13/09/2023
السلام عليكم ورحمة الله وبركاته.
ملاحظة: الصفحة مو تابعة للمعهد نحن مجموعة طلاب بنحاول انو نشرحلكم عن الفرع يلي هوي التعويضات السنية.
هدول شروط التقدم الى المفاضلة وليست المفاضلة يعني ممكن حدا يحقق هدول الشروط كلها بس ما يطلعلو الفرع حسب المفاضلة يلي بدها تطلع بعد 2023/10/2 (يعني لازم تحقق هدول الشروط لحتى تقدر تفاضل).
●الشروط (طبعاً شروط التقدم الى مفاضلة التعويضات السنية فقط):
اولاً: يجب ان تكون حاصلاً على الشهادة الثانوية الفرع العلمي حصراً وللأعوام التالية: 2021 - 2022 - 2023 .
ثانياً: يجب ان يكون معدلك في الشهادة الثانوية 70% (اي 1680 درجة) فما فوق بعد طي درجتي مادتي الديانة واللغة الفرنسية وكذلك ان تكون محققاً 50% (اي 150 درجة) فما فوق في اللغة الانكليزية.
ثالثاً: يجب ان لا يتجاوز عمر الطالب المتقدم 23 عاماً و26 عاماً بالنسبة للمغتربين والاجانب.
رابعاً: يجب ان يكون الطالب لائقاً صحياً.
ملاحظة: يقبل 10% من عدد المقاعد بالنسبة لطلاب المغتربين والاجانب.
●الاوراق المطلوبة:
1.طلب التحاق بالمعهد يلصق عليه طابع مالي (يمكن الحصول عليه من ادارة المعهد).
2.صورة مصدقة عن الشهادة الثانوية(صورة وليس الاساسية).
3.صورة عن البطاقة الشخصية (الهوية) او عن قيد في السجل المدني (قيد النفوس).
ولحتى تفاضل بدك تدفع 75000 ل.س.
يبدأ التسجيل في 18/9/2023 وينتهي في 2/10/2023 التسجيل بمقر المعهد في عدرا المعهد رح يتكفل بنقل الطلاب الساعة 9:00 و 10:00 صباحاً من موقف نورا الكائن في ابو رمانة الى مقر المعهد.
صورو الاوراق المطلوبة قبل ما تروحو لانو مافي مكاتب حوالي المعهد.
القسط يحدد لاحقاً (لاتسألو عليه) يلي بقدر قلكم ياه انو رح يكون اكثر من 4,500,000 ل.س على الاغلب.
بظن انو شرحنا اغلب النقاط المهمة وبالتوفيق للجميع.
