Uzbekistan State Institute of Arts and Culture

Call Directions Website Contact the university

Uzbekistan State Institute of Arts and Culture Official page of the Uzbekistan State Institute of Arts and Culture

ÖZDSMIda KINO VA TELEVIDENIYE SOHASIGA OID MAHORAT DARSI BÖLIB ÖTDIÖzbekiston davlat san’at va madaniyat institutida Te...
23/10/2026

ÖZDSMIda KINO VA TELEVIDENIYE SOHASIGA OID MAHORAT DARSI BÖLIB ÖTDI

Özbekiston davlat san’at va madaniyat institutida Temirbek Jurgenov nomidagi Qozoq milliy san’at akademiyasi örtasidagi hamkorlik memorandumi doirasida mahorat darsi taşkil etildi.

Unda Temirbek Jurgenov nomidagi Qozoq milliy san’at akademiyasining «Kino va televideniye» fakulteti dekani, PhD Madina Bakeyeva iştirok etdi.

«Kino va televideniyeda badiiy ğoya konsepti: ssenariydan audiovizual ekran talqiniga qadar» mavzusida ötkazilgan mahorat darsida badiiy ğoyaning şakllanişi, ssenariyning audiovizual asarga aylaniş jarayoni hamda ijodiy konsepsiyani ekran vositalari orqali ifodalaşning muhim jihatlari muhokama qilindi.

New York Film Academy (AQŞ)da tahsil olgan va «Bolaşak» xalqaro dasturi stipendiyasi sohibasi bölgan Madina Bakeyeva özining kasbiy tajribasi va bilimlari bilan örtoqlaşdi. Uçraşuv davomida kino va televideniye sohasida badiiy ğoyani ekran orqali ifodalaş, ssenariy ustida işl aş hamda ijodiy konsepsiyani audiovizual asar darajasiga olib çiqiş bilan boğliq masalalarga e’tibor qaratildi.

Mahorat darsi talabalar uçun nazariy bilimlarini amaliy tajriba bilan boyitiş, zamonaviy kino san’atidagi ijodiy yondaşuvlar bilan tanişiş va kasbiy mahoratlarini yanada oşiriş imkonini berdi. İşt irokçilar mavzu yuzasidan özaro fikr almaşib, kino san’atida badiiy ğoya va uning ekran talqini örtasidagi uzviy boğliqlik haqida muhim tuşunçalarga ega böldilar.

Mahorat darsidan söng institut rektori v. v. b. Sobir Madiyev Madina Bakeyeva bilan uçraşdi.

Samimiy muloqot davomida mahorat darsining mazmun-mohiyati, uning talabalar uçun ahamiyati hamda ikki oliy ta’lim muassasasi örtasidagi hamkorlik istiqbollari muhokama qilindi.

Sobir Madiyev mehmongа mazmunli va yuqori saviyada ötkazilgan mahorat darsi uçun minnatdorchilik bildirib, kelgusida hamkorlik aloqalarini yanada kengaytiriş, tajriba almaşişni izçil davom ettiriş hamda kino va televideniye sohasida qöşma ijodiy va ta’limiy loyihalarni amalga oşirişga tayyor ekanini ta’kidladi.

Öz navbatida, Madina Bakeyeva institutda körsatilgan samimiy qabul va mahorat darsini ötkaziş uçun bildirilgan taklifdan mamnun ekanini bildirib, uçraşuvni taşkilotçilariga minnatdorchilik bildirdi.

Uçraşuv yakunida Sobir Madiyev mehmongа mahorat darsidagi iştiroki uçun sertifikat hamda esdalik sovğalarini taqdim etdi.

Mazkur tadbir ikki ta'lim muassasasi örtasidagi hamkorlikni mustahkamlaş, xalqaro tajribani ta’lim jarayoniga tatbiq etiş hamda bölajak kino va televideniye mutaxassislarining kasbiy salohiyatini rivojlantiriş yölida muhim qadam böldi.

ÖQUV-USLUBIY KENGAŞNING NAVBATDAGI YIG‘ILIŞI BÖLIB ÖTDI Bugun Özbekiston davlat san’at va madaniyat institutida Öquv-usl...
22/10/2026

ÖQUV-USLUBIY KENGAŞNING NAVBATDAGI YIG‘ILIŞI BÖLIB ÖTDI

Bugun Özbekiston davlat san’at va madaniyat institutida Öquv-uslubiy kengaşning navbatdagi yig‘ilişi bölib ötdi. Yig‘ilişga institut rektori v. v. b. Sobir Madiyev raislik qildi.

Yig‘iliş kun tartibidan professor-öqituvçilar tomonidan yaratilgan öquv adabiyotlarini körib çiqiş, ta’lim sifatini yanada oşiriş hamda institutning kompleks davlat akkreditatsiyasidan ötişga tayyorgarlik holatini muhokama qilişga oid masalalar örin oldi.

Dastlab, Özbekiston davlat san’at va madaniyat instituti professor-öqituvçilari tomonidan yaratilgan darsliklar, öquv qöllanmalar, monografiyalar va uslubiy qöllanmalar körib çiqildi. Mazkur naşrlarning mazmun-mohiyati, ilmiy-uslubiy saviyasi, ta’lim jarayonidagi ahamiyati hamda talabalarning nazariy bilim va amaliy könikmalarini rivojlantirişdagi örni yuzasidan fikr-mulohazalar bildirildi.

Şuningdek, institutning kompleks davlat akkreditatsiyasidan ötişga tayyorgarlik holati atrofliça muhokama qilindi. Jarayon doirasida ta’lim yönalişlari va mutaxassisliklar faoliyatini belgilangan talablar asosida baholaş, zarur hujjatlarni tayyorlaş, ta’lim dasturlari va öquv-uslubiy ta’minot holatini tahlil qiliş, şuningdek, mavjud kamçiliklarni bartaraf etiş masalalariga alohida e’tibor qaratildi.

Yig‘iliş davomida akkreditatsiya jarayoniga mas’uliyat bilan yondaşiş, barça zarur hujjatlarning töliq va sifatli tayyorlanişini ta’minlaş, belgilangan mezonlar asosida tizimli iş olib boriş hamda mas’ul xodimlar faoliyatini muvofiqlaştiriş muhimligi ta’kidlandi.

Muhokamalar yakunida kun tartibidagi masalalar yuzasidan tegişli tavsiya va topşiriqlar berilib, ta’lim sifatini oşiriş, professor-öqituvçilarning ilmiy-uslubiy faoliyatini qöllab-quvvatlaş hamda institutning kompleks davlat akkreditatsiyasiga puxta tayyorgarlik köriş böyiça vazifalar belgilab olindi.

🇺🇿 O‘zDSMI’da “ONA TILIM — FAXRIM, G‘URURIM” nomli bayram tadbiri bo‘lib o‘tdi21-oktabr — O‘zbek tili bayrami kuni...
21/10/2026



🇺🇿 O‘zDSMI’da “ONA TILIM — FAXRIM, G‘URURIM” nomli bayram tadbiri bo‘lib o‘tdi

21-oktabr — O‘zbek tili bayrami kuni munosabati bilan O‘zbekiston davlat san’at va madaniyat institutida “Ona tilim — faxrim, g‘ururim” nomli ma’naviy-ma’rifiy tadbir tashkil etildi.

Tadbirni institut rektori v. v. b. Sobir Madiyev kirish so‘zi bilan ochib berdi. U o‘z nutqida o‘zbek tiliga davlat tili maqomi berilishi xalqimizning milliy o‘zligini anglash, tarixiy xotirasi va ma’naviy qadriyatlarini e’zozlash yo‘lidagi muhim tarixiy qadam bo‘lganini ta’kidladi. Shuningdek, ona tilini asrab-avaylash, uning boy imkoniyatlari va betakror jozibasini kelajak avlodga yetkazish har birimizning muqaddas burchimiz ekanini qayd etdi.

Ayniqsa, san’at va madaniyat sohasida faoliyat yuritayotgan mutaxassislar zimmasiga ona tilimizning sofligi, go‘zalligi va ta’sirchanligini ijod orqali namoyon etishdek muhim vazifa yuklanishini ta’kidladi. Zero, teatr sahnasida yangragan badiiy so‘z, kuy-qo‘shiqlarda mujassam bo‘lgan milliy ruh va adabiy merosimizning sahnaviy talqini tilimizning ma’naviy qudratini namoyon etuvchi muhim vositalardir.

Tadbirda “Shuhrat” medali va “Do‘stlik” ordeni sohibasi, falsafa fanlari doktori, professor Sayyora To‘ychiyeva ham so‘zga chiqib, ona tilimizning millat ma’naviyati va madaniy taraqqiyotidagi o‘rni, uni qadrlash va rivojlantirishning ahamiyati haqida fikr-mulohazalarini bildirdi hamda o'z ijodidan namunalar o'qib berdi.

Shundan so‘ng bayram dasturi institut professor-o‘qituvchilari hamda talabalari ishtirokidagi badiiy chiqishlar bilan davom etdi. Dastur davomida milliy adabiyotimiz, mumtoz she’riyatimiz va musiqiy merosimizning eng sara namunalari tomoshabinlar e’tiboriga havola etildi.

O‘zbekiston Respublikasi xalq hofizi, professor Orolmirzo Safarov ijrosidagi Alisher Navoiy g‘azaliga bastalangan “Zebo emas” qo‘shig‘i, “Nihol” mukofoti sovrindori Isroil Saidumarov tomonidan ijro etilgan “Ag‘yor ila” va “Yuzlaring” qo‘shiqlari badiiy dasturning yorqin lahzalaridan bo‘ldi. Shuningdek, talabalar tomonidan Alisher Navoiy g‘azallari mahorat bilan o‘qilib, mumtoz adabiyotimizning yuksak badiiyati va so‘z san’atining betakror jozibasi namoyon etildi.

Dasturdan o‘rin olgan “Vals” musiqiy asari, qoraqalpoq xalq qo‘shig‘i “Janonim”, “Ona tilim” qo‘shiqlari, “Surxoncha raqs”, hikmatli so‘zlar hamda Uyg‘un va Izzat Sultonning “Alisher Navoiy” dramasidan Navoiy monologi tomoshabinlarga o‘zgacha taassurot bag‘ishladi. Shuningdek, “Muallim haqida rivoyat” sahna ko‘rinishi va “So‘z demay” musiqiy ijrosi orqali badiiy so‘zning tarbiyaviy ahamiyati, ustozga hurmat va milliy qadriyatlarga ehtirom g‘oyalari ifoda etildi.

Institutning professor-o‘qituvchilari va talabalari tomonidan namoyish etilgan chiqishlar ona tilimizning nafaqat muloqot vositasi, balki milliy tafakkur, san’at va ma’naviyatning qudratli ifodasi ekanini yana bir bor namoyon etdi.

Tadbir davomida ona tilimizga muhabbat, milliy merosimizga hurmat va san’at orqali ma’naviy qadriyatlarni kelajak avlodga yetkazish g‘oyalari o‘z ifodasini topdi.

Ona tilimiz — milliy o‘zligimiz va g‘ururimiz timsoli. Uni ardoqlash, nufuzini yuksaltirish barchamizning sharafli vazifamizdir.

🇺🇿 21-oktabr — O‘zbek tili bayrami kuni muborak bo‘lsin!

Bugun O‘zbekiston Teatr arboblari uyushmasida O‘zbekiston davlat san’at va madaniyat instituti “San’atshunoslik ...
20/10/2026



Bugun O‘zbekiston Teatr arboblari uyushmasida O‘zbekiston davlat san’at va madaniyat instituti “San’atshunoslik va madaniyatshunoslik” kafedrasi filiali ochildi hamda tomonlar o‘rtasida hamkorlik shartnomasi imzolandi.

Mazkur tashabbus oliy ta’lim tizimida dual ta’limni rivojlantirish, nazariy bilimlarni amaliy tajriba bilan uyg‘unlashtirish va san’at sohasi uchun malakali mutaxassislar tayyorlashga qaratildi.

Tadbirda O‘zbekiston davlat san’at va madaniyat instituti rektori v.v.b. Sobir Madiyev hamda O‘zbekiston Teatr arboblari uyushmasi raisi v.b. Usmon Eratov ishtirok etdi. Ikki tashkilot rahbarlari o‘z chiqishlarida hamkorlikning ahamiyati, DUAL ta’limning yosh mutaxassislar tayyorlashdagi o‘rni va ta’lim jarayonini teatr amaliyoti bilan uyg‘unlashtirish istiqbollari haqida fikr bildirdilar.

Imzolangan shartnomada ta’lim sifatini oshirish, talabalar uchun amaliy mashg‘ulotlarni tashkil etish, malakali soha mutaxassislarini o‘quv jarayoniga jalb qilish hamda talabalarning kasbiy ko‘nikmalarini rivojlantirish bo‘yicha tomonlarning vazifalari belgilandi.

Tadbirda qatnashgan ustozlar va soha vakillari ham yangi tashabbusni iliq kutib olib, uning teatrshunoslik, dramaturgiya va san’at jurnalistikasi yo‘nalishlarida tahsil olayotgan yoshlar uchun ahamiyatini alohida ta’kidladilar. Bildirilgan fikr-mulohazalarda talabalar uchun ijodiy muhitda bilim olish, tajribali mutaxassislar bilan hamkorlik qilish va nazariy bilimlarini amaliyotda mustahkamlash imkoniyatlari kengayishi qayd etildi.

Kafedra filialining O‘zbekiston Teatr arboblari uyushmasi bazasida faoliyat yuritishi talabalarga teatr hayotini bevosita kuzatish, spektakllarni ilmiy tahlil qilish, ijodiy jarayonlarni o‘rganish va kelgusidagi kasbiy faoliyati uchun zarur tajriba to‘plash imkonini beradi. Hamkorlik doirasida mahorat darslari, ilmiy seminarlar, davra suhbatlari va amaliy mashg‘ulotlarni tashkil etish ham ko‘zda tutilgan.

Kafedra filialining ochilishi va hamkorlik shartnomasining imzolanishi ta’lim hamda teatr amaliyoti o‘rtasidagi aloqalarni mustahkamlash, yoshlarning kasbiy mahoratini oshirish va o‘zbek teatr san’ati rivojiga munosib hissa qo‘sha oladigan mutaxassislarni tayyorlash yo‘lidagi muhim qadam bo‘ldi.

🎓 TALABALARNING YASHASH SHAROITLARI O‘RGANILMOQDA!🏛 O‘zbekiston davlat san’at va madaniyat instituti rektori v.v.b. Sobi...
19/10/2026

🎓 TALABALARNING YASHASH SHAROITLARI O‘RGANILMOQDA!

🏛 O‘zbekiston davlat san’at va madaniyat instituti rektori v.v.b. Sobir Madiyev mas’ul xodimlar bilan birgalikda institut talabalarining ijara xonadonlariga tashrif buyurib, ularning yashash sharoitlari bilan yaqindan tanishdi.

💬 Tashrif davomida talabalarning turar joydagi sharoitlari, kundalik ehtiyojlari hamda ta’lim olishlari uchun yaratilgan imkoniyatlar o‘rganildi. Talabalar bilan samimiy va ochiq muloqot tashkil etilib, ularning taklif va murojaatlari tinglandi. Shuningdek, ijara xonadonlarida istiqomat qiluvchi talabalarni qo‘llab-quvvatlash, mavjud imtiyozlardan foydalanish tartibi va bu borada amalga oshirilayotgan ishlar yuzasidan tegishli tushuntirishlar berildi.

✅ Tashrif davomida xavfsizlik masalalariga ham alohida e’tibor qaratildi. Mas’ul xodimlar talabalar bilan tabiiy gaz va elektr energiyasidan to‘g‘ri foydalanish, yong‘in xavfsizligi qoidalariga rioya etish, maishiy texnika vositalaridan xavfsiz foydalanish hamda favqulodda holatlarning oldini olish bo‘yicha profilaktik suhbatlar o‘tkazdilar.

🤝 Talabalarning yashash sharoitlarini muntazam o‘rganish, ularning muammolariga o‘z vaqtida yechim topish va ijtimoiy qo‘llab-quvvatlash choralarini kuchaytirish institutda yoshlar bilan ishlashning muhim yo‘nalishlaridan biridir.

🏆 “REKTOR KUBOGI”: SPORT MUSOBAQALARI G‘OLIBLARI ANIQLANDIBugun O‘zbekiston davlat san’at va madaniyat institutida ta...
16/10/2026



🏆 “REKTOR KUBOGI”: SPORT MUSOBAQALARI G‘OLIBLARI ANIQLANDI

Bugun O‘zbekiston davlat san’at va madaniyat institutida talabalarning bo‘sh vaqtlarini mazmunli tashkil etish, ular o‘rtasida sog‘lom turmush tarzini targ‘ib qilish hamda sportga bo‘lgan qiziqishini yanada oshirish maqsadida mini-futbol va kurash sport turlari bo‘yicha “Rektor kubogi” musobaqalari tashkil etildi.

Murosasiz va qizg‘in bahslarga boy kechgan musobaqalarda fakultetlar jamoalari o‘zaro kuch sinashib, g‘oliblik uchun munosib kurash olib bordilar. Ishtirokchilar maydonda jamoaviy hamjihatlik, chaqqonlik, mahorat va g‘alabaga bo‘lgan intilishlarini namoyon etdilar.

Mini-futbol musobaqasi yakunida g‘olib va sovrindorlarni institut rektori v.v.b. Sobir Madiyev taqdirladi.

Taqdirlash marosimida Sobir Madiyev talaba-sportchilarning erishayotgan natijalariga to‘xtalib, “Coca-Cola Students Cup” musobaqasida institut jamoasining chorak final bosqichigacha yetib borgani ham e’tirofga loyiq yutuq ekanini ta’kidladi. Shuningdek, talabalar sportini rivojlantirish, ularning muntazam shug‘ullanishi uchun zarur sharoitlarni yaratish va bu yo‘nalishdagi ishlarni izchil davom ettirish muhimligini qayd etdi.

Musobaqa yakunlariga ko‘ra, mini-futbol bo‘yicha faxrli o‘rinlar quyidagicha taqsimlandi:

🥇 1-o‘rin — Xalq ijodiyoti fakulteti jamoasi;
🥈 2-o‘rin — Teatr san’ati fakulteti jamoasi;
🥉 3-o‘rin — Kino, televideniye va radio san’ati fakulteti jamoasi.

Institutda talaba-yoshlarning jismoniy faolligini oshirish, sport salohiyatini ro‘yobga chiqarish hamda ularning bo‘sh vaqtlarini mazmunli tashkil etishga qaratilgan musobaqalar davom etadi.

RAHBAR VA YOSHLAR UCHRASHUVIO‘zbekiston davlat san’at va madaniyat instituti rektori v.v.b. Sobir Madiyev talabalar bil...
15/10/2026



RAHBAR VA YOSHLAR UCHRASHUVI

O‘zbekiston davlat san’at va madaniyat instituti rektori v.v.b. Sobir Madiyev talabalar bilan uchrashib, ularning tashabbuslari, ijodiy izlanishlari hamda iste’dod va salohiyatini namoyon etish imkoniyatlari yuzasidan samimiy muloqot o‘tkazdi.

Uchrashuv davomida talabalarning turli tanlov va loyihalardagi ishtirokini kengaytirish, ularning ijodiy qobiliyatlarini rivojlantirish hamda yosh iste’dodlarni qo‘llab-quvvatlash masalalariga alohida e’tibor qaratildi.

Institut rahbariyati talabalar tashabbuslarini rag‘batlantirish, ularning g‘oya va takliflarini amalga oshirish uchun zarur sharoitlar yaratishga tayyor ekanligi ma'lum qilindi.

Shuningdek, talabalar orasida katta qiziqish uyg‘otgan “SAHNA SENIKI!” tanlovining kelgusi mavsumlarini yanada kengaytirish, unda ishtirokchilar uchun yangi ijodiy yo‘nalishlarni joriy etish taklifi bildirildi.

Bu esa talabalarga o‘z iste’dodlarini turli janr va yo‘nalishlarda namoyon etish, sahna mahoratini oshirish hamda yangi ijodiy imkoniyatlarni kashf etishga xizmat qiladi.

Muloqot davomida talabalar institut folklor jamoasining Respublika viloyatlariga gastrol safarlarini tashkil etish tashabbusini ilgari surdi. Mazkur taklif yoshlarning milliy san’at va folklorni keng targ‘ib qilish, hududlardagi tomoshabinlar bilan ijodiy muloqotni yo‘lga qo‘yishiga xizmat qiladi Tashabbus institut rahbariyati tomonidan qo‘llab-quvvatlandi.

Uchrashuv yoshlarning fikr va takliflarini tinglash, ularning ijodiy salohiyatini ro‘yobga chiqarish hamda institut hayotida faol ishtirokini ta’minlash yo‘lidagi muhim muloqot bo‘ldi.

INSTITUTDA NAVBATDAGI YIG‘ILISH BO‘LIB O‘TDIBugun O‘zbekiston davlat san’at va madaniyat institutida rektor v. v. b. Sob...
14/10/2026

INSTITUTDA NAVBATDAGI YIG‘ILISH BO‘LIB O‘TDI

Bugun O‘zbekiston davlat san’at va madaniyat institutida rektor v. v. b. Sobir Madiyev boshchiligida navbatdagi yig‘ilish bo‘lib o‘tdi.

Yig‘ilish avvalida Yoshlar masalalari va ma’naviy-ma’rifiy ishlar bo‘yicha birinchi prorektor lavozimida faoliyat yuritgan Shohbek Ergashev O'zbekiston Respublikasi Madaniyat vazirligining Nomoddiy madaniy meros va xalq ijodiyotini rivojlantirish bo’limi boshlig’i lavozimiga o‘tayotgani e'lon qilindi. Shu munosabati bilan unga institutdagi faoliyati uchun minnatdorlik bildirilib, kelgusi ishlarida muvaffaqiyatlar tilandi.

Shundan so‘ng yig‘ilish kun tartibidagi masalalar muhokamasiga o‘tildi.

Kun tartibidan quyidagi masalalar o‘rin oldi:

Amaliyot bazalarida o‘quv jarayonlarining tashkil etilishi — kafedra mudirlarining axboroti.

Talabalar davomati — dekanlarning hisoboti.

Talabalar turar joyida hamda ijara xonadonlarida istiqomat qilayotgan talabalarning holidan xabar olish va yashash sharoitlarini o'rganish to'g'risida .

❗️Yig‘ilish davomida ushbu masalalar yuzasidan mutasaddilarning xabarlari tinglandi hamda barcha mas’ullarga tegishli topshiriqlar berildi.

TALABALAR TURAR JOYIDA YASHASH SHAROITLARI O‘RGANILDIO‘zbekiston davlat san’at va madaniyat instituti O‘quv ishlari b...
10/10/2026



TALABALAR TURAR JOYIDA YASHASH SHAROITLARI O‘RGANILDI

O‘zbekiston davlat san’at va madaniyat instituti O‘quv ishlari bo‘yicha prorektori Sobir Madiyev boshchiligida institut mas'ullari 1- va 2-Talabalar turar joyida istiqomat qilayotgan talabalar holidan xabar oldi.

Tashrif davomida talabalarning yashash sharoitlari, xonalarning sanitariya holati, ovqatlanish va dam olish maskanlari ko‘zdan kechirildi.

Sobir Madiyev talabalar bilan samimiy suhbat qurib, ularning o‘qish jarayoni, bo‘sh vaqtini mazmunli tashkil etish, ijodiy faoliyati, shuningdek, mavjud muammolari va takliflari yuzasidan fikr-mulohazalarini tingladi.

Suhbat jarayonida yoshlarning sifatli ta’lim olishi, ijodiy salohiyatini rivojlantirishi va qulay muhitda yashashi uchun institut tomonidan zarur shart-sharoitlarni yaratish muhim vazifa ekani alohida ta’kidlandi.

Shu bilan birga, Talabalar turar joyida tozalik va tartib-intizomga rioya qilish masalalariga ham e’tibor qaratildi. Yashash maskanini ozoda saqlash, umumiy foydalanish joylariga ehtiyotkorona munosabatda bo‘lish hamda sanitariya qoidalariga amal qilish har bir talabaning madaniyati va mas’uliyatini namoyon etishi qayd etildi.

Jarayonda talabalar tomonidan bildirilgan taklif va murojaatlar joyida ko‘rib chiqilib, ularni hal etish yuzasidan mas’ullarga tegishli topshiriqlar berildi.

Shuningdek, talabalarning bo‘sh vaqtini mazmunli tashkil etish, sport va madaniy-ma’rifiy tadbirlar ko‘lamini kengaytirish hamda Talabalar turar joyida kitobxonlik muhitini yanada rivojlantirish masalalariga alohida e’tibor qaratildi.

Address

Yalangach Street 127 "a"
Tashkent
100164

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 15:00

Telephone

+998712302802

Website

Alerts

Be the first to know and let us send you an email when Uzbekistan State Institute of Arts and Culture posts news and promotions. Your email address will not be used for any other purpose, and you can unsubscribe at any time.

Contact The University

Send a message to Uzbekistan State Institute of Arts and Culture:

Shortcuts

Share

Category