Qoysbile, 2329 South 9th Street Apt 207, Minneapolis, MN (2026)

09/03/2026

Faa,iidada Guurka.
2. Deggenaan iyo Qaneenco

Guurku wuxuu abuuraa qalbigoo kuu dega iyo laabtoo kuu qabowda, Shaqaday naftu u jeceshahay haddaan loo helin waqti nasasho waa lagu daalayaa dabeetana la iska deynayaa.
Saacadaha uu Qoku ku hawlan yahay cibaadada Alle iyo camalka adduunyo, waxaa habboon inuu dhexgashado waqti uu xaaskiisa/saygeedda kula baashaalo si qalbigu ugu d**o, laabtu ugu qabowdo firfircoonaanna uga qaado.
Dadka cilmig nafsiga barta waxay ku cadeeyeen in dawada ugu wanaagsan ee lagu baa’biyo werwerka, wareerka, xanaaqa iyo daalka badan ay tahay in aad gurigaaga tagtid oo aad la kulantid/ la cayaarto xaaskaaga/ saygaaaga.

Waxaan wax badan arkay dad dhimirka ka jirran oo isugu jira rag iyo dumar oo loo guuriyay, mudo yar ka dibna helay caafimad iyo deggenaan, dadkaa waxaa wax badan lagu dawaynayay meelaha lagu dabiibo dadka dhimirka ka jiran, waxayse bogsadeen markay heleen wehel dhinaca jinsiga ah taasoo keentay inay qoboobaan xididadii kacsanaa, kana dhamaado gadoodkii xididada maskaxda ka buuxay.
Buuqii iyo isla hadalkii iyo wareerka waxaa booskoodii u gelay deggenaan iyo qaneeco.
Marka, guurku waa dawo u baahan in si fiican loogu daweeyo dadka dareenkoodu kacsan yahay, sidoo kale waxuu ka hor-tag u yahay cudurada keena isla hadal-ka, Stresska iyo buufiska. .

Dunidda Maanta waa wareer badan tahay, waqtiguna waa deg deg waxaana batay cudurada ku dhaca dareenk, nerfaha ama maskaxda, waxana sii kordhaya culaysyadda ka haysta dalalka galbeedka isla hadalka, stresska iyo kali noolaanshaha. Xanuunadaan inta badan kuma dhacaan dadka h**e u guursaday ama helay Lamaane wanaagsan oo nolosha la Kaaba.
Sidaa darted si aad Nolol deggen iyo Qaneeco Nafee u hesho Guurso oo si fiican uga fikir inuu guurku kuu noqdo midkaa rabtay oo doorashadaadda ku xiran.

La soco qormadda xigta.

09/02/2026

Qoysbile Family maxaad jeclaan lahydeen Inaad Barataan Tababaradan. jawaabtu waa Muhiim fadlan.

09/02/2026

Faadooyinka Guurka.

1. Eebe oo raalli kaa noqda & sunnadii Rasuulka oo aad raacday

Guurku waxuu ka mid yahay, shayga ugu mihiimsan ee jiritaanka aadmiga ku xiran yahay, waa halka uu bini-aadamku ka tarmo.

Dunidda Maanta waa isu furan tahay oo dalal badan ayaa dadkii ku yaraaday oo sanad walba dad soo dhoofsadda ka dib markii Tarankii ku yaraaday oo guurkii iska diideen in badan.

Wadamo kale guurkii ayaa macnihiisii oo dhan meesha laga saaray waxana qoys lagu tilmaamaa laba haween ah oo wada nool ama laba Rag ah ama xayawaan iyo dad, waxanaa meesha ka baxay dhadhankii guurka oo ahaa Ilaalinta anshaxa iyo nasabkaba.

Alah (sw) wuxuu ilaaliyay nasabka si aan ummadda Muslimka ah shubaho u soo dhexgalin, wuxuuna aayaadan ku dhiiri gelinaya oo noogu bishaaraynaa in la guursado oo guurku wato risqisigiisa iyo fadli dheeraad ah.
waxaan aragnay oo markhaati nool ka nahay dad aan waxba haysan oo ka baqanayay guurka iyo culayskiisa oo markii ay alle tala saarteen oo guursadeen dhaqaale iyo shaqaba helay oo abuuray ganacsi. marka hada dhaqale rabto guurso oo eebe talo saaro.

وَأَنكِحُوا الْأَيَامَىٰ مِنكُمْ وَالصَّالِحِينَ مِنْ عِبَادِكُمْ وَإِمَائِكُمْ ۚ إِن يَكُونُوا فُقَرَاءَ يُغْنِهِمُ اللَّهُ مِن فَضْلِهِ ۗ وَاللَّهُ وَاسِعٌ عَلِيمٌ
sidoo kale ayuu Nabigeena Muhamed (scw) noo dar daarmay inaan guursano, marka waxaad ogaataa markaad iska ilaalisid xaaraanta oo xawadaada aad ku shubtid meel xalaal ah, waxaad fulisay amarka Allah (sw) iyo dar daaranka Nabigeena (scw) Marka waxaad fulisay qodob muhiim u ah Cibaadadaadda iyo nolaashaada dambe oo dhan.
Guurku waa Gaashaan kaa difaaca macaasidda sidoo kale wuxuu qofkma muslimka ah u fududeeyaa cibaadadda alle waa inta badan guurku wuxuu waataa Hanuun iyo qabow qalbiga iyo naftaba saameeya.
Sidaa darted faaiidadda guurka waxaa ka mid ah Raali ahaanshaha Eebe iyo Raaacidda sunnnad nabiga (SCW) oo aan raacday iyo Inaad xawadaadda( shahwadaada) si xalaal ah U gudato.

la soco Qormadda xigta.

09/01/2026

Maxaa laga Faa’iidaa Guurka.
Is guurisiga Dadka iyo wada noolaanshahoodu wuxuu soo jiray ilaa Nabi Adam (cs) waxaana Feerta bidix ee nabi Adam laga abuuray Xawaa si uu u helo Lammaane iyo wehel nolosha la qaybsada.
ilaa waqtigaa guurku wuxuu ahaa sharci Allaah isugu baneeyay lab iyo dhadig inay si sax ah baahidooda jinsiga ah ku gutaan iyo inay koriyaan dad ka farcama qoyskaas sida sharciga ah ku wada nool.

Guurku wuxuu qofka u yeelaa miisaan, wuxuu geliyaa caafimaad maskaxeed iyo mid jireed, wuxuu baraa nidaamka masuuliyadda, iyo fekerka, wuxuuna u gudbiyaa xaalad horumar mida ugu wayn oo ah inuu helo ubad illaahay idinkii,

Waxaad ogtihiin Dadka dunidda jooga waxyaabaha ugu muhiimsan ee ay ka shaqeeyaan cibaadadda alle ka dib waa ganacsi, ganacsigana waxa laga shaqaystaa waa badeeco la soo saaro ama shaqo la qabto oo lacag laga helo (product or service
Product iyo Servic-ka waxaa ka shaqeeya waa dad, dadkana waxaa soo saara qoys, marka waxaad arkaysaa in ganacsigana habeen iyo maalin loo soo jeedo si faaiido looga sameeyo qoyskii dadka soo saarayayna la hilmaamo oo muhiimadiisii aan la fahmin.

Marka qoys waxaa laga soo saaraa waxa aduunka ugu qaalisan oo ah dadka, badeecadda iyo waxayaabaha dunida yaal waa la isa siiyaa, la is ammaahiyaa, la isu hibeeyaa, aqristow dad la isa siiyo ma aragtay? Ma maqashay dad la is daymiyay, ama dad beec ah oo qiimo lacageed lagu kala gadanayo.
waxay ila tahay inaad ila fahamtay in qoysku laga helo waxa ugu qiimaha badan dunidda oo ah dadka , sida kaliya ee aad ku heli kartaana waa inaad qoys dhistaa ilaahayna tala saarataa,

Intaa ka dib waxaan soo qaadan doonaa Qodobadda aan is leeyahay waa ugu muhiimsan yihiin ee laga helo Guurka .
La soco Qormada soo socota.

08/25/2026

They strengthen the Three X rule.

Second and third X
Xiriirka Waalidka iyo u baari-noqoshadooda oo aad ilaalisid.

Qoysaska liibaanay waxaa ka mid ah calaamadahooda inay yihiin dad baari u ahaa waalidiintii iyaga dhashay oo xifdiya una ixsaan fala haday nool yiihin, haday dhinteena u sadaqeeya saqada jaariya ah ama u duceeya maalin kasta.
Xiriirinta waalidka waa furaha labaad ee liibaanta noloshaada iyo aakhiradaada, waan arinka labaad ee ugu mihiimsan inaad ka shaqayso intaa nooshahay waaba hadii Eebe fursadaa ku siiyay, Allaah markuu in la caabudo ka hadlayay , wuxuu raaciyay in waalidka loo axsaan falo oo baari loo noqdo, وَاعْبُدُوا اللَّهَ وَلَا تُشْرِكُوا بِهِ شَيْئًا ۖ وَبِالْوَالِدَيْنِ إِحْسَانًا halkaa waxaad ka garanaysa muhiimadda ay leedahay in waalidka xiriirkooda la hagaajiyo.
Xadiith Rasuulka scw ayaa sheegay in jibriil u yimi oo ku yiri, qofkii labadiisi waalid mid ama labduba ay agtiisa ku waynaadeen oo aan jano ku galin Axsaan falkooda naarta allaha ku fogeeyo, nabiguna scw aamin ayuu yiri. رَغِمَ أَنْفُهُ، ثُمَّ رَغِمَ أَنْفُهُ، ثُمَّ رَغِمَ أَنْفُهُ
قِيلَ: مَنْ يَا رَسُولَ اللَّهِ؟
قَالَ: مَنْ أَدْرَكَ وَالِدَيْهِ عِنْدَ الْكِبَرِ، أَحَدَهُمَا أَوْ كِلَيْهِمَا، ثُمَّ لَمْ يَدْخُلِ الْجَنَّةَ Hadiithkaan iyo aayadaha ka h**eya waxay cadaynayaa in ruuxii waalidka aan u axsaan falin oo aan baari u noqon uusan aduun iyo aakhiraba liibaanayn, qofkii waalidkii aan baari u noqon oo caasi ku noqda ma sugayo qoys deggen iyo ubbad baari ah.
Hadaba hadaad doonayso inaad hesho qoys baari ah iyo ubbad baari, xiriiri oo baari u noqo waalidkaa hadii ay noolyihiin haday dhinteena u ducee...
Waxa tijaabooyin badan lagu ogaaday in ducada iyo habaarka waalidku ay qofka ka muuqato intuu dunidda jooga, qofka ducada waalidka qaba gaadiid uu ku socdo ayay u noqotaa, gaashaan dhibaatada ka difaaaca ayay u noqataa, qoyskiisa ayay barakaysaa, ubbadkiisa ayay baari ka dhigtaa, walwalka aduunka ayay ka ilaalisaa, noloshiisan farxad iyo guul ayuu ku dhamaystaa.
Sidoo kale qofkii waalidka caasi ku noqda ama habaar waalid ku dhaco , waxba uma hagaagaan, xarig kasta oo uu qabsado waa go’aa, muraad kasta oo yeeshana culays ayuu ku noqdaa, xiriirka uu dadka la leeyahay waa adkaadaa, qoys degen iyo degenaanshana ma helo, Ubbadka uu dhalana isagay dhibaato iyo caasi waalidiin ku noqdaan. Hadaba markaad jarto xiriirka adiga iyo waalidkaa waxaad sugtaa waa xiirir xumo ka timaada qoyskaaga iyo ubbadkaaga waana waxa isku xiran oo la kala saari karin...
Markaad wanaajisid xiriirka adiga iyo waalidkaa, waxaad heshay furaha iyo guusha noloshaada, qoyskaaga, ubbadkaaga, iyo sacaadada iyo farxadda naftaada.. waxaa kaloo kuu noqonaysaa ducadda waalidka fure kuu fura albaab kasta oo aad doonaysid, waxaana fudayd kuu noqonaya dhamaan amuuraha aad ka leedahay aduunka iyo aakhiradaadaba.

Xaaraanta oo aad qoyskaaga ka ilaalisid.

Waxyaabaha guryaha naga dumiya marka laga reebo labada qodob ee aan kor ku soo sharaxnay waa xaaraanta guryaha iyo ilamaha la galiyo. Xaaraantu waa dab, dabkuna meeshii lagu qabto waa gubaa.
Dhibaatada ugu badan ee somalidda dibada bur burka qoyska sababta u ah waa ribada iyo dhaqaalaha sida khaldan kusoo gala qoyska. Soomaalida dhexdeeda waxaa caan ku ah in qofkii qaatay xoolo dad kale lahaa uu maanta dareemay dhibaatadii ka dhalatay iyo saamaynta ay ku yeelatay qoysaskoodii.
Nafaqaynta qoyskaaga waa muhiim inaad ka ilaaliso xoolo xaaraan oo la soo dhacay ama la soo xaday oo qofkii lahaa laga soo fara maroojiyay, qoyskii lagu soo bar baariyay xoolo xaaran ah ama hada haystana ma sugayo degenaan iyo farxad , waxaaana la sugayaa natiijada xaaraanta oo ah kala tag, daroogo, iyo is dil waana aragnay in badan,
hadaba hadaad akhristow qoyskaaga ku nafaqaysid xaaraan waxaad sugtaa waa qoys habeen iyo maalin is haysta oo dhibaatadii xaaraantu ka muuqato wajiyadooda iyo dhaqankooda lana socon doonta ilaa waqti dheer....
Hadaba hadaad doonayso qoys deggen oo farxad iyo furfurnaan ku nool ka fogow inaad qoyskaaga ku quudisid xaaraan degtid makaan xaaraan ah, ku lebisatid dhar xaaraan, is la markaana ku intifaacdid xaaraan.
Dhammaad.

08/25/2026

Talaabooyinka muhiimka ah inaad ogaato inta casharku socdo.

08/21/2026

Qodobka sagaalaad.
9. They strengthen Three X Rule.
Waxay Xoojiyaan Qaacidadda Three X.
Lammanaha Nolosha ku liibaanay waxay xoojiyaan Qaaciddada Three X
Qodobkaan aan ugu dambaysiiyay sagaalka qodob ee Lammaaanah Guulyastay Ee Qaacidadda Three X waxay soo koobaysaa Arin kooban laakin aad muhiim u ah taas oo oo aad ku arkaysid qoys kasta oo Nolosho ku guulaystay.
Dunidaan iyo dadka ku nool Allaah ayaa abuuray oo garanaya maslaxadoodda, wanaagooda, iyo meelaha ka jilicsan yihiin, wuxuuna soo raaciyay kitaab quraan ah oo xambaarsan dhammaan tar tiibta nolosheena, hadaan raacno waa liibaannay, hadaan ka jeesanana waan xumaaanay oo waxba nooma hagaagayaan. waxaana ka dhalanaya abaalmarin iyo ciqaab .
Computarka aan hadda ku qorayo qoraalkan markii la sameeyay waxaa la soo raaciyay waraaqo kooban oo sheegaya sida la isugu xirayo, siduu u kala horreeyo, iyo barmaamijyo lagu shubayo si uu u shaqeeyo, hadii aad khalado tar tiibtiisa iyo siduu isugu xigo waa xumaanayaa oo ma kuu shaqaynayo, hadaad raacdo nidaamkii loo sameeyayna wuu kuu shaqaynaayaa sidaad rabto ayaad uga faaidaysanaysaa.
Waxaan hadda soo qaadanaynaa qaaciddo kooban laakiin guda balaaran oo aan ku soo koobayo Sagaalka Qodob ee lammaanaha guulaysta, waa qaaciddo qofkii ku dhaqma uu e heli doono qoys barakaysan oo badhaadhe ah , waa qaacido kuu horseedaysa nolol deggen, qalbi deggen iyo qoys deggen. Qaacidadaan waxaaan u bixiay 3 X ama sedexda X waana tan.

Xiriirka Eebe oo aad Ilaalisid. ( first X)
Markaad hoos u badho Qoysaska Nolosha ku liibanay waxaad ogaanasaa inay yihiih dad dhowray xiriirka alle isla makaana Muuqaalkooda iyo dhaqankooda aad ka garanayso inay yihiin dad toosan.
Xiriirka adiga Allah waa arinka ugu muhiimsan noloshaada, waana waxa ugu h**eeya ee lagaa doonayo inaad samaysid si aduunkaaga iyo aakhiradaada u hagaagto. Diintaan samaawiga ah markii loo soo dhiibayay rasuulka scw waxaa la geeyay samadda, waxaana loo soo dhiibay salaadda oo ah cibaadada iyo xiriirka ugu muhiimsan ee u dhaxeeya adoonka iyo Allah.
Waxaa quraanka samaawiga ku qoran, aayadan macanaheedu yahay, وَمَن يَتَّقِ اللَّهَ يَجْعَل لَّهُ مَخْرَجًا ۝
وَيَرْزُقْهُ مِنْ حَيْثُ لَا يَحْتَسِبُ ۚ qofkii alle ka baqa alle howlihisa oo dhan waa u fududeeyaa, wuxuuna irsaaqadda ka siiyaa meel uusan ka filaynin. , sidoo kale waxaa aayad kale alle ku yidhi وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَىٰ qofkii Alle ka jesta xuskayga waxaa u sugnaatay nolol ciriiri ah, maalinta Qiyaamana wuxuu la soo taagi isagoo indho la,
Xoolo kasta oo aad haysato, maqaaam iyo darajo kasta oo aad gaartid, Aqoon kasta oo aad leedahay wax macno ah oo aad leedahay ma jiraan hadaad xiriirka Alle aadan toosin oo aadan hagaajin wax kuu hagaagayana ma jiraan, waxaadna ku dambaynaysaa shalay iyo dullinimo.
Xiririka Eebe ood hagajiso waxaa ugu h**eeya Salaadda oo aad tukatid oo aad ilaalisid, Salaada 24saac walba waxaa la tukadaa shan jeer waana duco iyo baryo aad Eebe ka baryaysid inuu kugu hagaajiyo wanaaaga kaana ilaaliyo caradiisa iyo cadaabkiisa. Salaadu waa telefoonka aad Eebe u diraysid, waa xirirka ugu muhiimsan ee dhex mara Eebe iyo adoonkiisa qofkii wanaajiyana waa hagaagay , qofkii xumeeyan xiriirkaasna waa xumaaday.
Xiriirka Allaah oo aad hagaajiso wuxuu fure u yahay liibaantaada iyo ladnaantaada, wuxuu kaloo kuu hagaajinayaa xiriirka qoyskaaga, xiriirka caruurtaada iyo xiriirka guud ee gurigaaga, marka hadaad doonayso qoys isku xiran oo xirir wanaagsan ku nool hagaaji xirirka Alle intaad awoodo waxaad arki doontaa qoyskii oo xiririkiisii kuu toosay, kuuna degey.
Dhinaca kale waa iska macruuf Lamaanaha aan Ilaalin Xiriirk Eebe ee dayacay waajibaadkii Alle saaray inaan iyagana xiriir wanaagsan dhexdooda ka dhalanayn, Nolol deggen oo niyad sami lehna ma helayaan, culys iyo cabasho ayay la nool yihiin.
La soco qormadda labaad.

08/14/2026

Sagaalka qodob ee Lamaanaha Nolosha ku guulaystay.
8. Knowing How to Manage Their Own Resources.
Garanayaan siday u maamulaan khyaraadkooda.

Lammaanaha Nolosha ku liibanay waa kuwa ku guulaysa Maamulidda khayraadkooda.
Hadaba waa maxay khayraadka Qoysku? Khayraadka qoysku haystaan waa badan yihiin waxaase ka soo qaadanaynaa kuwa ugu muhiimsan oo kala ah . time-ka ( wakhtiga) Income-ka ama dakhliga qoyska, Iyo Ubbadka hadii Eebe ku irsaaqay
• Time-ka - Wakhtiga
Wakhtiga ama time-ka waa hanti qaali ah oo eebe na siiyay, qof ama qoys walbana guusha ay gaaraan waxaa kow ka ah sida uu waqtiga u maareeyo oo uga faaidaysto.
Lammanaha Nolosho ku liibanay waa kuwo samaystay Nolol qorshaysan oo waqtiyaysan, waxay si fiican uga fakaraan maalmaha iyo habeenadda dhaaafaya inay wax kala haraan oo waqtidooga waxuu u qaybsan yahay si nidaamsan oo waafaqsan Noloshooda iyo baraarahooda.
Waxay ku mashquulaan waxayaaba muhiimka ah ee hadana hor-tebin u samaystaan iyagoo og siday ula muhiimsan yihin., ma saamayso cadaadiska social mediyaha ama waxa loo yaqaan procrastination, waqti dhumin iyo meelo fariisi ama ka sheekaynta miisaska makhaayadaha.

• Income-ka Dakhliga soo gala.
Hadaad u hoos u baadho qoysaska Nolosha ku raaxaystay waxaad arkaysaa inay yihiin dad fahamsan maamulidda dakhligooda, Maamulka dakhliga qoyska waa ma,uuliyada ay tahay inay bartaaan lammaane kasta waayo waxay Meesha ka saaraysaa over-spending ama kharash-garayn dheeraad ah oo aan loo baahnayn kana mid ah waxayabaha keena bur burka qoyska inta badan.
Lamaanaha qorsheeya dakhligooda waxay ka gudbaan caqabado fara badan oo noloshooda soo wajaha , waxay sare u qaadaa ladnaantooda iyo caafimadka qoyska, sidoo kela waxay abuuri karaan oo Ubadkoooda barayaaa maamulka maaliyadda iyo kaydsiga oo ah furaha horumarka qoyska.

• Maamulidda Ubbadka.
Khayraadka Eebe qoyska ku Irsaaqay waxaa ugu muhiimsan Ubadka hadii Eebe siiyay. Maamulkooda iyo tababariddooda waa how u baahan dadaal iyo faham dheeraad ah,. Ubadka oo kuu hagaaaga Ilaahay idinkii waa yoolalka ugu muhiimsan ee qoys walba inuu qorsheeyo u baahan yahy, hadii ubadku kuu hagaago waad guulaysatay bulshadadana waxaad ku biirisay unug wax tar ah oo dadka iyo diintaba anfaca, waalidkuna waa oo ku farxayaan la joogistooda iyo aragtidoodada.
Hadii ubadku xumaado (ilaahay naguma keenee) waa arin dhib badan oo murugo badan keenta. Waxa xumaadda oo dadka ka xun ma jiraan, hadaad xoolo aduun leeahay ama ganacsi oo aad khasaarto waad ka kaban kartaa, xoolaha noolna ama waa la gataa ama waa la qashaa ama sadaqo ayaa loola baxaa lakin qof xumaaday mana gadan kartid, mana sadaqayn kartid,,
Qurbaha ilmaha haduu wadada ka baxo waa halis laakin xabsi inuu galo ayay u badan tahay oo sharkiisa dadku ka bad baadaan, wadanka gudihiisa ubadku haduu xumaado waa dhib badan tahay waayo , dhibkuu gaystana qoyska ayaa loo soo raacanaya xabsi lagu hayana ma badna wadanka.
Sidaa darted lammana Noloshaku guulaystay waa kuwa Ubbadka tababara, couch-gareeya qorshe u sameeya, dhiiri-geliya isla markaan qaada Talaabo anshax marin ah ( ama ganaax) markuu khalad ku soo cel celiyo talaabadaas oo aan dhaawacayn niyadda iyo horu-socodka ubbadka.
La soco qormadda u dambaysa ee calaamaddaha Lamaanaha Nolosha ku guulaysatay.

08/11/2026

Ma dhabaa jacayl waa loo dhintaa.

Dhowrkii sano ee la so dhaafay Ber bera waxaan maqlay in dhalinyaro naftoodii u dileen jacayl dartii. inagoo h**e u ogayn inay ahayd magaaladii cilmi boodhari ugu dhintay.

hadaba Reer bar bara ma Suugaantaan ayay ficil u filiyeen mise waa qalbi xab xab.

Jacayl dhiig ma lagu qoray.
Wali dhuux ma loo shubay
Qofna saanta dhabarkiyo
Ma u beelay feeraha.

Dhabanadda khad laga jaray
hadalkii ma lagu dhigay.
Xinjiro aan is dhalan rogin
Midabkeedu dhiin yahay
Laga dhuray hal-bowlaha
wali dhiil ma lugu shubay.

hadaan la isku dhimanayn
Nafta la isku dhiibayn
soo ma ahan dhalanteed.

08/06/2026

Sagaalka qodob ee lamaanaha nolosha ku guulaystay.
7. Waxay Mideeyan ra’yigooda
They are Aligning Their Thoughts.

Lammaanaha Nolosha ku guulaystay waxaa ka mid ah astaamahooda inay yihiin inay mideeyaan Aragtidooda ku aadan dhacdooyinka maalin-laha ah ee qoyska. ala ah, hadafkooduna waa dhowridda Dhismaha qoyskooda waxaana ku badan isu- tanaasulka .
Lammanaha isku liibaanay waxaay xakameeyaan naftooda waxayna xor ka yihiin cadaadiska, nafta, shaydaanka, bulshadda iyo kan mediayaha.
Dadka Dunidda ku nool qof kasta wuxuu leeyahay aragti u gaar ah, taasoo qof walba uu si gaar ah u arko waxyaabaha ka dhacaya dunida; deegaanka uu ku noolyahay iyo qoyskiisaba. Guud ahaan waxaan oran karaa aragtida dadka inta badan waa laba qaybood, Same -arag iyo Xumme arag.
Inta badan waa yar tahay inay nolosha wadaagan dad isku aragti ka ah Nolosha, dabeecadda iyo fahamka qoyskaba, waxaase badan in labada qof mid ka mid ah uu saldhig u yahay wada noolaashahooda oo lagu wada joogo samirkiisa, tanaaasulkiisa iyo dulqaadkiisa.
Aragtidu waa faham maskaxda boos ku yeesha oo kuu fasira dhacdooyinka dhacaya. Waxaad arkaysaa duniddan ballaaran qof ay ciriiri ku tahay oo noloshiii oo dhan culays iyo dhibaato ku tahay, qofkaasi wax kastaa dhinca xun ayuu ka fiirinyaaa, dhinaca wanaagsan uma muuqato. Dadka qaarkii aragtidaas waxy ku riday cuduro xaga dareenka ah waxaana ku dhacay shaki , walaac wareer diidmo iyo dudmo joogta ah.
Lamanaha aan xumme- araga ah waxay inta baddan raadiyaan meelaha dhaliillaha kan kale ku leeyahay markaasuu mid walba buun buuniyaa oo bal balaariyaa ilaa waxaan macno wayn lahayn uu ka dhigo dhacdo ay ogaadaan dad ka baxsan qoyskooda sida dariska, qaraabadda. Iwm.
Lamaanah xumo- araga ah inta badan waxay abuuraan dhibaatooyin iyo isku dhac, mar walba iyo xaalad kasta waxaa u muuqda wax qaloocan oo aan toosnayn, taasoo keenta inay mar kasta dareenkoodu kacsan yahay oo naftooda dagaal kula jiraan iyo dhammaan intay mas,uulka ka yihiin.
Lamaanuhu intay guryaha ka maqan yihiin ama shaqo hayaan naftooda ayay u sheekeeyaan oo way haminayaaan, sheekadaa naftaada aad la qaadato maalin walba waxay keentaa in qofku iskula sheekaysta fikrad xumaan araga ah oo ku aadan qoyskiisa, kadibna uu isagoo iska soo buuxiyay fikrad qaldan u gurigiisa yimaado oo halkaa iyadoo ficil ah ku soo bandhigo. Mar walba oo aad dareentid in Aragti khaldan ku gasho xasuuuso in naf iyo shaydaan buun buuninayaan, cayilinayaan oo ay ka dhigayaan wax wayn oo keeni kara inuu qoyskaagu si fudud ku dumo.

Dhinaca kale Arigtida quman waxay kuu sheegaysaa duni quruxbadan, ifaysa oo carfoon, taasoo kugu riixaysa inaad qoyskaaga ku fiirisid indho qabow oo dareen taban la socdo, taasoo keenta inaad arimmaha qoyskaaga si faham iyo fiiro wanaagsan le u eegto, isla markaana aad u xaliso si wanaagsan oo xal u ah qoyskaaga, waxaana sabab u ah fahamka quman ee aad ka qaadatay.
Lammaha arigtidooda toosan tahay waxay xaliyaan dhibaatoyinka iyo mushkiladaha, waa toosiyayaal, bar baariyeyaal, waana is kaalmeeyan, qoyskaasna waxay u hor-seedaan nololo farxad iyo barwaaqa ah
Lamamanah fikir wadaaga noqda oo mideeya hab- fikirkooda nolosha ciriiri kalama kulman, wax walba dhinca fiican ayay ka fiirinayaan markaasay u wanaagsanaataa, kuma mashquulaan inay dhibaato dhacday baar baaraan ceebeheeda ee xalkay ku deg degaan, sababtoo ah aragtidooda ayaa tusaysa duni qabow, deggen oo isfaham iyo raaxo ah.
Lamaanahasi aragtidoodu toosan tahay wuxay dhacdooyinka u arkaan inay yihiin waxaan la hurayn, waxayna fahamsanyahiin inay dhinaca fiican doortaan si aysan ugu noqon dhibaato iyo uur-ku taalo.
Ugu damybayn, Soomaaliddu waxay ku maah maahadaa,“wax hubso hal dhan baa la siistaa” xikmaddaan waa muhiim inaad qalbigaaga ku haysid mar kasta.
Nafta iyo shaydaanku waxay ku soo tuuraan qalbigaaga wax jira iyo waxaan jirinba, waxaa laga yaabaa arin aad qalbiga ku haysay inuu ka faaidaysto oo uu kuu qurxiyo ama kuu foolxumeeyo ka dibna adigoon hubsan aad go,aan ka gaartid.
waxaad ogaataa inuusan jirin qof ka liita qof ku go,aan qaatay arrin uusan hoos u baarin oo uusan hubsan, waxaa intaa dheer , waxyaabaha ka dhacaya qoyskaaga waxay u baahan yihiin inaad ku fiiriso indho iyo qalbi aad ka xoreysay arigtida togan , isla markaana aysan hogaan u hayn raali galinta naftaaada iyo shaydaan.
La soco qormadda xigta.

Qoysbile

09/03/2026

09/02/2026

09/02/2026

09/01/2026

08/25/2026

08/25/2026

08/21/2026

08/14/2026

08/11/2026

08/06/2026

Address

Website

Alerts

Contact The University

Shortcuts

Share

Category

Listing takedown request