04/09/2026
هالشاب الحليوة تصوّر قدام ساحة الأمويين بدمشق ونزل صورته بحسابه على تيك توك، فرحان بحاله، إنسان بسيط ما أذى حدا،
ليقوموا أصحاب العقول المريضة بالسخرية منه ومن لبسه!
شو اللي مستفزكم بلبسته؟ وشو اللي مخليكم تعتبروا حالكم أحسن منه؟
يمكن هالشب ما عندو مصاري، بس عندو كنز بحياتكم ما رح تحصلوا عليه أبداً: عفويته و طيبته، و البساطة عمرها ما كانت عيب، والإنسان لا يُقاس بسعر تيابه،
والأقرف من تنمّركم عليه، إنكم شفتوا إنسان بسيط وما عندو غير فرحتو، وقررتوا تكسروا خاطره بكلمتين من ورا شاشة.
لهالشب تحديداً: لا تزعل ولا تهتم، إنت واقف ببلدك، رافع راسك وعم توثق لحظة حلوة من حياتك، وهاد أغلى من رأي ألف شخص فاضي.
البس اللي بتحبو، تصوّر وين ما بدك، وافرَح بحياتك… ولا تسمح لناس ناقصة تكسر فرحتك يا أخي. 💚🇸🇾
أما يلي عم يضحكوا… الله يهديكم، لأن المشكلة مو بلبسته أبداً؛ المشكلة بعقولكم المريضة و قلوبكم السودة اللي خلتكم تشوفوا البساطة شي بيستاهل السخرية.
