16/08/2023
Intee ilmahaagu, kalsooni ku qabaa in uu kuu sheego waxkasta oo la kulma ama ka guuxaya maankiisa?..........................................................................
Abuuridda xidhiidh adag oo furan, kuna dhisan kalsooni oo ilmaha lala yeesho ayaa fure u ah in ay kula wadaagaan wax kasta. Waxa aan jeclaystay in aan kula wadaago qaar ka mid ah xeeladaha sahlaya abuuridda wada-hadal furan oo kalsooni leh oo dhex mara waalidka iyo ilmahiisa:
1. Noqo mid lagu soo hirto, loona dhawaan karo(Be approachable): Abuur jawi diiran oo soo dhawayn leh, halkaas oo ilmahaagu ku dareemayo kal-gacal iyo kal-sooni uu kuugu yimaado.
U muuji xiisaha dhabta ah ee aad u qabto fikirradahooda iyo dareenkooda adiga oo danaynaya, si firfircoon u dhegaysanaya hadalkooda marka ay rabaan inay hadlaan.
2. U dhega nuglow in aad dhegaysato (Practice active listening): Marka ilmahaagu hadlayo, sii dareenkaaga oo dhan. Sii indhaha oo eeg(eye contact), Madaxa u lux si aad u tusto in aad fahantay warkiisa, iskana ilaali inaad ka dhex gasho, kana badh-goyso hadalka ama aad markiiba go'aanka siiso adoon dhegaysan warkiisa.
3. U muuji dhibirsanaan iyo fahan (Show empathy and understanding): U caddee inaad fahantay oo aad ixtiraam u hayso aragtidooda, xataa haddii aanad ku raacsanayn. Iska ilaali inaad iska indha tirto ama hoos u dhigto dareenkooda, waaya-aragnimadooda, ama ra'yigooda. Tix-geli dareenkooda(shucuurtooda), kuna dhiiri geli inay si xor ah u cabbiraan fakarkooda.
4. Samee aag aan ilmuhu ka cabsan in go'aan ku dhaco (Create a judgment-free zone):
U muuji ilmahaaga inay kula wadaagi karaan wax kasta iyaga oo aan ka baqayn in lagu xukumo ama lagu ciqaabo fakarka ay kula wadaageen. Ha ogaadaan inaad u joogto inaad u hiiliso, caawiso oo aad hagto, intii aad dhaleecayn lahayd ama aad cambaarayn lahayd falalkooda. Noqo waalid fur-furan oo xasuusan in fikirradahoodu ay ka duwanaan karaan kuwiisa.
5. Dulqaad muuji oo ha ka falcelin markiiba (Be patient and non-reactive):
Ha
