Kokand University

Kokand University Кокандский университет

TABRIKLAYMIZ! O‘zbekiston Respublikasi Oliy taʼlim, fan va innovatsiyalar vazirligi huzuridagi Oliy Attestatsiya komissi...
15/05/2026

TABRIKLAYMIZ!

O‘zbekiston Respublikasi Oliy taʼlim, fan va innovatsiyalar vazirligi huzuridagi Oliy Attestatsiya komissiyasining 385/1-sonli bayonnomasiga asosan Qo’qon universiteti direktori Zaxidov G‘ofurjon Erkinovich professor ilmiy unvoniga sazovor bo‘ldi.

🎉 Mazkur yuksak ilmiy unvon mamlakatimiz oliy ta’lim tizimi, ilm-fan rivoji hamda yosh avlodni har tomonlama yetuk mutaxassis etib tarbiyalash yo‘lidagi ko‘p yillik samarali mehnatlarning munosib e’tirofi hisoblanadi. Zaxidov G‘ofurjon Erkinovich o‘zining fidokorona faoliyati, zamonaviy boshqaruv yondashuvlari, ilmiy salohiyati va ta’lim sifatini oshirish borasidagi tashabbuslari bilan universitet jamoasi hamda ilmiy-pedagogik hamjamiyat orasida katta hurmat qozongan.

🏆Qo‘qon universiteti jamoasi nomidan Zaxidov G‘ofurjon Erkinovichni professor ilmiy unvoni bilan samimiy muborakbod etamiz. Kelgusidagi faoliyatlarida ulkan muvaffaqiyatlar, mustahkam sog‘lik, yangi ilmiy yutuqlar tilaymiz.

Kokanduni.uz | Instagram | Facebook | YouTube

14/05/2026

Munosabat / Farida Afro'z

Qo‘qon universitetida bo‘lib o‘tgan “Mushoira kechasi”da O‘zbekiston Yozuvchilar uyushmasi raisi o‘rinbosari Farida Afro'z ishtirok etdi.

Tadbir doirasida o‘tkazilgan intervyu davomida Qo‘qon adabiy muhiti, yoshlar orasida kitobxonlik madaniyatini oshirish, adabiyotning ma’naviy tarbiyadagi o‘rni kabi masalalarga alohida to‘xtalib o‘tildi.

Shuningdek, yoshlarning badiiy adabiyotga bo‘lgan qiziqishini kuchaytirish hamda ijodkorlarni qo‘llab-quvvatlash yuzasidan fikr-mulohazalar bildirildi.

14/05/2026

Ochiq eshiklar kuni davom etmoqda

Qo‘qon universitetida “Ochiq eshiklar kuni” tadbiri davom etmoqda. Unda Farg‘ona viloyatidagi maktab bitiruvchilari, jumladan O‘zbekiston tumanidan 30 dan ortiq maktab o‘quvchilari ishtirok etdi.

Universitetimizga tashrif buyurgan o‘quvchilarning taassurotlari bilan tanishdik.

Ular universitetdagi zamonaviy sharoitlar, ta’lim sifati va talabalar hayoti haqidagi iliq fikrlari bilan o‘rtoqlashdilar.

Tashrif davomida o‘quvchilar universitet infratuzilmasi, zamonaviy auditoriyalar, IT markazi va kutubxona bilan tanishib, ta’lim yo‘nalishlari hamda yaratilgan imkoniyatlar haqida ma’lumot oldilar.

13/05/2026

Ochiq eshiklar kuni davom etmoqda

Qo‘qon universitetida tashkil etilgan “Ochiq eshiklar kuni” tadbiri davom etmoqda. Tadbir doirasida Farg‘ona viloyatidagi tumanlar umumiy o‘rta ta’lim maktablarining bitiruvchi sinf o‘quvchilari tashriflari amalga oshirilmoqda.

Bugun Qo‘qon universitetiga O‘zbekiston tumanidagi 30 dan ortiq umumiy o‘rta ta’lim maktablarining bitiruvchi sinf o‘quvchilari tashrif buyurdi.

“Ochiq eshiklar kuni” davomida o‘quvchilar universitet infratuzilmasi, zamonaviy o‘quv auditoriyalari, IT markazi hamda Axborot-kutubxona markazida yaratilgan shart-sharoitlar bilan yaqindan tanishdilar.

Shuningdek, mehmonlarga universitetdagi ta’lim yo‘nalishlari, talabalar uchun yaratilgan imkoniyatlar hamda o‘quv jarayonlari haqida batafsil ma’lumot berildi.

13/05/2026

🏫 Ochiq eshiklar kuni davom etmoqda

💠Qo‘qon universitetida “Ochiq eshiklar kuni” tadbiri davom etmoqda. Unda Farg‘ona viloyatidagi maktab bitiruvchilari, jumladan O‘zbekiston tumanidan 30 dan ortiq maktab o‘quvchilari ishtirok etdi.

Universitetimizga tashrif buyurgan o‘quvchilarning taassurotlari bilan tanishdik.

Ular universitetdagi zamonaviy sharoitlar, ta’lim sifati va talabalar hayoti haqidagi iliq fikrlari bilan o‘rtoqlashdilar.

Tashrif davomida o‘quvchilar universitet infratuzilmasi, zamonaviy auditoriyalar, IT markazi va kutubxona bilan tanishib, ta’lim yo‘nalishlari hamda yaratilgan imkoniyatlar haqida ma’lumot oldilar.

12/05/2026

Qo‘ng‘irotboy Sharipov: Qo‘qon universiteti boshqa oliy ta’lim muassasalari uchun namuna bo‘la oladi

O‘zbekiston Respublikasi Oliy ta’lim, fan va innovatsiyalar vaziri Qo‘ng‘irotboy Sharipov Qo‘qon universitetiga tashrifi davomida universitetda yaratilgan zamonaviy shart-sharoitlar, o‘quv-moddiy texnik baza hamda ta’lim jarayonini yuqori baholab, Qo‘qon universiteti respublikadagi boshqa oliy ta’lim muassasalari uchun ham yaxshi namuna bo‘la olishini ta’kidladi.

Shuningdek, vazir universitet talabalari bilan samimiy suhbat qurib, ularning ilm olishga bo‘lgan intilishi va faolligini alohida e’tirof etdi. U yoshlarni bilim olishdan to‘xtamaslikka, zamonaviy kasblarni puxta egallashga hamda kelajakda mamlakat taraqqiyotiga munosib hissa qo‘shadigan yetuk mutaxassislar bo‘lib yetishishlariga tilak bildirdi.

12/05/2026

Qozog‘iston Respublikasining Abay nomidagi Milliy Pedagogika universiteti professori, pedagogika fanlari doktori (DSc) Gulmira Sauytjanovna Saudabayeva Qo‘qon universitetiga tashrif buyurdi.

Tashrif davomida talabalarga mahorat darslari o‘tkazilib, professor-o‘qituvchilar bilan tajriba va malaka almashildi.

12/05/2026

9-may - Xotira va qadrlash kuni

Ushbu sana - jasorat, matonat va fidoyilik timsolidir.
Biz bugun tinch hayot uchun jonini fido qilgan insonlarni chuqur hurmat va minnatdorlik bilan yod etamiz.

Qo‘qon universiteti jamoasi tomonidan tayyorlangan ushbu videorolik orqali o‘tmish qahramonlariga ehtirom bajo keltiramiz.

Ularning jasorati - bizning faxrimiz, xotirasi esa abadiydir.

07/05/2026

Qaysi kasb sizga mos?

Qo‘qon universitetida zamonaviy yo‘nalishlar, kunduzgi va masofaviy ta’lim, amaliy bilim va kelajak kasblari sizni kutmoqda.

🎓 Kasbingizni tanlang — kelajagingizni Qo‘qon universiteti bilan boshlang!

🖥 Hoziroq ro’yxatdan o’ting - qabul.kokanduni.uz

📜 Me'yoriy-huquqiy hujjatlar ⬇️
— O‘zbekiston Respublikasi Vazirlar Mahkamasining 2019-yil 17-avgustdagi "Qoʻqon universitetini tashkil etish toʻgʻrisida"gi 683-sonli qarori
— Litsenziya (№602319, 06.07.2021)

☎️ Axborot-maslahat markazi +998735455555 | +998735454444

🌐 Instagram 🌐 Web-Site 🌐 Facebook 🌐 Telegram

07/05/2026

“YANGI AVLOD — YANGI G‘OYALAR” AN’ANAVIY APREL ANJUMANI

Qo‘qon universitetida talabalar o‘rtasida an’anaviy tarzda o‘tkazib kelinayotgan “Yangi avlod — yangi g‘oyalar” anjumani bo‘lib o‘tdi.

Mazkur ilmiy anjumanda talabalar tomonidan ilgari surilgan innovatsion g‘oyalar, ilmiy izlanishlar hamda dolzarb mavzulardagi ma’ruzalar taqdim etildi.

Konferensiyaga yuborilgan 300 dan ortiq maqolalar orasidan 145 nafar ishtirokchining ilmiy maqolalari saralab olindi.

Tadbir yakunida g‘oliblar sertifikat hamda kitoblar jamlanmasi bilan taqdirlandi.

Kokanduni.uz | Instagram | Facebook | YouTube

Bugun Qo‘qon universitetiga Oliy ta’lim, fan va innovatsiyalar vazirligi hamda Qo‘qon shahar prokuraturasi mas’ul xodiml...
06/05/2026

Bugun Qo‘qon universitetiga Oliy ta’lim, fan va innovatsiyalar vazirligi hamda Qo‘qon shahar prokuraturasi mas’ul xodimlari tashrif buyurdi. Mehmonlar universitet direktori tomonidan samimiy kutib olinib, oliy ta’lim muassasasida amalga oshirilayotgan islohotlar va zamonaviy boshqaruv tizimlari bilan yaqindan tanishtirildi.

Tashrif davomida universitetda raqamlashtirish siyosatini izchil amalga oshirish, talabalar davomati va harakatini nazorat qilish tizimlari, hudud xavfsizligini ta’minlash, shuningdek, zamonaviy Face ID texnologiyalari asosida kirish-chiqish nazoratini yo‘lga qo‘yish bo‘yicha olib borilayotgan amaliy ishlar atroflicha o‘rganildi.
Shuningdek, mas’ul xodimlarga universitet hududida xavfsizlikni ta’minlash, talabalar va xodimlar uchun qulay hamda nazorat qilinadigan muhit yaratish borasida joriy etilgan innovatsion yechimlar haqida batafsil ma’lumot berildi.
Tashrif yakunida vazirlik va prokuratura vakillari tomonidan universitetda amalga oshirilayotgan tizimli ishlar ijobiy baholanib, kelgusida xavfsizlik choralarini yanada kuchaytirish, raqamli nazorat mexanizmlarini takomillashtirish hamda profilaktik tadbirlar samaradorligini oshirish yuzasidan tegishli tavsiya va takliflar bildirildi.

Address

Uzbekistan, Kokand City , Street Turkiston 28 A
Kokan
150700

Opening Hours

Monday 09:00 - 18:00
Tuesday 09:00 - 18:00
Wednesday 09:00 - 18:00
Thursday 09:00 - 18:00
Friday 09:00 - 18:00
Saturday 09:00 - 18:00

Website

Alerts

Be the first to know and let us send you an email when Kokand University posts news and promotions. Your email address will not be used for any other purpose, and you can unsubscribe at any time.

Shortcuts

Share

Category