Uzbekistan State World Languages University

Uzbekistan State World Languages University The Uzbekistan State University of World Languages was organized by the decree of the President of the Republic of Uzbekistan (№ 401, May 12, 1992).
(245)

O‘zDJTU va Kangwon milliy iniversiteti o‘rtasida hamkorlik masalalari muhokama qilindi2026-yil 21-avgust kuni O‘zbekisto...
22/08/2026

O‘zDJTU va Kangwon milliy iniversiteti o‘rtasida hamkorlik masalalari muhokama qilindi

2026-yil 21-avgust kuni O‘zbekiston davlat jahon tillari universitetida Koreyaning Kangwon milliy universiteti xalqaro hamkorlik bo‘yicha koordinatori Lee Minhi bilan uchrashuv bo‘lib o‘tdi.

Muloqotda O‘zDJTU xalqaro hamkorlik bo‘yicha prorektori A. Nasirov, Xalqaro hamkorlik bo‘limi boshlig‘i X. Yuldashev hamda Qo‘shma ta’lim dasturlarini muvofiqlashtirish bo‘limi boshlig‘i F. Rashidova ishtirok etdi.

Uchrashuv davomida “Koreys tili + global biznes” ta’lim yo‘nalishi bo‘yicha 2+2 formatidagi qo‘shma ta’lim dasturini yo‘lga qo‘yish masalasi muhokama qilindi.

Shuningdek, franchayzing asosida turdosh ta’lim yo‘nalishlari bo‘yicha dasturlarni tashkil etishning tashkiliy va moliyaviy shartlari, talabalar uchun akademik mobillik va yozgi maktab dasturlarini amalga oshirish istiqbollari yuzasidan fikr almashildi.

Muloqot davomida Koreya talabalarini O‘zDJTUga jalb qilish, ular uchun ta’lim va akademik mobillik imkoniyatlarini kengaytirish bo‘yicha takliflar ham ko‘rib chiqildi.

Uchrashuv yakunida ikki universitet o‘rtasidagi hamkorlikni yangi yo‘nalishlarda rivojlantirish, qo‘shma ta’lim dasturlarini yo‘lga qo‘yish hamda akademik almashinuv imkoniyatlarini kengaytirish bo‘yicha kelgusidagi hamkorlik masalalari belgilab olindi.

🌐 Biz ijtimoiy tarmoqlarda:
Telegram | Instagram | Facebook | Sayt

Jeju milliy universiteti delegatsiyasi O‘zDJTUda tashrif buyurdiBugun, 21-avgust kuni Janubiy Koreyaning Jeju milliy uni...
22/08/2026

Jeju milliy universiteti delegatsiyasi O‘zDJTUda tashrif buyurdi

Bugun, 21-avgust kuni Janubiy Koreyaning Jeju milliy universiteti delegatsiyasi O‘zbekiston davlat jahon tillari universitetiga tashrif buyurdi.

Tashrif avvalida mehmonlar O‘zDJTU Sharq filologiyasi fakultetidagi Koreya ta’lim va madaniyat markazi faoliyati bilan yaqindan tanishdilar. Shundan so‘ng Jeju milliy universitetida almashinuv dasturi asosida tahsil olish uchun Koreyaga yo‘l olayotgan O‘zDJTU talabalari bilan uchrashuv o‘tkazildi. Muloqot davomida talabalarga Koreyada ta’lim olish imkoniyatlari, universitetdagi o‘quv jarayoni hamda madaniy muhit haqida ma’lumotlar berildi.

Tashrifning asosiy qismi O‘zDJTU bosh binosida bo‘lib o‘tgan rasmiy uchrashuv bilan davom etdi. Unda O‘zDJTU xalqaro hamkorlik bo‘yicha prorektori A. Nasirov, Xalqaro hamkorlik bo‘limi boshlig‘i X. Yuldashev, Sharq filologiyasi fakulteti dekani D.M. Djurayev hamda Koreys filologiyasi kafedrasi mudiri M.Sh. Absalomov ishtirok etdilar.

Uchrashuv davomida ikki oliy ta’lim muassasasi o‘rtasidagi hamkorlikni yanada rivojlantirish masalalari muhokama qilindi.

Jumladan:

🔹 talabalar almashinuvi kvotalarini kengaytirish;

🔹 Jeju milliy universiteti talabalarining O‘zDJTUda almashinuv dasturi asosida tahsil olishini yo‘lga qo‘yish;

🔹 O‘zDJTU talabalarining Jeju milliy universitetida amaliyot o‘tash imkoniyatlarini kengaytirish;

🔹 professor-o‘qituvchilar uchun qo‘shma malaka oshirish dasturlarini ishlab chiqish;

🔹 talabalar uchun yozgi va qishki qisqa muddatli madaniy almashinuv dasturlarini tashkil etish;

🔹 professor-o‘qituvchilar o‘rtasida qo‘shma ilmiy tadqiqotlar olib borish va ilmiy maqolalar chop etish;

🔹 sun’iy intellekt texnologiyalaridan foydalangan holda zamonaviy ta’lim dasturlari va darslarni tashkil etish masalalari yuzasidan fikr almashildi.

Shuningdek, tomonlarni qiziqtirgan boshqa masalalar, xususan, akademik mobillik va ta’lim jarayonidagi hamkorlikni kengaytirish istiqbollari muhokama qilindi.

Uchrashuv yakunida O‘zDJTU va Jeju milliy universiteti o‘rtasidagi akademik hamkorlikni yangi bosqichga olib chiqish, mavjud aloqalarni yanada mustahkamlash hamda yangi qo‘shma loyihalarni amalga oshirish bo‘yicha kelishuvlarga erishildi.

🌐 Biz ijtimoiy tarmoqlarda:
Telegram | Instagram | Facebook | Sayt

O‘zDJTUda talabalarni turar joy bilan ta’minlash jarayonlari nazoratda2026/2027-o‘quv yiliga tayyorgarlik doirasida O‘zb...
21/08/2026

O‘zDJTUda talabalarni turar joy bilan ta’minlash jarayonlari nazoratda

2026/2027-o‘quv yiliga tayyorgarlik doirasida O‘zbekiston davlat jahon tillari universitetida talabalarni turar joy bilan ta’minlash bo‘yicha tashkil etilgan maxsus shtablar faoliyati davom etmoqda.

Bugun O‘zDJTU rektori Ilxomjon Tuxtasinov mas’ullar bilan birgalikda maxsus shtab faoliyati va talabalarni turar joy bilan ta’minlash jarayonlari bilan tanishdi.

Shtabda talabalar va ularning ota-onalariga qulaylik yaratish uchun zarur sharoitlar yaratilgan. Murojaatlarni qabul qilish, yotoqxonaga joylashtirish tartibi bo‘yicha tushuntirish berish hamda turar joy masalalarini hal etish bo‘yicha amaliy yordam ko‘rsatilmoqda.

Shuningdek, shtab faoliyati davomida talabalar uchun tibbiy xizmat ko‘rsatish imkoniyati ham yo‘lga qo‘yilgan. Bu esa yangi o‘quv yili arafasida talabalar va ularning ota-onalariga qo‘shimcha qulaylik yaratmoqda.

Jarayon davomida rektor tomonidan shtab faoliyatini samarali tashkil etish, murojaatlarni tezkor ko‘rib chiqish va talabalar uchun yaratilgan sharoitlarni yanada yaxshilash yuzasidan mas’ullarga tegishli topshiriqlar berildi.

Mazkur ishlar talabalarni yangi o‘quv yilida munosib kutib olish va ularning turar joy bilan bog‘liq masalalarini imkon qadar tezkor hal etishga qaratilgan.

🌐 Biz ijtimoiy tarmoqlarda:
Telegram | Instagram | Facebook | Sayt

O‘zDJTU va Xitoy kompaniyalari o‘rtasida memorandum imzolandiJoriy yilning 20-avgust kuni O‘zbekiston davlat jahon tilla...
21/08/2026

O‘zDJTU va Xitoy kompaniyalari o‘rtasida memorandum imzolandi

Joriy yilning 20-avgust kuni O‘zbekiston davlat jahon tillari universitetida Xitoyning Tang International Education Group va Tang International Education and Technology kompaniyalari vakillari bilan uchrashuv bo‘lib o‘tdi.

Muloqot davomida O‘zDJTUda Kasbiy ta’lim markazi (Future Competency Centre), Sun’iy intellekt laboratoriyasi hamda xitoy tili bo‘yicha HSK Test markazini tashkil etish, Xitoy Xalq Respublikasidagi oliy ta’lim muassasalarida professor-o‘qituvchilar malakasini oshirish, talabalar uchun qisqa muddatli amaliyot va stajirovka dasturlarini yo‘lga qo‘yish masalalari muhokama qilindi.

Tang International Education Group kompaniyasi prezidenti Li Jinsong memorandum imzolangandan so‘ng ishchi guruh tuzish, hamkorlikning tashkiliy va moliyaviy masalalarini muhokama qilish, shuningdek, talab yuqori bo‘lgan kasblarni aniqlash va tegishli takliflarni ishlab chiqish zarurligini ta’kidladi.

Uning qayd etishicha, kompaniya O‘zDJTU ehtiyojlaridan kelib chiqib, Xitoydagi oliy ta’lim va kasb-hunar ta’limi muassasalari hamda ishlab chiqarish korxonalari orasidan hamkorlarni aniqlash va ular bilan o‘zaro manfaatli hamkorlikni yo‘lga qo‘yishda ko‘maklashadi.

O‘zDJTU xalqaro hamkorlik masalalari bo‘yicha prorektori A. Nasirov universitet rahbariyati mazkur tashabbuslarni qo‘llab-quvvatlashi va hamkorlikni samarali yo‘lga qo‘yishga tayyorligini bildirdi. Xususan, markazlar uchun zarur xonalarni ajratish, jalb etiladigan mutaxassislarga zarur sharoitlarni yaratish hamda kelishilgan yo‘nalishlarda hamkorlikni rivojlantirish masalalariga e’tibor qaratildi.

Uchrashuv yakunida Tang International Education Group va O‘zbekiston davlat jahon tillari universiteti o‘rtasida memorandum imzolandi.

Shundan so‘ng mehmonlar Sharq filologiyasi fakulteti dekani D. Djuraev hamrohligida kelgusida tashkil etilishi rejalashtirilayotgan markazlar uchun ajratilishi mumkin bo‘lgan xonalar bilan tanishdilar.

🌐 Biz ijtimoiy tarmoqlarda:
Telegram | Instagram | Facebook | Sayt

2026-yil 4-chorak uchun mustaqil izlanuvchilikka ixtisosliklar bo‘yicha suhbat o‘tkaziladiO‘zbekiston davlat jahon tilla...
21/08/2026

2026-yil 4-chorak uchun mustaqil izlanuvchilikka ixtisosliklar bo‘yicha suhbat o‘tkaziladi

O‘zbekiston davlat jahon tillari universitetida 2026-yil 4-chorak uchun mustaqil izlanuvchilikka ixtisosliklar bo‘yicha suhbatlar 2026-yil 26-avgust kuni o‘tkaziladi.

📌 Suhbat o‘tkaziladigan ixtisosliklar:

1️⃣ 10.00.04 — Yevropa, Amerika va Avstraliya xalqlari tili va adabiyoti

2️⃣ 10.00.06 — Qiyosiy adabiyotshunoslik, chog‘ishtirma tilshunoslik va tarjimashunoslik

3️⃣ 10.00.13 — O‘zbekistonda qiyosiy tilshunoslik

4️⃣ 10.00.09 — Jurnalistika

5️⃣ 10.00.11 — Amaliy va kompyuter lingvistikasi

6️⃣ 13.00.01 — Pedagogika nazariyasi. Pedagogik ta’limotlar tarixi

7️⃣ 13.00.02 — Ta’lim va tarbiya nazariyasi va metodikasi

8️⃣ 23.00.02 — Siyosiy institutlar, jarayonlar va texnologiyalar

9️⃣ 07.00.01 — O‘zbekiston tarixi

📅 Sana: 2026-yil 26-avgust

⏰ Vaqt:
— aksariyat ixtisosliklar bo‘yicha — soat 10:00;
— 23.00.02 ixtisosligi bo‘yicha — soat 09:00.

📍Manzil: Toshkent shahri, Kichik halqa yo‘li ko‘chasi, G-9A mavzesi, 21-uy, O‘zDJTU Asosiy binosi, 4-qavat.

Suhbat ishtirokchilaridan belgilangan vaqtda ko‘rsatilgan manzilga yetib kelishlari so‘raladi.

🌐 Biz ijtimoiy tarmoqlarda:
Telegram | Instagram | Facebook | Sayt

O‘zDJTU va Buenos-Ayres universiteti vakillari bilan onlayn muloqot o‘tkazildi2026-yil 20-avgust kuni O‘zbekiston davlat...
21/08/2026

O‘zDJTU va Buenos-Ayres universiteti vakillari bilan onlayn muloqot o‘tkazildi

2026-yil 20-avgust kuni O‘zbekiston davlat jahon tillari universiteti hamda Argentinaning Buenos-Ayres universiteti vakillari o‘rtasida onlayn muloqot tashkil etildi.

Ma’lumot uchun, Buenos-Ayres universiteti jahon universitetlari reytingida 84-o‘rinni egallagan nufuzli oliy ta’lim muassasalaridan biri bo‘lib, unda 300 mingga yaqin talaba tahsil oladi. Universitet tarkibida 72 ta tadqiqot instituti faoliyat yuritadi va ularda 17 mingdan ortiq tadqiqotchi ilmiy izlanish olib boradi.

Universitet talabalari va professorlari orasidan 5 nafari Nobel mukofoti sovrindori bo‘lgan. Ular — Karlos Saavedra Lamas, Bernardo Houssay, Luis Federico Leloir, Adolfo Peres Esquivel va Sezar Milstein. Shuningdek, Buenos-Ayres universitetini 16 nafar Argentina prezidenti bitirgan, ular orasida eng so‘nggisi Alberto Fernandes hisoblanadi.

Muloqot davomida 2025-yil 24–25-aprel kunlari O‘zDJTU rektori I. Tuxtasinov rahbarligidagi delegatsiyaning Buenos-Ayres universitetiga tashrifi doirasida erishilgan kelishuvlarni amalga oshirish masalalari muhokama qilindi.

Jumladan, professor-o‘qituvchilar, tadqiqotchilar va talabalar almashinuvi, qo‘shma ilmiy tadqiqotlar olib borish, shuningdek, O‘zDJTUda ispan tilini o‘qitish sifatini yanada takomillashtirish masalalariga alohida e’tibor qaratildi.

Buenos-Ayres universitetining Falsafa va adabiyot fakulteti Transfer, institutlararo va xalqaro aloqalar bo‘yicha kotibi Martin Gonsales 2026/2027-o‘quv yilining ikkinchi semestridan boshlab fakultetning ispan tili o‘qituvchisi, PhD Fernando Bogado Roman-german filologiyasi fakultetida dars berish uchun yuborilishini ma’lum qildi. Hozirda Fernando Bogadoning aviachipta va boshqa xarajatlarini qoplash bilan bog‘liq tegishli hujjatlar rasmiylashtirilayotgani bildirildi.

O‘zDJTU Xalqaro hamkorlik bo‘limi boshlig‘i X. Yuldashev xorijiy professor-o‘qituvchilar uchun universitet tomonidan yaratiladigan shart-sharoitlar, jumladan, yotoqxonadan bepul joy ajratilishi hamda moliyaviy shartlar haqida ma’lumot berdi.

Shuningdek, Buenos-Ayres universiteti vakillariga talabalar uchun akademik mobillik doirasida almashinuv dasturlarini yo‘lga qo‘yish, mustaqil izlanuvchilikka jalb etish, tadqiqotchilarga Markaziy Osiyo tadqiqotlari bo‘yicha ilmiy izlanishlar olib borishda ko‘maklashish, chet tillari o‘qituvchilari uchun malaka oshirish kurslari hamda qo‘shma malaka oshirish dasturlarini tashkil etish bo‘yicha takliflar bildirildi.

Fernando Bogado o‘zbek tili va adabiyoti hamda qiyosiy tilshunoslik yo‘nalishida ilmiy tadqiqot olib borishga qiziqishini bildirib, mazkur yo‘nalishda amaliy yordam ko‘rsatishni so‘radi.

Xalqaro hamkorlik masalalari bo‘yicha prorektor A. Nasirov O‘zbekiston davlat jahon tillari universiteti Buenos-Ayres universiteti bilan ta’lim, ilmiy-tadqiqot va boshqa yo‘nalishlarda hamkorlikni rivojlantirishga tayyor ekanini ta’kidladi.

Uchrashuv Ispan tili amaliy fanlar kafedrasi mudiri, filologiya fanlari doktori, professor Dilrabo Baxronova tomonidan tashkil etildi. Muloqot davomida u Buenos-Ayres universiteti vakiliga o‘zbek tili va adabiyoti, madaniyati hamda tarjimashunoslik yo‘nalishlari bo‘yicha ma’lumotlar berdi.

Muloqot yakunida tomonlar muntazam aloqada bo‘lish, yangi taklif va tashabbuslar yuzasidan o‘zaro fikr almashib borish hamda mavjud kelishuvlarni izchil amalga oshirishga kelishib oldilar.

🌐 Biz ijtimoiy tarmoqlarda:
Telegram | Instagram | Facebook | Sayt

PAYSHANBA — YOSHLAR KUNISo‘nggi yillarda mamlakatimizda yoshlar siyosatiga alohida e’tibor qaratilib, davlatimiz rahbari...
21/08/2026

PAYSHANBA — YOSHLAR KUNI

So‘nggi yillarda mamlakatimizda yoshlar siyosatiga alohida e’tibor qaratilib, davlatimiz rahbari tashabbusi bilan yoshlar bandligini ta’minlash, ularni har tomonlama qo‘llab-quvvatlash, kasb-hunarga yo‘naltirish hamda tadbirkorlik faoliyatiga keng jalb etish borasida izchil va samarali ishlar amalga oshirilmoqda.

Ana shu yo‘nalishda amalga oshirilayotgan ishlar doirasida Davlat moliyaviy nazorat inspeksiyasi Toshkent shahar boshqarmasi boshlig‘i o‘rinbosari Zayniddin Otaqulov O‘zDJTUda yoshlar bilan “Rahbar va yoshlar” mavzusida ochiq muloqot tarzida uchrashuv o‘tkazdi.

Mazkur uchrashuv yoshlarni har tomonlama qo‘llab-quvvatlash, ularning dardu tashvishlari, taklif va tashabbuslarini bevosita esh*tish hamda amaliy yechimlar ishlab chiqishga xizmat qildi.

Ochiq muloqot davomida yoshlar ta’lim, bandlik va tadbirkorlikni rivojlantirish kabi dolzarb masalalar yuzasidan o‘z fikr va takliflarini bildirdilar.

Shuningdek, ishga muhtoj yoshlarga shu joyning o‘zida doimiy ishga joylashish uchun yo‘llanmalar berilib, tegishli tashkilotlar va mutasaddilarga aniq topshiriqlar yuklatildi.

Albatta, yoshlar — har qanday jamiyatning kelajagi, millatning ertangi kuni, davlatning tayanchi. Ularning qalbida ishonch va g‘ururni uyg‘otish, orzu-intilishlariga yo‘l ochish esa bugungi kunning eng dolzarb vazifalaridan biridir.

🌐 Biz ijtimoiy tarmoqlarda:
Telegram | Instagram | Facebook | Sayt

“YO‘L MADANIYATI — XAVFSIZ HAYOT KAFOLATI” MAVZUSIDA OCHIQ MULOQOT O‘TKAZILDIBugun, 20-avgust kuni “Adolat” SDP Toshkent...
21/08/2026

“YO‘L MADANIYATI — XAVFSIZ HAYOT KAFOLATI” MAVZUSIDA OCHIQ MULOQOT O‘TKAZILDI

Bugun, 20-avgust kuni “Adolat” SDP Toshkent shahar Kengashi tashabbusi bilan Toshkent shahar IIBB YHXB, Mahallalar uyushmasi Toshkent shahar boshqarmasi hamda Toshkent shahar Transport boshqarmasi hamkorligida “Yo‘l madaniyati — xavfsiz hayot kafolati” mavzusida ochiq muloqot va targ‘ibot tadbiri tashkil etildi.

Tadbirda poytaxtda yo‘l harakati madaniyatini yuksaltirish, haydovchi va piyodalarning o‘zaro hurmati hamda mas’uliyatini oshirish, yo‘l-transport hodisalarining oldini olish va xavfsiz muhit yaratish masalalari muhokama qilindi.

Unda Oliy Majlis Qonunchilik palatasi deputati Muhammadjon Valiyev, Toshkent shahar Kengashi deputati, Islom Karimov nomidagi Toshkent davlat texnika universiteti rektori, akademik Sadriddin Turabjanov, “Adolat” SDP Toshkent shahar Kengashi raisi Muharram Dadaho‘jayeva, O‘zbekiston davlat jahon tillari universiteti rektori, professor Ilxomjon Tuxtasinov, Mahallalar uyushmasi Toshkent shahar boshqarmasi boshlig‘i Orifjon Aliqulov, Toshkent shahar IIBB YHXB mutasaddilari hamda soha vakillari ishtirok etdi.

Muloqot davomida piyodalar xavfsizligini ta’minlash, jamoat transporti harakatini tartibga solish, yo‘l infratuzilmasini yaxshilash hamda yo‘l harakati ishtirokchilarining mas’uliyatini oshirish bo‘yicha mutaxassislarning amaliy taklif va tavsiyalari tinglandi.

Shuningdek, tadbirda O‘zbekiston davlat jahon tillari universiteti rektori, Xalq deputatlari Uchtepa tumani Kengashi 19-Farhod saylov okrugi deputati Ilxomjon Madaminovich Tuxtasinovning ishtiroki ham ta’kidlandi.

🌐 Biz ijtimoiy tarmoqlarda:
Telegram | Instagram | Facebook | Sayt

O‘zDJTU faxriy professorining maqolasi xalqaro nashrda e’lon qilindiO‘zbekiston davlat jahon tillari universiteti Tarjim...
21/08/2026

O‘zDJTU faxriy professorining maqolasi xalqaro nashrda e’lon qilindi

O‘zbekiston davlat jahon tillari universiteti Tarjimonlik fakulteti “Arab tili tarjimasi nazariyasi va amaliyoti” kafedrasi faxriy professori Ahmad Jasim Abbas Al-Zubaydiyning O‘zbekiston iqtisodiyoti va energetika sohasidagi dolzarb masalalarga bag‘ishlangan maqolasi Iroqda nashr etiladigan xalqaro arab tilidagi “Az-Zaman” gazetasida chop etildi.

Maqolada O‘zbekistonda neft va gaz bozori barqarorligini ta’minlash, ichki bozorda yoqilg‘i ta’minotini yaxshilash hamda narxlarning keskin oshishining oldini olish borasida amalga oshirilayotgan chora-tadbirlar haqida so‘z yuritilgan.

Muallif, shuningdek, energiya resurslariga bo‘lgan talabni qondirish, ishlab chiqarish va ta’minot jarayonlarini takomillashtirish, bozor barqarorligini ta’minlash hamda iqtisodiy rivojlanish uchun muhim bo‘lgan energetika siyosatiga e’tibor qaratgan.

Ahmad Jasim Abbas Al-Zubaydiyning xalqaro nashrda maqolasi e’lon qilingani uning ilmiy va ekspertlik faoliyati bilan bir qatorda, O‘zDJTU professor-o‘qituvchilarining xalqaro axborot makonidagi faolligini ham namoyon etadi.

Ma’lumot uchun: yig‘ilish yakunida Ahmad Jasim Abbas Al-Zubaydiyga “O‘zbekiston davlat jahon tillari universiteti faxriy professori” unvonini berish to‘g‘risidagi masala ma’qullangan.

Manba: “Az-Zaman” — Iroqda nashr etiladigan arab tilidagi xalqaro mustaqil kundalik gazeta.

🌐 Biz ijtimoiy tarmoqlarda:
Telegram | Instagram | Facebook | Sayt

O‘zDJTU professorlari xalqaro universitetdagi ilmiy seminarda ishtirok etdiO‘zbekiston davlat jahon tillari universiteti...
21/08/2026

O‘zDJTU professorlari xalqaro universitetdagi ilmiy seminarda ishtirok etdi

O‘zbekiston davlat jahon tillari universiteti Tarjimonlik fakulteti Ingliz tili tarjima nazariyasi kafedrasi professorlari X.B. Samigova va I.S. Kaxxarova Toshkent Kimyo xalqaro universiteti huzuridagi PhD.03/2026.31.01.Fil.29.05 raqamli Ilmiy kengash qoshida tashkil etilgan ilmiy seminarda ishtirok etdi.

Seminarda professorlarimiz amaliy va kompyuter lingvistikasi yo‘nalishidagi ilmiy tadqiqotlar muhokamasida mutaxassis sifatida qatnashib, dissertatsiyalarning ilmiy mazmuni, tadqiqot metodologiyasi va amaliy ahamiyati yuzasidan fikr-mulohazalar bildirdi.

Ilmiy seminarda 10.00.11 — “Amaliy va kompyuter lingvistikasi” ixtisosligi bo‘yicha ikki PhD dissertatsiyasi muhokama qilindi.

Seminar davomida tadqiqotlarning ilmiy yangiligi, metodologik asoslari va amaliy ahamiyati atroflicha ko‘rib chiqilib, dissertantlarga tegishli tavsiya va takliflar bildirildi.

O‘zDJTU professorlarining bunday ilmiy muhokamalarda ishtiroki universitet professor-o‘qituvchilarining ilmiy salohiyati va amaliy hamda kompyuter lingvistikasi sohasidagi mutaxassislik tajribasini namoyon etadi.

🌐 Biz ijtimoiy tarmoqlarda:
Telegram | Instagram | Facebook | Sayt

Address

University Address: 21a, Block G-9a, S. Yusupov Street
Tashkent
100138

Opening Hours

Monday 09:00 - 06:00
Tuesday 09:00 - 06:00
Wednesday 09:00 - 06:00
Thursday 09:00 - 06:00
Friday 09:00 - 06:00
Saturday 09:00 - 03:00

Telephone

+998712755544

Website

Alerts

Be the first to know and let us send you an email when Uzbekistan State World Languages University posts news and promotions. Your email address will not be used for any other purpose, and you can unsubscribe at any time.

Shortcuts

Share