24/10/2023
نفس ھمیشہ دو چیزوں پہ مرتکز ھوتا ھے !
1-جس کی اھمیت سمجھ آ جائے !
2- جس سے محبت ھو جائے !
اھمیت کا تعلق عقل کے ساتھ ھے !
محبت کا تعلق قلب کے ساتھ ھے !
مثال سے سمجھ لیں !
ایک باپ روپے کی گڈیاں گن رھا ھے ، اچانک اس کا بیٹا کمرے میں داخل ھوتا ھے ،،
ابا جی ،، ابا جی ،، آپ جھٹ اسے ششششششوت کر کے چپ کرا دیتے ھیں تا کہ نوٹوں کی گنتی نہ بھول جائیں ،،،
یہاں اھمیت محبت پر غالب آ گئ ھے ، عقل نے دل پہ فتح پا لی ھے !
مگر جب ھم اللہ کے ساتھ میٹنگ میں ھوتے ھیں نماز کی حالت میں اور وہ ھمارے سامنے ھوتا ھے ،، بیٹا نہیں آتا صرف بیٹے کا خیال آتا ھے اور ھمارا دھیان اٹھ کر اس کے ساتھ چل پڑتا ھے ،ھم رکعتیں بھول جاتے ھیں،، یہاں محبت اھمیت پر غالب آ گئ ھے ،جو دل میں تھا وہ غالب آگیا ھے ،جو مجرد زبان پہ تھا وہ مغلوب ھو گیا ھے !
عقل سے رب کے احسانات کو سوچو، اس کی ھستی تک پہنچو اور پورے دل اور پوری جان سے اس کو پیار کرو !
کون کہتا ھے کہ محبت کی زباں ھوتی ھے ؟
یہ حقیقت ، تو چہرے سے عیاں ھوتی ھے !
