10/08/2023
((احيان يتحــول صديقــك عدو))
قالو احذر صديقـك قـلت من تقصـــدو
كل اصدقائي نشــامه مايخونو صديق
قالو لي احيان يتحــول صديقــك عدو
ويغدرك من وضعته في مثابت شقـيق
احذر تغــــرك وعـــود الناس ذي يوعدو
بايقطعون الصله لو كنت تشعـــر بضيق
ايش موقفك لو رفاقك كل هم. يرتــدو
ثوب الفســاله وباعونك بنصف الطريق
قلت احمد الله ما صاحبت ذي يجحدو
كل اصدقائي رجال اقحاح مثل العقيق
في ســــاعة الهم والفــزعات يتـوافدو
الفرد يسوا في الشــــده ثلاثيــن فـريق
وقت الضروف العصيــبه جانبي يوجدو
كمن شنب بالوفــاء والعز حــــبله وثيق
ماصاحب إلا وفي مصحبش ذي يحقدو
ذي يقطع العيش به والملح ساسه عريق
إذ غزتني البـــــلاوي جانبــي يصمــــدو
وتعلـق الخصم في نيرانا حـــــمرا عليق
يوقف معى الجيد في وجه الذي يعتدو
ماصاحب الامعى الصاحب سلا اوحريق
وانا اعرف الشــبل والاثــعال يوم يولدو
وماخاوي إلا رجـــل عرفه بعرفي يليـق
اما الذي لاقد اشتـــد الــزمن يشـــردو
مابفتخـر في صحبهم يتـركـون الرفيق
اهل المصــالح جميعــاً مننـــاء يبعــــدو
ماعاد لي قلب لصحــاب الفسـاله يطيق
تحياتي
الشاعر
#ابو جساس القفري
