Syrian Academy of Medical Sciences

15/08/2023

دراسة انشرت من يومين بتقول انه المصابين بنوع من الديدان يلي بتهاجر للرئة (اسمها صعب 😂) طور حماية وقلل شدة الاصابة الفيروسية ب الكوفيد 19!!
التجربة انعملت على فئران تعرضت لعدوى بهي الديدان وبعدها تم معالجتها وبعدها تعرضت للفيروس المسبب للكوفيد.
الفكرة انه الحماية ما تطورت فقط اثناء العدوى وانما بعد الشفاء من عدوى الديدان، يلي صار انه تطور نوع من الخلايا البالعة Macrophages بالاسناخ الرئوية قادرة انه تحرض استجابة مناعية وتقود الخلايا التائية المسؤولة عن العدوى الفيروسية وبالتالي السيطرة عالعدوى!

شغلتين مهمين منستنتجهن:
الاولى انه النظافة كتير مو منيحة 😂
والشي الاهم هو التصالب المناعي يلي بيصير نتيجة التعرض لعوامل انتانية متعددة او حتى عوامل بيئية وبالتالي بطور من الاستجابة المناعية، شي ممكن يتم او عم يتم حاليا العمل عليه يلي هو هندسة الخلايا المناعية، ويلي بقودنا مستقبلا لشي اسمه immune intelligence الذكاء المناعي 🤷‍♂️!



https://www.science.org/doi/10.1126/sciimmunol.adf8161

12/08/2023

صاد حيوي جديد اجتاز المرحلة ماقبل السريرية من حيث الامان والفاعلية! علما ان المحاولات السابقة باءت بالفشل بسبب السمية القلبية للتراكيب السابقة من نفس الزمرة!!
الصاد الحيوي بيثبط انزيم Lpxc المسؤول عن تصنيع اللبيد أ الضروري لاصطناع الغشاء الخلوي للجراثيم.
المثير للاهتمام انه هذا الصاد فعال على الجراثيم سلبية الغرام المقاومة لعدد كبير من الصادات الاخرى!


https://www.science.org/doi/10.1126/scitranslmed.adf5668?mibextid=Zxz2cZ

02/08/2023

اكتشاف ارتباط لخلايا تائية β7+ CD4+ T مبرمجة في القناة الهضمية تسمح لها بالوصول للشبكية.
هي الخلايا متورطة بامراضية الغلوكوما (ارتفاع ضغط العين) يلي هو اساسا مرض غير مناعي او متل ما كنا مفكرين!!

الغلوكوما واحد من اسباب العمى غير العكوس، الايجابي بالدراسة هو اقتراحها لتثبيط احد جزيئات التصاق كاستراتيجية جديدة لعلاج الغلوكوما!!

الصورة لشبكية فأر مصاب بالغلوكوما (الأخضر : الاوعية الدموية- الاحمر: جزيئات التصاق)



https://www.science.org/doi/10.1126/scitranslmed.adg1656

02/09/2022

وحدة من مشكلات العلاج المناعي هو التاثيرات المناعية الضائرة يعني منحفز الجهاز المناعي من هون ضد الورم ولكن بتفعل استجابة مناعية ورد فعل التهابي من ناحية تانية..
بس حاليا صار عنا طريقة لنقدر نعرف شو هي الببتيدات (بروتينات قصيرة السلسلة) يلي بتتدخل وبتعمل حالها كببتيد ذاتي وبالتالي بتعملنا هالمشاكل الجانبية!
الطريقة يلي اختصارها DITAS بتشتغل كالتالي:
١- منشوف شو عنا مستضدات مشابهة بين الخلية السرطانية والخلية الطبيعية
٢- وبعدين منعمل البيتيدات يلي بترتبط ب HLA (يلي هو متل هوية بتعرف بكل خلية بجسمنا متل الرقم الوطني 😁).
٣-ومن خلال هي البتيدات رح نعرف شو هي ال HLA (الرقم الوطني لل خلايا يلي عاملتلنا مشاكل 😁)
٤- وبالتالي رح نعرف نمط الخلايا التائية يلي ارتبطت فيها الببتيدات وهيك منجربها على جنب لنتاكد..
٥- وهيك منحدد شو هو المستضد يلي حرك المناعة بطريق غلط.
بهي للطريقة طبعا حدد الباحثين ببتيد النابسين أ يلي بيتداخل برد الفعل المناعي ضد سرطان الخلية الرئوية غير صغير الخلايا والاحداث الضائرة المرافقة!
عمل عظيم في مجال العلاج المناعي يتم على قدم وساق ونتائج مبشرة في المستقبل القريب 😊

A new type of analysis identifies potential trigger proteins that can cause autoimmunity during immune checkpoint blockade (ICB) cancer therapy.

https://fcld.ly/qol6qgw

24/07/2022

شو هي ال و ؟؟
‏٣- Cohort study: وهي دراسة مندرس فيها مجموعة ومنتابعهم ومنقيم وضعهن خلال فترة زمنية .. مثلا منتابع عامل خطورة لمرض معين ومنشوف اذا في علاقة او لا،
هي دراسات بتكون من نوع Prospective يعني نحنا منبلش مع المريض من هاللحظة ومنتابعه لفترة زمنية معينة، بعكس Case-Control Study يلي هي retro prospective ويلي كنا نرجع فيها للماضي "التاريخ المرضي للمتطوع" لحد اللحظة الحالية .
#مثال عليها دراسة علاقة فترة النوم وجودته كعامل خطورة لامراض القلب التاجية..
وبهي الدراسة بتابع الناس يلي بتنام منيح والناس يلي ما بتنام منيح وبتشوف اذا اتطورت عندهن هي الامراض وفعلا النوم لفترات قصيرة هو عامل خطورة حسب الدراسة..

‏٤- Cross-sectional Study
وهي درسة بتم على مجموعة من الناس بوقت محدد (كانه عم ناخد لقطة وحدة) ويعتبر هاد النوع من الدراسات الوصفية يلي بنوصف فيها المتغيرات عند المتطوعين دون ما نتدخل باعطائهم دوا مثلا.
#مثال:
انه نقيم عدد الحالات الايجابية من المصابين بالكوفيد بين الملقحين وغير الملقحين عند مين كان اكتر.
ملاحظة: بهاد النوع ما بيثبت وجود علاقة سببية وانما بس بيلفت انتباهنا لربما في علاقة بتربط السبب بالنتيجة وبتكون بحاجة لاستقصاء اكتر.
يعني لو طلع معنا انه الملقحين اقل اصابة بالكوفيد فهون لا يمكن اعتباره علاقة سببية مؤكدة.

اي شي حابين تعرفوا عنه ب اكتبوا بالتعليقات 👇

‏
#4

22/07/2022

يلي تحت بالصورة اقنية بيعملها فيروس المسبب للكوفيد -١٩ ليقدر يعدي الخلايا العصبية بالدماغ..!!

تظاهرات عصبية كتيرة ظهرت عند مرضى الكوفيد وكان غريب كيف ال SAR- Cov-2 قادر يعدي الخلايا العصبية حيث من المعروف انه الية العدوى بتم عن طريق endocytosis اي الدخول عبر مستقبلات ACII.
اليوم تبين انه بيعمل اقنية نانوية TNT بين الخلايا الظهارية والخلايا العصبية وبالتالي بيعدي الخلايا العصبية !!!

22/07/2022

شو هي ال و
ال ؟؟
‏١- Case report وهو تقرير حالة بيكتبه الباحث او الطبيب لوصف حالة لشخص عنده اعراض نوعية ما بتوصف مرض معروف من قبل او مثلا يكون مريض بمرض محدد ولكن في عنده متغيرات غريبة عن الشي يلي منعرفه او مثلا مريض منصاب بمرضين سوا غير متوقع انه ينصاب فيهن سوا.
#مثال: شخص بياكل ٢٥-٣٠ بيضة يوميا لمدة ١٥ سنة ومع هيك الكوليسترول عنده طبيعي!!! هاد مثال عن Case report "مثال حقيقي 😁😁

‏٢- Case-control study:
وهي الدراسة يلي بتم بين مجموعتين وحدة بتحوي على المتغير يلي بدنا ندرسه (مريضة بمرض معين) ومجموعة ما عندها هالمتغير وهي منعتبرها كونترول. بهي الدراسات ما نتداخل ولا منغير شي بس منلاحظ التغيرات، وبتنضم هي الدراسة للدراسات retrospective وبعتني انه منرجع فيها للماضي بالتاريخ المرضي للمتطوع ومنشوف اذا كان التعرض لعامل خطورة اله علاقة بمرض معين.
#مثال :
المستويات المرتفعة من الفيتامين دال قللت من حدوث نوبات شقيقة بالمقارنة مع المجموعة الكونترول.

اي شي حابين تعرفوا عنه ب اكتبوا بالتعليقات 👇


#3

20/07/2022

شو هي انواع الاوراق البحثية ؟؟
الابحاث بتنقسم لقسمين :
1. Primary Research (Original)
2. Secondary Research (Reviews)

-الابحاث ال او الاولية هي الابحاث يلي انت بتشتغل عليها وبتوصل من خلالها للنتائج معينة.
#مثال: انت بالمخبر وعم تشتغل على تركيبة ما وتشوف فاعليتها على حيوانات التجربة في علاج الكوفيد-١٩.

بينما ابحاث ال او الثانوية فهي الابحاث يلي بنعتمد فيها على الدراسات الاولية ومنعملها تلخيص او مراجعة لما سبق في مجال بحثي محدد.
#مثال: نعمل مثلا مراجعة لافضل العلاجات المستخدمة في علاج الكوفيد-١٩ وبالتاني هون منعتمد على دراسات اولية حكت عن الادوية ونجاعة كل واحد منها.

الابحاث الاولية بتنقسم لقسمين :
١- ابحاث تجريبية : متل الابحاث يلي بتصير بالمخابر وفيها الباحث بيعمل تجارب وتحاليل معينة للوصول لنتائج معينة او الابحاث يلي بتصير بالمشافي كتجارب سريرية على المرضى.

٢- ابحاث تعتمد على الملاحظة : وهي التجارب يلي بتعتمد تسجيل ملاحظات الباحث وبتنقسم لعدة اقسام :
‏١- Case report
‏٢- Cohort study
‏٣- Cross-sectional
‏٤- Case-control

شو يعني هالقصص كلها !! رح نحكيها بالبوست الجاية 😁😁

اي شي حابين تعرفوا عنه ب اكتبوا بالتعليقات 👇


#2

19/07/2022

شو يعني ، ، ؟؟!!
اول الشي ال وهو دار النشر يلي بتكون مسؤولة عن قواعد البيانات وكل دار نشر ممكن يكون عندها كذا قاعدة بيانات.
مثال عليها دار النشر Elsevier و Springer Nature.

ال هي قواعد البيانات يلي بتحتوي على مجلات ممكن تكون بمجال واحد او مجلات متعددة.
ومثال عليها Scopus التابع لدار نشر ايلسيفير وايضا nature journal التابع لدار النشر سبرينغر نيتشر و ال Pubmed التابع لل NCBI.

ال هي المجلة يلي بتنشر فيها الاوراق البحثية متل nature cell biology التابعة لنيتشر
و Molecular immunology التابعة ل ايلسيفير

هي كانت امثلة ولكن في الاف المجلات وعشرات قواعد البيانات
اي شي حابين تعرفوا عنه ب اكتبوا بالتعليقات 👇


#1

14/06/2022

الهدف الرئيسي لأي لقاح انه يقدر يحرض استجابة مناعية ضد العامل المعدي سواء فايروس، جرثوم او طفيلي عن طريق تشكيل اضداد مناعية Antibodies.
اللقاحات انواعها كتيرة منها الفايروس المقتول والمعطل و المعتمدة على RNA وال DNA و البروتين.. وكلهن بالنهاية بحفزوا على تشكيل الاضداد.
لكن بوباء الكوفيد-١٩ والتحورات او الطفرات يلي صارت عالفايروس بتخلينا نفكر منيح بكيف منقدر انه نعمل لقاح يبقى فعال حتى مع النسخ الجديدة من الفايروس !!!
هون صار التفكير بلقاح بيشتغل على الخلايا التائية المساعدة T helper cell (CD4) بدل ما كنا نشتغل على الخلايا البائية.
بهي الحالة ما بيفرق معنا مهما غير الفايروس من شكل المستضد تبعه
التجربة صارت على الفئران باستخدام لقاحين تجريبين من نمط المعتمد على الخلايا التائية
والمثير للاهتمام انه هاد اللقاح كان فعال على كل االمتحور الاصلي والمتحور بيتا بنفس المقدار !!
هاد النمط من اللقاحات رح يكون واعد جدا في تطوير جيل جديد من القاحات بيجمع بين الخلوية والمناعة الخلطية ..

31/05/2022

مبارح كان اليوم العالمي للتصلب اللويحي Multiple Sclerosis وهو واحد من امراض المناعة الذاتية المنهكة للمرضى ..
الخلايا المناعية فيه بتهاجم غمد المايلين Myelin sheath يلي بغلف الاعصاب في الحبل الشوكي والدماغ..
طبعا هاد الشي رح يؤدي لمشاكل بالرؤية وضعف بحركة الاطراف بالاضافة لخدر وضعف بالعضلات والقدرة على التوازن، غير المشاكل الذهنية كالقدرة عالتعلم او التفكير !!
المرض مترقي " يتجه نحو الاسوأ غالبا - غير معروف السبب ولا يوجد علاج شافي!!
#لكن
ببداية هي السنة انشرت ورقة بحثية عطتنا اول دليل قوي عن سبب هاد المرض.!
وجدت الدراسة انو الاصابة بفايروس الابيشتاين بار EBV سبب زيادة مخاطر الاصابة باكتر من ٣٢ ضعف !!!
هاد الدراسة رح توجه الجهود اكبر لانتاج لقاح للابشتن بار فايروس وبالتالي الوقاية من التصلب اللويحي..
الفيروسات كعادتها صاحبة مشاكل 😂😅 كل ما نشوف شي مرض صعب العلاج (امراض مناعية -سرطانات) بكون واره فيروسات 😅

29/05/2022

بتنطبق تماما على ال و #الريبوزمات ؟؟
ال RNA بدو ريبوزوم لحتى يتّرجم ويعطينا بروتين والريبوزم هو بالاساس بروتين طيب كيف هو اتّرجم ال RNA تبعه!!
هاد الشي ضل محير الباحثين مين اجا اول …. لحد ما قدروا يصنعوا اول RNA بيقدر يترجم حاله بحاله !!ويصنع اول ببتيد بيتكون كحد اقصى من ١٥ حمض اميني!!
هو صح قصيير كتير وبدائي بس غالبا هيك بلشت القصة..
طيب كيف صار هالشي ؟؟!!
منعرف انه ال RNA بيتكون من اسس يلي هي #ادنين - #غوانين- #سيتوزين - #يوراسيل فهنن يلي عملوه
جابوا سلسلتين من ال RNA بكملوا بعض - يعني بيلتصقوا ببعض وبساوي طاقين بشي بيشبه ال DNA - بس يلي عملوه انه ووضعو بنهاية كل واحد اساس معدل - يعني مو اساسي وانما مضاف اله سلسلة جانبية - طبعا هنن ما اخترعوه هنن اكتشفوه موجود ب ال RNA الناقل تبعنا !!
اول تسلسل RNA جابوه وحطوا بنهايته اساس وسموه ال RNA المانح
والتسلسل التاني حطو بنهايته سموه المستقبل.
(ال A ترمز للادنين وال U ترمز لليوراسيل)
الاساس t6A "المانح" بيلتقط الحمض الاميني بشكل طبيعي وبس طاقين ال RNA يلتصقو ببعض بقربوا الاساسين السابقين من بعض وبياخد الاساس mnm5U "المستقبل" الحمض الاميني !!
بشوية تسخين بينفصل الحمض الاميني من الاساس "المانح" وبينفصلوا طاقي ال RNA عن بعض وهيك بتتكرر العملية بس لحد معين (١٥ حمض اميني كحد اقصى)
وهون فينا نقول انو البيضة قبل الجاجة 😅😂