Almaas University

19/07/2026

16/07/2026

𝗠𝘂𝗱𝗱𝗮 𝗬𝗮𝗿 𝗞𝘂 𝗙𝗮𝗵𝗮𝗻 𝗦𝗵𝗶𝗱𝗮𝗮𝗹𝗸𝗮 !

Jaamacadda Almaas waxay bilaabaysaa koorso loogu talagalay Barashada Shidaalka ah oo muddo bil ah socon doonta.

Koorsadaan muhiimka ah waxaa lagu baran doonaa:
𝟭. 𝗙𝗮𝗵𝗮𝗺𝗸𝗮 𝗴𝘂𝘂𝗱 𝗲𝗲 𝗦𝗵𝗶𝗱𝗮𝗮𝗹𝗸𝗮
𝟮. 𝗡𝗼𝗼𝗰𝘆𝗮𝗱𝗮 𝗦𝗵𝗶𝗱𝗮𝗮𝗹𝗸𝘂 𝘂 𝗞𝗮𝗹𝗮 𝗯𝗮𝘅𝗼
𝟯. 𝗦𝗶𝗱𝗮 𝗹𝗼𝗼 𝘀𝗮𝗵𝗺𝗶𝘆𝗼
𝟰. 𝗦𝗶𝗱𝗮 𝗹𝗼𝗼 𝗾𝗼𝗱𝗼 𝗶𝘆𝗼 𝗹𝗼𝗼𝘀𝗼𝗼 𝘀𝗮𝗮𝗿𝗼 𝗦𝗵𝗶𝗱𝗮𝗮𝗹𝗸𝗮
𝟱. 𝗦𝗶𝗳𝗲𝘆𝗻𝘁𝗮 𝗶𝘆𝗼 𝘀𝘂𝘂𝗾𝗴𝗮𝘆𝗻𝘁𝗶𝗶𝘀𝗮
𝟲. 𝗦𝗶𝗱𝗮 𝗦𝗵𝗶𝗱𝗮𝗮𝗹𝗸𝘂 𝘂 𝗸𝗼𝗿𝗱𝗵𝗶𝘆𝗼 𝗱𝗮𝗸𝗵𝗹𝗶𝗴𝗮 𝘄𝗮𝗱𝗮𝗺𝗮𝗱𝗮

Haddaba , si aad uga faa'idaysato fursaddan iska diiwaangeli lifaaqa hoose

https://docs.google.com/forms/d/e/1FAIpQLSc_thKjubeX4h1_42AytG0hyUAc8hrv__f5noio71gt4SSRyQ/viewform?usp=dialog

Ama lasoo xiriir WhatsApp 0614806090

15/07/2026

Daawo Muqaal Arday ka mid ah ardaydii dhammaysatay Tababarka Geomology ayaa ka warbixinaya khibraddiisa, aqoonta uu kororsaday, iyo fursadaha uu tababarkani u furay.

13/07/2026

11/07/2026

Maamulka Xafiiska Xiriirka Dadweynaha ee Jaamacadda Almaas ayaa soo qabanqaabiyey dalxiis waxbarasho iyo madadaalo oo lagu tagay Degmada Balcad, kaas oo ay ka qayb galeen maamulka jaamacadda iyo arday ka socday ku dhawaad 60 dugsi sare oo ku yaalla Gobolka Banaadir, Deegaanka Ceelasha Biyaha iyo Degmada Afgooye.

Dalxiiskan ayaa ujeeddadiisu ahayd xoojinta isdhexgalka ardayda, dhiirrigelinta waxbarashada, iyo in ardayda la siiyo fursad ay ku helaan waayo-aragnimo cusub oo ka baxsan fasallada waxbarashada.

Intii uu socday barnaamijku, waxaa la qabtay madadaalooyin kala duwan, ciyaaro, iyo barnaamijyo isdhexgal ah oo ay si weyn uga wada qayb qaateen ardayda iyo maamulka Jaamacadda Almaas.

Sidoo kale, munaasabadda waxaa lagu guddoonsiiyey deeqo waxbarasho qaar ka mid ah ardaydii ka qayb gashay, taas oo qayb ka ah dadaallada Jaamacadda Almaas ee lagu dhiirrigelinayo ardayda dadaalka badan, laguna taageerayo himilooyinkooda waxbarasho.

Jaamacadda Almaas waxay mar walba ka go'an tahay inay ardayda u abuurto jawi waxbarasho oo tayo leh, isla markaana isku dara aqoon, horumar, iyo fursado waxbarasho oo wax ku ool ah.

08/07/2026

Waxaan hambalyo iyo bogaadin u diraynaa Guddoomiye Ku-xigeenka Horumarinta ee Jaamacadda Almaas, Mohamed Ali Ahmed oo si guul leh u dhamaystiray Shahaadada Caalamiga ah ee 𝗣𝗿𝗼𝗷𝗲𝗰𝘁 𝗠𝗮𝗻𝗮𝗴𝗲𝗺𝗲𝗻𝘁 𝗣𝗿𝗼𝗳𝗲𝘀𝘀𝗶𝗼𝗻𝗮𝗹 (𝗣𝗠𝗣®), taas oo ka mid ah shahaadooyinka ugu qiimaha badan uguna aqoonsiga badan caalamka ee maamulka mashaariicda ee Project Management Institute

Guushan waxay ka tarjumaysaa dadaalka, kartida, iyo horumarinta aqoonta iyo hoggaaminta xirfadeed.

07/07/2026

Waxaa shahaadooyin la guddoonsiisay ardaydii dhammaysatay Tababarka Gemology, iyada oo lagu bogaadiyay dadaalkii iyo heerkii aqooneed ee ay muujiyeen intii uu socday tababarku.

Jaamacadda Almaas waxay hambalyo u diraysaa dhammaan ardayda la guddoonsiiyay shahaadooyinka, waxayna u rajaynaysaa guulo waaweyn oo dhinaca waxbarashada, xirfadda, iyo mustaqbalkooda ah.

07/07/2026

Jaamacadda Almaas ayaa si rasmi ah u soo xirtay Tabobarkii Dhagxaanta Qaaliga 𝗚𝗲𝗺𝗼𝗹𝗼𝗴𝘆, munaasabad si heer sare ah loo soo agaasimay oo ay ka soo qaybgaleen maamulka Jaamacadda Almaas, marti sharaf kala duwan, iyo arday ka kala socday jaamacadaha dalka kuwaas oo si guul leh u dhammeystay.

Munaasabadda ayaa ahayd mid lagu maamuusay guusha ardayda, laguna bogaadiyay dadaalkii iyo waqtigii ay geliyeen barashada cilmiga Gemology, oo ah aqoonta lagu barto aqoonsiga, qiimeynta, iyo fahamka dhagaxyada qaaliga ah.

Intii ay munaasabaddu socotay, waxaa hadallo dhiirrigelin iyo hambalyo isugu jiray jeediyay masuuliyiinta Jaamacadda Almaas. Ugu horreyn, waxaa munaasabadda ka hadlay Guddoomiye Ku-xigeenka Maamulka iyo Maaliyadda Jaamacadda Almaas, 𝗘𝗻𝗴. 𝗠𝗼𝗵𝗮𝗺𝗲𝗱 𝗔𝗯𝗱𝗶𝗿𝗮𝗵𝗺𝗮𝗻, oo hambalyo u diray ardayda qalin-jabisay, kuna ammaanay dadaalkooda iyo sida ay uga faa'iideysteen fursadda waxbarasho ee Jaamacaddu bixisay. Sidoo kale, wuxuu adkeeyay sida Jaamacadda Almaas uga go'an tahay horumarinta xirfadaha iyo aqoonta casriga ah ee bulshada Soomaaliyeed.

Dhankiisa, 𝗘𝗻𝗴. 𝗠𝗼𝗵𝗮𝗺𝗲𝗱 𝗔𝗯𝘂𝗯𝗮𝗸𝗮𝗿 𝗔𝗹𝗶 oo ahaa macallinka bixiyay Barnaamijka Diploma Gemology, ayaa uga mahadceliyay ardayda dadaalkooda iyo sida ay uga go'neyd barashada cilmigan. Wuxuu sidoo kale ku boorriyay inay aqoontooda u adeegsadaan horumarinta xirfaddooda iyo kobcinta bulshada.