Мақсатымыз Түркияның сан қаласында Қазақстаннан келіп білім алып жатқан жастар арасындағы байланысты барынша нығайту. Әр қаладағы қазақ студенттерінің тыныс-тіршілгі мен өткізіп жатқан іс-шаралары туралы бір-бірлерін дер кезінде хабардар етіп отыру. Сонымен қатар, Түркияның ЖОО-на түсемін деген талапкерлерге арналған ақпарат беру.
Сайтымыздың бағыты-ақпараттық. Бұған қоса, қазақ және түрік тілін
де болатын сайтымыздың екі ел үшін де пайдалы болу жағына баса көңіл бөлеміз. Бауырлас Қазақстан мен Түркия елдерінің оқырмандарына ең өзекті һәм ең пайдалы деген ақпараттарын ізін суытпай беріп отырмақпыз. Яғни түбі бір туыс мемлекеттердің бір-бірлерін жақын тани түсуіне септігімізді тигізсек деген ой. Қазақ-түрік мәдени және ғылыми байланысының дамуына аз болса да үлес қоса алсақ, қазақ жастарын бірлікке айрандай ұйыта алсақ, біз үшін үлкен жетістік болар еді.
