18/01/2025
...
بلدنا هي صورتنا لنعيش بوطن نضيف ومرتب لازم نبلش من حالنا:
- لا ترمي الزبالة بالشوارع.
- لا تتخطى الإشارة.
- لا تدفع رشوة مهما صار.
- لا تزور.
- لا تخرب أي شي بالبلد.
خلونا نبلش من حوالينا: ننضف حاراتنا وشوارعنا ونخليها مرتبة ونضيفة ونكون فخرين فيها خلي الكل يشوف الفرق.
في كتير حملات تطوعية عم تصير متل حملات الدفاع المدني لتنظيم الشوارع، تنظيف الأحياء، وتجميل الأماكن العامة وكل واحد فينا بيقدر يساهم ولو بشي بسيط:
- شارك بتنظيف الشارع يلي ساكن فيه.
- ساعد بتجميل حارتك بزرع شجرة أو دهن جدار.
- ادعم جهود الفرق التطوعية يلي عم تشتغل على الأرض.
العمل التطوعي مو بس بيغير المكان، بيقوي روح التعاون والمحبة بين الناس، خلينا نكون إيد واحدة ونخلي بلدنا أجمل بإيدينا.
شارك بالحملات التطوعية و أحكي لغيرك عنها كلنا مسؤولين وكلنا قادرين نغير، بلدك مسؤوليتك والتغيير بيبدأ منك أنت!
شارك هالكلام مع الكل، وخليك جزء من التغيير يلي كلنا بنحلم فيه.
