Jazi 02#Phakathwayo

Jazi 02#Phakathwayo Contact information, map and directions, contact form, opening hours, services, ratings, photos, videos and announcements from Jazi 02 , College & University, Jozini.

07/08/2024

ISIKHWAMA SEASON 02
Part 01

( kusekhaya kwaMazibuko, uBhekumuzi usebuyile emfuleni nabangani bakhe ukuyolahla isikhwama. Bayazixoxela njr okungatheni)

BHEKUMUZI: (ekhombisa injabulo) eyy nangisiza Bafowethu yazi angazi ukuthi bengizosilawula kanjan lesikhwama.....
AYANDA:(emngena emlonyeni)weee ubusenkingeni nawe ubusazothakatha ( esho ehleka ekhombisa injabulo kwazise phela utshwala sebuthatha indawo yabo)
BHEKUMUZI: yeah mfowethu ngeke mina ngithakathe khohlwa namanje ngisasho, ngihlale nemikhovu mina ngeke( kuthi kusenjalo kuvunguze umoya phandle ezwe amazwi abantu abakhulumayo kodwa angezwa ukuthi bathi) yey Ayanda uyawuzwa lomoya?
AYANDA: (emangele) hawu umoya? Akunamoya lana
BHEKUMUZI:(egcizelela)yey kunomoya lana futhi kunabantu abakhulumayo, asiphume sibone ukuthi obani labo
(Baphume beshesha mabefika phandle bangezwa lutho kucwebile nje)
AYANDA: ngishilo akunalutho lana utshwala budlala ngawe njr
BHEKUMUZI: hhay ngeke bafo bekunomoya lana futhi kukhuluma abantu kodwa ke Akunankinga asibuyeke endlini
AYANDA: yebo ayikho vele lento yakho
(Babuyele endlini)

(Umalume kaBhekumuzi usevele wahlanganisa uMkakhe nezingane zakhe wabachazela ngaloludaba kwazise phela bayayazi nabo imisebenzi kaGogo)

MALUME: (encenga) ngyanicela ningayithi vu lendaba noma ngabe uzama ukuphahluka ungalinge uxoxele noyedwa ngezindaba zalapha ekhaya okwalana kuphelela khona lan...(engakaligwinyi umkakhe amngene emlonyeni)
MASBIYA:yebo baba kuzoba njalo
MALUME: hhay seningakhululeka uma kukhona futhi engidinga ukukukhuluma nani ngzonazisa ke( bahambe bonke baziyele ezindaweni zabo. Ubuso buka Nozipho ingane kaMalume buxoxe indaba kubonakale sengathi kukhona afisa ukukwazi kodwa athule nje angasho lutho ngoba esaba ukubuza)

(Ziyabuya endlini kaBhekumuzi usesele yedwa manje, umngani wakhe usehambile wayolala. Uzwa kuvunguza umoya futhi phandle kuphinde kukhale umsindo wezilwane angazazi ezwe namabimbo abantu abaxoxayo kodwa angabezwa ukuthi bathi. Avuke ngokushesha emangele)

BHEKUMUZI:(ehefuzela) ingabe kwenzakalani kanti kimina ngoba ngathi imina ngedwa ozwa lento, nasekuqaleni ngiyizwile. ingabe ilesikhwama engisilahlile sesiqala ukungijikela? Hhay ngeke sihambe namanzi nje( ekhuluma yedwa ezibuza eziphendula kodwa engaqondi ukuthi kudalwa yini lokhu akuzwa phandle) ayy ngyalala mina okunye ngzokubona kusile
(Aqhubeke alale nebala bufike ubuthongo, kuthi phakathi namabili ebsuku kufike uGogo wakhe ngephupho)
GOGO: (ebhekise kuBhekumuzi) awufuni ukulalela mzukulu yenza lokhu otshelwa khona omalume ba....(engakaqedi ahambe, avuke ngendluzula uBhekumuzi ethukile)
BHEKUMUZI: yooooohhhhh ngiyazisola ukube angimlalelanga u-Ayanda ngenkathi ethi asiyosilahla lesikhwama, kodwa ngzokwenze njani manje ngoba sesihambile vele. Ayy angilale kusile ksasa kumele ngiye eskoleni ( alale ngehlanhla kungasabi bikho okumuohazamisayo. Avuke ekuseni alungiselele ukuya eskoleni. Wenza izinto ngokuphuthuma ujake ukuyoxoxela umngani wakho ngokusale kwenzeka)

Iyaqhubeka

07/08/2024

INHLUPHEKO💔😭

Nginok’vuka ngiye eskolen ngingadlanga😭💔
Ngingazi ukuthi ngizobuya ngidleni uma ngibuya💔
Kodwa angeke ngililahle 😊👅ithemba

Ngyathandaza ukuthi uNkulunkulu angiphe imfundo,angiphe inhlakanipho ukuze nami ngolunye usuku ngizokwazi ukushintsha isimo sasekhaya. ❤
Nami nginethemba lokuthi ngelinye ILanga izinto zoshintsha.😊🤞🏿💇‍♀️😭
Ngyacela uNkulunkulu angiphe unembeza.

Ngyacela uNkulunkulu angivikele kulesi sikhathi samanje.🙏🏿
Inhlupheko kulezi zinsuku ingumngani wami💔😭
Ngelinye ilanga liyophela lonke lolusizi💔

19/06/2024

ISIKHWAMA PART ONE IS COMING SOON

17/06/2024

Selidumela emansumpeni

09/04/2023

Sanbonani?
I'm back now!!!

29/09/2022

ISAHLUKO SESINE:
IFU ELIMNYAMA:

(Angene egijima uMaNsele kwaMaNdlovu)
MANDLOVU:makhi kwenzenjan ukhona oseshonile yin?
MANSELE: makhi ngisize kuyaphuthuma, uMzileni ukweqa amehlo uphelelwa nangamandla.
MANDLOVU:asiphuthume makhi singaze simuswele (baphume beshesha kwaMaNdlovu beqonde kwaMzileni. Endleleni uMaNdlovu athathe ucingo afonele umfana amaziyo onemoto achaze Sonke isimo, ngenhlanhla umfana angabesapholisa amaseko athathele phezulu naye angene emotwen ayishaye izule)
MANSELE:(ekhala)kodwa ngizoba yin kodwa shwele ngomyeni wami khona bazongiphatha kanjan omama basesontwen Uma sebazi ukuthi anginalo ihawu ingab...
MANDLOVU:(emngena emlonyeni) ungabalisi makhi uzosinda uMzileni thina asibhekise ithemba lethu kongabonwayo.(bafike kwaMzileni ngenhlanhla bafikisane naye umfana wemoto ogama lakhe kungu Sandile)
SANDILE:(ebhekise kumaNsele)mama uphi umzileni?
MANSELE: ukuleyandlu (ekhomba lapho ashiye khona uMzileni. Baphuthume khona bobathathu bamuqukule bamufake emotweni bagibele nabo, uSandile ayishaye izule iqonde emtholampilo)
MANDLOVU:(ecabanga) ingabe usaphilelani lomuntu, uma ake wavuka lana ngizoba senkingeni phela mina ngoba uLindiwe angeke aphinde awuthembe umuthi wam. Hhay kodwa angilinde kusazoshuba ngyabathemba okhovana bami (aqhubeke nokukhala uMansele, amthulise umaNdlovu emnikeza amazwi enduduzo)

10/09/2022

ISAHLUKO SESITHATHU:
IFU ELIMNYAMA:

(Zilokhu zikhale njalo izikhova zika Mandlovu. uMzileni yena ulele wathi nya wena owabona ubuthongo bomuntu obeqhuba imbuzi, akaphaphami ngisho nakancane. Ngenhlanhla uMaNsele aphaphame aziwe izikhova kuthi heqe ingebhe esifubeni sakhe)
MANSELE:(ethukile)ingabe kwenzekani kulomuzi, uBaba uqeda kungazisa ngephupho elibi khona lapho sekukhala izikhova oohh Jehova yiba nathi (uma ethi uphosa amehlo kuMzileni wamangala ukuthi uselele ngendlela yokuthi akezwa ngisho umsindo oqhamuka phandle, phela lezikhova zikhalela phezulu) Baba baba baba baba vuka!!!!
MZILENI:(ehefuzela) nkosikazi siyahlaselwa yin kwenzenjan, ngathi kukhala izikhova nje, uthi ngizwa Kahle kodwa?
MANSELE: uzwa Kahle Baba nam ngivuswa umsindo wazo, ngiyamangala Uma zikhala wena ungazizwa nhlobo.
MZILENI:nkosikazi asithandaze siyahlaselwa manje, uJehova uyena ozosilwela.(bathandaza nje kudala bewuqedile umsebenzi oMaNdlovu noLindiwe sebaze bafika ngisho nasekhaya, izikhova sezikhala zodwa zilinde ozophuma ethathe umnyakazo ukuze zona zizokwazisa uMaNdlovu, ngamanye amazwi zingamakhamera kaMaNdlovu)
(KwaMaNdlovu)
LINDIWE:hhay sisebenze Kahle amama ngyathemba ksasa liyothi liziphonsa kunina kuzobe sekucaca
MANDLOVU:hhay Kanti ke khululeka ke ngane yam usozibonela wena nje, ksasa sizoya kosebenza kwaGumede.
LINDIWE:uqinisile mama ngyakuvumela lapho uma singayisa lengane yakhona u-Emihle kagoqa nyawo bese simenza umkhovu sizobe siqedile ngoba ikhuthele leya ngane
MANDLOVU:yaz icebo elihle leli ndodakazi phela awufuneki umkhovu onothobele.
LINDIWE:hhay asilale wegatsheni sesizobona okuningi kusile
(Bahlukane ngokwamagumbi abo okulala. ngakusasa iqale inkathazo kwaMzileni emini yasekuseni, kubonakale uMzilen eshukeka ejuluka kungaqondi muntu ukuthi uphethwe yini)
(KwaGumede, umaShongwe uvuke wazithathela izimpahla wawasha, uthe uvuka u-Emihle waqonda kuye wamuwashisa kwazise phela ukhuthele)
MASHONGWE:hhay cha ngiyaziqhenya ngawe ngane yami ngifisa sengathi ungalungelwa yikho konke okuzamayo empilweni (umaShongwe ubona ingane ekhuthele Kanti akazi ukuthi uMaNdlovu ubona umkhovu) khawula manje ngizosala ngiqhubeka hamba uyophumula kancane
EMIHLE:hhay ngeke kulunge mama ngizoyeka Uma nawe usuyekile
MASHONGWE:hhay kulungike makusho wena ngane yami.
(KwaMzileni inyukele ngenhla indaba yakhe unkosikazi wakhe uyehla uyenyuka uyabamba uyayeka akasazi enze njan, aphume ashesha aqonde KwaMaNdlovu eyocela usizo kwazise uyena umakhekwane wakhe oseduze)

okhuleni

07/09/2022

ISAHLUKO SESIBILI:
IFU ELIMNYAMA:

(Baqede ukuthandaza kwaMzileni bese behlukana ngokwamagumbi abo bayolala. Zihambe izikhathi kuthi sekuphakathi namabili avuke uMzileni)
MZILENI:(ehefuzela)nkosikazi nkosikazi!!
MANSELE:(ethukile)baba kwenzenjani! (Asuke embhedeni aphuthume ekhishini abuye namanzi)phuza baba wehlise umoya(emnikeza)
MZILENI:(amukela amanzi)ngyabonga nkosikazi. ngixolise ngokukuphazamisa usalele, ngihlaselwa iphupho elibi ngibona umuzi ushabalala njengamazolo ebona ilanga ngithe ngisathuswe ilokho ngabona ikhehla lathi angiqaphele umuzi ungapheli ngikhona njengendoda lase lifulathela.
MANSELE:mmm ngabe lisho ukuthini lephupho baba liyaxaka kodwa ake sibhekise amehlo nethemba eNkosini, asithandaze baba.(babambane ngezandla bathandaze)
(Selifikile ihora lokuthi uMaNdlovu noLindiwe beyoqala umsebenzi wabo)
MANDLOVU:asambe ngabe yami siyoqala lapha kwaMzileni s**e sibone ukuthi yin enamandla ophakathi komuthi wam nemithandazo yabo...
LINDIWE:(emungena emlonyeni)kwaGumede khona sishiyelani ngoba baphila kahle abasweli lutho?
MANDLOVU:hhay khululeka uma siqeda kwaMzileni sizoya khona lapho, phela awazi wena Uma sinqobe umfundisi lona obakhulekelayo sizobe sesiqedile ngabo phela uma uke wanqoba ikhanda umzimba uyaziwela
LINDIWE:hhay asiyeke ingevu mama asilibangise khona (bathathe imithi yabo baphume beqonde kwaMzileni, bahamba nezikhova zabo ezimbili abazofike bagadle nangazo)
(Ubuthongo buyisiqhwaga impela kodwa lutho ukunqoba uMzileni nakhu phela sekulalaleki)
MZILENI:(ecabanga) ingabe kwenzekeni kanti kulelikhaya ingabe ikhona into ezongivelela embi kodwa ngeke mani uJehova uyangivikela njalo (esacabanga kanjalo kufike inkunzimalanga yobuthongo azumeke alale sengathi ushayiswe imoto. Kusenjalo bafike oMaNdlovu noLindiwe, abakangeni phakathi ekhaya baseesangweni)
MANDLOVU:(ekhulumela phansi) hamba wena uyoma ngemuva mina ngizosala ngapha kuyothi lapho kukhala ukhovana wami nawe uzobese ukhalisa owakho bese umba umqodi omncane ugqibe lelibhodlelanyana (emnikeza)
LINDIWE:mlangeni ngizokwenza kanjalo(agudle ucingo olubiyele umuzi aqonde ngemuva, uthe efika nje sakhala isikhova esisele nonina. Naye wase enze athunywe khona sakhala nalesi ahamba naso zavumelana)

Iyaqhubeka
okhuleni

26/08/2022

ISIQEPHU SOKUQALA.
ISAHLUKO SOKUQALA:
IFU ELIMNYAMA

(Ziyabuya kwaGumede njengoba uGumede ehlezi nomndeni wakhe badla isidlo sakusihlwa, bayazixoxela nje okungatheni bakhombisa nenjabulo)
GUMEDE:(encoma)aw sukanini madoda kuyasho ukuthi ngazala uma u-Emihle eselishaya kanjena ibhodwe, cha upheke kahle ngane yami.(umaShongwe agcwalise izincomo naye endodakazini yakhe)
MASHONGWE:kunjalo baba nami ngiyathokoza ukubona intombazanyana yethu isipheka ukudla esizokudla sonke laphe khaya.
EMIHLE:(ebonga)ngyabonga Baba nawe Mama ukube anikho nina njengabazali bami ngabe ngikhulela esigangeni ngitholwe amankentshane azongifundisa ngesihluku ukwenza izinto(baqhubeke nokudla bese bevalelisana beya emagumbini abo okulala)
(KwaThabethe akazibekile phansi umaNdlovu nengane yakhe uLindiwe, babhizi bahlanganisa imithi yabo balungiselela ukuyosebenza uma sekuphakathi namabili)
MANDLOVU:ngane yami abangaphumelelei abantu ukhona, yabona nje mangifa ngizowushiya nawe lomsebenzi
LINDIWE:yebo Mama ngiyakuzwa vele imina okumele elawule lelikhaya uma usungekho kwelikathaniya.
MANDLOVU:(ngenjabulo)qinisekisa ke ukuthi umuntu uyamuyisa kagoqanyawo ukuze uzobona ukuthi umuthi uyasebenza, ungabi nalo uvalo futhi ungadicileli isithunzi sami phansi ngiwulande kude kabi lomuthi
LINDIWE:khululeka Mama uzale iqhawe uqobo, umuntu ngizomuphambanisa nemvula kungabi ndaba zalutho kuthi lapho kungakapheli isikhathi esingakanani abone okhokho bakhe
MANDLOVU:hhay asihlanganise siyeke izindaba thatha lapha uthele laphaya (indlela abanomundlandla ngayo ungafunga ukuthi bazothola izizumbulu zemali ngalento abayenzayo kanti lutho ukubulala abantu nje kuphela)

(Kusekhaya kwaMzileni, uMzileni uyathandaza kwazise phela uwumfundisi esontweni, uselungiselela ukulala kodwa akuvumi elale engathandazanga nezingane zakhe)
MZILENI:bantwabami asithandazeni ukuze KuNkulunkulu asivikele ebusuku ngoba yena akozeli akalali
MANSELE:yebo baba iqiniso lelo, Nosipho qala iculo sizodumisa bese siyathandaza

Iyaqhubeka

25/08/2022

"Inkululeko, Ungizondelani" ziyeza lezinkondlo kungekudala

Address

Jozini

Website

Alerts

Be the first to know and let us send you an email when Jazi 02#Phakathwayo posts news and promotions. Your email address will not be used for any other purpose, and you can unsubscribe at any time.

Contact The University

Send a message to Jazi 02#Phakathwayo:

Shortcuts

Share

Category