Донишгоҳи давлатии тиҷорати Тоҷикистон

26/10/2026

ВОХӮРИИ СУДМАНД БО ДОНИШҶӮЁНИ СОЛИ АВВАЛ

Санаи 26-уми октябри соли 2026 дар Донишгоҳи давлатии тиҷорати Тоҷикистон вохӯрии судманд бо донишҷӯёни соли аввали донишгоҳ доир ба риояи одоби шаҳрнишинӣ, фарҳанги либоспӯшӣ, пешгирии омилҳои номатлуби ифротгароӣ, истифодаи дурусти шабакаҳои иҷтимоӣ, баланд бардоштани ҳисси ватандӯстӣ ва ташаккули худшиносии миллӣ, зиракии сиёсӣ, арҷгузорӣ ба муқаддасоти давлатӣ ва тарбияи ҷавонон дар рӯҳияи хизмат ба Ватан баргузор гардид.

Дар чорабинӣ Маҳмудзода Нусратулло, сардори Раёсати ватандӯстии Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Гулзод Маҳкам Ҷумъа, муовини сардори Раёсати кор бо ҷавонон ва варзиши шаҳри Душанбе, Хушнудҷони Мирзомурод, намояндаи Раёсати тандурустии шаҳри Душанбе ва Саидзода Баҳрулло, муовини сардори Хадамоти огоҳонӣ ва пешгирии ҷинояткорӣ миёни ноболиғон ва ҷавонони Раёсати Вазорати корҳои дохилӣ дар шаҳри Душанбе иштирок намуда, оид ба баланд бардоштани маърифати ҳуқуқӣ, фарҳанги шаҳрнишинии донишҷӯён, риояи одоби муошират, фарҳанги либоспӯшӣ, пешгирии нашъамандӣ, бемориҳои сироятӣ, зуҳуроти номатлуби ифротгароӣ ва дигар омилҳои хатарзо, истифодаи мақсадноку масъулиятноки шабакаҳои иҷтимоӣ, инчунин таҳкими ҳисси ватандӯстӣ ва худшиносии миллӣ суханронӣ намуданд.

Дар фарҷоми чорабинӣ омӯзгорону донишҷӯёни фаъоли донишгоҳ аз ҷониби Раёсати кор бо ҷавонон ва варзиши шаҳри Душанбе бо сипосномаҳо қадрдонӣ карда шуданд.

26/10/2026

📢 ЭЪЛОН!
🏛️ Конференсияи байналмилалии илмӣ-амалӣ
Донишгоҳи давлатии тиҷорати Тоҷикистон санаи 21-уми ноябри соли 2026 конференсияи байналмилалии илмӣ-амалиро дар мавзуи «Масъалаи истилоҳ ва истилоҳшиносӣ дар шароити муосир» баргузор менамояд.

👥 Ба конференсия олимон ва муҳаққиқоне, ки ба омӯзиши масъалаҳои марбут ба мавзуи конференсия машғуланд, даъват карда мешаванд.
📚 Самтҳои асосии конференсия:
📖 Истилоҳшиносӣ ҳамчун соҳаи муҳими забоншиносӣ;
📝 Мафҳум, вазифа ва аҳаммияти истилоҳшиносӣ;
📚 Таърихи ташаккули истилоҳшиносӣ;
✍️ Масъалаи истилоҳсозӣ дар забони тоҷикӣ ва роҳҳои сохтани истилоҳҳои нав;
🔤 Истифодаи имкониятҳои дохилии забони тоҷикӣ дар истилоҳсозӣ;
🎓 Истилоҳоти илмӣ ва таълимӣ;
📘 Вазъи истилоҳоти фанҳои таълимӣ;
📑 Меъёрҳои истифодаи истилоҳҳо дар китобҳои дарсӣ ва адабиёти илмӣ;
💻 Истилоҳоти соҳаҳои муосир дар технологияҳои иттилоотӣ ва зеҳни сунъӣ;
⚖️ Истилоҳоти соҳаҳои муосир дар иқтисодиёт, ҳуқуқ, тиб, техника ва дигар соҳаҳо;
🌍 Воридшавии истилоҳоти хориҷӣ ба забони тоҷикӣ;
🔄 Тарҷума, мутобиқсозӣ ва тоҷикӣ кардани истилоҳҳои хориҷӣ;
📌 Меъёрҳо ва ягонагии истифодаи истилоҳот;
🌐 Таъсири ҷаҳонишавӣ ба рушди истилоҳоти тоҷикӣ;
📱 Истилоҳшиносӣ дар давраи рақамикунонӣ: истилоҳот дар фазои интернет ва шабакаҳои иҷтимоӣ;
🔎 Рушди истилоҳшиносӣ ва мушкилоти муосири истилоҳсозӣ;
📈 Роҳҳои такмили таҳқиқот ва танзими истилоҳоти тоҷикӣ.

✍️ Тартиби иштирок: даъвати иштирокчиён пас аз қабули дархост ва баррасии фишурда (тезис) ё мақола ба роҳ монда мешавад.

🗣️ Забони кори конференсия: тоҷикӣ, русӣ ва англисӣ.

📎 Маълумоти бештар: дар мактубҳои иттилоотии конференсия.

#ДДТТ #Конференсия2026 #Истилоҳшиносӣ #ЗабониТоҷикӣ #Забоншиносӣ #Истилоҳсозӣ #ИлмВаТаҳқиқот #ЗеҳниСунъӣ #ТехнологияҳоиИттилоотӣ #Рақамикунонӣ #ФарҳангиЗабон #ИлмВаИнноватсия

26/10/2026

ШИРКАТ ДАР НАМОИШГОҲИ XIV БАЙНАЛМИЛАЛИИ "КИТОБИ ДУШАНБЕ"

Донишҷӯёни факултети молия ва қарзи Донишгоҳи давлатии тиҷорати Тоҷикистон дар чорабинии маърифатии Намоишгоҳи XlV байналмилалии "Китоби Душанбе", ки 24-уми октябри соли 2026 дар "Осорхонаи миллии Тоҷикистон" баргузор гардид, фаъолона иштирок намуданд

26/10/2026

📢 ЭЪЛОН!

🏛️ Конференсияи II-юми ҷумҳуриявии илмӣ-назариявӣ
Донишгоҳи давлатии тиҷорати Тоҷикистон санаи 7-уми ноябри соли 2026 дар пояи кафедраи молия, фаъолияти бонкӣ ва суғурта конференсияи II-юми ҷумҳуриявии илмӣ-назариявиро дар мавзуи «Рушди низоми пулии кишвар дар шароити иқтисоди рақамӣ» баргузор менамояд.
👥 Ба конференсия намояндагони вазорату идораҳои дахлдор, муассисаҳои таҳсилоти олии кишвар, олимону муҳаққиқон, намояндагони ташкилотҳои байналмилалӣ ва пажуҳишгоҳҳои илмӣ-таҳқиқотӣ даъват карда мешаванд.

📚 Самтҳои асосии конференсия:
💰 Низоми пулии Тоҷикистон: мушкилот, имкониятҳо ва дурнамои рушди он;
💻 Рақамикунонии низоми пулии кишвар: ҳолати кунунӣ ва дурнамои рушд;
📈 Самтҳои асосии такмили низоми пулии Тоҷикистон дар шароити иқтисоди рақамӣ;
🏦 Нақши Бонки миллии Тоҷикистон дар рушди низоми пулии кишвар;
📊 Такмили сиёсати пулию қарзӣ дар шароити рақамикунонии иқтисодиёт;
💳 Мушкилоти гузариш аз муомилоти нақдӣ ба пардохтҳои ғайринақдӣ.
✍️ Олимон, муҳаққиқон, магистрантҳо ва докторантоне, ки хоҳиши иштирок дар конференсияро доранд, метавонанд мақолаҳои худро то 4-уми ноябри соли 2026 ба суроғаи электронии зерин ирсол намоянд: 📧 [email protected]

📍 Суроға: 734061, Ҷумҳурии Тоҷикистон, ш. Душанбе, хиёбони Деҳотӣ 1/2, Донишгоҳи давлатии тиҷорати Тоҷикистон.

🗣️ Забони конференсия: тоҷикӣ, русӣ ва англисӣ.
📎 Маълумоти бештар: дар мактубҳои иттилоотии конференсия.

#ДДТТ #Конференсия2026 #НизомиПулӣ #ИқтисодиРақамӣ #Молия #ФаъолиятиБонкӣ #БонкиМиллӣ #ПардохтҳоиҒайринақдӣ #СиёсатиПулиюҚарзӣ #Рақамикунонӣ #ИлмВаТаҳқиқот #ИқтисодиётиТоҷикистон

26/10/2026

ИШТИРОК ДАР МАШҚҲОИ ПАГОҲИРӮЗӢ ТАҲТИ УНВОНИ "МИЛЛАТИ ҶИСМАН СОЛИМ-РУҲАН НИЗ МУҚТАДИР ВА ШИКАСТНОПАЗИР АСТ"

Субҳи 24-уми октябри соли ҷорӣ ҳайати омӯзгорону донишҷӯёни Донишгоҳи давлатии тиҷорати Тоҷикистон бо мақсади иҷрои дастури роҳбари Дастгоҳи иҷроияи Президенти Ҷумҳурии Тоҷикистон оид ба баргузории чорабинии оммавӣ-варзишӣ, солимгардонӣ дар машқҳои пагоҳирӯзӣ таҳти унвони "Миллати ҷисман солим-руҳан низ муқтадир ва шикастнопазир аст" фаъолона ширкат варзиданд.

25/10/2026

ИШТИРОКИ ФАЪОЛОНАИ ОМӮЗГОРОНУ ДОНИШҶӮЁНИ ДДТТ ДАР МУСОБИҚАИ БАЙНАЛМИЛАЛИИ ГРАН-ПРИ ОИД БА ҶУДО

25 октябри соли 2026, шаҳри Душанбе.

Санаи 25 октябри соли 2026 омӯзгорону донишҷӯёни Донишгоҳи давлатии тиҷорати Тоҷикистон дар мусобиқаи байналмилалии Гран-прӣ оид ба ҷудо байни ҷавонон, ки дар Муассисаи давлатии «Қасри теннис ва маҷмааи варзишии обӣ»-и Мақомоти иҷроияи ҳокимияти давлатии шаҳри Душанбе баргузор гардид, иштироки фаъолона намуданд.

Иштироки намояндагони донишгоҳ дар чунин чорабинии байналмилалии варзишӣ аз таваҷҷуҳи пайвастаи муассиса ба рушди тарбияи ҷисмонӣ, тарғиби тарзи ҳаёти солим ва дастгирии ташаббусҳои варзишии омӯзгорону донишҷӯён шаҳодат медиҳад.

Мусобиқаи мазкур барои таҳкими ҳамкориҳои байналмилалии варзишӣ, рушди маҳорати касбии варзишгарони ҷавон ва муаррифии имкониятҳои варзишии ҷавонон заминаи мусоид фароҳам меорад.

Донишгоҳи давлатии тиҷорати Тоҷикистон минбаъд низ ба рушди фарҳанги ҷисмонӣ ва варзиш, баланд бардоштани ҳисси ватандӯстӣ, тарбияи ҷавонони солим ва ҷалби донишҷӯён ба чорабиниҳои варзишию фарҳангӣ таваҷҷуҳи махсус зоҳир менамояд.

24/10/2026

КОНФЕРЕНСИЯИ II БАЙНАЛМИЛАЛИИ ИЛМИЮ АМАЛӢ ДАР МАВЗУИ «РУШДИ НИЗОМИ МЕНЕҶМЕНТ ВА МАРКЕТИНГ ДАР ШАРОИТИ ИҚТИСОДИ САБЗ» БАРГУЗОР ГАРДИД
24 октябри соли 2026 бо ибтикори кафедраи менеҷмент, маркетинг ва иқтисодиёти меҳнати Донишгоҳи давлатии тиҷорати Тоҷикистон Конференсияи II байналмилалии илмию амалӣ дар мавзуи «Рушди низоми менеҷмент ва маркетинг дар шароити иқтисоди сабз» баргузор гардид.
Дар конференсия олимони варзидаи ватаниву хориҷӣ, муҳаққиқон, омӯзгорон, донишҷӯён ва магистрантон иштирок намуданд.
Конференсияро муовини ректор оид ба илм ва робитаҳои байналмилалӣ, номзади илмҳои иқтисодӣ, дотсент Ҷамшед Машокиров ифтитоҳ намуда, ҳозиринро хайрамақдам гуфт. Мавсуф таъкид кард, ки иқтисоди сабз ва гузариш ба энергияи тоза яке аз меҳварҳои асосии Паёмҳои солонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ ба шумор меравад. Дар стратегияҳои давлатӣ, аз ҷумла «Стратегияи рушди иқтисоди сабз барои солҳои 2023–2037», ин самт ҳамчун омили муҳими таъмини рушди устувор ва баланд бардоштани сатҳи некӯаҳволии ҷомеа муайян гардидааст.
Дар робита ба ин, мавсуф аз таъкидҳои Пешвои миллат муҳтарам Эмомалӣ Раҳмон ёдовар шуда, зарурати таваҷҷуҳи аввалиндараҷа ба идоракунии самараноки корхонаҳои давлатӣ, рушди иқтисоди «сабз» ва «даврагӣ», гузариш ба модели иқтисодии ба дониш ва навоварӣ асосёфта, рушди сармояи инсонӣ ва пешгирии таъсири тағйирёбии иқлимро муҳим арзёбӣ намуд.
Сипас, ректори Донишгоҳи давлатии тиҷорати Тоҷикистон, доктори илмҳои техникӣ, профессор Назарзода Хайрулло Холназар, бо сухани шодбошӣ баромад намуда, иштирокчиёни конференсияро хайрамақдам гуфт. Ректори донишгоҳ аҳаммияти рушди иқтисоди сабзро дар шароити муосир таъкид намуда, иброз дошт, ки истифодаи самараноки захираҳо, ҷорӣ намудани технологияҳои муосир ва ташаккули низоми идоракунии устувор аз омилҳои муҳимми рушди иқтисоди миллӣ ба шумор мераванд.
Мавсуф бо қаноатмандӣ таъкид намуд, ки Донишгоҳи давлатии тиҷорати Тоҷикистон дар омодасозии мутахассисони баландихтисос дар самтҳои менеҷмент ва маркетинг саҳми назаррас дорад. Имрӯз хатмкунандагони ин ихтисосҳо дар соҳаҳои гуногуни иқтисодиёти ҷумҳурӣ фаъолият намуда, дар рушди онҳо саҳм мегузоранд. Ҳамзамон, ӯ аҳаммияти баргузории чунин чорабиниҳои илмиро дар таҳкими ҳамкориҳои байналмилалӣ, табодули таҷриба ва дарёфти роҳҳои нави ҳалли масъалаҳои иқтисодиву экологӣ муҳим арзёбӣ кард.
Дар идомаи конференсия маърӯзаҳои илмии олимони варзидаи ватаниву хориҷӣ шунида ва мавриди баррасӣ қарор гирифтанд. Аз ҷумла:
• Салимбаева Шолпан Дисенбаевна, магистри илмҳои иқтисодӣ, омӯзгори калони кафедраи «Молия ва иқтисод»-и Донишгоҳи инноватсионӣ-технологии Ғарбии Қазоқистон, Ҷумҳурии Қазоқистон, дар мавзуи «Иқтисоди “сабз” ва рақамӣ: оптимизатсияи хароҷоти буҷети давлатӣ (дар мисоли Ҷумҳурии Қазоқистон)»;
• Зайналов Ҷаҳонгир Расулович, доктори илмҳои иқтисодӣ, профессор, мудири кафедраи «Молия»-и Донишкадаи иқтисод ва хизматрасонии Самарқанд, Ҷумҳурии Ӯзбекистон, дар мавзуи «Таъсири рушди инноватсионии корхонаҳо ба вазъи экологии минтақа»;
• Алиева Сусанна Сейрановна, номзади илмҳои иқтисодӣ, дотсенти кафедраи «Молия»-и Донишкадаи иқтисод ва хизматрасонии Самарқанд, Ҷумҳурии Ӯзбекистон, дар мавзуи «Вомбаргҳои сабз ва сармоягузории ESG: тамоюлҳои ҷаҳонӣ ва таҷрибаи Ҷумҳурии Ӯзбекистон»;
• Саидова Мунаввар Ҳамидовна, доктори илмҳои иқтисодӣ, профессори кафедраи менеҷмент, маркетинг ва иқтисодиёти меҳнати Донишгоҳи давлатии тиҷорати Тоҷикистон, дар мавзуи «Парадигмаи трансформатсияи рушди менеҷмент дар шароити иқтисоди платформавӣ дар Тоҷикистон»;
• Урунова Сарвиноз Азизовна, номзади илмҳои иқтисодӣ, дотсенти кафедраи менеҷмент, маркетинг ва иқтисодиёти меҳнати Донишгоҳи давлатии тиҷорати Тоҷикистон, дар мавзуи «Рушди маркетинг дар давраи иқтисоди сабз дар Тоҷикистон: вазъи кунунӣ, дурнамо ва самтҳои такмил».
Дар идомаи чорабинӣ профессорон Раҷаб Раҷабов, Мунаввар Саидова, Қобилҷон Толибзода ва Саидаҳмад Зубайдов дар музокира иштирок намуда, доир ба мавзуи баррасишаванда андешаҳо, пешниҳодҳо ва тавсияҳои судманд иброз доштанд. Мубодилаи афкор ва баррасии масъалаҳои муҳими рушди иқтисоди сабз барои муайян намудани самтҳои афзалиятноки таҳқиқоти минбаъда ва таҳкими ҳамкориҳои илмӣ замина фароҳам овард.
Дар фарҷоми конференсия маърӯзачиён аз ҷониби раёсати Донишгоҳи давлатии тиҷорати Тоҷикистон бо сипосномаҳо ва туҳфаҳо қадрдонӣ карда шуданд.
Конференсия дар таҳкими робитаҳои илмии байналмилалӣ, густариши ҳамкориҳои байни муассисаҳои таҳсилоти олӣ ва табодули таҷриба дар самтҳои менеҷмент, маркетинг ва иқтисоди сабз нақши муҳим гузошт.

23/10/2026

📢 ЭЪЛОН!
🏛️ Донишгоҳи давлатии тиҷорати Тоҷикистон санаи 24-уми октябри соли 2026 Конференсияи III-юми байналмилалии илмӣ-амалӣ дар мавзуи «Рушди низоми менеҷмент ва маркетинг дар шароити иқтисоди “сабз”» баргузор менамояд.
👥 Ба конференсия намояндагони вазорату идораҳои дахлдор, муассисаҳои таҳсилоти олии кишвар, олимону муҳаққиқон, намояндагони ташкилотҳои байналмилалӣ, пажуҳишгоҳҳои илмӣ-таҳқиқотӣ ва ширкатҳои соҳибкорӣ даъват карда мешаванд.
📚 Самтҳои асосии конференсия:
1. 🌱 Масоили рушди менеҷмент дар шароити рақамикунонӣ ва иқтисоди «сабз»;
2. 📈 Аҳамияти «маркетинги сабз» дар рушди иқтисоди миллӣ;
3. ♻️ Менеҷменти экологӣ дар низоми идоракунии рушди корхона: тамоюлҳои муосир;
4. 🎓 Омодасозии кадрҳои соҳаи менеҷмент ва маркетинг дар шароити рақамикунонӣ ва иқтисоди «сабз»;
5. 🏢 Масоили рушди менеҷменти гумрукӣ дар шароити муосир;
6. 🌍 Самтҳои афзалиятноки рушди иқтисоди «сабз» дар Ҷумҳурии Тоҷикистон;
7. 🏞️ Муаммоҳои рушди сайёҳии «сабз» дар Ҷумҳурии Тоҷикистон;
8. 🤝 Рушди муносибатҳои тиҷоратӣ ва соҳибкории «сабз».
✍️ Олимон, муҳаққиқон, магистрантҳо ва дигар хоҳишмандон метавонанд мақолаҳои худро то 15-уми октябри соли 2026 ба суроғаҳои электронии зерин ирсол намоянд:
📧 [email protected]
📧 [email protected]
📍 Суроға: 734061, ш. Душанбе, хиёбони Деҳотӣ 1/2, Донишгоҳи давлатии тиҷорати Тоҷикистон.
🗣️ Забони конференсия: тоҷикӣ, русӣ ва англисӣ.
📎 Маълумоти бештар: https://tguk.tj/tj
#ДДТТ #Конференсия2026 #Менеҷмент #Маркетинг #ИқтисодиСабз #МаркетингиСабз #РушдиУстувор #Рақамикунонӣ #ИлмВаИнноватсия #Соҳибкорӣ #СайёҳииСабз #Тоҷикистон

📢 ЭЪЛОН!
🏛️ Донишгоҳи давлатии тиҷорати Тоҷикистон санаи 24-уми октябри соли 2026 Конференсияи III-юми байналмилалии илмӣ-амалӣ дар мавзуи «Рушди низоми менеҷмент ва маркетинг дар шароити иқтисоди “сабз”» баргузор менамояд.

👥 Ба конференсия намояндагони вазорату идораҳои дахлдор, муассисаҳои таҳсилоти олии кишвар, олимону муҳаққиқон, намояндагони ташкилотҳои байналмилалӣ, пажуҳишгоҳҳои илмӣ-таҳқиқотӣ ва ширкатҳои соҳибкорӣ даъват карда мешаванд.

📚 Самтҳои асосии конференсия:
1. 🌱 Масоили рушди менеҷмент дар шароити рақамикунонӣ ва иқтисоди «сабз»;
2. 📈 Аҳамияти «маркетинги сабз» дар рушди иқтисоди миллӣ;
3. ♻️ Менеҷменти экологӣ дар низоми идоракунии рушди корхона: тамоюлҳои муосир;
4. 🎓 Омодасозии кадрҳои соҳаи менеҷмент ва маркетинг дар шароити рақамикунонӣ ва иқтисоди «сабз»;
5. 🏢 Масоили рушди менеҷменти гумрукӣ дар шароити муосир;
6. 🌍 Самтҳои афзалиятноки рушди иқтисоди «сабз» дар Ҷумҳурии Тоҷикистон;
7. 🏞️ Муаммоҳои рушди сайёҳии «сабз» дар Ҷумҳурии Тоҷикистон;
8. 🤝 Рушди муносибатҳои тиҷоратӣ ва соҳибкории «сабз».

✍️ Олимон, муҳаққиқон, магистрантҳо ва дигар хоҳишмандон метавонанд мақолаҳои худро то 15-уми октябри соли 2026 ба суроғаҳои электронии зерин ирсол намоянд:
📧 [email protected]
📧 [email protected]

📍 Суроға: 734061, ш. Душанбе, хиёбони Деҳотӣ 1/2, Донишгоҳи давлатии тиҷорати Тоҷикистон.
🗣️ Забони конференсия: тоҷикӣ, русӣ ва англисӣ.

📎 Маълумоти бештар: https://tguk.tj/tj

#ДДТТ #Конференсия2026 #Менеҷмент #Маркетинг #ИқтисодиСабз #МаркетингиСабз #РушдиУстувор #Рақамикунонӣ #ИлмВаИнноватсия #Соҳибкорӣ #СайёҳииСабз #Тоҷикистон

23/10/2026

СУХАНРОНИИ НАМОЯНДАИ ДДТТ ДАР КОНФЕРЕНСИЯИ БАЙНАЛМИЛАЛИИ ИЛМӢ-АМАЛӢ ДАР ҚИРҒИЗИСТОН

23-юми октябри соли 2026 номзади илмҳои иқтисодӣ, иҷрокунандаи вазифаи дотсенти кафедраи баҳисобгирии бухгалтерӣ ва аудити Донишгоҳи давлатии тиҷорати Тоҷикистон Каримзода Мадина Исоқидин дар семинари маҷозии байналмилалӣ, ки аз ҷониби Донишгоҳи иқтисодии Қирғизистон ба номи М. Рыскулбеков дар шаҳри Бишкеки Ҷумҳурии Қирғизистон баргузор гардид, иштирок ва суханронӣ намуд.

Чорабинии мазкур дар доираи конференсияи байналмилалии илмию амалии олимони ҷавон ва донишҷӯён таҳти унвони «Баҳисобгирӣ, таҳлил ва аудит: тамоюлҳо, технологияҳо ва дигаргунсозӣ» баргузор шуд.

Каримзода Мадина Исоқидин дар конференсия бо маърӯза дар мавзуи «Ташкили раванди баҳисобгирӣ-таҳлилии корхонаҳои соҳаи тарабхонаҳо дар шароити рақамикунонӣ» баромад намуд.

Дар маърӯза масъалаҳои ташкили раванди баҳисобгирӣ ва таҳлил дар корхонаҳои соҳаи тарабхонаҳо дар шароити рақамикунонӣ баррасӣ гардида, аҳаммияти истифодаи технологияҳои муосири иттилоотӣ дар такмили баҳисобгирии муҳосибӣ, таҳлили фаъолияти хоҷагидорӣ ва баланд бардоштани самаранокии идоракунии корхонаҳо таъкид карда шуд.

Иштироки намояндаи Донишгоҳи давлатии тиҷорати Тоҷикистон дар чунин чорабиниҳои байналмилалии илмӣ барои мубодилаи таҷрибаи илмӣ, таҳкими робитаҳои академӣ ва густариши ҳамкориҳои илмӣ байни муассисаҳои таҳсилоти олии кишварҳои минтақа заминаи мусоид фароҳам меорад.
-
ВЫСТУПЛЕНИЕ ПРЕДСТАВИТЕЛЯ ТГУК НА МЕЖДУНАРОДНОЙ НАУЧНО-ПРАКТИЧЕСКОЙ КОНФЕРЕНЦИИ В КЫРГЫЗСТАНЕ

23 октября 2026 года кандидат экономических наук, исполняющая обязанности доцента кафедры бухгалтерского учёта и аудита Таджикского государственного университета коммерции Каримзода Мадина Исокидин приняла участие и выступила в международном онлайн-семинаре, организованном Кыргызским экономическим университетом имени М.Рыскулбекова в городе Бишкеке Кыргызской Республики.

Мероприятие состоялось в рамках Международной научно-практической конференции молодых учёных и студентов «Учёт, анализ и аудит: тренды, технологии, трансформация».

Каримзода Мадина Исокидин выступила с докладом на тему «Организация учётно-аналитического процесса предприятий ресторанного хозяйства в условиях цифровизации».

В докладе были рассмотрены актуальные вопросы организации учётно-аналитического процесса на предприятиях ресторанного хозяйства в условиях цифровизации. Особое внимание было уделено значению современных информационных технологий для совершенствования бухгалтерского учёта, анализа хозяйственной деятельности и повышения эффективности управления предприятиями.

Участие представителя Таджикского государственного университета коммерции в международном научном мероприятии способствует обмену научным опытом, укреплению академических связей и расширению сотрудничества между образовательными и научными учреждениями стран региона.

23/10/2026

САЙҚАЛИ МАҲОРАТИ ПЕДАГОГӢ

Бо мақсади такмили маҳорати касбӣ, рушди салоҳиятҳои педагогии омӯзгорони ҷавон, ҷорӣ намудани усулҳои муосири таълим ва баланд бардоштани сифати таҳсилот, аз 20-уми октябри соли 2026 дар Донишгоҳи давлатии тиҷорати Тоҷикистон курси омӯзишии «Асосҳои маҳорати педагогӣ» оғоз гардид.

Ҳадафи баргузории курс баланд бардоштани савияи дониш, такмили усулҳои таълим, ташаккул ва сайқали маҳорати касбӣ ва тақвияти фарҳанги педагогии омӯзгорони ҷавон буда, машғулиятҳоро мутахассисони ботаҷрибаи шуъбаи мониторинг ва идораи сифати таълими донишгоҳ, номзади илмҳои педагогӣ, дотсент Бойалӣ Ҳусейнов ва омӯзгори калон Ориф Шодмонов гузаронида истодаанд.

Тибқи барномаи курс ба омӯзгорони ҷавон асосҳои педагогика ва психология, тарзу усулҳои баланд бардоштани маҳорати педагогӣ, гузаронидани дарсҳои лексионӣ, амалӣ, семинарӣ, озмоишгоҳӣ, корҳои мустақилонаи донишҷӯён бо роҳбарии омӯзгор омӯзонда мешаванд. Инчунин, оид ба татбиқи талаботи “Низомномаи низоми кредитии таҳсилот дар муассисаҳои таҳсилоти олии касбии Ҷумҳурии Тоҷикистон” ва нақши он дар баланд бардоштани маҳорат ва малакаи омӯзгорони ҷавон баррасӣ карда мешаванд.

Дар раванди курси омӯзишӣ ба дарки хусусиятҳои равонии донишҷӯён, фароҳам овардани муҳити мусоиди таълимӣ ва таҳкими муносибатҳои созандаи омӯзгору донишҷӯ таваҷҷуҳи хосса зоҳир карда мешавад.

Маврид ба зикр аст, ки пешаи омӯзгорӣ яке аз касбҳои дорои масъулияти баланди иҷтимоӣ буда, дар шароити таҳаввулоти босуръати ҷаҳонӣ, пешрафти технологияҳои иттилоотию коммуникатсионӣ ва мураккаб гардидани муносибатҳои байналмилалӣ аз омӯзгор дониш, таҷриба, ҷаҳонбинии васеъ ва маҳорати баланди касбиро тақозо менамояд.

Ҷалби таваҷҷуҳи донишҷӯён ба омӯзиш, бедор намудани шавқу рағбати онҳо ба донишандӯзӣ ва ташаккули тафаккури мустақил аз вазифаҳои муҳимми омӯзгори муосир маҳсуб меёбад. Ба ибораи дигар, рисолати омӯзгор танҳо интиқоли донишҳои назариявӣ набуда, тарбияи насли худшиносу худогоҳ, масъулиятшинос ва дорои ҳисси баланди ватандӯстиро низ фаро мегирад.

Бояд гуфт, ки гузаронидани чунин курсҳои омӯзишӣ барои такмили донишҳои назариявию амалӣ ва баланд баланд бардоштани маҳорати педагогии омӯзгорони ҷавон заминаи мусоид фароҳам оварда, дар таъмини сифати таҳсилот ва омода кардани мутахассисони соҳибкасби дар бозори меҳнат рақобатпазир нақши муҳим мебозанд.