Inhlansi yothando

Inhlansi yothando Drama played and written by Menzy Mj Mazibooko

15/05/2024

Sanbona kudala yagcinana niseryt kodwa?

18/09/2023

Ingxenye yesibili
Chapter 30

Iyaqhubeka.
Mhlongo: sixolise ukuzokweyisa emzini wendoda kodwa kubukeka sengathi ifukamela ngezinsiba zenye..(usho amehlo akhe uwabhekise ngqo kumaMkhize ogobodise njalo.)

Bhengu: Kusho ukuthini konke lokho?.
Bheseni: sale sumyeka aqhubeke sbali.
Mhlongo: ngibonge mnewethu, kodwa eminyakeni angaphambili cishe yamashumi amabili endlule mina nowakwakho sasinobudlelwano.(usho ubhekise ku Mhlongo omangele njalo.)
Bheseni: qhuba silalele.
Mhlongo:(esukuma eshaya itafula abalingamele) qhuba uzophuma sewukhala.
Bheseni: Hawu kahle bo,yehlisa umoya.
Mhlongo: ungangitsheli ngomoya wazini ngomoya lamadoda azophuma ehlehla Lana mina angibhenywa yangizwa.
maMkhize:(esukuma) nonke hlalani phansi.

(Bahlale)
maMkhize: (ebhekise amehlo kumnyemi wakhe) Baba uyangazi nami ngiyakwazi kodwa iqiniso lithi kuyoyonke lento ezokwenzeka la ngicela uxolo futhi hlale wazi ngyakthanda,Baba ngakthanda nganikela uqobo lwami kuwe ngenza nezithembiso zokuhlukaniswa yithuna.(edonsa umoya) Mnyeni wami lixhoshwa libhekile nami ngathola emva kwesikhathi ukuthi uBhekifa (akhale.)

(uMhlongo ubekeka emangele engazi ukuthi yini kahle kahle le unkosikazi wakhe afuna ukuyiveza,manje bonke endlini bashiyeke bengamele emvakokuba umaMkhize ibukeka ingaphezu kwakhe lendaba.)

ASIYIBAMBE LAH!
Mbhali: Menzy MJ Mazibooko

08/03/2023

Guys plz like and follow my page🙏

20/01/2023

Ingxenye yesibii
Chapter 29.

(Emva kokuba uMhlongo eveze iphuzu lokuthi unengane lapha emagcekeni akwa Bhengu itshe ligaye ngomunye umhlathi.)

Bhengu: uthuni umthetho wakho,
maMkhize: Ngcolosi konke lokhu akushoyo akusilo neze iqiniso,(esho ekhihla esikanandi islilo).
Bheseni: yazini manje lenkombankombana angeske isize muntu asihlaleni phansi njengabantu abadala sikhulumeni.
Bhengu: We sbali asihlali lutho la ngingakezwa ukuthi labantu bathini umthetho wabo.
Bheseni: kodwa ke kuyosiza lokho uhlale phansi.

(Bonke badonse izihlalo bahlale)
Bheseni: lalelani lapha ke kusuka manje lomkhumbi uqhutshwa yimi,uNgcolosi lo usbali wami,Kanti uNokbonga lo udadewethu, ngakhoke nginegunya lonke lokwenza noma yini.
maMkhize: (ekhala) kodwa mtakaba ngenzeni?
Bheseni: Thula wena kukhuluma mina manje.
Bhengu: wendoda uzoshesha noma?(ebhekisa ku Bheseni osame njalo).
Bheseni: njengoba bengisasho yimi ozohlela yonke lento esinyinyomfile manje,Mhlongo ndoda awphakamise uvo lwakho silalele.

Mhlongo: Sixolise ukuzokweyisa emzini wendoda besingaqondile,kodwa kubukeka sengathi ifukamela ngezinsiba zenye (esho ebhekisa amehlo ku maMkhize osegobodise Waze wazisitha ngezandla).

ASISBAMBE LA!
(Izoqhubeka)

Menzy MJ

12/06/2022

Ingxeye yesibili
Chapter 28

(Emva kokuba wonke umuntu ehlise umoya nomaMkhize esephapheme,kube sekuhlalwa phansi yize noma imimoya isephezulu,umaMkhize ulokhu ebibitheke njalo.)

Mhlongo: Ngixolise Ngcolosi ukuthi kusale sesiphehla udweshu emzini wendoda,kodwa bukeka sengathii ubuhlobo esizobakha ucu alusahlangani neze.

Bhengu: kusho ukuthini konke lokho
Bheseni: Ngixolise s'bali ukngena emadevini,Mshana sisacela usudedele,(esho ekhomba uBhekifa ngamehlo)
Mhlongo: Ngcolosi ithi ingaba nkulu ingabe isazekeka ndoda,kodwa angihlale odabeni...esikhathini esadlula mina...(umaMkhize emngene emadevini.)
maMkhize: kodwa kuyini ukuba nifune ukuchitha umendo wami? (Asukume) Emnyakeni engaka khane uzovela manje.
Bhengu: Nkosikazi ngabe kukhona yini okumele ngizkhathaze ngakho na?
maMkhize: Cha baba akukho uNjomane nomfowabo bese behamba.
Mhlongo: Kanti Cha asiyi ndawo.(esho eshaya phansi esukuma)
maMkhize: Kantike niyahamba kungenjalo nizophuma nihlehla la ngu Nokubonga kayi 1 mina angibhenywa angisiy'insangu.

(Wonke umuntu umuntu uphakeme kumiwe ngenyawo kubhulwa lomlilo)

Phakade: kodwa yini ake nihlale phansi ibambumthetho.(Bahlale) Cha Ngcolosi mina loludaba lungephezu kwami kodwa umfowethu yena engalanda.
Mhlongo: kunjalo Ngcolosi ubuhlobo lobu abusekho,uNokubonga lo sadukelana naye eminyikane ethi ayibe engamashumi amabili mangingaphazami ethwele ingane yami,ngakhoke ngifuna ukwazi ukuthi iphi ingane yami noma yiyo le enizoyiganisela indodakazi yami?.
Bhengu: Hhe! Uthini?
Bheseni: o,hhe! Yangena inkomo ensimini.

ASISIBAMBE LANA SIBHALWE u Menzy MJ

30/03/2021

Bafowethu sisenenkinga ngomlobi womdlalo...sisengaqhubeka yin sibhale?.

03/02/2021

INGXENYE YESIBILI
CHAPTER 28

(Kuthe kusenjalo besabukana emahlweni ngokuthi kumele kwenziwe njani,kuzwakale kukhona onqonqozayo emnyango.)

Bheseni: (Ngokunganaki) Ngena.
(Ngenkathi bonke begqolozele emnyango,bafuna ukubona ubani loyo Kungene uMhlongo noPhakade.)
maMkhize:(Asukume ame ngezinyawo)
Bheseni: Dadewethu usumeleni manje hlala phansi.
Mhlongo: Sanibonani (ubingelela nje amehlo akhe athe njo kumaMkhize)

Bhengu: yebo madoda nginganenzelani namhlanje,cuphani khona lapho (ebakhombisa isitulo)
Mhlongo: hhayi Bo! Nokubonga (Esho ebuka umaMkhize)
maMkhize (avuse ikhanda) Habe! Wendoda ndini ungazelaphi?.
Mhlongo: uye ngampela Thixo wami wenzani Lana wena.

(Wonke Manje umuntu umangele ukuthi laba ababili bazelana kuphi kodwa umfowabo kaNjomane uyambona ngoba phela naye wayemazi kuleziyakhathi esazadlula.)

Bhengu: kahleni wemadoda haybo!.
Bheseni: balingani sekwenzenjani sitsheleni esingakwazi.
maMkhize: Baba mina angiyazi lendoda.
Mhlongo: habe! Unamanga man, Nokubonga ngicela okungokwami,Letha okwami Nokubonga.
Bhengu: wendoda uzofuna okungokwakho emzini wami.
Bheseni: (avele ayifice) ayike,mina le isingaphezu kwamandla Ami.
Bhengu: kanjani sbali?.
Bheseni: Dadewethu akusekho ukubuyela emumva manje ngakukhuza waphikelela...
Bhekifa: kanti kwenzakalani Lana ?.
(umaMkhize avele athi uyasukuma aquleke,wonke Manje umuntu sekuduma upotiyane umyeni wakhe ucabanga ukuth bayizihlobo ezadukelana kudala,kodwa yize kunjalo khona angaktholi kahle.)

ASISBAMBE LANA
SIBHALWE u Menzy MJ Madondo

25/12/2020

Merry Christmas to all of u guys ,ur support to this group means a lot 🍷🍷🍷🍮🍫🍫🍭🍫🍮🍭🍫🍮😍😘😘may God bless you all 💔💞💞💫✨⭐💟💟💕💞💞

10/12/2020

Ingxenye yesibili
Chapter 27(uyaqhubeka)

(Nangempela UBheseni asale njengokusho kwenyanga)
Makhosi: wena ulazi kahle udaba ngalengane,pho kungani uze Lana.
Bheseni: Bengifuna azoqina Makhosi njengoba ngishilo nje ukuthi uyagcagcelwa kuzo lezinsuku.
Makhosi: kuvele akusasizi ngoba iqiniso selisondele, kungekudala uzokwazi ngemvelaphi yakhe.
Bheseni: lokho kusho ukuthini Makhosi?.
Makhosi: labantwana abanalo ikusasa kulento abafuna ukuyenza,futhi nje ayivele iyekwe ngokubona kwami,kunezinyembezi nobungozi phakathi.
Bheseni: Ngitshele bo Makhosi kwenzenjani,ubonani?.
Makhosi: yonke lento abayvumi abaphansi,ayamkelekile.
Bheseni: kodwa....
Makhosi: yeeeyi! Hamba,hamba ungaphinde ubuye la.

(Nangempela aphume athathe ibandla ahambe nabo,bafika ekhaya nje Bonke bamangele abazi ukuthi UBheseni nenyanga bebekhuluma ini?, bangene bahlale phansi.)

maMkhize: Baba kwenzakalani ngiphuthume bo.
Bheseni:awume wena, kuthiwa yonke lento ayime, abaphansi abavumi la.
Bhengu: kwenzakala ini Kanti la abavumi kanjani?.
Bheseni: Nathi asazi kodwa asenzeni sbone.
Bhekifa; Mina angisazi ke manje kusho ukuthi akuvumelekile ngilobole uNonkanyiso.
maMkhize: Ake senzeni sbone ayikho leyonto nathi sashada kufungiwe Baba.
Bheseni: mina angisazi,ewu kwaze kwakude ekhaya.
Bhengu: usho ukuthini manje sbali.
Bheseni: lutho unganaki,ngyazisholo nje sbali.

(Bonke bamangele endlini)
Asisbambe Lana
Sibhalwe u Menzy MJ

09/12/2020

Bafowethu sidlulisa ukuxolisa ukuthi,sibhale siphelele endleleni sithi “siyaqhubeka” inkinga Lana ku Facebook sikalelwe nje ukuthi sizobhala kangakanani sigcinephi.ngyathemba niyazwisisa.

09/12/2020

Ingxenye yesibili
Chapter 27 (yaqhubeka)

Zweli: Ziphi ezakho nsizwa?
Bhekifa: (emangele) ukhuluma ngani?.
(uZweli athabathe izinduku zakhe agiye sakuziphambanisa,ayibike ibemibili imiyocu kuBhekifa,kuvele kumkhanyele ukuthi lensizwa ayidlali.)
Bhekifa:( ephakamisa izandla) Awu yobe mfowethu.
Zweli: (azibambe) kulungile ke isiyohlangana ngalo usuku olukhulu,uqinisekise ukuthi uziphethe zonke,akunasoka ladla kahle imbangi ikhala.
(Asuke lapho ahambe umfoka Bhengu, kumkhanyela nje ukuth kuzoshuba ngosuku langoMgqibelo.)

( uBhekifa ufika Kubo nje ulimi lungaphandle,angene endlini ehefuzela.)

Bheseni: ( ame ngezinyawo) Mshana kwenzenjani?
Bhekifa: ey Malume sengivele ngahlaselwa umuntu ngezinduku kwaduma ikhanda.
Bheseni: Sengiyabona bakulwisela intombi.
Bhekifa: wazingani malume?
Bheseni: Habe! Wena awazi ukuthi akunasoka ladla kahle imbangi ikhala?.
Bhekifa: impela malume naye usho njalo.
maMkhize: Makunjalo phela shayelani amaphoyisa.
Bhengu: kahle wena bo, amaphoyisa okwenzani?, uBhekifa kuzomela naye agawule ezakhe abhekane ngqo nembangi yakhe,lokho kuwusiko nomthetho.
Bheseni: yazi ngakhumbula mase uthinta eyomthetho nosiko,ake siye enyangeni siyozwa kahle ngalomgcagco, ngiyathemba uyezwa ngisho ukuthini Ngcolosi.
maMkhize: (aphike ashaye izandla) lutho, Ngcolosi ngeke kwenzeke lokho.
Bheseni: Habe wena ufuna ukuthini manje,mhlambe umshana uhlaselwa nje abaphansi abajabule neze, sbali yembatha sambe.
maMkhize: Makuhamba uNgcolosi nami ngiyahamba.
Bheseni: Uboke uhlehle nje emadodeni,wenze umsebenzi wakho owawuzela layikhaya, Bhekifa asambeni.

(Baphume bahambe umaMkhize usale untanta yonke indlu,akazi athathe ini ayihlanganise nani.)
maMkhize:(ukhuluma yedwa) kodwa ngizoba yin kumyeni wami mayengathola nje ukuthi...oh Nkosi yami uyawazi amacala nezono zami,sengithemba wena simakade.( Ahlale phansi asukume antante indlu yonke samuntu oshiyiwa ingqondo)...oh kaze izozala nkomoni, wangenza Bheseni ube ulazi udaba lwami.

(UBheseni nethimba lakhe bangena endumbeni yenyanga bahlale phansi)
Bheseni: Thokoza Makhosi.
Makhosi: Nginganisiza ngani?.
Bheseni: ngilethe nangu umshana wami, ngifuna azoqina ezitheni zakhe,futhi uyagcagcelwa kuzo lezinsuku.
Makhosi: (ukhomba uBhekifa ngeshoba) wena unethunzi elibi elimnyama,ukude nezidalwa zakini,mangikubheka kuphakama isibongo sakwaBhengu , hambani la kuzomele nibuye nonina wakhe.
Bhengu:ngoba yini Makhosi? Yimina uyise.
Makhosi: phuma nendodana,yakho wena sala. (esho kuBheseni, nangempela Baphume)

Sisaqhubeka

08/12/2020

Ingxenye yesibili
Chapter 27
(Kusekuseni inhlamvu yelanga isephezulu nokho,uzwa ngezinyoni zilokhu zishaya njalo umsindo wazo,kupholile kushaya umoya wasehlobo ekuseni, uNonkanyiso ukha amanzi ucula njalo ingoma emenza alokhu amamatheke njalo.
Uthe engazelele lutho ubona umuntu omile bude buduze nesihlahla esigudle umfula,lumshaye lumeqe uvalo,asukume ame ngezinyawo.)

Zweli:(eza neno) kanti kungakuthusi ukungibona,angizile ngempi nawe ke uyangazi angilona lolohlobo neze.
Nonka: Sawbona nawe Zweli,ubekwa yini la?.
Zweli: Mangikhumbula kahle lomfula ungowesigodi,akusiwo owakwaMhlongo ngingazi noma sengiyaphazama ke yini.
Nonka: Mawuke nje wasondela kimi ngizoklabalasa ngibange umsindo.
Zweli:(esondela kancane emamatheka) angeke,phela sonke isgodi lesi siyazi ukuthi mina nawe besinjengamajuba.
Nonka: kanti bekuyisidala leso ngaphambi kokuba wena uhambe ungishiye.
Zweli: Musa ukuba umuntu oyinqaba oqinisa ikhanda,ngasho nagthi ngizobuya nje,nakhoke sengibuyile.
Nonka: Izinto sezaguquka akusenjengoba wazi.
Zweli: Usho ukuthini ngalokho?
Nonka: sekunomuntu manje engizwana naye.
Zweli: Ngeskhath'esincane kangaka ngihambile,kubangelwe yini konke lokho?.
Nonka: anginsizathu Zweli.
Zweli: Kungani khona izincwadi zami ubungaziphenduli?.
Nonka: Alukho olwakho engake ngaluthola selokhu wahamba,yilapho ke ngabo kuncono ngiqhubeke nempilo.
Zweli: Angazi ngithini,kodwa bengikubhalela Uma ngingaphazami sekukathathu.
Nonka: (ethetha) eyi Zweli pho kungani ungabuyanga ukuzophenyisisa ngalezincwadi zakho ebezingaphendulwa,lokho kuchaza ngokusobala ukuthi angikaze ngithole izincwadi zakho,futhi ngzoshada noBhekifa mina.
Zweli: Kodwa Nonkanyiso...
Nonka: Awungidedele ngihambe Zweli.
Zweli:(amubambe) sthandwa oseyishayile akakayosi,wena ulubambo lwami,ungikhonzele esokeni lakho uze umtshele azibambe ziqine.
Nonka: Usuqedile Zweli?
Zweli: Uhambe kahle ntombi (amdedele, uNonkanyiso athathe ibhakede lakhe alibeke ekhanda ahambe)

(uNonkanyiso noBhekifa bamile bayaxoxa,babambene ngezandla)
Bhekifa: sthandwa sekusele elakusasa kuphela.
Nonka: impela kunjalo.
Bhekifa: emva kwalomsebenzi ngifuna siye kude,lapho sohlala sobabili khona.
Nonka: Mina kumele ngibe umakoti wakini hhayi le kude osho khona.
Bhekifa: Nalapho uqinisile,(abuke iwashi esihlakaleni).yoh sesihambe kangaka isikhathi kuzomele ngiphuthume ekhaya ngyakthanda,sobonana emva komsebenzi ke.(amqabule esiphongweni bahlukane, uBhekifa endleleni yakhe ahlangane noZweli epheth'izinduku)
Zweli:ziphi ezakho nsizwa?

(Syaqhubeka)

Address

Estcourt
3310

Telephone

+27608315314

Website

Alerts

Be the first to know and let us send you an email when Inhlansi yothando posts news and promotions. Your email address will not be used for any other purpose, and you can unsubscribe at any time.

Contact The University

Send a message to Inhlansi yothando:

Shortcuts

Share

Category