16/01/2025
Reer Qaza ugu dambeyn wey guuleysteen alxamdullahi rabbil calamiin AKHRI HISHIISKA
Maxaa lagu heshiisiiyey Israa'iil iyo Xamaas?
Heshiiskii muddada la sugayey ayaa si rasmiya loogu dhawaaqay in ay labada dhinacba qalinka ku duugeen oo ay saxeexeen. Waxana la xalliyey qodob aad laysugu diiddanaa oo ahaa sii joogista Israa'iil ee qaybo ka mida Qasa. Qodobda heshiiska.
Marxaladda koowaad 1aad.
● In Israa'iil si rasmiya u joojiso duullaankeeda Qasa ayna ku laabto halkii ay joogtay ka hor 7 October 2023 oo ahayd xadka ka baxsan Qasa.
● In Xamaas sii deyso 33 ka mida maxaabiist ay ka haysto Israa'iil iyo reer Galbeedka. Halka Israa'iil looga fadhiyo in ay oodda ka soo qaaddo 1000 reer Falastiin oo isugu jira haween, ubad iyo maxaabis kuwaas ay qalaaftay ka dib duullaankii 7 October.
● In Israaiil sidoo kale sii dayso maxaabiis ka badan 600 ah oo ay ku jiraan 250 ku xukunnaa xabsi da'iin.
● In Qasa loo ogolaado geynta gargaarka dadku u baahan yihiin kaas oo 600 oo gaadhi oo sida shidaal, cunto, dawo iyo wixii kale ee lagama maarmana.
● In dadku u soo laabtaan guryihii laga barackiyey ee laga dumiyey waxana hawshaas kor joogta ka ahayna guddi ka socota Qadar iyo Masar.
● In Israa'iil joojiso ciqaabta ay ku hayso Maxaabista reer Falastiin ee xabsiyadeeda ku jira
● Israaiil waxay furi doontaa marinka Rafax oo ah halka gargaarku soo marayo.
● Heshiiskan xabbad joojinta wejigiisa koowaad wuxuu soconayaa muddo 6 toddobaad ah ama 42 dharaarood.
● In dhaawacyada iyo dadka xanuusanaya loo ogolaado in ay ka baxaan Qasa iyaga oo maraya dhinaca Rafax ka dibna ka baxaya Masar.
Marxladda labaad.
Wejiga labaad ee heshiiskan waxa waxa diirrada lagu saarayaa ka bixintaanka dhammaanba ciidanka Israaiil ee Qasa iyo xabbad joojin waarta oo dhaqan gasha.
Marxaladda saddexaad.
●In laysu celiyo wixii maydad la kala haysta gaar ahaanna dadka muhiimka sida Yaxye Sinwaar oo maydkiisa ay Israa'iil gacanta ku hayso.
●In la dhiso Qasadii la dumiyey waxana hawshan u xil saaran Masar, Qadar iyo Maraykanka iyaga ayaana heshiiskan kor joogto ka ahaanaya.
Dhaqan gelinta heshiisku waxay bilaabmaysaa Axadda soo socota oo bishu tahay 19. Waxana ku dhawaaqay raysal wasaaraha Qadar oo marti loo ahaa.
Caawa damaashaad iyo farxad ayaa ka socota Qasa. Sidoo kale madax kala duwan ayaa heshiiskan soo dhoweeyey. Donald Trump wuxuu sheegay in uu isagu heshiiskan aabbe u ahaa taasina muujinayso sida uu uga dhabeeeyey ololihiisi doorashada iyo weliba sida uu u yahay wiil nabadeed
Haddii aad sadarada heshiiska eegto waxa kuu soo baxaysa in Israa'iil si k**a dambaysa isu dhiibtay oo aanay awoodi dhinaceeda jirin.
W/q:jaamac shube
