Muhammad al-Xorazmiy nomidagi Toshkent axborot texnologiyalari universiteti

27/04/2026

KOICA AT ta’lim ekotizimini rivojlantirish uchun 14 million AQSh dollari grant ajratdi

🏷Koreya xalqaro hamkorlik agentligi (KOICA) tomonidan umumiy qiymati 14 million AQSh dollariga teng “O‘zbekistonda AT ta’lim ekotizimini takomillashtirish orqali yoshlarning bandlik va tadbirkorlik salohiyatini oshirish” loyihasi amalga oshiriladi.

Loyiha doirasida:
➡ Yoshlar sun’iy intellekt, prompt muhandisligi, dasturlash, narsalar interneti va onlayn marketing kabi zamonaviy AT yo‘nalishlarida 4 yil davomida tizimli o‘qitiladi;
➡500 nafar AT mutaxassislari va o‘qituvchilarning malakasi oshiriladi;
➡Koreyalik yetakchi ekspertlar ishtirokida startap inkubatsiya dasturlari yo‘lga qo‘yiladi.

➡Shuningdek, Loyiha 2026–2032-yillar davomida Nukus va Qarshi shaharlarida 2 ta zamonaviy AT-hab tashkil etiladi va 7 ta tumanda 14 ta AT markaz qurilib, jihozlanadi.

💻 Mazkur loyiha ta’lim tizimini rivojlantirish, yoshlar bandligini oshirish, innovatsion tadbirkorlikni qo‘llab-quvvatlash hamda mamlakatning raqamli kelajagini mustahkamlashga xizmat qiladi.
__

KOICA allocates $14 million in grants to develop IT education ecosystem

🏷 The Korea International Cooperation Agency (KOICA) is implementing a project worth $14 million to “Enhancing Youth Employment and Entrepreneurship through Improving the IT Education Ecosystem in Uzbekistan.”

As part of the project:
➡ Young people will be systematically trained in modern IT areas such as artificial intelligence, prompt engineering, programming, the Internet of Things, and online marketing for 4 years;
➡ 500 IT specialists and teachers will be trained;
➡ Startup incubation programs will be launched with the participation of leading Korean experts.

➡ In addition, the Project will establish 2 modern IT hubs in the cities of Nukus and Karshi during 2026–2032, and 14 IT centers will be built and equipped in 7 districts.

💻 This project will serve to develop the education system, increase youth employment, support innovative entrepreneurship, and strengthen the country's digital future.

Telegram | Facebook | Instagram | Youtube | LinkedIn | X

26/04/2026

TATU yoshlari “Kelajak muhandislari – 2026” xalqaro festivaliga tayyor!

🏛28–29–30-aprel kunlari bo‘lib o‘tadigan “Kelajak muhandislari – 2026” xalqaro festivalida Muhammad al-Xorazmiy nomidagi Toshkent axborot texnologiyalari universiteti yoshlari quyidagi maxsus yo‘nalishlar barchasida ishtirok etadi:

🔹 Robo War;
🔹 Qishloq xo‘jaligi innovatsion texnikalari;
🔹 Gumanoid robotlar;
🔹 Yangi avlod avtomobili;
🔹 First Robot Uzbekistan;
🔹 Mexanizmlar estafetasi;
🔹 Robot-sapyor.

⚙️ Festival doirasida o‘tkaziladigan maxsus kategoriyalar bo‘yicha iqtidorli talabalar va yosh muhandislar jamoalari shakllantirilib, ularga tajribali professor-o‘qituvchilar hamda soha mutaxassislari biriktirildi.

🚀 Hozirda har bir yo‘nalish bo‘yicha muhandislik ishlanmalari ishlab chiqilib, innovatsion loyihalar ustida amaliy ishlar olib borilmoqda. Ishtirokchilar uchun zarur tashkiliy va texnik sharoitlar yaratilgan.

Bizni kuzating:
🚀Telegram 📷Instagram 🎬You Tube 🔵Facebook

24/04/2026

24/04/2026

Toshkent axborot texnologiyalari universitetining xalqaro reytingdagi natijasi yaxshilandi!

🏛 Muhammad al-Xorazmiy nomidagi Toshkent axborot texnologiyalari universiteti Times Higher Education (THE) Asia University Rankings 2026 natijalariga ko‘ra, Osiyoning nufuzli oliy ta’lim muassasalari orasida 601–800-o‘rinlar guruhidan joy oldi.

📈 Joriy yilgi natijalarga ko‘ra, universitetning umumiy ko‘rsatkichi o‘tgan yilga nisbatan oshib, reytingdagi pozitsiyasi mustahkamlandi.

👍 Reytingda universitet faoliyati quyidagi asosiy mezonlar bo‘yicha baholandi:
🔹 Ta’lim sifati;
🔹 Ilmiy-tadqiqot muhiti;
🔹 Tadqiqot sifati;
🔹 Sanoat bilan hamkorlik;
🔹 Xalqaro faoliyat va ko‘rinish.

❗ Mazkur natija universitetda ta’lim sifatini oshirish, ilmiy salohiyatni rivojlantirish hamda xalqaro hamkorlikni kengaytirish yo‘lida olib borilayotgan tizimli ishlarning amaliy samarasidir.

☑️ TATU jamoasini ushbu muvaffaqiyat bilan tabriklaymiz va kelgusida yanada yuqori natijalarga erishishiga tilakdoshmiz!

Bizni kuzating:
🚀Telegram 📷Instagram 🎬You Tube 🔵Facebook

24/04/2026

TATUda yosh ixtirochilar bilan ochiq muloqot bo‘lib o‘tdi

💡 Yosh ixtirochilarni qo‘llab-quvvatlash va ularning ilmiy salohiyatini rivojlantirish maqsadida TATU rektori hamda iqtidorli talabalar ishtirokida ochiq muloqot uchrashuvi tashkil etildi.

☑️ Tadbirda TATU Samarqand filiali talabalari ham faol qatnashib, o‘zlarining innovatsion loyihalari va amaliy ishlanmalarini taqdim etdilar. Ko‘rgazma davomida loyihalarning texnik jihatlari, amaliy ahamiyati va istiqbollari haqida batafsil ma’lumot berildi.

🎶 Uchrashuvda rektor tomonidan yoshlarning tashabbuslarini qo‘llab-quvvatlash, ularni rag‘batlantirish va ilmiy izlanishlarni rivojlantirish bo‘yicha muhim tavsiyalar bildirildi. Talabalar o‘zlarini qiziqtirgan savollarga javob olib, o‘zaro fikr almashdilar.

🧠 Shuningdek, tadbir doirasida “Zakovat” intellektual saralash o‘yini tashkil etilib, TATU va Samarqand filiali jamoalari o‘rtasida qiziqarli bellashuv bo‘lib o‘tdi.

🚀 Mazkur uchrashuv yoshlarning bilim, tafakkur va innovatsion salohiyatini yanada rivojlantirishga xizmat qiladi.

Bizni kuzating:
🚀Telegram 📷Instagram 🎬You Tube 🔵Facebook

24/04/2026

TATUda “Talabalar ligasi” musobaqalarining hududiy bosqichi davom etmoqda

💻 Muhammad al-Xorazmiy nomidagi Toshkent axborot texnologiyalari universitetida “Talabalar ligasi” sport musobaqalarining hududiy bosqichi doirasida futbol bahslari bo‘lib o‘tmoqda.

⚽️ Mazkur musobaqalarda universitetimiz jamoasi faol ishtirok etib, tezkor o‘yin, aniq uzatmalar va jamoaviy harakatlari bilan maydonda murosasiz bahslar olib bormoqda.

☑️ Navbatdagi uchrashuvda TATU jamoasi Oriental universiteti jamoasini 3 : 2 hisobida mag‘lub etib, muhim g‘alabani qo‘lga kiritdi.

❗️ Uchrashuvlar yuqori tempda o‘tib, tomoshabinlarga hayajonli va unutilmas sport lahzalarini taqdim etmoqda. Jamoamizning birligi, qat’iyati va g‘alabaga bo‘lgan intilishi har bir o‘yinda yaqqol ko‘zga tashlanmoqda.

👍 Talabalarimizga keyingi bosqichlarda ham omad va ulkan zafarlar tilaymiz!

Bizni kuzating:
🚀Telegram 📷Instagram 🎬You Tube 🔵Facebook

24/04/2026

TATUga Tatariston delegatsiyasi tashrif buyurdi

🇷🇺Tatariston Respublikasi Arxiv ishi bo‘yicha davlat qo‘mitasi raisi G. Gabdraxmanova boshchiligidagi delegatsiya Muhammad al-Xorazmiy nomidagi Toshkent axborot texnologiyalari universitetiga tashrif buyurdi.

☑️ Tashrif davomida mehmonlarga universitet faoliyati, zamonaviy ilmiy-tadqiqot ishlari, IT sohasidagi innovatsion loyihalar hamda kadrlar tayyorlash tizimi haqida ma’lumot berildi.

🗂 Shuningdek, Elektron arxivlar ilmiy-o‘quv laboratoriyasiga ekskursiya tashkil etilib, delegatsiya a’zolari raqamli arxivlarni yaratish, saqlash va boshqarish bo‘yicha amalga oshirilayotgan ishlanmalar bilan yaqindan tanishdilar.

🌎 Batafsil

Bizni kuzating:
🚀Telegram 📷Instagram 🎬You Tube 🔵Facebook

24/04/2026

TATUda fan olimpiadasi o‘tkazildi

🏛 Muhammad al-Xorazmiy nomidagi Toshkent axborot texnologiyalari universiteti Televizion texnologiyalari fakulteti hamda “TMT” kafedrasi professor-o‘qituvchilari tomonidan “Kompyuter grafikasi” va “Muhandislik grafikasi” fanlaridan 3-bosqichli fan olimpiadasi tashkil etildi.

“Kompyuter grafikasi” fanidan:
🥇 Avazxonov Turonxo‘ja (AKT sohasida iqtisodiyot va menejment fakulteti);
🥈 Shamsiyev Ozodbek (Kompyuter injiniring fakulteti);
🥉 Hasanova Xolida (Televizion texnologiyalari fakulteti).

“Muhandislik grafikasi” fanidan:
🥇 Erkinov Avazbek (Radio va mobil aloqa fakulteti);
🥈 Zulfuqorov Eldos (Televizion texnologiyalari fakulteti);
🥉 Amirullayev Jahongir (Telekommunikatsiya texnologiyalari fakulteti).

🎁 G‘oliblar diplom va esdalik sovg‘alar bilan taqdirlandilar.

👏 Barcha ishtirokchilarni tabriklaymiz va ularga kelgusi faoliyatlarida ulkan zafarlar tilaymiz!

Bizni kuzating:
🚀Telegram 📷Instagram 🎬You Tube 🔵Facebook

24/04/2026

🎮 Toshkentda GameFest 2026 — mintaqadagi eng yirik o‘yin va animatsiya festivali bo'lib o'tadi!

👾 15–16-may kunlari bo'lib o'tadigan o‘yin industriyasi va animatsiya yo‘nalishidagi eng yirik xalqaro festival 40 dan ortiq davlatlardan 10 mingdan ziyod o‘yin ishlab chiquvchilar, investorlar, nashriyotlar hamda soha mutaxassislarini bir maydonda jamlaydi.

⬇️Ikki kunlik festival doirasida quyidagi yo‘nalishlar tashkil etiladi:
➡ Game Forum — xalqaro ekspertlar ishtirokida o‘yin industriyasidagi trendlar va imkoniyatlar muhokamasi;
➡ Animation Forum — animatsiya va raqamli kontent bo‘yicha master-klasslar;
➡ International Game Jam — 48 soatlik xakaton va yangi o‘yin prototiplarini yaratish;
➡ ScaleUp & Fund: Pitch Session — startaplar uchun investitsiya taqdimotlari;
➡ B2B Growth Exchange — ishlab chiquvchilar, investorlar va nashriyotlar o‘rtasida biznes uchrashuvlar;
➡ Games & Animations Expo — mahalliy va xalqaro loyihalar ko‘rgazmasi;
➡ Cosplay Show — eng yaxshi obrazlar tanlovi;
➡ Music Fest — mashhur DJ va ijrochilar ishtirokidagi shou dastur.

Festival o‘yin industriyasi, animatsiya va kreativ iqtisodiyot sohalarida xalqaro hamkorlikni kengaytirish, yangi loyihalarni qo‘llab-quvvatlash hamda yosh iste’dodlarni aniqlash uchun muhim platforma vazifasini o‘taydi.
📍 Manzil: “Renessans Hall” majmuasi
📎 Ro‘yxatdan o‘tish: https://gamefest.uz/

Bizni kuzating:
🚀Telegram 📷Instagram 🎬You Tube 🔵Facebook

24/04/2026

TATU professor-o‘qituvchilari Yevropa universitetlarida dars mashg‘ulotlarini olib bormoqda

🏛 TATU “Ta’lim sifatini nazorat qilish” bo‘limi boshlig‘i Sherzod G‘ulomov 20–24-aprel kunlari Erasmus+ Mobility dasturi doirasida Transilvaniya Brașov universitetida magistratura talabalariga dars mashg‘ulotlari olib bordi.

👨‍🏫 U “Raqamli kriminalistika”, “Dasturlash va IT xavfsizlik” hamda “Tarmoq paketlarini aniqlash algoritmlari” mavzularida ma’ruzalar o‘qidi.

🤝 Tashrif davomida universitet vakillari bilan hamkorlikni kengaytirish, akademik almashinuv va ilmiy loyihalar yuzasidan muzokaralar o‘tkazildi.

🌎 Ushbu tashabbus TATUning xalqaro hamkorligini mustahkamlashga xizmat qilmoqda.

Bizni kuzating:
🚀Telegram 📷Instagram 🎬You Tube 🔵Facebook

24/04/2026

TATU talabalari xalqaro almashinuv dasturida!

🏛 Muhammad al-Xorazmiy nomidagi Toshkent axborot texnologiyalari universitetining 10 nafar iqtidorli talabalari ayni kunlarda Tailandning nufuzli Walailak Universityda tashkil etilgan xalqaro talabalar almashinuv dasturida ishtirok etmoqda.

☑️Mazkur dastur doirasida talabalar:
🤩muhandislik va IT yo‘nalishlarida bilim va ko‘nikmalarini yanada mustahkamlamoqda;
🤩 xalqaro akademik muhitda tajriba orttirmoqda;
🤩 turli davlatlardan kelgan talabalar bilan hamkorlik aloqalarini yo‘lga qo‘ymoqda;
🤩 Tailandning boy madaniyati va hayot tarzi bilan yaqindan tanishmoqda.

❗ Dastur davomida Walailak University professor-o‘qituvchilari tomonidan o‘tkazilayotgan seminarlar, amaliy mashg‘ulotlar va treninglar talabalarga zamonaviy texnologiyalar hamda innovatsion yondashuvlar bo‘yicha yangi bilim va tajribalar bermoqda.

🌎 Ushbu xalqaro almashinuv dasturi TATU va Walailak University o‘rtasidagi hamkorlikni yanada mustahkamlab, talabalarimizning global maydondagi raqobatbardoshligini oshirishga xizmat qilmoqda.

Bizni kuzating:
🚀Telegram 📷Instagram 🎬You Tube 🔵Facebook

24/04/2026

Yoshlar kuni munosabati bilan talabalarni bandligini ta'minlashga qaratilgan uchrashuv tashkil etildi.

🏛 Muhammad al-Xorazmiy nomidagi Toshkent axborot texnologiyalari universiteti rahbariyati hamda “Hamkor Bank” ATB vakillari ishtirokida haftaning payshanba kuni "Yoshlar kuni" munosabati bilan bitiruvchi talabalar ishtirokida uchrashuv bo‘lib o‘tdi.

👥 Uchrashuvda bitiruvchilar bilan samimiy suhbat o‘tkazilib, bugungi k***a ularning bandligini ta'minlash bo'yicha yaratilgan keng imkoniyatlar, xususan “Hamkor Bank” ATBda faoliyat olib borish istagidagi universitet bitiruvchilari uchun mavjud shart-sharoitlar to'g'risida batafsil ma'lumotlar berildi.

💬 Tadbirda talabalar o‘zlarini qiziqtirgan savollar bilan murojaat qilib, mutasaddi rahbarlardan batafsil javob oldilar.

✅ Shuningdek, uchrashuv davomida bank mutaxassislari tomonidan, bitiruvchi talabalar orasidan eng iqtidorli nomzodlarni saralab olish maqsadida suhbat jarayonlari tashkil etildi. Mazkur suhbat natijalariga ko'ra ijobiy baholangan bitiruvchilar bankda haq to'lanadigan stajirovka o'tash hamda kelgusida bankda ish faoliyatini olib borish imkoniyatiga ega bo'ladilar.

✅ Mazkur uchrashuv universitet va ish beruvchi tashkilotlar o‘rtasidagi hamkorlikni yanada mustahkamlash, bitiruvchilarning bandligini ta’minlash hamda ularni mehnat bozoriga samarali integratsiya qilishda muhim ahamiyat kasb etadi.

Bizni kuzating:
🚀Telegram 📷Instagram 🎬You Tube 🔵Facebook