03/06/2022
Dood miidhan.
Khudbadii jimcaha wadaadku uu akhriyay.
"Dad dhoohan iyo ku dul sheegistii dood miidhan"
Anigoo iska barqeystoo , hurdadii miistay ayaan haleelay noloshii , joogsi , ismaja xaabis , iyo isdiyaarin kadib waxaan haleelay masaajidka oo aan islahaay bal kasoo hel tamar oo allihii ku abuurtay gurigiisa haleel.
Maalintu waa jimco , salaada ka hor bahal khudbo la yidhaahda ka h**eyso lagu yara akhirinaayo af qalaad , se bulshada inta kutubta dhaga-dhageyso ayuunbaa fahmayso oo wadaadka la yara miisto , mise kuwa kale dhafooradey heystaan , faham iyo khushuuc midna k**a ahan ee hurdey iska yara celinayaan , inta kale waaba iska yara caruur masjidka oo ciyaarta ayey ku fooganyihiin , xaaladahoo beriga dhexe maraayo , wadaadku ha furfurto , salaan kadib , mahad celin eebe kadib , ciwaankiisu bilaabay mise waaba dood miidhan , oo dadkii baan eegay inta fahmaysa yar , inta kale indho caseysi ayeyba galeen , caruurtiina ciyaar , bal waan isku diyaariyay , doodii wadaadku bilaabay iyo intaan ka akhriyay doodaas ayaan hadba is dhinac dhigaa.
Dooda wadaadku waxay ka duuleysaa "Naqdinta/diidanaanta Dastuurka" , waa dood weyn ammin/waqti h**e soo bilaabatay , wadaadku wuxuu leeyahay , Umada islaamka dhan , bilowgeedii , danbeytadeydii , qorax soo bax ilaa iyo qorax dhac waxay leeyihiin Hal dastuur kaaso ah kitaabka qur'aanka iyo sunada Nabigeena NNKH , Intaas waan ku raacsanahay balse waxaan kaga fakar duwanahay , iyadoo kitaabka la heysto ayaa dastuur la sameysan karaa , kaaso saldhigiisu yahay kitaabka iyo sunada , sida dowladaha islaamko dhan ay ka simanyihiin.
Wadaadka waxaan kaga duwanahay in ummada islaamka oo dhan aysan aheyn hal qowmiyad/qabiil , balse aynu nahay kuwa qabiil ahaan , caadooyin ,deegaan ahaan , qaab siyaasadeed , afaf ahaan , xeerar ahaan/xeer hoosaad ,fan ahaan kala duwan.
Kala jaadkaas ayaa keenaya inaan kitaab ka sinaano balse dastuur ku kala duwnaano.
Wadaadku wuxuu ka dhawaajiyay in islaamka lagu soo duulay , oo loo keenay wax xun oo ah dimuquraadiyad ,balse wadaadku wuxuu qodobkaas ku daray inay tahay "ilaahay diid" amakaag ayaa iga sooharay in dimuquraadiyadii sidaas loo dhigay , oo wadaadku xaguu kasoo meersaday sadaradaas ileen waaba adigii akhriyay kuwii ay qoreen galbeedkee , markaas baan is idhi "Dimiquraadiyadu sow ma aheyn hanaan siyaasadeed , kasoo af bilaabatay umadihii giriiga , islaamka horaantiisa sow doodeedu lama furin , sow ma aheyn Democracy in awooda shacaba lagu celiyo , oo labo waaweyn aheyd , mid toos ah , iyo mid matalaad/baarlamaan ah" bal xaguu ka keenay wadaadku inay tahay mid diiday ilaahey? Se dadkii ayaan eegay mise waaba kuwa dhafoorada iska heysto fakaraya iyo kuwa cayaaraya.
Salaaddii kadib ayaan wadaadkii bariidsaday , is warsanay ,oo aan isago meel iska fadhiyo dul tagay , isbaranay , waxaan kula taliyay, in khudbada jimcaha lagu akhriyo afsoomaali si dadku u fahmaan , Markaasu i yidhi " wey banaantahay balse dadkaa carabiga rabo" bal waxaa dhahay "sheikhow bal carabiga kadib afkeena raacsii , isaga nooleyn iyo wacyi rabe".
Bal wax ku darso , oo ila wadaag khudbaddii jimcaha , iyo doodii ay xanbaarsaneyd.
.
W/Q: Mohamed Da'ud Cabqari
