05/05/2026
Ardayda Kulliyadda Social Science, gaar ahaan waaxda Maamulka Dawladda (Public Administration) ee Jaamacadda Gollis Erigavo, ayaa safar waxbarasho iyo cilmi-kororsi ku tagay Hay’adda Shaqaalaha Dawladda (Civil Service Commission).
Booqashadan ayaa ahayd mid muhiim u ah ardayda, maadaama ay si toos ah uga barteen shaqada iyo waajibaadka hay’adda, habka shaqo qorista, maamulka shaqaalaha dowladda, iyo nidaamyada lagu hormariyo adeegyada dadweynaha. Intii ay booqashadu socotay, ardaydu waxay heleen fursad ay su’aalo ku weydiiyaan masuuliyiinta hay’adda, taas oo ka caawisay fahamkooda ku saabsan sida maamulka dawladdu u shaqeeyo.
Ujeeddada booqashadan waxay ahayd:
- In ardaydu helaan khibrad dhab ah (practical experience)
- In la xoojiyo aqoonta ay ka bartaan fasalka
- In la kobciyo fahamka maamulka iyo shaqaalaha dowladda
- In la abuuro xiriir waxbarasho oo u dhexeeya jaamacadda iyo hay’adaha dowladda
Gabagabadii, booqashadani waxay ahayd mid wax ku ool ah oo ka qayb qaadatay horumarinta aqoonta iyo xirfadaha ardayda, isla markaana u diyaarisay mustaqbalkooda shaqo ee dhinaca maamulka dawliga ah.
