Đoàn LHS Lào Học Viện Ngoại Giao

14/04/2026

[ພາສາລາວ]
ໃນຕອນເຊົ້າ ວັນທີ 12 ເດືອນ ເມສາ ປີ 2026, ສະຖາບັນພົວພັນການຕ່າງປະເທດ ໄດ້ຈັດງານ “ບຸນປີໃໝ່ລາວ” ຂຶ້ນ ຢ່າງຄຶກຄື້ນ ແລະ ອົບອຸ່ນ ພາຍໃນບັນຍາກາດແຫ່ງຄວາມສາມັກຄີ ລະຫວ່າງຄະນະອາຈານ ແລະ ນັກສຶກສາພາຍໃນສະຖາບັນ.

ບຸນປີໃໝ່ລາວ ເປັນປະເພນີອັນສຳຄັນ ແລະ ມີຄຸນຄ່າທາງດ້ານຈິດໃຈຂອງຊາດລາວ ທີ່ໄດ້ສືບທອດກັນມາແຕ່ດົນນານ ໂດຍຈັດຂຶ້ນໃນເດືອນເມສາຂອງທຸກປີ ເພື່ອສະເຫຼີມສະຫຼອງການຂຶ້ນສູ່ປີໃໝ່ຕາມຮີດຄອງປະເພນີ.

ພິທີໄດ້ເລີ່ມຂຶ້ນຢ່າງເປັນທາງການ ໂດຍມີ ທ່ານ ບຸນປອນ ແກ້ວເພງລາ ຮອງຫ້ອງການທີ່ປຶກສາສຶກສາ ແລະ ວັດທະນະທຳ ແລະ ອາຈານ ຫວງ ວັນ ແຫງ ຮອງຫົວໜ້າພະແນກຝຶກອົບຮົມລະດັບປະລິນຍາຕີ ແລະ ປະລິນຍາໂທ ໃຫ້ກຽດເຂົ້າຮ່ວມ ແລະ ຂຶ້ນກ່າວເປີດງານ ພ້ອມທັງອວຍພອນປີໃໝ່ໃຫ້ແກ່ຄະນະອາຈານ ແລະ ນັກສຶກສາທຸກຄົນ.

ພາຍໃນງານ ໄດ້ມີການຈັດພິທີກຳອັນສຳຄັນຕ່າງໆ ຕາມປະເພນີລາວ ເຊັ່ນ: ພິທີບາສີສູ່ຂວັນ (ມັດແຂນ) ເພື່ອອວຍພອນໃຫ້ເກີດສິລິມົງຄົນ, ພິທີຫົດນ້ຳອວຍພອນຄູ-ອາຈານ ເພື່ອສະແດງຄວາມເຄົາລົບ ແລະ ການກະຕັນຍູ, ພ້ອມທັງການຮ່ວມພາເຂົ້າສາມັກຄີ ແລະ ຟ້ອນລຳວົງ ຢ່າງມ່ວນຊື່ນ ລະຫວ່າງຄູ-ອາຈານ, ນັກສຶກສາ ແລະ ແຂກຜູ້ມາຮ່ວມງານ.

ກິດຈະກຳຕ່າງໆ ໃນງານ ບໍ່ພຽງແຕ່ສ້າງຄວາມມ່ວນຊື່ນເທົ່ານັ້ນ ແຕ່ຍັງເປັນການຊ່ວຍສືບສານ ແລະ ອະນຸຮັກຮັກສາມໍຣະດົກວັດທະນະທຳອັນດີງາມຂອງຊາດລາວ ໃຫ້ຄົງຢູ່ຄູ່ສັງຄົມຕໍ່ໄປ ພ້ອມທັງເສີມສ້າງສາຍສຳພັນອັນແນ່ນແຟ້ນ ລະຫວ່າງຄະນະອາຈານ ແລະ ນັກສຶກສາ.

ບັນຍາກາດພາຍໃນງານ ເຕັມໄປດ້ວຍຮອຍຍິ້ມ, ຄວາມອົບອຸ່ນ ແລະ ຄວາມຄຶກຄື້ນ ສະທ້ອນໃຫ້ເຫັນເຖິງຄວາມຮັກແພງ ແລະ ຄວາມສາມັກຄີຂອງນັກສຶກສາທັງພາຍໃນແລະພາຍນອກສະຖາບັນຢ່າງແນ່ນແຟ້ນ.

ສຸດທ້າຍນີ້,ເນື່ອງໃນໂອກາດບຸນປີໃໝ່ລາວ ທາງສະຖາບັນພົວພັນການຕ່າງປະເທດຂໍອວຍພອນໃຫ້ທຸກທ່ານຈົ່ງມີແຕ່ຄວາມສຸກ, ປາຖະໜາສິ່ງໃດຂໍໃຫ້ໄດ້,ພົບແຕ່ສິ່ງດີໆແລະປະສົບຜົນສຳເລັດໃນທຸກປະການ

ສະບາຍດີປີໃໝ່🎉🌺

[Tiếng Việt]
Vào sáng ngày 12 tháng 4 năm 2026, Học viện Ngoại giao đã tổ chức chương trình “Tết cổ truyền Bunpimay Lào” trong không khí vui tươi, ấm áp và đậm tình đoàn kết giữa tập thể giảng viên và sinh viên trong toàn Học viện.

Tết Bunpimay Lào là một phong tục truyền thống quan trọng, mang đậm giá trị tinh thần của dân tộc Lào, được gìn giữ và lưu truyền qua nhiều thế hệ. Lễ hội được tổ chức vào tháng 4 hằng năm nhằm chào đón năm mới theo phong tục cổ truyền.

Chương trình được khai mạc trang trọng với sự tham dự của ông Bounpone Kẹo Pheng La – Phó Trưởng phòng Tư vấn Giáo dục và Văn hóa, cùng thầy Hoàng Văn Hạnh – Phó Trưởng khoa Đào tạo bậc Cử nhân và Sau đại học. Các đại biểu đã phát biểu khai mạc và gửi lời chúc mừng năm mới tới toàn thể giảng viên và sinh viên.

Trong khuôn khổ chương trình, nhiều nghi thức truyền thống đặc sắc của Lào đã được tổ chức như: lễ buộc chỉ cổ tay (Baci) để cầu chúc may mắn, bình an; nghi thức té nước chúc phúc thầy cô nhằm thể hiện lòng biết ơn và sự kính trọng. Bên cạnh đó, còn có hoạt động liên hoan giao lưu và múa lăm vông sôi động giữa giảng viên, sinh viên và các khách mời tham dự.

Các hoạt động trong chương trình không chỉ mang lại niềm vui mà còn góp phần gìn giữ, phát huy những giá trị văn hóa truyền thống tốt đẹp của dân tộc Lào, đồng thời tăng cường mối quan hệ gắn bó giữa giảng viên và sinh viên.

Không khí của buổi lễ tràn ngập tiếng cười, sự ấm áp và niềm hứng khởi, thể hiện rõ tinh thần đoàn kết và tình cảm gắn bó bền chặt giữa sinh viên trong và ngoài Học viện.

Nhân dịp Tết cổ truyền Bunpimay Lào, Học viện Ngoại giao xin gửi tới toàn thể quý thầy cô và các bạn sinh viên lời chúc sức khỏe, hạnh phúc. Chúc mọi người một năm mới an khang, thịnh vượng, vạn sự như ý và đạt được nhiều thành công trong học tập, việc làm cũng như trong cuộc sống.

Chúc mừng năm mới ( Sa Bai Dee Py Mai)🎉🌺

10/04/2026

10/04/2026

[ພາສາລາວ]
ໃນວັນທີ 08 ເມສາ ປີ2026 ທີ່ຜ່ານມາ, ຄະນະນັກສຶກສາແລະນັກສຶກສາພາຍໃນ ສະຖາບັນພົວພັນການຕ່າງປະເທດ ໄດ້ຮັບກຽດເຂົ້າຮ່ວມ ແລະ ຊ່ວຍເຫຼືອໃນການຈັດງານ “ບຸນປີໃໝ່ລາວ” ປະຈຳປີ 2026, ທີ່ຈັດຂຶ້ນໂດຍ ສະຖານທູດລາວປະຈຳ ສສ ຫວຽດນາມ.

ບຸນປີໃໝ່ລາວ ເປັນປະເພນີສຳຄັນຂອງຊາດລາວ ທີ່ຈັດຂຶ້ນໃນເດືອນເມສາຂອງທຸກປີ ເພື່ອເປັນການຂຶ້ນປີໃໝ່ຕາມປະເພນີ ໂດຍມີກິດຈະກຳສຳຄັນເຊັ່ນ: ການສົງນ້ຳພະ, ບາສີສູ່ຂວັນ, ສົມມາອວຍພອນຜູ້ໃຫຍ່, ແລະ ການພົບປະສັງສັນ ເພື່ອເສີມສ້າງຄວາມສາມັກຄີ ແລະ ຄວາມສຸກໃນສັງຄົມ.

ໃນງານຄັ້ງນີ້ ມີຜູ້ເຂົ້າຮ່ວມຈາກຫຼາຍພາກສ່ວນ ປະກອບມີ: ທ່ານເອກອັກຄະລາດສະຖານລາວປະຈຳ ສສ.ຫວຽດນາມ, ຄະນະຜູ້ແທນຈາກສະຖານທູດປະຈຳລາວແລະ ສສ. ຫວຽດນາມ, ນັກຮຽນ-ນັກສຶກສາລາວ ທີ່ກຳລັງສຶກສາຢູ່ ສສ ຫວຽດນາມ, ຕະຫຼອດຮອດແຂກຮັບເຊີນຈາກຫຼາຍອົງກອນທັງລາວແລະ ສສ.ຫວຽດນາມ.

ນອກຈາກນັ້ນ, ນັກສຶກສາ ສະຖາບັນພົວພັນການຕ່າງປະເທດໄດ້ມີສ່ວນຮ່ວມຊ່ວຍເຫຼືອໃນການຈັດງານ ພ້ອມທັງເຂົ້າຮ່ວມກິດຈະກຳຕ່າງໆ, ເຊິ່ງເປັນປະສົບການອັນມີຄ່າ ໃນການຮຽນຮູ້ ແລະ ສືບສານວັດທະນະທຳລາວ.

ບັນຍາກາດພາຍໃນງານ ເປັນໄປດ້ວຍຄວາມອົບອຸ່ນ, ຄຶກຄື້ນ ແລະ ເຕັມໄປດ້ວຍຮອຍຍິ້ມ ສະທ້ອນເຖິງຄວາມຮັກແພງ ແລະ ຄວາມສາມັກຄີຂອງຊາວລາວໃນຕ່າງແດນ.

[Tiếng Việt]
Vào ngày 08 tháng 4 năm 2026 vừa qua, Đoàn sinh viên của Học viện Ngoại giao đã vinh dự tham gia và hỗ trợ tổ chức chương trình “Tết Bunpimay Lào” năm 2026, do Đại sứ quán nước Cộng hòa Dân chủ Nhân dân Lào tại Việt Nam tổ chức.

Tết Bunpimay là một trong những lễ hội truyền thống quan trọng của nhân dân Lào, thường được tổ chức vào tháng 4 hằng năm nhằm chào đón năm mới theo phong tục cổ truyền. Trong dịp này, nhiều hoạt động ý nghĩa được diễn ra như: lễ tắm Phật, buộc chỉ cổ tay (Baci), chúc phúc người lớn tuổi và các hoạt động giao lưu, gặp gỡ nhằm tăng cường tình đoàn kết và gắn bó trong cộng đồng.

Chương trình năm nay có sự tham dự của đông đảo đại biểu đến từ nhiều cơ quan, tổ chức khác nhau, bao gồm: Đại sứ đặc mệnh toàn quyền nước CHDCND Lào tại Việt Nam, đại diện các cơ quan ngoại giao, cùng đông đảo lưu học sinh Lào đang học tập tại Việt Nam và các khách mời đến từ nhiều đơn vị của hai nước Lào – Việt Nam.

Trong khuôn khổ chương trình, sinh viên Học viện Ngoại giao đã tích cực tham gia hỗ trợ công tác tổ chức, đồng thời trực tiếp hòa mình vào các hoạt động văn hóa – truyền thống. Đây là cơ hội quý báu giúp sinh viên học hỏi, trải nghiệm thực tế và góp phần gìn giữ, lan tỏa những giá trị văn hóa tốt đẹp của dân tộc Lào.

Không khí của buổi lễ diễn ra trong sự ấm áp, sôi nổi và tràn đầy niềm vui, thể hiện rõ nét tinh thần đoàn kết, gắn bó của cộng đồng người Lào tại nước ngoài, đồng thời góp phần thắt chặt hơn nữa mối quan hệ hữu nghị đặc biệt giữa hai nước Lào – Việt Nam.

• ແຫຼ່ງທີ່ມາຮູບພາບ: ສະຖານທູດລາວ ປະຈຳ ສສ.ຫວຽດນາມ
• Nguồn ảnh: Đại sứ quán Lào tại Việt Nam

04/04/2026

[ພາສາລາວ]
ໃນຕອນບ່າຍ ວັນທີ 2 ເມສາ ປີ 2026 ທີ່ຜ່ານມາ, ຄະນະນັກສຶກສາສະຖາບັນພົວພັນການຕ່າງປະເທດ ໄດ້ເປັນກຽດເຂົ້າຮ່ວມ ກອງປະຊຸມສະຫຼຸບວຽກງານໜ່ວຍພັກ ແລະ ວຽກງານຄະນະນັກສຶກສາ ປະຈຳປີ 2025, ກຳນົດທິດທາງ ແລະ ແຜນການ ປະຈຳປີ 2026 ພ້ອມທັງພິທີມອບ-ຮັບໜ້າທີ່ ເລຂາໜ່ວຍພັກ ແລະ ປະທານຄະນະນັກສຶກສາ ລະຫວ່າງຜູ້ເກົ່າ ແລະ ຜູ້ໃໝ່ ທີ່ ສະຖາບັນການເມືອງແຫ່ງຊາດ ໂຮ່ຈີມິນ.

ກອງປະຊຸມໃນຄັ້ງນີ້ ໄດ້ສະຫຼຸບ ແລະ ປະເມີນຜົນການດຳເນີນວຽກງານ ໃນປີ 2025 ຜ່ານມາ ພ້ອມທັງວາງທິດທາງ ແລະ ແຜນການ ສຳລັບປີ 2026 ເພື່ອພັດທະນາວຽກງານໃຫ້ມີຄຸນນະພາບ ແລະ ມີປະສິດທິຜົນຫຼາຍຂຶ້ນ.

ພາຍໃນກອງປະຊຸມ ຍັງໄດ້ຈັດພິທີມອບ-ຮັບໜ້າທີ່ ເລຂາໜ່ວຍພັກ ແລະ ປະທານຄະນະນັກສຶກສາ ລະຫວ່າງຄະນະນຳຊຸດເກົ່າ ແລະ ຊຸດໃໝ່ ເພື່ອສືບຕໍ່ການນຳພາ ແລະ ພັດທະນາວຽກງານໃຫ້ກ້າວໜ້າຕໍ່ໄປ.

ການເຂົ້າຮ່ວມໃນຄັ້ງນີ້ ເປັນໂອກາດທີ່ດີ ໃນການແລກປ່ຽນປະສົບການ, ຮຽນຮູ້ການຈັດຕັ້ງວຽກງານ ແລະ ສ້າງຄວາມສຳພັນຮ່ວມມື ລະຫວ່າງສອງຝ່າຍ ໃຫ້ແນ່ນຫນາຍິ່ງຂຶ້ນ. ກອງປະຊຸມໄດ້ດຳເນີນໄປດ້ວຍບັນຍາກາດທີ່ສາມັກຄີ, ອົບອຸ່ນ ແລະ ສຳເລັດລົງຢ່າງສົມບູນ.

[Tiếng Việt]
Vào buổi chiều ngày 2 tháng 4 năm 2026 vừa qua, Ban Cán sự Sinh viên Học viện Ngoại giao đã vinh dự tham dự Hội nghị tổng kết công tác của Chi bộ và công tác Ban Cán sự Sinh viên năm 2025, đề ra phương hướng và kế hoạch hoạt động năm 2026, đồng thời tổ chức lễ bàn giao nhiệm vụ Bí thư Chi bộ và Trưởng Ban Cán sự Sinh viên giữa cán bộ khóa cũ và khóa mới tại Học viện Chính trị Quốc gia Hồ Chí Minh.

Tại hội nghị, các đại biểu đã tiến hành tổng kết và đánh giá kết quả triển khai công tác trong năm 2025 vừa qua, đồng thời đề ra phương hướng, nhiệm vụ và kế hoạch hoạt động cho năm 2026 nhằm tiếp tục nâng cao chất lượng và hiệu quả công tác trong thời gian tới.

Trong khuôn khổ hội nghị, lễ bàn giao nhiệm vụ Bí thư Chi bộ và Trưởng Ban Cán sự Sinh viên giữa Ban lãnh đạo khóa cũ và khóa mới cũng đã được tổ chức trang trọng, nhằm tiếp tục kế thừa, phát huy và nâng cao hiệu quả công tác lãnh đạo và tổ chức hoạt động trong thời gian tới.

Việc tham dự hội nghị lần này là cơ hội tốt để trao đổi kinh nghiệm, học hỏi công tác tổ chức, đồng thời góp phần tăng cường mối quan hệ hợp tác giữa hai đơn vị ngày càng bền chặt hơn. Hội nghị đã diễn ra trong không khí đoàn kết, thân tình và đã kết thúc thành công tốt đẹp.

30/03/2026

[ພາສາລາວ]
ໃນຕອນບ່າຍ ວັນທີ29 ມີນາ ປີ2026 ທີ່ຜ່ານມາ ທາງໜ່ວຍຄະນະຊາວໜຸ່ມ 5 ສະຖາບັນໄດ້ຈັດ”ກອງປະຊຸມສະຫຼຸບວຽກງານການຈັດຕັ້ງປະຕິບັດຂະບວນການຂໍ້ແຂ່ງຂັນ 4 ບຸກປະຈຳປີ 2025, ທິດທາງ ແລະ ແຜນການເຄື່ອນໄຫວປະຈຳປີ 2026 ພ້ອມທັງພິທີປະກາດ 4 ບຸກ ຂອງຊາວໜຸ່ມໜ່ວຍ 5 ສະຖາບັນ” ທີ່ ສະຖາບັນພົວພັນການຕ່າງປະເທດ. ໂດຍມີ ສະຫາຍ ສຸພາລັກ ສຸກປັນຍາ, ຮອງເລຂາຄະນະຊາວໜຸ່ມຮາກຖານ ສະຖານທູດລາວປະຈຳ ສສ ຫວຽດນາມ ກໍໄດ້ໃຫ້ກຽດເຂົ້າຮ່ວມກອງປະຊຸມເພື່ອໂອ້ລົມແລະຊີ້ແນະ.
ການຈັດກອງກອງປະຊຸມໃນຄັ້ງນີ້ ແມ່ນມີເປົ້າໝາຍເພື່ອປະເມີນ ແລະ ສະຫຼຸບຜົນການດຳເນີນວຽກງານ ຂອງຂະບວນການ “4 ບຸກ” ໃນປີ 2025 ຜ່ານມາ ເຊິ່ງໄດ້ຮັບການຈັດຕັ້ງດຳເນີນຢ່າງຕໍ່ເນື່ອງ ແລະ ມີຜົນສຳເລັດໃນຫຼາຍດ້ານ ທັງດ້ານການສຶກສາຮໍ່າຮຽນ, ການອອກແຮງງານ, ວິທະຍາສາດ-ເທັກໂນໂລຊີ ແລະ ການປະກອບສ່ວນເຂົ້າວຽກງານຕ່າງໆ.
ພາຍໃນກອງປະຊຸມ ບັນດາສະມາຊິກທຸກຄົນໄດ້ພາກັນເຂົ້າຮ່ວມເພື່ອຮັບຟັງ ແລະ ຖອດຖອນບົດຮຽນ ຈາກການຈັດຕັ້ງປະຕິບັດໃນປີຜ່ານມາ, ພ້ອມທັງຊີ້ແຈງຂໍ້ດີ ແລະ ຂໍ້ຈຳກັດ ເພື່ອນຳໄປປັບປຸງ ແລະ ພັດທະນາໃນປີຕໍ່ໄປ.
ພ້ອມກັນນັ້ນ, ກອງປະຊຸມຍັງໄດ້ກຳນົດທິດທາງ ແລະ ແຜນການສຳຄັນ ສຳລັບປີ 2026 ໂດຍເນັ້ນໃສ່ການສືບຕໍ່ ແລະ ຍົກລະດັບຂະບວນການ “4 ບຸກ” ໃຫ້ມີຄຸນນະພາບ ແລະ ປະສິດທິຜົນສູງຂຶ້ນ ພ້ອມທັງສົ່ງເສີມໃຫ້ຊາວໜຸ່ມມີຄວາມຕື່ນຕົວ ແລະ ເຂົ້າຮ່ວມຢ່າງກວ້າງຂວາງ.
ໃນໂອກາດນີ້ ຍັງໄດ້ຈັດພິທີປະກາດຮັບໃບຢັ້ງຢືນເປັນໜ່ວຍຊາວໜຸ່ມ 4 ບຸກ ຈຳນວນ 1 ສະຫາຍ, ໃບຢັ້ງຢືນເປັນຊາວໜຸ່ມຕົວແບບ ຈຳນວນ 1 ສະຫາຍ ແລະ ມອບໃບຍ້ອງຍໍໃຫ້ແກ່ສະມາຊິກຊາວໜຸ່ມປະຈຳໜ່ວຍ 5 ສະຖາບັນ ທີ່ມີຜົນງານໂດດເດັ່ນ, ເປັນແບບຢ່າງດີ ໃນການສຶກສາຮໍ່າຮຽນ, ການປະຕິບັດວຽກງານ ແລະ ການເຂົ້າຮ່ວມກິດຈະກຳຂອງອົງກອນ ຈຳນວນ 55 ສະຫາຍ
ການຈັດກອງປະຊຸມໃນຄັ້ງນີ້ ຖືເປັນອີກໜຶ່ງກ້າວສຳຄັນ ໃນການບຸກລະດົມ ແລະ ພັດທະນາຂະບວນການ 4 ບຸກ ໃຫ້ເຕີບໃຫຍ່ເຂັ້ມແຂງ ພ້ອມທັງສ້າງແຮງຈູງໃຈໃຫ້ຊາວໜຸ່ມທຸກຄົນ ພະຍາຍາມພັດທະນາຕົນເອງ ແລະ ມີສ່ວນຮ່ວມໃນການສ້າງສາປະເທດໃຫ້ກ້າວໜ້າຢ່າງຍືນຍົງ.

[Tiếng Việt]
Vào buổi chiều ngày 29 tháng 3 năm 2026 vừa qua, Chi đoàn Thanh niên Đơn vị 5 của Học viện đã tổ chức “Hội nghị tổng kết công tác triển khai phong trào thi đua 4 xung kích năm 2025, phương hướng và kế hoạch hoạt động năm 2026, đồng thời tổ chức lễ công bố danh hiệu 4 xung kích của đoàn viên thanh niên Đơn vị 5” tại Học viện Ngoại giao.
Đến tham dự và chỉ đạo hội nghị có đồng chí Suphalak Soukpanya, Phó Bí thư Đoàn Thanh niên cơ sở Đại sứ quán Lào tại nước Cộng hòa Xã hội Chủ nghĩa Việt Nam, đã có những ý kiến phát biểu, trao đổi và định hướng quan trọng cho hội nghị.
Hội nghị được tổ chức nhằm đánh giá và tổng kết kết quả triển khai phong trào “4 xung kích” trong năm 2025. Trong thời gian qua, phong trào đã được triển khai thường xuyên, đạt được nhiều kết quả tích cực trên các lĩnh vực như học tập, lao động, khoa học – công nghệ và tham gia các hoạt động chung.
Tại hội nghị, các đoàn viên thanh niên đã tích cực tham gia lắng nghe, thảo luận và rút ra những bài học kinh nghiệm từ quá trình triển khai trong năm qua; đồng thời chỉ ra những ưu điểm, hạn chế để làm cơ sở cải tiến và nâng cao chất lượng hoạt động trong thời gian tới.
Bên cạnh đó, hội nghị cũng đã đề ra phương hướng và kế hoạch hoạt động trọng tâm cho năm 2026, tập trung vào việc tiếp tục duy trì và nâng cao chất lượng phong trào “4 xung kích”, khuyến khích đoàn viên thanh niên tham gia tích cực, chủ động và sáng tạo hơn.
Nhân dịp này, hội nghị đã tiến hành trao giấy chứng nhận danh hiệu “Đơn vị Thanh niên 4 xung kích” cho 01 tập thể, danh hiệu “Thanh niên tiêu biểu” cho 01 cá nhân, đồng thời trao giấy khen cho 55 đoàn viên thanh niên thuộc Đơn vị 5 có thành tích xuất sắc trong học tập, công tác và tham gia các hoạt động của tổ chức.
Hội nghị lần này là một bước tiến quan trọng trong việc thúc đẩy và phát triển phong trào “4 xung kích” ngày càng vững mạnh, đồng thời tạo động lực để đoàn viên thanh niên không ngừng rèn luyện, phấn đấu và đóng góp tích cực vào sự phát triển chung.

08/03/2026

[ພາສາລາວ]🇱🇦
ໃນຕອນສວາຍ ວັນທີ8 ມີນາ ປີ2026 ສະຖາບັນພົວພັນການຕ່າງປະເທດ ໄດ້ຈັດກິດຈະກຳສະເຫຼີມສະຫຼອງ ວັນແມ່ຍິງສາກົນ ຄົບຮອບ 116 ປີ (08/03/1910 - 08/03/2026) ເພື່ອຮຳລຶກເຖິງບົດບາດ ແລະ ຄຸນຄ່າອັນສຳຄັນຂອງແມ່ຍິງໃນສັງຄົມ ພ້ອມທັງເປັນການສະແດງອອກເຖິງການໃຫ້ກຽດ ແລະ ການຍົກຍ້ອງຄວາມສາມາດຂອງແມ່ຍິງ ໃນການມີສ່ວນຮ່ວມພັດທະນາສັງຄົມ, ເສດຖະກິດ ແລະ ຊຸມຊົນ.

ວັນແມ່ຍິງສາກົນ ຖືກກຳນົດໃຫ້ກົງກັບວັນທີ 8 ມີນາ ຂອງທຸກປີ ໂດຍມີຈຸດເລີ່ມມາຈາກການເຄື່ອນໄຫວຮຽກຮ້ອງສິດທິ ແລະ ຄວາມເທົ່າທຽມລະຫວ່າງຊາຍ-ຍິງ ໃນຫຼາຍປະເທດ. ຕັ້ງແຕ່ໃນຊ່ວງຕົ້ນສັດຕະວັດທີ 20 ແລະ ໄດ້ກາຍເປັນວັນສຳຄັນລະດັບສາກົນ ເພື່ອສະທ້ອນເຖິງການຕໍ່ສູ້, ການພັດທະນາ ແລະ ຄວາມສຳເລັດຂອງແມ່ຍິງໃນດ້ານຕ່າງໆ.

ເນື່ອງໃນໂອກາດອັນສຳຄັນນີ້, ທາງສະຖາບັນພົວພັນການຕ່າງປະເທດຈຶ່ງໄດ້ຈັດກິດຈະກຳຂຶ້ນ ເພື່ອເປັນການຮ່ວມສະເຫຼີມສະຫຼອງ ແລະ ເພີ່ມພູນບັນຍາກາດແຫ່ງຄວາມສາມັກຄີພາຍໃນສະຖາບັນ ພ້ອມທັງເປັນໂອກາດອັນດີໃຫ້ນັກສຶກສາໄດ້ພົບປະແລະແລກປ່ຽນ, ສົນທະນາສ້າງຄວາມສຳພັນທີ່ດີຕໍ່ກັນ.

ພາຍໃນງານໄດ້ມີການຈັດກິດຈະກຳຫຼາກຫຼາຍ ທີ່ມີທັງຄວາມມ່ວນຊື່ນ ແລະ ການສ້າງຄວາມສາມັກຄີເຊິ່ງກັນແລະກັນ ເຊັ່ນ: ກິດຈະກຳຍ່າງສາມຂາ, ເກມປ່ອນທໍ່ຕາດຽວ, ເກມທໍ່ສົ່ງຈອກ ແລະ ການເຕະບານຍິງ-ຊາຍ. ເຊິ່ງແຕ່ລະກິດຈະກຳໄດ້ຮັບຄວາມຮ່ວມມືເປັນຢ່າງດີ ຈາກນັກສຶກສາທັງຍິງ ແລະ ຊາຍ ທີ່ເຂົ້າຮ່ວມຢ່າງຄຶກຄື້ນ.

ບັນຍາກາດພາຍໃນງານເປັນໄປດ້ວຍຄວາມຄຶກຄື້ນ ເຕັມໄປດ້ວຍຮອຍຍິ້ມ ແລະ ສຽງຫົວ ນັກສຶກສາທຸກຄົນໄດ້ຮ່ວມກັນສ້າງບັນຍາກາດແຫ່ງຄວາມສຸກ ແລະ ມິດຕະພາບ, ຊຶ່ງນີ້ບໍ່ພຽງແຕ່ເປັນການສະເຫຼີມສະຫຼອງໂອກາດສຳຄັນນີ້ເທົ່ານັ້ນ ແຕ່ຍັງເປັນການຊ່ວຍເສີມສ້າງສາຍສຳພັນ ແລະ ຄວາມສາມັກຄີພາຍໃນສະຖາບັນໃຫ້ແນ່ນຟັ້ນຍິ່ງຂຶ້ນ.

ການຈັດກິດຈະກຳໃນຄັ້ງນີ້, ຍັງເປັນອີກໜຶ່ງບາດກ້າວທີ່ສະແດງໃຫ້ເຫັນເຖິງຄວາມສຳຄັນຂອງແມ່ຍິງ ແລະ ການສົ່ງເສີມໃຫ້ແມ່ຍິງມີບົດບາດ ແລະ ສ່ວນຮ່ວມໃນທຸກດ້ານຂອງການພັດທະນາສັງຄົມ, ພ້ອມທັງສ້າງແຮງບັນດານໃຈໃຫ້ທຸກຄົນຮ່ວມກັນສົ່ງເສີມຄວາມເທົ່າທຽມ ແລະ ການໃຫ້ກຽດຕໍ່ແມ່ຍິງໃນສັງຄົມ.

[Tiếng Việt]🇻🇳
Vào chiều ngày 8 tháng 3 năm 2026, Đoàn lưu học sinh Lào tại Học viện Ngoại Giao đã tổ chức các hoạt động chào mừng Ngày Quốc tế Phụ nữ lần thứ 116 (08/03/1910 - 08/03/2026) nhằm tôn vinh vai trò và những đóng góp quan trọng của phụ nữ trong xã hội, đồng thời thể hiện sự trân trọng và ghi nhận năng lực của phụ nữ trong quá trình tham gia phát triển kinh tế, xã hội và cộng đồng.

Ngày Quốc tế Phụ nữ được tổ chức vào ngày 8 tháng 3 hằng năm. Ngày này bắt nguồn từ các phong trào đấu tranh đòi quyền lợi và bình đẳng giữa nam và nữ tại nhiều quốc gia trên thế giới từ đầu thế kỷ XX. Trải qua quá trình phát triển, Ngày Quốc tế Phụ nữ đã trở thành một ngày lễ quan trọng mang ý nghĩa toàn cầu, nhằm ghi nhận những nỗ lực, sự phát triển cũng như những thành tựu của phụ nữ trên nhiều lĩnh vực của đời sống xã hội.

Nhân dịp đặc biệt này, Học viện Ngoại Giao đã tổ chức các hoạt động ý nghĩa nhằm cùng nhau chào mừng ngày lễ, đồng thời góp phần tăng cường tinh thần đoàn kết trong toàn học viện. Đây cũng là dịp để các sinh viên có cơ hội gặp gỡ, giao lưu, trao đổi và xây dựng những mối quan hệ tốt đẹp với nhau.

Trong khuôn khổ chương trình, nhiều hoạt động sôi nổi và mang tính gắn kết đã được tổ chức như: trò chơi đi ba chân, trò chơi chuyền ống bằng một mắt, trò chơi chuyền cốc và trận bóng đá nam – nữ. Các hoạt động này đã thu hút sự tham gia nhiệt tình của đông đảo sinh viên nam và nữ, tạo nên bầu không khí vô cùng sôi động và hào hứng.

Không khí của chương trình diễn ra trong sự vui tươi, rộn ràng với nhiều nụ cười và tiếng cười. Tất cả sinh viên tham gia đã cùng nhau tạo nên một bầu không khí tràn đầy niềm vui và tình bạn. Hoạt động này không chỉ là dịp để chào mừng ngày lễ ý nghĩa mà còn góp phần thắt chặt tinh thần đoàn kết và gắn bó trong toàn học viện.

Thông qua các hoạt động lần này, chương trình cũng góp phần khẳng định tầm quan trọng của phụ nữ trong xã hội, đồng thời khuyến khích và truyền cảm hứng để mọi người cùng chung tay thúc đẩy bình đẳng giới và tôn trọng vai trò của phụ nữ trong mọi lĩnh vự

22/02/2026

[ພາສາລາວ]
ມື້ນີ້ ນັກສຶກສາຈາກສະຖາບັນພົວພັນການຕ່າງປະເທດໄດ້ເຂົ້າຮ່ວມການປ່ອນບັດເລືອກຕັ້ງ ສະມາຊິກສະພາແຫ່ງຊາດ ຊຸດທີ X ເຂດ 01 ນະຄອນຫຼວງວຽງຈັນ ທີ່ສະຖານທູດສ.ປ.ປ.ລາວ ປະຈຳ ສ.ສ ຫວຽດນາມ ເປັນໄປຢ່າງຄຶກຄື້ນ ແລະ ມີຄວາມເປັນລະບຽບຮຽບຮ້ອຍ

ການເລືອກຕັ້ງໃນຄັ້ງນີ້ວ່າເປັນບາດກ້າວສຳຄັນໃນການສືບຕໍ່ແລະ ພັດທະນາລະບົບການເມືອງໃຫ້ເຂັ້ມແຂງ ພ້ອມທັງສະທ້ອນເຫັນເຖິງຄວາມສາມັກຄີ ແລະ ຄວາມເຊື່ອໝັ້ນຂອງປະຊາຊົນຕໍ່ການນຳພາຂອງປະເທດ

[Tiếng Việt]
Hôm nay, sinh viên đến từ Học viện Ngoại giao đã tham gia bỏ phiếu bầu cử đại biểu Quốc hội khóa X, khu vực bầu cử số 01, Thủ đô Viêng Chăn tại Đại sứ quán nước Cộng hòa Dân chủ Nhân dân Lào tại nước Cộng hòa Xã hội Chủ nghĩa Việt Nam.

Hoạt động bầu cử diễn ra trong không khí sôi nổi, nghiêm túc, trật tự và đúng quy định. Cuộc bầu cử lần này được đánh giá là một bước đi quan trọng trong việc tiếp tục củng cố và phát triển hệ thống chính trị ngày càng vững mạnh, đồng thời thể hiện tinh thần đoàn kết và niềm tin của nhân dân đối với sự lãnh đạo của đất nước.

13/02/2026

[ພາສາລາວ]
ໃນ ວັນທີ່ 13 ເດືອນ 2 ປີ 2026 ເນື່ອງໃນໂອກາດວັນປີໃໝ່ຫວຽດນາມ (Tết nguyên đán ) ປີ 2026, ສະຖາບັນການທູດກໍ່ຄືທາງໂຮງຮຽນໄດ້ຈັດຕັ້ງກິດຈະກຳການເຂົ້າຢ້ຽມຢາມ ແລະ ມອບຂອງຂວັນປີໃໝ່ໃຫ້ແກ່ນັກສຶກສາທຶນລາວ ທີ່ກຳລັງພັກອາໄສຢູ່ຫໍພັກນັກສຶກສາຂອງສະຖາບັນ. ນີ້ແມ່ນກິດຈະກຳປະຈຳປີຂອງສະຖາບັນ ເພື່ອສະແດງເຖິງຄວາມໃສ່ໃຈ ແລະ ການດູແລຂອງໂຮງຮຽນຕໍ່ນັກສຶກສາຕ່າງປະເທດ ໂດຍມີຈຸດປະສົງຮ່ວມສ່ວນໃນການສືບສານ ແລະ ສ້າງສາຍພົວພັນມິດຕະພາບອັນດີງາມພິເສດລະຫວ່າງ ສປປ ລາວ ແລະ ສາທາລະນະລັດສັງຄົມນິຍົມ ຫວຽດນາມ.

ໃນບັນຍາກາດຄຶກຄື້ນຂອງວັນສຸດທ້າຍຂອງປີ, ຕົວແທນຈາກສະຖາບັນການທູດ ນຳໂດຍ ທ່ານ Hoàng Văn Hanh– ຮອງຫົວໜ້າຄະນະຝຶກອົບຮົມ ພ້ອມດ້ວຍ ທ່ານ Nguyễn Tuấn Hiệp– ຫົວໜ້າພະແນກວຽກງານການເມືອງ ແລະ ຄຸ້ມຄອງນັກສຶກສາ ໄດ້ເຂົ້າພົບປະໂດຍກົງ, ກ່າວຄຳອວຍພອນປີໃໝ່ ແລະ ມອບຂອງຂວັນປີໃໝ່ໃຫ້ແກ່ນັກສຶກສາທຶນລາວ ທີ່ກຳລັງດຳລົງຊີວິດ ແລະ ຮຽນຢູ່ຫໍພັກ. ແມ່ນວ່າຂອງຂວັນມີມູນຄ່າບໍ່ໃຫຍ່ຫຼາຍ ແຕ່ເຕັມໄປດ້ວຍນ້ຳໃຈອັນຈິງໃຈ, ຄວາມແບ່ງປັນ ແລະ ຄວາມປາຖະໜາໃຫ້ນັກສຶກສາມີວັນປີໃໝ່ທີ່ອົບອຸ່ນ ເຖິງແມ່ນຢູ່ໄກຈາກຄອບຄົວ.

ໃນໄລຍະເວລາຕໍ່ໜ້າ, ສະຖາບັນຈະສືບຕໍ່ຈັດຕັ້ງຫຼາຍກິດຈະກຳແລກປ່ຽນ, ສະໜັບສະໜູນ ແລະ ດູແລຄວາມເປັນຢູ່ໃຫ້ແກ່ນັກສຶກສາຕ່າງປະເທດໂດຍລວມ ແລະ ນັກສຶກສາທຶນລາວໂດຍສະເພາະ ເພື່ອຮ່ວມສ້າງຄວາມເຂົ້າໃຈ, ຄວາມຜູກພັນ ແລະ ການພັດທະນາຢ່າງຍືນຍົງໃຫ້ແກ່ລຸ້ນໜຸ່ມສາວຂອງສອງປະເທດ.

[ Tiếng Việt]
Ngày 13/2/2026 Nhân dịp Tết Nguyên đán Bính Ngọ 2026, Học viện Ngoại giao đã tổ chức chương trình thăm hỏi và tặng quà Tết cho các bạn Lưu học sinh Lào hiện đang lưu trú tại Ký túc xá Học viện. Đây là hoạt động thường niên của Học viện nhằm thể hiện sự quan tâm, chăm lo của Nhà trường đối với các sinh viên quốc tế với mong muốn góp phần vun đắp tình hữu nghị truyền thống đặc biệt giữa Việt Nam và Lào.

Trong không khí rộn ràng của những ngày cuối năm, đại diện Học viện Ngoại giao gồm thầy Hoàng Văn Hanh - Phó trưởng Ban đào tạo cùng thấy Nguyễn Tuấn Hiệp - Trưởng phòng Công tác Chính trị và Quản lý sinh viên đã trực tiếp gặp gỡ, gửi lời chúc mừng năm mới và trao những phần quà Tết tới các lưu học sinh Lào đang sinh sống, học tập tại Ký túc xá. Những phần quà tuy không lớn về vật chất nhưng chứa đựng tình cảm chân thành, sự sẻ chia và mong muốn các bạn sinh viên có một cái Tết ấm áp khi xa gia đình.

Trong thời gian tới, Học viện sẽ tiếp tục triển khai nhiều hoạt động giao lưu, hỗ trợ và chăm lo đời sống cho sinh viên quốc tế nói chung và Lưu học sinh Lào nói riêng, góp phần tăng cường hiểu biết, gắn kết và phát triển bền vững cho thế hệ trẻ hai nước.

06/02/2026

[ພາສາລາວ]

ເນື່ອງໃນໂອກາດວັນບຸນປີໃໝ່ຂອງ ສສ ຫວຽດນາມ ປະຈຳປີ 2026, ໃນວັນທີ 05 ກຸມພາ 2026, ຄະນະນັກສຶກສາ ພ້ອມດ້ວຍສາມອົງການຈັດຕັ້ງມະຫາຊົນ ນຳໂດຍ ທ່ານ ມີໄຊ ວັນພາຈິດ ປະທານນັກສຶກສາ ສະຖາບັນພົວພັນການຕ່າງປະເທດ ໄດ້ຕາງໜ້າໃຫ້ນັກສຶກສາ ແລະ ນັກຄົ້ນຄວ້າ ເຂົ້າຢ້ຽມຢາມ ແລະ ນຳເອົາກະຕ່າຂອງຂວັນໄປອວຍພອນ ຄະນະນຳ ແລະ ຄູອາຈານ ພາຍໃນສະຖາບັນການພົວພັນຕ່າງປະເທດ.

ໃນໂອກາດອັນດີນີ້, ຄະນະນັກສຶກສາໄດ້ສົ່ງຄຳອວຍພອນໄຊອັນດີງາມ ດ້ວຍຄວາມເຄົາລົບນັບຖື ແລະ ຄວາມຫ່ວງໃຍ ຂໍໃຫ້ຄະນະນຳ ແລະ ຄູອາຈານທຸກທ່ານ ຈົ່ງມີສຸຂະພາບແຂງແຮງ, ມີຄວາມສຸກຄວາມຈະເລີນ ແລະ ປະສົບຜົນສຳເລັດໃນໜ້າທີ່ການງານ. ພ້ອມດຽວກັນນີ້ ກໍ່ໄດ້ສະແດງຄວາມຂອບອົກຂອບໃຈຢ່າງຈິງໃຈ ຕໍ່ການດູແລ, ຊ່ວຍເຫຼືອ ແລະ ອຳນວຍຄວາມສະດວກໃຫ້ແກ່ນັກສຶກສາລາວມາໂດຍຕະຫຼອດ.

ທາງຄະນະນຳຂອງສະຖາບັນ ນຳໂດຍ ທ່ານ ນາງ ປອ ຫງວຽນ ທິ ທິນ ຮອງຫົວໜ້າອຳນວຍການ ພ້ອມດ້ວຍບັນດາຜູ້ແທນຈາກແຕ່ລະຫ້ອງ ໄດ້ສະແດງຄວາມຊື່ນຊົມ ແລະ ຂອບໃຈຕໍ່ການເຂົ້າຢ້ຽມຢາມຂອງຄະນະນັກສຶກສາລາວ ພ້ອມທັງໄດ້ໃຫ້ກຳລັງໃຈ ແລະ ອວຍພອນໃຫ້ນັກສຶກສາລາວ ຕັ້ງໃຈຮ່ຳຮຽນ, ຮັກແພງສາມັກຄີກັນແລະ ປະສົບຜົນສຳເລັດໃນທຸກໆດ້ານ.

[Tiếng Việt]

Nhân dịp Tết cổ truyền năm mới của nước Cộng hòa Xã hội Chủ nghĩa Việt Nam năm 2026, ngày 05 tháng 02 năm 2026, Ban Cán sự sinh viên cùng ba tổ chức quần chúng của Học viện Quan hệ Quốc tế, do ông Mí Xay Văn Phạ Chít – Thay mặt Ban cán sự LHS Lào làm trưởng đoàn, đã đại diện cho sinh viên và nghiên cứu sinh đến thăm hỏi, chúc Tết và trao quà mừng năm mới tới Ban Lãnh đạo và toàn thể cán bộ, giảng viên Học viện.

Nhân dịp tốt đẹp này, đoàn sinh viên đã trân trọng gửi những lời chúc mừng năm mới tốt đẹp nhất, thể hiện sự kính trọng và quan tâm sâu sắc, kính chúc Ban Lãnh đạo và các thầy cô dồi dào sức khỏe, hạnh phúc, thành công trong công tác và cuộc sống. Đồng thời, đoàn cũng bày tỏ lòng biết ơn chân thành trước sự quan tâm, hỗ trợ và tạo điều kiện thuận lợi của Học viện dành cho sinh viên Lào trong suốt thời gian qua.

Về phía Học viện, Phó Giám đốc học viện ngoại giao cùng đại diện lãnh đạo các phòng ban đã bày tỏ sự trân trọng và cảm ơn chuyến thăm của đoàn sinh viên Lào, đồng thời gửi lời động viên, khích lệ sinh viên Lào tiếp tục nỗ lực học tập, tăng cường đoàn kết, hỗ trợ lẫn nhau, không ngừng phấn đấu để đạt được nhiều thành tích tốt đẹp trong học tập và rèn luyện.

02/01/2026

ໃນຕອນຄໍ່າ ວັນຈັນທີ່29/12/2025 ທາງສະຖາບັນພົວພັນການຕ່າງປະເທດ ທີ່ສສ.ຫວຽດນາມ ໄດ້ມີການຈັດງານແລກຂອງຂວັນ ເນື່ອງໃນວັນ Christmas ແລະສະຫຼອງຕ້ອນຮັບປີໃໝ່ Happy New Year 2026🎉
ພາຍໃນງານໄດ້ມີຫຼາກຫຼາຍກິດຈະກຳເພື່ອເສີມສ້າງຄວາມສາມັກຄີຮັກແພງແລະມ່ວນຊື່ນໃຫ້ອ້າຍເອື້ອຍນ້ອງເຊັ່ນ: ການແລກປ່ຽນຂອງຂວັນ, ກິດຈະກຳຮ້ອງເພງ, ຫຼິ້ນເກມຕ່າງໆ ພາຍໃນງານເຕັມໄປດ້ວຍບັນຍາກາດທີ່ແສນອົບອຸ່ນມ່ວນຊື່ນ🎅🏼🎄🥳

24/12/2025

ໃນຕອນແລງ ຂອງວັນທີ 21 ທັນວາ 2025, ທີ່ ສະຖາບັນການຕ່າງປະເທດ ສສ ຫວຽດນາມ ໄດ້ຈັດກອງປະຊຸມສະຫຼຸບຜົນງານການເຄື່ອນໄຫວງານຂອງນັກສຶກສາລາວ ສົກຮຽນ 2024-2025 ແລະ ວາງທິດທາງແຜນການ ສົກ ຮຽນ 2025-2026 ແລະ ເລືອກຕັ້ງຄະນະນັກສຶກສາຊຸດໃໝ່ປະຈໍາສົກຮຽນ 2025-2026 , ໂດຍການໃຫ້ກຽດເຂົ້າຮ່ວມເປັນປະທານຂອງ ທ່ານ ປອ ຄໍາຕັນ ສົມວົງ ທີ່ປຶກສາ, ຫົວໜ້າຫ້ອງການສຶກສາ ແລະ ວັດທະນາທໍາ ສະຖານເອກອັກຄະລັດຖະທູດແຫ່ງ ສປປ ລາວ ປະຈໍາ ສສ ຫວຽດນາມ, ມີ Thầy Hoàng Văn Hanh Phó trưởng Ban đào tạo, ທ່ານ ອານຸລັກ ມະນີວົງ ເລຂາໜ່ວຍພັກ 5 ສະຖາບັນ, ທ່ານ ເພັດນະຄອນ ສຸລິວົງສັກ ປະທານນັກສຶກສາລາວສະຖາບັນການຕ່າງປະເທດ, ຄະນະໜ່ວຍພັກ 5 ສະຖາບັນ, ຕາງໜ້າອົງການຈັດຕັ້ງມະຫາຊົນ 5 ສະຖາບັນ, ມີບັນດາຄູ ອາຈານ ຈາກສະຖາບັນການຕ່າງປະເທດ ແລະ ນັກສຶກສາ ພ້ອມທັງແຂກຖືກເຊີນຈາກ ສະຖາບັນອ້ອມຂ້າງເຂົ້້າຮ່ວມ.
ທ່ານ ເພັດນະຄອນ ສຸລິວົງສັກ ປະທານນັກສຶກສາໄດ້ຂຶ້ນ ຜ່ານສະຫຼຸບຜົນງານການເຄື່ອນໄຫວຂອງນັກສຶກສາລາວ ສົກຮຽນ 2024-2025 ແລະ ວາງທິດທາງແຜນການ ສົກ ຮຽນ 2025-2026
ແລະ ຜ່ານບົດສໍາຫຼວດການນໍາພາຂອງຄະນະນັກສຶກສາລາວຊຸດເກົ່າ, ກອງປະຊຸມໄດ້ຕີລາຄາສູງຕໍ່ຜົນງານການເຄື່ອນໄຫວ ຄົ້ນຄວ້າສຶກສາຮໍ່າຮຽນ ຂອງນັກຄົ້ນຄວ້າ-ນັກສຶກສາ ຂອງສະຖາບັນການຕ່າງປະເທດ ພວກເຮົາ ແລະ ຍາດມາໄດ້ມາຕະຫຼອດໄລຍະ 1 ປີຜ່ານມາ ແຫ່ງການຄົ້ນຄວ້າ-ສຶກສາຮໍ່າຮຽນ, ເຊິ່ງສະແດງອອກຄືນັກຄົ້ນຄວ້າ-ນັກສຶກສາ ມີແນວຄິດອຸ່ນອ່ຽນທຸ່ນທ່ຽງ, ເຊື່ອໝັ້ນຕໍ່ການຈັດຕັ້ງພັກ-ລັດ, ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ ແລະ ເຄົາລົບກົດໝາຍລະບຽບການ ເວົ້າລວມ, ເວົ້າສະເພາະ ກໍ່ຄືການປະຕິບັດກົດລະບຽບພາຍໃນ ຂອງສະຖາບັນການຕ່າງປະເທດຢ່າງເຂັ້ມງວດ; ມີຄວາມຕື່ນຕົວ ແລະ ຕັ້ງໃຈສຶກສາຄົ້ນຄວ້າຮໍ່າຮຽນ, ມີຄວາມສາມັກຄີເປັນເອກະພາບທັງພາຍໃນ ແລະ ພາຍນອກອ້ອມຂ້າງໄດ້ເປັນຢ່າງດີ, ຮູ້ຈັກເຄົາລົບນັບຖືຄູຈານ, ໝູ່ເພື່ອນມິດສະຫາຍ, ຊ່ວຍເຫຼືອເຊິ່ງກັນ ແລະ ກັນ ໃນເວລາພົບຄວາມຫຍຸ້ງຍາກ; ເວລາໃດກໍຖືເອົາວຽກງານການສຶກສາຄົ້ນຄວ້າຮໍ່າຮຽນເປັນສຳຄັນ ເພື່ອສ້າງນັກສຶກສາ ແລະ ນັກຄົ້ນຄວ້າໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ ແນໃສ່ສ້າງບຸກຄະລາກອນ ໃຫ້ມີຄຸນນະພາບຕາມຄຳຂວັນ 3 ລັກສະນະ 5 ຫຼັກມູນຂອງການສຶກສາໄດ້ເປັນຢ່າງດີເພື່ອກາຍເປັນໜໍ່ແໜ່ງທີ່ດີຂອງຊາດ. ກອງປະຊຸມໄດ້ຮັບຟັງບົດສໍາຫຼວດການນໍາ ແລະ ຕີລາຄາສູງຕໍ່ການນໍາພາຂອງຄະນະນັກສຶກສາ ສະຖາບັນການຕ່າງປະເທດຊຸດເກົ່າ ເຖິງແມ່ນວ່າສະພາບລວມມີຄວາມຫຍຸ້ງຍາກ ແລະ ມີຫຼາຍດ້ານທີ່ຍັງບໍ່ເອື້ອອໍານວຍທັງຄົ້ນຄວ້າ, ສຶກສາຮໍ່າຮຽນ ແລະ ໄດ້ບິແບ່ງ ເວລາເພື່ອເຮັດໜ້າທີ່ຂອງຄະນະນັກສຶກສາ ແລະ ໄດ້ຍົກສູງຄວາມຮັບຜິດຊອບໜ້າທີ່ການເມືອງຂອງຕົນ, ເປັນເຈົ້າການນໍາພາ-ຊີ້ນໍາ ເບິ່ງແຍງຊ່ວຍເຫຼືອ ອ້າຍ, ເອື້ອຍ, ນ້ອງນັກຄົ້ນຄວ້າ-ນັກສຶກສາ ໃນການເຄື່ອນໄຫວວຽກງານພາຍໃນສະຖາບັນການຕ່າງປະເທດ ໄດ້ສໍາເລັດເປັນຢ່າງດີ.
ຜ່ານການເຄື່ອນໄຫວໃນສົກຮຽນ 2024-2025 ມີນັກສຶກສາລາວໄດ້ຮັບໃບຍ້ອງຍໍຈາກສະ ຖານທູດລາວປະຈຳ ສສ ຫວຽດນາມ ຈຳນວນ 26 ຄົນ ແລະ ມີນັກສຶກສາລາວ ສາມາດຍາດໄດ້ທຶນສົ່ງເສີມການສຶກສາ ໃນພາກຮຽນ ໜຶ່ງ 2024-2025 ນຳທາງສະຖາບັນໄດ້ 9 ຄົນ ແລະ ພາກຮຽນ ສອງ 6 ຄົນ. ພາກຮຽນ ໜຶ່ງ ໄດ້ ລະດັບ Giỏi 5 ຄົນ ແລະ Khá 4 ຄົນ ແລະ ພາກຮຽນ ສອງ ໄດ້ລະດັບ giỏi 3 ຄົນ ແລະ khá 3 ຄົນ.ພ້ອມດຽວກັນນັ້ນຍັງມີນັກສຶກສາ ທີ່ໄດ້ຮັບໃບຍ້ອງຍໍຈາກສະຖາບັນມີ 2 ປະເພດຄື: ປະເພດທີ 1 ແມ່ນໃບຍ້ອງຍໍນັກສຶກສາທີ່ມີຜົນງານການຮຽນດີຮຽນເກັ່ງ ຄະແນນ 7.5 ຂຶ້ນໄປ ຈຳນວນ 27 ຄົນ; ປະເພດ 2 ແມ່ນໃບຍ້ອງຍໍ ທີ່ມີຜົນງານການເຄື່ອນໄຫວດີເດັ່ນຈຳນວນ 35 ຄົນ.
ກອງປະຊຸມໄດ້ດຳເນີນການປ່ອນບັດເລືອກຕັ້ງຄະນະນັກສຶກສາຊຸດໃໝ່, ເຊິ່ງມີຜູ້ສະໝັກທັງໝົດ 08 ທ່ານ, ຍິງ 02 ທ່ານ, ຊຶ່ງສາມາດເລືອກໄດ້ 05 ທ່ານ ດັ່ງລຸ່ມນີ້:
1. ທ່ານ. ມີໄຊ ວັນພາຈິດ ເປັນປະທານນັກສຶກສາ.
2. ທ່ານ ນາງ ປາຖະໜາ ປັນຍາຈິດ ເປັນຮອງປະທານນັກສຶກສາ.
3. ທ່ານ ປະຍຸດ ຊະນະວົງໄຊ ເປັນຄະນະ.
4. ທ່ານ ມັງກອນ ເນົາວະລາດ ເປັນຄະນະ.
5. ທ່ານ ພັກນະຄອນໄຊ ໄຊຍະວົງ ເປັນຄະນະ.

ໃນພິທີ, ທ່ານ ປອ ຄໍາຕັນ ສົມວົງ ທີ່ປຶກສາ ຫົວໜ້າຫ້ອງການທີ່ປຶກສາສຶກສາ ແລະ ວັດທະນາທໍາ ສະຖານເອກອັກຄະລັດຖະທູດລາວປະຈໍາ ສສ ຫວຽດນາມ ແລະ ຄະນະປະທານກອງປະຊຸມ ໄດ້ສະແດງຄວາມຍ້ອງຍໍຊົມເຊີຍຕໍ່ການນໍາພາ-ຊີ້ນໍາ ຂອງຄະນະນັກສຶກສາ ຊຸດເກົ່າ ທີ່ໄດ້ເອົາໃຈໃສ່ໃນການນໍາພາ-ຊີ້ນໍາບັນດາເອື້ອຍ, ອ້າຍ, ນ້ອງ ນັກຄົ້ນຄວ້າ-ນັກສຶກສາ ພາຍໃນສະຖາບັນການຕ່າງປະເທດ ໃນການປະຕິບັດໜ້າທີ່ການເມືອງຂອງຕົນ ໃນໄລຍະຜ່ານມາ ແລະ ຍາດໄດ້ຜົນສໍາເລັດຫຼາຍດ້ານ, ພ້ອມກັນນັ້ນ ທ່ານ ປະທານ ຍັງໄດ້ສະແດງຄວາມເປັນຫ່ວງເປັນໃຍ ຕໍ່ຂໍ້ຄົງຄ້າງບາງຈໍານວນຂອງນັກສຶກສາສະຖາບັນການຕ່າງປະເທດ, ພ້ອມທັງໃຫ້ທິດຊີ້ນໍາຕໍ່ຫຼາຍບັນຫາ ເຮັດໃຫ້ກອງປະຊຸມມີຄວາມໝາຍຄວາມສໍາຄັນຍິ່ງຂຶ້ນ, ທ້າຍສຸດ ປະທານ ກອງປະຊຸມ ຍັງໃຫ້ ຄວາມເຊື່ອໝັ້ນຕໍ່ຄະນະປະທານນັກສຶກສາລາວຊຸດໃໝ່ວ່າ ຈະສາມາດເສີມຂະຫຍາຍ ທາດແທ້ມູນເຊື້ອ ຄຸນລັກສະນະອັນພົ້ນເດັ່ນ ຂອງສະຖາບັນການຕ່າງປະເທດ ໂດຍສະເພາະທາງດ້ານຄວາມສາມັກຄີ, ການຄົ້ນຄວ້າ-ສຶກສາຮໍ່າຮຽນ, ເຂົ້າຮ່ວມຂະບວນການ ແລະ ດ້ານອື່ນໆ ໄດ້ຕາມຄວາມຮຽກຮ້ອງຕ້ອງການໃນສະພາບເງື່ອນໄຂໃໝ່.
ພ້ອມນັ້ນ, ກໍ່ຮຽກຮ້ອງມາຍັງນັກຄົ້ນຄວ້າ-ນັກສຶກສາ ພາຍໃນ ສະຖາບັນການຕ່າງປະເທດ ຈົ່ງເຊີດຊູສະຕິ ແລະ ຄວາມຮັບ ຜິດຊອບໃນການສຶກສາຄົ້ນຄວ້າຮໍ່າຮຽນ ຂອງຕົນໃຫ້ສູງຂຶ້ນເລື້ອຍໆ ເຮັດໃຫ້ໜ້າທີ່ວຽກງານຂະບວນການດ້ານຕ່າງໆ ຂອງສະບັນການຕ່າງປະເທດພວກເຮົາ ມີບາດກ້າວຫັນປ່ຽນໃໝ່ທີ່ຕັ້ງໜ້າ ແລະ ຕັ້ງໜ້າຈັດຕັ້ງປະຕິບັດບັນດາ ທິດທາງໃນຕໍ່ໜ້າກໍ່ຄືສົກຮຽນ 2025-2026 ວາງອອກໃຫ້ປະກົດຜົນເປັນຈິງ ແລະ ໄດ້ຮັບຜົນສໍາເລັດຕາມຄາດໝາຍທີ່ວາງໄວ້.
ກອງປະຊຸມສະແດງຄວາມຮູ້ບຸນຄຸນມາຍັງຄູອາຈານພາຍໃນສະຖາບັນ, ສະຖານເອກອັກຄະລັດຖະທູດລາວປະຈໍາ ສສ ຫວຽດນາມ ແລະ ຄະນະໜ່ວຍພັກ 5 ສະຖາບັນ ທີ່ໄດ້ໃຫ້ຄວາມເອົາໃຈໃສ່ໃກ້ຊິດຕິດແທດ ໃນການເບິ່ງແຍງ, ຊິດສອນ, ຊີ້ນໍາ-ນໍາພາ ສະຖາບັນການຕ່າງປະເທດ ໃນການເຄື່ອນໄຫວຄົ້ນຄວ້າສຶກສາຮໍ່າຮຽນຂອງຕົນ.
ພາບ-ຂ່າວ ນັກສຶກສາລາວ ສະຖາບັນ ການຕ່າງປະເທດ.