamacadaha.

Intii uu socday kulanka, waxa si qoto dheer looga dooday caqabadaha jira iyo fursadaha horumarineed, iyadoo la isla qaatay muhiimadda ay leedahay mideynta jihada tacliinta sare iyo waafajinta siyaasadaha heer dawlad goboleed iyo heer federaal.

Jaamacadda Daaha faraceeda Buuhoodle waxa ay muujisay sida ay uga go’an tahay horumarinta tacliinta sare, tayaynta manhajyada, iyo xoojinta wada shaqaynta jaamacadaha kale.

Ugu dambayn, Jaamacaddu waxay soo dhaweynaysaa go’aannada iyo talooyinka kasoo baxay shirka, waxayna ballanqaadaysaa inay kaalin muuqata ka qaadan doonto hirgelinta qorshayaasha lagu horumarinayo tacliinta sare.