02/11/2020
جالس استغرب كيف الناس ضحكو لما قلنا لهم كنا ننام بالجامع واحنا نجهز حفل تخرجنا بكلية اللغات دفعة العشرون العظيمة جامعة صنعاء .
ومايضحكو لما قلنا لهم بالبدايه رحنا دورنا دعم من كل الجهات ورفضونا ناهيك عن دعم وزارة النفط اللي خسرنا فلوس مواصلات وللان ماخرجو الفلوس وقدها موجهة من الوزير .
انتم مستوعبين ايش اللي حصل .
اللي حصل هو بسبب ان الكل رفضنا بسبب انه مافيش معانا وساطه ووضع الطلاب المادي كان صعب لجأنا نشتغل 24 ساعه وماكان في مكان نلجأ له الا بيت رب العالمين وما كان من الله الكريم الا انه ماردنا من بيته خائبين كنا نصحى على امل اقوى واشد من ذي قبله ,
تنقص ميزانيتنا نحتاج فلوس نسدد الالتزامات ووو طيب والحل كيف نسوي نستشير ناس وكلهم ردودهم كالأتي ( ابسرو بنات حاليات ودوهن للشركات والا والله ماتحصلو دعم الا لو معاكم وساطات ) ياجماعه مايسبر الخبر ذا عيب كيف تتجرأو وتتكلمو كذا هذا قده عمل ثاني ماعدوش تجهيز لحفل تخرج الخبر شووعه بس حقيقة لازم انه تذكر والكل عارفين ذا الشيء .
للأسف اصبح المجتمع انثوي بالصميم وكرامة الناس نزلت من مكانتها كثيرررر وكأن الناس لا اعراض لديهم ولا حرمات .
والحمدلله رفضنا التذلال وتحركنا لطلب الدعم من مدخولنا الشخصي حتى انتهى مافي الجيوب كنا نتنقل رجل على الاقدام من منطقه الي منطقه الحمدلله كنا ناكل وجبه واحده مافيش معانا وقت اتذكر يوم كنا ثلاثه انا واصيل وعمر ظلينا ثلاث ليالي بلا نووم سهرنا بالشارع نجهز الدعوات والمجلات والشهائد والحمدلله ما انشغلنا عن اداء فرض وكنا ندعي الله ليل نهار ونستكن في بيته وننام عند الله الكريم (الكلام هذا اصبح محط سخرية للجميع للأسف الشديد ) واليوم شوفو حفلنا كيف اشتهر عالميا (قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِمَّا يَجْمَعُونَ (58)) [يونس:58].، هو وعد (وَقَالَ رَبُّكُمُ ادْعُونِي أَسْتَجِبْ لَكُمْ) وقال لك أنه كريم أكرم وأنه حيي، تخيل أن الحيي يستحي من عبده وهو الله الكامل! يستحيي أن يرفع العبد إليه يديه فيردهما صفرًا! أبدًا لا يردهما صفرًا.
فالشاهد أن عندما يكون تفكيرك على قدر المخلوقين هم فقراء, فالشيطان يأتيك من ناحية المخلوقين أنه مابيقام حفل الا بشركة فلان وفلان لازم يدعم اتصلحو اتشيكو وتسير تدور وساطاه ووترجاهم ,وتبسر بنات دفعتك خواتك كصورة علشان الدعمو.و.و .. إلخ، لكن أنت كإنسان موحد تفكر في واحد وهو الكريم الذي لا يضيع من التجأ إليه وهو الله وحده. الله وعد من التجأ إليه أن لا يرده، والإلتجاء يكون بالتزام طاعته وحسن العمل وحسن الظن بالله.
فالالتجاء هو سبب كرم الكريم مع عبده.
و(الكريم) هو الذي إذا أعطى زاد على المنى، وهو الله وحده دائما نقول ربي إذا أعطى أدهش، يعني أنت لا تكون متخيل عطاء الله. من أسماء الله المعطي، والله هو المعطي، نسأل الله أن يعطينا حتى يرضينا فيما يصلح بيننا وبينه............
هذا ردي لكل خريج وخريجه معاهم حفل تخرج لاتنجرو لشائعات الداعمين واستغلالهم معاكم ارساليات ارفعوهن لهم وافقو ماوافقو طز بهم الله اكرم منهم ولا انكم تلجأو انكم تدنسو كرامتكم .
خلاصة الكلام من كان مع الله كان الله معه .
وبس .
احب اقدم رسالة شكر للاخوة بنك اليمن والكويت فقط الجهة الوحيده التي سهلت التعامل معهم دعمونا بدون اي قيود .
الصور المرفقه لارسالية موجهة من وزير النفط معمدة جاهزة قدلها شهرين ولاحس ولا خبر وماعد نشتيها خلاص خسارة مواصلات للفاضي نشتي ناخذ الارساليه يكفي معانا توقيع الوزير شرف كبير لنا
.
بالاضافة الي صورة تذكاريه لطلاب الدفعه وهم يحييون حفلهم لمرور 4 سنوات مرت واليوم جميعهم تكللو بنجاح مبهر والحمدلله .
رئيس اللجنة التحضيرية
سبحانك اللهم وبحمدك
أشهد أن لا إله إلا أنت أستغفرك وأتوب إليك
