Midowga Ardayda Jaamacadda Kismaayo

01/10/2026

Kulankii u dhaxeeyay Kulliyadda barasha Culuumta Kombiyuuterka iyo Kulliyadda barashada Culuumta Caafimaadka ee Tartanka Soo Dhaweynta Ardayda Cusub, ayaa kusoo idlaaday 3-1 halkaas oo ay guushu ku raacday Kulliyadda barashada culuumta Kombiyuuterka.

28/09/2026

Soo Dhaweynta Ardayda Semesterka 1aad iyo Xil Kala Wareejinta

Waxaa Jaamacadda Kismaayo lagu qabtay munaasabad lagu soo dhaweynayay ardayda cusub ee Semesterka 1aad ee Kulliyadaha Information Technology and Computer Science iyo Engineering.

Sidoo kale, munaasabadda waxaa lagu qabtay xil kala wareejinta Guddoomiyaha Kulliyadda IT,iyadoo Guddoomiyihii h**e, Aden Iise Ali, uu xilka ku wareejiyay Guddoomiyaha cusub, Aaden Gulled Ibrahim.

Munaasabadda waxaa goob-joog ahaa Guddoomiyaha Midowga Ardayda Jaamacadda Kismaayo, Nimcaan Weli Ali, iyo Deanka Kulliyadda, Ustaad Mohammed Sakhaawe.

Waxaan si gaar ah u soo dhaweynaynaa ardayda cusub, waxaana u rajaynaynaa guul, dadaal iyo horumar waxbarasho. Sidoo kale, waxaan Guddoomiyaha cusub u rajaynaynaa inuu si wanaagsan u guto masuuliyadda loo igmaday.

18/09/2026

Maamulka Jaamacadda Kismaayo oo Casho Sharaf iyo Shahaadooyin Guddoonsiiyey Ardaydii Ka Qaybqaadatay Xafladdii Qalin-jabinta 2-09

Maamulka Jaamacadda Kismaayo ayaa xalay Hotel Kulmis casho sharaf iyo shahaadooyin guddoonsiin ugu sameeyey ardaydii sida wanaagsan uga qaybqaadatay diyaarinta iyo hirgelinta barnaamijkii xafladdii quruxda badnayd ee Qalin-jabinta 2-09.

Munaasabaddan ayaa ahayd mid lagu maamuusayo dadaalkii, waqtigii iyo juhdigii ay ardaydu geliyeen sidii xafladdu ugu qabsoomi lahayd si qurux badan oo mudan in lagu faano.

Waxaan u mahadcelinaynaa Maamulka Jaamacadda Kismaayo sida ay u garab istaageen ardayda, una aqoonsadeen doorkii ay ka qaateen guusha xafladda.

Sidoo kale, hambalyo iyo mahadnaq ayaan u diraynaa dhammaan ardaydii ka qaybqaadatay hawshaas qiimaha badan.

07/09/2026

05/09/2026

Jaamacadda Kismaayo waxay qabanaysaa Maalinta Furan (Open Day) ee jaamacadda oo si gaar ah loogu qabanayo ardayda fasalka afraad (F4) ee dugsiyada sare, si loo siiyo fursad ay ku ogaadaan fursadaha jaamacadda, kulliyadaheeda iyo adeegyada ay bixiso.

📅 Taariikh: Isniin, 7 September 2026
⏰ Waqtiga: 8:00 Subaxnimo
📍 Goobta: Jaamacadda Kismaayo

Maalinta Furan waxaa ka qaybqaadan doona shirkado, hay’ado iyo adeeg-bixiyeyaal kala duwan, kuwaas oo ardayda u soo bandhigi doona fursado iyo adeegyo muhiim u ah noloshooda waxbarasho iyo mustaqbalkooda.

Waxaa ka mid noqon doona hay’adaha maaliyadeed iyo shirkadaha ganacsiga kuwaas oo ardayda u soo bandhigaya:

🔹 Diiwaangelin bilaash ah (Free)
🔹 Furashada akoonno bangi oo bilaash ah
🔹 Fursadaha Muraabaxada ee lagu heli karo kombiyuutarro iyo qalabka IT-ga
🔹 Adeegyada gaarka ah ee shirkadaha iyo hay’adaha
🔹 Goobo gaar ah oo ay shirkaduhu ku soo bandhigayaan adeeggooda iyo fursadahooda

Ka soo qeybgal wacan.

04/08/2026

Alle mahaddiis, maanta waxaa si rasmi ah u qabsoomay barnaamij uu soo qabanqaabiyey Maamulka Midowga Ardayda Jaamacadda Kismaayo, kaas oo diiradda lagu saaray qurxinta iyo kor u qaadista nadaafadda qaybo ka mid ah gudaha Jaamacadda Kismaayo.

Barnaamijkan wuxuu qayb ka yahay dadaallada joogtada ah ee Midowga Ardaydu ugu jiro horumarinta bilicda jaamacadda, xoojinta wacyiga nadaafadda, iyo dhiirrigelinta ardayda si ay u qaataan doorkooda ku aaddan ilaalinta deegaanka waxbarashada.

Maamulka Midowga Ardayda Jaamacadda Kismaayo wuxuu uga mahadcelinayaa dhammaan ardaydii, masuuliyiintii iyo cid kasta oo ka qayb qaadatay hirgelinta barnaamijkan. Iskaashigiinna iyo dareenka masuuliyadeed ee aad muujiseen waxay ka tarjumayaan sida ay uga go’an tahay bulshada Jaamacadda Kismaayo horumarinta deegaanka waxbarasho ee ay wadaagaan.

Waxaan mar kale u mahad celin hayna dhammaan ardayda iyo bahda Jaamacadda Kismaayo doorkooda ka qayb qaadashada ilaalinta nadaafadda iyo bilicda jaamacadda, maadaama ay tahay masuuliyad uu qof walba qayb ku leeyahay.

“Jaamacad nadiif ah waa astaan muujinaysa bulsho aqoon, anshax iyo masuuliyad leh.”

-arayda jamacada kismaayo

10/07/2026

Faadumo Cali Ibraahim oo kamid ah ardeyda ka qalinjebineysa Kulliydda Shareecada iyo Qaanuunka, gaar ahaan Fiqh & Usuuluhu ayaa ka hadashay dareenkeeda, kadib markii ay si guul leh u difaacatay buuggeeda qalinjebinta.

Aragtida-qalinjabiyasha

09/07/2026

Maxamuud Qorane Xarbi oo kamid ah ardeyda ka qalinjebineysa Kulliydda Tarbiyada ayaa ka hadlay dareenkiisa, kadib markii uu si guul leh u difaacday buuggiisa qalinjebinta.

09/07/2026

Maxamed Muxumed Cabdi oo kamid ah ardeyda ka qalinjebineysa Kulliydda Shareecada iyo Qaanuunka ayaa ka hadlay dareenkiisa, kadib markii uu si guul leh u difaacday buuggiisa qalinjebinta.

Aragtida-qalin jabiyaasha