Samarqand iqtisodiyot va servis instituti

Call Directions Website

Samarqand iqtisodiyot va servis instituti Самарқанд иқтисодиёт ва сервис институти

Harbiy tayyorgarlik oʻquv markazining ustuvor yoʻnalishlari belgilandiSamarqand iqtisodiyot va servis instituti rektori...
10/09/2026



Harbiy tayyorgarlik oʻquv markazining ustuvor yoʻnalishlari belgilandi

Samarqand iqtisodiyot va servis instituti rektori Muhiddin Egamberdiyevich Po‘latov boshchiligida Harbiy tayyorgarlik o‘quv markazi faoliyatini yo‘lga qo‘yishga bag‘ishlangan yig‘ilish o‘tkazildi.

Yig‘ilish avvalida markazga ishga qabul qilingan rahbar xodimlar hamda professor-o‘qituvchilar institut rahbariyatiga tanishtirildi.
Uchrashuv davomida Harbiy tayyorgarlik o‘quv markazida o‘quv jarayonlarini samarali tashkil etish, ta’lim sifatini ta’minlash va belgilangan vazifalarni sifatli amalga oshirish masalalari muhokama qilindi.

Shuningdek, Harbiy tayyorgarlik oʻquv markazining ustuvor vazifalari va kelgusida amalga oshirilishi lozim boʻlgan ishlar borasida yo‘nalishlar belgilab olindi. Markaz faoliyatini zamonaviy talablar asosida tashkil etish, o‘quv jarayoniga ilg‘or tajribalarni joriy etish hamda talabalar uchun zarur shart-sharoitlarni yaratish bo‘yicha tegishli tavsiya va ko‘rsatmalar berildi.

Samarqandda “Kelajak tadbirkori Expo–2026” kasb, bandlik va tadbirkorlik imkoniyatlari yarmarkasi o‘tkazilmoqdaBugun, 27...
27/08/2026

Samarqandda “Kelajak tadbirkori Expo–2026” kasb, bandlik va tadbirkorlik imkoniyatlari yarmarkasi o‘tkazilmoqda

Bugun, 27-avgust kuni Samarqand shahrida aholi va yoshlarning bandligini ta’minlash, ularni zamonaviy kasblarga yo‘naltirish hamda tadbirkorlik tashabbuslarini qo‘llab-quvvatlash maqsadida “Kelajak tadbirkori Expo–2026” kasb, bandlik va tadbirkorlik imkoniyatlari yarmarkasi o‘tkazilmoqda.

Mazkur tadbir Markaziy bank, Milliy bank, Oliy ta’lim, fan va innovatsiyalar vazirligi, Samarqand viloyati hokimligi, Yoshlar ishlari agentligi, Savdo-sanoat Palatasi va Kambagalikni qisqartirish va bandlik vazirligi hamkorligida tashkil etilmoqda.

Ushbu tadbirda Samarqand iqtisodiyot va servis instituti jamoasi ham faol ishtirok etmoqda.

Tadbir doirasida ishtirokchilarga mavjud ish o‘rinlari, zamonaviy kasb va hunarlarni egallash, biznes boshlash yoki faoliyatini kengaytirish, shuningdek, moliyaviy ko‘mak va imtiyozli kreditlardan foydalanish imkoniyatlari haqida batafsil ma’lumot berilmoqda.

Yarmarkaning asosiy yo‘nalishlaridan biri — “Ishga marhamat” ko‘rgazmasi. Mazkur hududda mahallalarda bandligi ta’minlanmagan aholi va yoshlar uchun mavjud bo‘sh ish o‘rinlari taqdim etilib, fuqarolar ish beruvchi tashkilotlar vakillari bilan bevosita muloqot qilish imkoniyatiga ega bo‘lmoqda. Suhbatlar davomida ishga joylashish bo‘yicha dastlabki kelishuvlarga erishish ko‘zda tutilgan.

SAMISIDA HARBIY TAYYORGARLIK O‘QUV MARKAZI TASHKIL ETILDISamarqand iqtisodiyot va servis institutida Harbiy tayyorgarlik...
24/08/2026

SAMISIDA HARBIY TAYYORGARLIK O‘QUV MARKAZI TASHKIL ETILDI

Samarqand iqtisodiyot va servis institutida Harbiy tayyorgarlik o‘quv markazi tashkil etildi.

Markazda harbiy hisob ixtisosligi bo‘yicha rezervdagi va zahiradagi ofitserlarni tayyorlash yo‘lga qo‘yiladi.

Samarqand iqtisodiyot va servis institutidagi Harbiy tayyorgarlik o‘quv markaziga davlat oliy ta’lim tashkilotlari talabalari uchun 200 ta qabul kvotasi ajratilgan. Shuningdek, belgilangan tartibda nodavlat va xususiy oliy ta’lim tashkilotlari talabalari ham o‘quv markaziga qabul qilinadi.

📚YANGI BILIM VA KO‘NIKMALAR

Harbiy tayyorgarlik o‘quv markazining tashkil etilishi harbiy bilim, amaliy ko‘nikma va kasbiy tayyorgarlikni rivojlantirishga xizmat qiladi. Shuningdek, talabalar asosiy mutaxassisligini egallash bilan birga, harbiy ofitser bo‘lish imkoniyatiga ham ega bo‘ladilar.

Samarqand iqtisodiyot va servis instituti rektori Muhiddin Egamberdiyevich Po‘latov “Talaba Expo–2026” kasb ko‘rgazmasi...
02/07/2026



Samarqand iqtisodiyot va servis instituti rektori Muhiddin Egamberdiyevich Po‘latov “Talaba Expo–2026” kasb ko‘rgazmasini ko‘zdan kechirib, ish beruvchilar va talabalar bilan muloqot qildi.

Oʻzbekiston-Ispaniya rektorlar forumi boʻlib oʻtmoqdaJoriy yilning 9-13-iyun kunlari Ispaniya davlati Madrid va Bar...
12/06/2026



Oʻzbekiston-Ispaniya rektorlar forumi boʻlib oʻtmoqda

Joriy yilning 9-13-iyun kunlari Ispaniya davlati Madrid va Barselona shaharlarida O‘zbekiston Respublikasi Oliy ta'lim, fan va innovatsiyalar vazirligi va Ispaniya Fan, Innovatsiya va Universitetlar vazirligi tashabbusi bilan O‘zbekiston va Ispaniya oliy ta'lim muassasalari rektorlari forumi boʻlib oʻtmoqda.

Forumda 30 dan ortiq O‘zbekiston va Ispaniya oliygohlari rahbarlari orasida Samarqand iqtisodiyot va servis instituti rektori i.f.d.,professor Poʻlatov Muhiddin Egamberdiyevich ham ishtirok etmoqda. Forum doirasida keng qamrovli muzokaralar, panel muhokamalar va ikki tomonlama uchrashuvlar o‘tkazilmoqda.
Forum doirasida institut delegatsiyasi bir qator yetakchi Ispaniya universitetlari bilan bevosita muloqot o‘tkazdi:

•Valladolid universiteti bilan Erasmus+ dasturi asosida hamkorlik masalalari muhokama qilindi. Muhim kelishuv sifatida, yaqin kunlarda universitet delegatsiyasi Samarqandga tashrif buyurishi bo‘yicha kelishuvga erishildi.
•Madridning Avtonom universiteti (UAM) bilan akademik aloqalar bo‘yicha suhbatlar bo‘lib o‘tdi.
•Rey Xuan Karlos universitetining iqtisodiyot fakulteti dekani Miguel Cuerdo Mir bilan uchrashuvlar tashkil etildi, moddiy texnika bazasi koʻzdan kechirildi va tajriba almashildi.

Hamkorlik suhbatlarida quyidagi asosiy masalalar ko'rib chiqildi:
•Erasmus+ loyihalarida birgalikdagi ishtirok;
•Doktorantlar va tadqiqotchilarni tayyorlash hamda ularga ilmiy rahbarlik ko'rsatish;
•Yosh olimlar uchun grant imkoniyatlari;
•Tabalalar va professor oʻqituvchilar almashinuvini tashkil etish;
•Uzoq muddatli barqaror akademik aloqalarni rivojlantirish.

Forum ikki davlat o‘rtasidagi oliy ta'lim hamkorligini yangi bosqichga olib chiqish, Erasmus+ loyihalari va akademik mobillikni kengaytirish maqsadida tashkil etilgan. 12-iyun kuni forum Barselona universitetida davom etadi.

08/06/2026



Ustoz-shogird an'anasi nima va u qanday bo‘lishi kerak?

Yoshlar bandligi — ustuvor vazifa va amaliy mas’uliyatKo‘ksaroy qarorgohida O‘zbekiston Respublikasi Prezidenti Shavk...
27/02/2026



Yoshlar bandligi — ustuvor vazifa va amaliy mas’uliyat

Ko‘ksaroy qarorgohida O‘zbekiston Respublikasi Prezidenti Shavkat Mirziyoyevning yoshlar bilan o‘tkazgan ochiq muloqoti yoshlar bandligini ta’minlash, ularni zamonaviy kasb-hunarga yo‘naltirish va tadbirkorlikka keng jalb etish borasidagi ustuvor vazifalarni yana bir bor aniq belgilab berdi.

Mazkur uchrashuvda ilgari surilgan tashabbuslar, xususan, yoshlarni ish izlovchidan ish beruvchiga aylantirish, startap va innovatsion loyihalarni qo‘llab-quvvatlash, ta’lim bilan ishlab chiqarish integratsiyasini kuchaytirish masalalari oliy ta’lim muassasalari zimmasiga ham katta mas’uliyat yuklaydi.

Samarqand iqtisodiyot va servis instituti rektori sifatida ta’kidlamoqchimanki, bugungi demografik o‘sish va mehnat bozoridagi raqobat sharoitida har bir talabani nafaqat nazariy bilim, balki amaliy ko‘nikma va aniq kasbiy kompetensiyalar bilan ta’minlash ustuvor vazifamizdir. Shu maqsadda institutimizda dual ta’lim elementlarini kengaytirish, ish beruvchilar bilan hamkorlikni mustahkamlash hamda talabalarni amaliyotga yo‘naltirilgan loyihalarga jalb etish ishlari izchil davom ettiriladi.

“Kelajak tadbirkori” va “Mening birinchi kasbim” dasturlari doirasida belgilangan vazifalar oliy ta’lim tizimi uchun muhim yo‘nalishdir. Xususan, bitiruvchilarni stajirovka asosida ishga tayyorlash, ularni dastlabki mehnat faoliyatida qo‘llab-quvvatlash mexanizmlarini samarali yo‘lga qo‘yish ta’lim sifati va bandlik ko‘rsatkichlariga bevosita ta’sir ko‘rsatadi.

Institutimizda startap tashabbuslarini qo‘llab-quvvatlash, yoshlarning biznes g‘oyalarini ekspertiza qilish va amaliyotga tatbiq etish bo‘yicha aniq tizimli choralar ko‘riladi. Oliy ta’lim muassasasi sifatida biz faqat diplom beruvchi emas, balki hududiy iqtisodiyot uchun malakali kadrlar va yangi tashabbuslar manbai bo‘lishimiz zarur.

Yoshlarning jismoniy faolligi va sog‘lom turmush tarzini qo‘llab-quvvatlash ham muhim yo‘nalishlardan biridir. Talabalar o‘rtasida sport musobaqalari, intellektual o‘yinlar va ma’naviy-ma’rifiy tadbirlarni tizimli tashkil etish orqali ularning har tomonlama rivojlanishiga sharoit yaratish davom ettiriladi.

Ko‘ksaroydagi muloqotda belgilangan vazifalar — aniq yo‘l xaritasi va amaliy dasturdir. Samarqand iqtisodiyot va servis instituti jamoasi ushbu topshiriqlarni sifatli amalga oshirish, bitiruvchilar bandligini oshirish hamda yoshlarning intellektual va iqtisodiy salohiyatini ro‘yobga chiqarish yo‘lida izchil ish olib boradi.

Muhiddin Po‘latov,
Samarqand iqtisodiyot va servis instituti rektori

Samarqand iqtisodiyot va servis instituti axborot-resurs markazi yangi o‘quv yiliga tayyor!
28/08/2025



Samarqand iqtisodiyot va servis instituti axborot-resurs markazi yangi o‘quv yiliga tayyor!

Bugundan Samarqand iqtisodiyot va servis institutida 2024/2025 o‘quv yili bitiruvchilari uchun "Bitiruv malakaviy ishlar...
18/06/2025

Bugundan Samarqand iqtisodiyot va servis institutida 2024/2025 o‘quv yili bitiruvchilari uchun "Bitiruv malakaviy ishlari" himoyasi boshlandi.

Institutning iqtisodiyot (tarmoqlar va sohalar bo ‘yicha) ta’lim yo‘nalishi (kunduzgi shakli) bitiruvchilari uchun real iqtisodiyot va raqamli iqtisodiyot kafedralari tomonidan bitiruvchilarning "Bitiruv malakaviy ishi" himoyasi bo‘lib o‘tmoqda.

Samarqand iqtisodiyot va servis institutida yakuniy davlat attestatsiyasi imtihonlari boʻlib oʻtdi.Mazkur jarayonning s...
18/06/2025



Samarqand iqtisodiyot va servis institutida yakuniy davlat attestatsiyasi imtihonlari boʻlib oʻtdi.

Mazkur jarayonning shaffofligi, talabalar bilimini adolatli baholash va qo'yilgan talablarga amal qilinayotganligi korrupsiyaga qarshi kurashish "komplaens nazorat" tizimini boshqarish va ta'lim sifatini nazorat qilish bo'limlari xodimlari tomonidan nazorat qilib borildi.

Address

Samarqand Shahar, Amir Temur 9
Samarkand
140100

Telephone

+998662333872

Website

Alerts

Be the first to know and let us send you an email when Samarqand iqtisodiyot va servis instituti posts news and promotions. Your email address will not be used for any other purpose, and you can unsubscribe at any time.

Shortcuts

Share