Almaas University

16/06/2026

Almaas Diploma Programmes Xafiiska Almaas Skills and Diploma Programs ayaa soo qaban-qaabiyay 𝗕𝗼𝗼𝘁𝗰𝗮𝗺𝗽 𝗶𝗻 𝗡𝗲𝘁𝘄𝗼𝗿𝗸 𝗢𝗽𝗲𝗿𝗮𝘁𝗶𝗼𝗻𝘀 & 𝗦𝗲𝗿𝘃𝗶𝗰𝗲𝘀, oo socon doona muddo 1 bil ah.

Bootcamp-kan waxaa si gaar ah loogu baran doonaa qaab practical ah xirfadaha muhiimka u ah maamulka iyo hawlgelinta shabakadaha, kuwaas oo ay ka mid yihiin:
Network Basics, Switch Configuration, Router Configuration and Network Security Fundamentals.

Fursaddan waa mid ku habboon ardayda, xirfadlayaasha IT-ga, iyo cid kasta oo doonaysa inay horumariso aqoonta iyo xirfadaha dhanka shabakadaha (Networking).

Bootcamp-ka waxaa mentor ka noqon doona: 𝗘𝗻𝗴. 𝗭𝗮𝗸𝗮𝗿𝗶𝗲 𝗠𝗼𝗵𝗮𝗺𝗲𝗱 𝗜𝘀𝗮𝗸, Network Administrator, SomaliREN.

Halkan Iska diwaan gali: https://forms.gle/QQTKgfWQwT36gyLS6

15/06/2026

Daawo Muuqaalka Khudbaddii Saddexaad ee Almaas Geo Day 2026
Khudbaddii saddexaad ee lagu soo bandhigay munaasabadda Almaas Geo Day 2026 ayaa waxaa jeediyay 𝗘𝗻𝗴. 𝗔𝗯𝗱𝗶𝗮𝘇𝗶𝘇 𝗚𝘂𝗹𝗲𝗱, oo ah Senior Advisor, Upstream Activities, Somali Petroleum Authority.

Soo jeedintiisa oo cinwaankeedu ahaa “Introduction to Petroleum Engineering” ayaa si faahfaahsan uga hadashay aasaaska Injineernimada Batroolka iyo doorka muhiimka ah ee ay ku leedahay sahminta, qiimeynta, soo saarista, iyo maareynta khayraadka shidaalka iyo gaaska dabiiciga ah.

15/06/2026

Waxaa maalintii shalay ee Axadda, Jaamacadda Almaas lagu qabtay munaasabad muhiim ah oo cinwaankeedu ahaa “𝗧𝗵𝗲 𝗥𝗼𝗹𝗲 𝗼𝗳 𝗬𝗼𝘂𝘁𝗵 𝗶𝗻 𝗖𝗼𝗻𝗳𝗹𝗶𝗰𝘁 𝗥𝗲𝘀𝗼𝗹𝘂𝘁𝗶𝗼𝗻 𝗮𝗻𝗱 𝗣𝗲𝗮𝗰𝗲 𝗕𝘂𝗶𝗹𝗱𝗶𝗻𝗴”, taas oo ay soo bandhigeen ardayda kulliyadaha kala duwan ee Jaamacadda, gaar ahaan ardayda Semester 2.

Munaasabaddan ayaa diiradda lagu saaray doorka muhiimka ah ee dhallinyaradu ku leeyihiin xalinta khilaafaadka, nabad-dhisidda, iyo horumarinta wada noolaanshaha bulshada.
Ardaydu waxay soo bandhigeen presentations iyo dood cilmiyeed (panel discussion) ay kaga doodeen fikrado, caqabado, iyo xalal la xiriira nabadda iyo maaraynta khilaafaadka.

Casharka iyo hagidda munaasabaddan waxaa lahaa Ustaad 𝗗𝗿. 𝗕𝘂𝗿𝗵𝗮𝗻 𝗔𝗯𝗱𝘂𝗹𝗹𝗲 𝗚𝘂𝗿𝗲, oo ardayda ku dhiirrigeliyey inay kaalin muuqata ka qaataan nabadeynta bulshada, horumarinta wada hadalka, iyo xoojinta isfahamka bulshada dhexdeeda.
Sidoo kale, munaasabadda waxaa goob-joog ka ahaa hormuudyo iyo mas’uuliyiin ka socday kulliyadaha kala duwan ee Jaamacadda Almaas, kuwaas oo ay ka mid ahaayeen: Kulliyadda Culuumta Caafimaadka, Kulliyadda Culuumta Dhulka iyo Deegaanka
iyp Kulliyadda Culuumta Kumbuyuutarka.

Maamulka Jaamacadda Almaas ayaa si weyn u bogaadiyey tayada bandhigyada iyo doodaha ay soo jeediyeen ardaydu, iyagoo muujiyey faham qoto dheer oo ku saabsan muhiimadda nabad-dhisidda iyo xalinta khilaafaadka.

15/06/2026

Daawo Muuqaalka Khudbaddii Koowaad ee Almaas Geo Day 2026.
Munaasabadda Almaas Geo Day 2026 ayaa lagu daahfuray khudbaddii ugu horreysay ee barnaamijka, taas oo uu jeediyay 𝗚𝗲𝗼. 𝗛𝘂𝘀𝘀𝗲𝗶𝗻 𝗠𝗼𝗵𝗮𝗺𝗲𝗱 𝗔𝗹𝗶.

Khudbadda oo cinwaankeedu ahaa “From Crisis to Resilience: Climate Adaptation Strategies for Somalia” ayaa si qoto dheer uga hadashay saameynta isbeddelka cimilada ee Soomaaliya, caqabadaha deegaanka ee jira, iyo sida bulshada iyo hay’aduhu uga wada shaqeyn karaan la qabsiga xaaladaha isbeddelaya.

14/06/2026

13/06/2026

Daawo Muuqaalka Warbixinta Almaas Geo Day 2026.

Munaasabadda Almaas Geo Day 2026 ayaa si heer sare ah uga dhacday Xarunta Dhexe ee Jaamacadda Almaas, iyadoo ay kasoo qayb galeen marti sharaf, khubaro ku xeel dheer cilmiga Dhulka iyo Deegaanka, macallimiin, iyo ardayda Kuliyadda Culuumta Dhulka iyo Deegaanka. College of Geosciences & Environment

Munaasabaddan ayaa ahayd madal aqooneed oo lagu soo bandhigay mowduucyo muhiim ah oo la xiriira cilmiga Dhulka, Deegaanka, Macdanta iyo Biyaha, iyadoo la dhiirrigeliyay wadaagga aqoonta iyo horumarinta cilmi-baarista.

11/06/2026

Waxaa si guul leh ku soo dhammaaday munaasabadda 𝗔𝗹𝗺𝗮𝗮𝘀 𝗚𝗲𝗼 𝗗𝗮𝘆 𝟮𝟬𝟮𝟲, oo ay soo qabanqaabisay Kuliyadda Culuumta Dhulka iyo Deegaanka ee Jaamacadda Almaas. College of Geosciences & Environment.

Munaasabadda ayaa ahayd mid si heer sare ah loo soo agaasimay, isla markaana ay ka soo qeyb galeen arday, macallimiin, khubaro iyo marti sharaf kala duwan, kuwaas oo ka wada faa’iideystay dood-cilmiyeedyo iyo khudbado qiimo leh oo la xiriira Cilmiga Dhulka, Deegaanka, Macdanta iyo Biyaha.

Ugu dambeyn, maamulka Kuliyadda Culuumta Dhulka iyo Deegaanka ayaa u mahadceliyay dhammaan ka qaybgalayaasha, marti sharafta, iyo soo jeediyeyaasha khudbadaha.

11/06/2026

Khudbaddii toddobaad ee lagu soo bandhigay munaasabadda Almaas Geo Day 2026 ayaa waxaa jeediyay 𝗘𝗻𝗴. 𝗔𝗯𝗱𝗶𝗿𝗮𝗵𝗺𝗮𝗻 𝗔𝗵𝗺𝗲𝗱 𝗛𝗮𝘀𝘀𝗮𝗻, oo ah Geologist.

Soo jeedintiisa oo cinwaankeedu ahaa “The Geology of Buur Hakaba” ayaa diiradda lagu saaray qaab-dhismeedka juqraafiyeed ee Buur Hakaba iyo taariikhda samaysankeeda dhuleed.

Eng. Abdirahman Ahmed Hassan ayaa faahfaahin ka bixiyay noocyada kala duwan ee dhagaxyada iyo macdanta laga helo Buur Hakaba, isagoo sidoo kale iftiimiyay muhiimadda ay leedahay fahamka juqraafiyadda goobtaas si loo hormariyo cilmi-baarista iyo ka faa’iidaysiga khayraadka dabiiciga ah ee Soomaaliya.

11/06/2026

Khudbaddii lixaad ee lagu soo bandhigay munaasabadda Almaas Geo Day 2026 ayaa waxaa jeediyay 𝗘𝗻𝗴. 𝗔𝗵𝗺𝗲𝗱 𝗦𝗵𝗲𝗶𝗸𝗵 𝗠𝗼𝗵𝗮𝗺𝘂𝗱 (𝗘𝗻𝗴. 𝗕𝗮𝗮𝗿𝗶), oo ah CEO, Arlada Mining and Exploration Company.

Soo jeedintiisa oo cinwaankeedu ahaa “Somalia as an Emerging Frontier for Gold and Critical Mineral Exploration” ayaa diiradda lagu saaray fursadaha sii kordhaya ee Soomaaliya ee dhinaca sahaminta dahabka iyo macdanta muhiimka ah (Critical Minerals).

Eng. Ahmed Sheikh Mohamud ayaa falanqeeyay awoodda juqraafiyeed ee dalka iyo muhiimadda ay macdantan u leedahay koboca dhaqaalaha, soo jiidashada maalgashiga, iyo horumarinta waaxda macdanta iyo khayraadka dabiiciga ah.

11/06/2026

Khudbaddii shanaad ee lagu soo bandhigay munaasabadda Almaas Geo Day 2026 ayaa waxaa jeediyay 𝗘𝗻𝗴. 𝗦𝗮𝗶𝗱 𝗔𝗹𝗶 𝗢𝘀𝗺𝗮𝗻, oo ah Geologist ka tirsan Startsom Group Company.

Soo jeedintiisa oo cinwaankeedu ahaa “The Role of GIS in Geological Studies and Analysis” ayaa diiradda lagu saaray doorka muhiimka ah ee Nidaamyada Macluumaadka Juqraafiyeed (GIS) ay ku leeyihiin daraasaadka iyo falanqaynta cilmiga dhulka.

Eng. Said Ali Osman ayaa sharaxay sida GIS loogu adeegsado ururinta, kaydinta, maareynta, iyo falanqaynta xogta juqraafiyeed, taas oo gacan ka geysata fahamka qaab-dhismeedka dhulka, khayraadka dabiiciga ah, iyo geeddi-socodyada juqraafiyeed ee kala duwan.