Hamar University

03/06/2026

15 May 1999 waxay ahayd maalin taariikhi ah oo lagu aas-aasay Jaamacadda Xamar oo noqotay hoyga aqoonta, horumarka, iyo hogaaminta bulshada Soomaaliyeed. Muddo 27 sano ah, jaamacaddu waxay si hagar la’aan ah ugu adeegaysay bulshada iyada oo soo saartay kumanaan aqoonyahan iyo xirfadlayaal ka qeyb qaatay dhismaha dalka.

Jaamacadda Xamar waxay ku suntan tahay tayo waxbarasho, kobcinta cilmi-baarista, iyo diyaarinta jiil leh aqoon iyo akhlaaq suuban. Tan iyo sanadkii 1999, jaamacaddu waxay ahayd xarun horseed u ah horumarka waxbarashada sare ee Soomaaliya.

27 sano oo adeeg qaran ah waxay ka dhigan tahay dadaal joogto ah, guulo waa weyn, iyo himilooyin rumooway.

Maamulka, macallimiinta, ardayda, iyo alumni-da Jaamacadda Xamar waxay wadaagaan sharaf iyo sooyaal qiimo badan oo ku dhisan aqoon iyo waddaniyad.

Maanta waxaan u dabaaldegaynaa sanad-guurada 27-aad ee Jaamacadda Xamar, anagoo xusuusanayna halgankii iyo guulihii la gaaray.

Hambalyo dhammaan bahda Jaamacadda Xamar — 27 sano oo adeeg ah oo loo huray qaranka iyo bulshada Soomaaliyeed.

26/05/2026

Gudoomiyaha Jaamacadda Xamar Prof. Abdullahi Sheikh Nor Mohamed wuxuu hambalyada Ciidul Adxaa la wadaagayaa guud ahaan ummadda muslimiinta, gaar ahaana ummadda Soomaaliyeed meel kastoo ay dunida ka joogaan.

Gudoomiyahu wuxuu ummadda u rajeeyey inay ku ciidaan farxad, sanadkaan sanadkiisana uu Eebe nagu gaarsiiyo nabad iyo caafimaad, cimri-dheer iyo cibaado suuban, bash bash iyo barwaaqo.

Gudoomiyuhu wuxuu ku boorinayaa inta Alle wax siiyey in ay garab istaagaan, caawiyaan inta aan wax haysan iyo agoonta si farxadda ciidda loo wada wadaago.

Alle ha inaga wada aqbalo acmaasha suuban ee aan la nimid.

13/05/2026

Waxaa maanta si rasmi ah ardayda Part-Time u bilaawday Imtixaanka Final-ka Semester-ka.

Maamulka Jaamacaddu wuxuu u rajeynayaa dhammaan ardayda guul, dadaal iyo natiijooyin wanaagsan.
Ardayda waxaa lagu boorinayaa inay ilaaliyaan jadwalka imtixaanka iyo anshaxa goobta imtixaanka.

Guul dhammaan ardayda Jaamacadda Xamar.

06/05/2026

𝐖𝐀𝐑𝐆𝐄𝐋𝐈𝐍 𝐌𝐔𝐇𝐈𝐈𝐌 𝐀𝐇

Dhammaan ardayda Jaamacadda waxaa lagu wargelinayaa in Imtixaanka Final Exam-ka uu si rasmi ah u bilaaban doono sida hoos ku qoran:

𝐏𝐚𝐫𝐭-𝐓𝐢𝐦𝐞: 𝟏𝟑-𝟎𝟓-𝟐𝟎𝟐𝟔
𝐅𝐮𝐥𝐥-𝐓𝐢𝐦𝐞: 𝟏𝟔-𝟎𝟓-𝟐𝟎𝟐𝟔

Dhammaan ardayda waxaa laga codsanayaa inay si wanaagsan ugu diyaar garoobaan imtixaanka, isla markaana ilaaliyaan jadwalka la cayimay.

17/04/2026

Waxaa maanta Xarunta Jaamacadda lagu qabtay siminaar muhiim ah oo lagu horumarinayo aqoonta ardayda, kaas oo diiradda lagu saaray hoggaaminta iyo maareynta waqtiga. Siminaarkan waxaa soo qabanqaabiyay Midowga Ardayda Jaamacadda Xamar (UHUS), waxaana si hufan u qabtay Ustaad Xuseen Maxamed Xuseen.

Siminaarka waxaa si gaar ah loogu talagalay ardayda Jaamacadda, iyadoo lagu soo bandhigay farsamooyin casri ah oo ku saabsan hoggaaminta wax ku oolka ah iyo sida waqtiga si habsami leh loo maareeyo, si loo gaaro guul shaqsiyeed iyo mid xirfadeed. Intii uu socday tababarku, ardaydu waxay heleen aqoon iyo waayo-aragnimo ka caawinaysa inay si wanaagsan u qorsheeyaan hawlahooda maalinlaha ah, isla markaana ay u horumariyaan xirfadaha hoggaamineed.

Sidoo kale, waxaa si qoto dheer looga hadlay muhiimadda qorsheynta, kala hormarinta hawlaha, iyo qaadashada go’aanno sax ah. Ardayda waxaa lagu dhiirrigeliyay inay yeeshaan himilo sare iyo aragti fog, si ay u noqdaan hoggaamiyeyaal wax ku ool ah mustaqbalka.

Ugu dambeyn, siminaarkani wuxuu ahaa mid si heer sare ah loo soo agaasimay, kana tagay saameyn togan oo dhiirrigelin leh. Wuxuu sare u qaaday kalsoonida ardayda, wuxuuna ku booriyay inay noqdaan dad leh himilo cad iyo qorshe nololeed oo dhisan.

06/04/2026

31/03/2026

𝗪𝗔𝗥𝗚𝗘𝗟𝗜𝗡 𝗞𝗨 𝗔𝗔𝗗𝗔𝗡 𝗪𝗔𝗤𝗧𝗜𝗚𝗔 𝗦𝗢𝗢 𝗡𝗢𝗤𝗢𝗦𝗛𝗔𝗗𝗔

Waxaa dhammaan ardayda lagu wargelinayaa in fasixii inoo soo bilowday 𝟏𝟐-𝐤𝐢𝐢 𝐌𝐚𝐫𝐜𝐡 𝟐𝟎𝟐𝟔 wuxuu inoogu ekaan doonaa maalin Abaco ah oo ku beegan 1-da April 2026.

Waxaa dib loo soo laaban doonaa oo uu daraasaadka half semester-ka dambe toos u billaaban doonaa:

● 𝐅𝐚𝐬𝐚𝐥𝐚𝐝𝐚 𝐏𝐚𝐫𝐭-𝐓𝐢𝐦𝐞 𝟎𝟐-𝟎𝟒-𝟐𝟎𝟐𝟔

●𝐅𝐚𝐬𝐚𝐥𝐚𝐝𝐚 𝐅𝐮𝐥𝐥-𝐓𝐢𝐦𝐞: 𝟎𝟒-𝟎𝟒-𝟐𝟎𝟐𝟔

Waxaan idiin rajeyneynaa fasaxa inta idiin kaga hartay inaad ku qaadataan caafimad iyo waqti wacan.

Ugu dambeyn, waqti daraasaadku waa waqti kooban oon dib usoo noqon doonin oo looga baahan yahay in arday weliba uu ka faa'iideysto fursaddaas sidaas daraadeed waqtiga aan u asteynay halagu soo wada xaadiro, iskana ilaaliya maqnaansho inta uu daraasaadku socdo.

____________𝑴𝑨𝑯𝑨𝑫𝑺𝑨𝑵𝑰𝑫𝑰𝑰𝑵________________

29/03/2026

𝐎𝐩𝐞𝐧 𝐀𝐝𝐦𝐢𝐬𝐬𝐢𝐨𝐧-𝐀𝐩𝐩𝐥𝐲 𝐍𝐨𝐰

We are excited to announce that admissions are now open for our professional diploma programs. This is your opportunity to advance your knowledge, build your career, and study with a flexible learning system.

📚 Available Programs:
• Diploma in Pharmacology
• Diploma in Public Health
• Diploma in Biology and Chemistry
• Diploma in Physics and Mathematics

Our programs are designed to provide practical knowledge, academic excellence, and skills that are needed in today’s job market.

📲 View our full catalogue and get more details here:
https://wa.me/c/252619269886

Join today and start your journey toward a brighter future!

19/03/2026

𝐂𝐢𝐢𝐝 𝐖𝐚𝐧𝐚𝐚𝐠𝐬𝐚𝐧
Waxaan hambalyo iyo duco u diraynaa ardayda, macallimiinta, iyo dhammaan bulshada Muslimiinta munaasabadda barakeysan ee Ciiddul Fidriga.

Waxaan rajaynaynaa in Ciiddaan ay noqoto mid farxad, nabad, iyo barwaaqo ku dheehan tahay oo u horseedda dhammaanteen mustaqbal wanaagsan.

Maamulka iyo bahda Jaamacadda waxay idiin rajaynayaan caafimaad, guul iyo horumar joogto ah. Ilaahay ha naga aqbalo soonkii iyo cibaadadii. Ciid Mubaarak!

11/03/2026

Waxaa maanta si rasmi ah u soo gabagaboobay Imtixaanka Dhexe (Mid-Term Examination) ee ardayda Full-Time iyo Part-Time ee Jaamacadda Xamar, kaas oo toddobaadkan si habsami leh uga socday jaamacadda.

Maamulka Jaamacadda Xamar wuxuu uga mahadcelinayaa ardayda dadaalka iyo ka go’aanka muujiyeen muddadii imtixaanku socday.
Waxaan dhammaan ardayda u rajaynaynaa guul, horumar, iyo natiijo wanaagsan.