10/09/2019
سلاااام 🙋
المعمل ذاك الوقت بكل حماسته وشقاوته وملله أو صخبه بتلك الوجوة الضجرة والعين الناعسة تلك الضحكات المتعالية وكل تلك الأصوات الجهاز علق, الكبس شرت, البروجكتر خرب ,الكهرباء تلعب ,فلان نفذت المحاضرة؟ فلانة صورتي التنفيذ حق البرنامج؟ كتبتوا بعد المعيد ؟ ايش كان الواجب؟ نزلوا الدرجات بالجروب! من اللي طحس من الكرسي ؟!بكرة الدور على من ههههههه بالذات هذه خاصة ب G2
حتى في اوقات تسليم المشاريع العملي و حتى الاختبارات كل مجموعة تنتظر الاخرى أمام الباب كالذي ينتظر عزيز له في غرفة العمليات ووبعد انتهاء العملية اقصد الاختبار نستقبل بعضنا بالاسئلة و تبدء مسيرة التطمينات 😄و قد يتخلل تلك اللحظات تناقل فلاشات الحلول (هشش خلوها سر 🙊)بس غالبا تكون على الفاضي لان الاختبار نماذج معيدينا حاذقين ازيد من طلابهم 😐
تعالوا اديكم شوية تفاصيل 😋
👇
بالنسبة ل G1 كان جروب الشطار😎 على حسب تعبيرهم يعني حاجة زي الشعبة (أ)أيام المدرسة , رغم أنه لو حد دخل معاهم من بقية الجروبات يخرج يقول جروب ممل 😩و بالاصح هم يوقعوا مؤدبين لما في ضيوف😉 بس لما لحالهم ما تشوف عيونك الى النور😂🙆 كافي انه معاهم حمزة مغلس اللي ما يخلي للمعيد حاله و عدنان الشامي اللي يسكت يسكت و لما ينطق يجيب التائهة و شيماء اللي مهما تشارع تضل طيبة و فزعة اصحاب تعز و شحطة بناتها متجسدة في هذي البنت 😍الحلو فيهم كلهم فريقين حتى بجلستهم جهة البنات و جهة الأولاد.
مستحيل تدخل معاهم و ما تسمع شذى لما تتعب من التركيز شوية تقول (هذا ما بيقول بلهجتها الصنعانية) و منار لما تضبح (ما هو هذا الخبر ايحين لحق يكتب هذا كله) و نور اللي ما ترضى تخرج من المعمل الا لو كملت تطبق لأخر سيمي كولون بالكود و بيلفت انتباهك الهدوء و الرزانة العجيبة اللي بعلياء و اماني المنصور و كذلك البقية اللي هم كتلة نشاط مثل ما هم في قاعة المحاضرات.
جروب G2 شفتوا لما نقول اليمن حوت كل فن💞 هذا جروب 2 حوا الفن و الشطارة و الابداع 😎وووو(عادي جروبي من حقي أتدلع وأتفاخر بهم😌👑)
رقمنا المفضل كان 3 👌و ما نقبل نشتغل الا لو كنا 3 بكل فريق و حتى جلستنا نجلس على ثلاثة ثلاثة
روان , رؤى , منال (اللي يفعلوا عشرين حاجة بنفس الوقت) هذولا الشلة تأخذ منهم تصوير التنفيذ و الورق حق الملاحظات و الكتابة بعد المعيد و من عندهم منطلق رحلة الفلاش اللي يسافر على الأجهزة كامل عشان النسخ من و الى المعيد.
حنان, زبيدة, عبير (سكر المعمل) اللي يرفرشوا الجو بالتعليقات و اسئلتهم و تحذيراتهم الكبس شرت الشاحن فصل و اللي اجلس متجملة منهم لما ما الحق اطبق حاجة يصيحوا للمعيد ممكن تعيد😇😆 و يلفتوا لي بسؤال (خلاص طبقتي)
أمة الرحمن, بثينة ,براءة (صحبة عجيبة و مميزة) هذولا مش بس شلة معمل هذولا بالمحاضرات سوا بالمعمل سوا بالخرجة و الدخلة بالمشاريع حتى بمشاويرهم سوا و مستحيل ما تلاقيهم مع بعض حتى بالممرات (صحبة تنحب)😘
فاتن القدسي , علا , نجوى , و الاء شوقي (هدوء ساحر و تركيز باهر) طبعا هذولا المجموعة الوحيدة اللي حالهم حال انفسهم و لو شاغبوا او علقوا على حد بينهم البين أما احنا البقية ما شاء الله 😅حش جماعي و ضحك جماعي و دوشة تطغى على المعمل كله 🙈
و الشباب جدا مسالمين و متعاونين و هادئين و بالتقسيمات هم كمان مثلنا أبو 3 بس هم محبي التنوع يعني مرة يكون حمزة و علاء و عدنان فترة قده علاء مع عصام و صدام و حمزة رجع مع عبد الحميد و أنور و هم مثلنا بالضبط كل شيء جماعي.
هنا مستحيل تمشي من جروبنا بدون ما يستوقفك ثلاثة يميزهم سلام داخلي و هدوء كبير😃 حمزة الكبسي و عبد الحميد و أنور ناس جدا مسالمة ربنا يوفقهم😊.
حابة في هذه المناسبة أوصل شكر لابتوبي lenovo لأعضاء جروبي على تعاطفهم معاه في كل مرة يودف و يستخدم من قبل المعيد لانه ما نركزش و السبب بالنا عند النقرات القوية اللي كأنها بقلبي مش بلابتوبي😭 و لما ينفذ lenovo بكيبورده يتدبس جهاز hp (الله يعوض على صاحبه😁) بس معلش hp حق جعث😜.
طبع عادي جدا لو تأخر المعيد ينقلب المعمل ساحة مدرسة📣 و يبدأ اللعب( كرة بالقوارير ,لعب بورق كلمات متقاطعة, الغاز ,فوارق لهجات,,,) و كل الألعاب اللي ممكن تنلعب بمكان صغير زي معمل , حتى العيال بهذا الوقت يكون يلعبوا بس بمكان ثاني😩 يلعبوا ملاحقة بممرات الكلية يدوروا على المعيد المختفي و ليش تأخر .
خلاص بس يكفي G2 الباقي أسرار😋.
نجي لجروب الضحك المتواصل الجروب اللي مش حتقدر تغمض عنيك G3 صح شطار ما شاء الله بس جو المعمل حقهم ثاني😍 هذولا اللي يتعب المعيد و هو يهدئهم اكثر من الشرح طبعا هذا الجروب هو جروب المناديب حق الدفعة عبد اللطيف عدنان حميدة مرام هذا الجروب لو واحد منهم اضطر يغير جروبه يعني انه في عذاب و يأخذ وقت للتأقلم . باختصار الدراسة معاهم عنوانها ( كيف تحصل على المعلومة بقالب فكاهي مرح) كافي ان معاهم إضافة اللي انذكروا واثق بكله صاحب اهم هارد في الدفعة الهادر الموسوعة اللي خدم كل طلاب الدفعة دون استثناء بكل المجالات جزاه الله خير على عدد البتات اللي انتسخت من و الى هذا الهادر😊 و محد يقدر ينافسهم لأن معاهم الاء الشويطر 😍رمز الشطارة و الذوق و محمد المقبلي قدوة الكل بالمثابرة و الاجتهاد بدون منافس💪.
عادكم و عاااد الجواهر بدفعتي لا تحصى😍
و خلوا مواقفنا مع المعيدين و مشاريعهم 🙅ما ينفعش نمر عليها على السريع يشتيلهم بارت مستقل😂
و مكملين بإذن الله 😉
#للذكرى 🌹
!
