Wonnies Alumni_Die Hoërskool Wonderboom

21/10/2026

Leané Pretorius, oud Wonnie en die Wonnies se 0/14 hokkie afrigter, is by die Northern Blues se jaarlikse prysuitdeling aangewys as "most promising woman's umpire" vir 2026.

Om in jou almal terug te ploeg as afrigter is een ding, maar jou prestasie spreek van veel meer! Wat 'n puik prestasie!

07/10/2026

Dina en Johan Greyling van Venue Nouveau & Lilly Grace Flowers en, Ansuané Viljoen van Oaón Events & Venue Oaón was vanjaar in die kollig by die Top Vendor Wedding Industry Awards SA 2026. Hierdie toekennings vereer van die beste diensverskaffers in die Suid-Afrikaanse troubedryf.

Oaón Events en Venue Nouveau is onder die top drie aangewys.

Dit is vir Ansuane 'n groot voorreg om saam met soveel talent in die bedryf erkenning te ontvang.

21/09/2026

Môre trotse oud Wonnie!

Groot dankbaarheid aan al die individue asook die 1978 & 1984 matriekklasse vir jul bydraes om te betaal vir die toilette, geyser asook die teëls vir die junior seunsbadkamers. Dit word opreg waardeer.

Oom Eddie en sy span werk onverpoosd voort (selfs oor die naweek) om die junior seunsbadkamers te kan voltooi.

ONS HET ASB JOU HULP NODIG!!

Oom Eddie benodig tans nog die 10 deure en meganismes @ R1,641.90 elk vir die toilette.
Onthou altyd dat geen bydrae is ooit te klein of te groot nie. Elke rand maak 'n daadwerklike verskil aan die waardigheid van ons junior Wonnie seuns.

Aangeheg Wonnies Alumni se bankbesonderhede vir jul bydraes.

Gebruik asb die volgende verwyssing vir inbetalings:

[jou naam]JNRBDK

OF

[Jaargroep]JNRBADK

Naam: Wonnies Alumni
Bank: FNB
Tak: MY BRANCH
Rekno: 63176443059

Dankie weereens aan al die oud Wonnies vir jul omgee. Saam maak ons 'n verskil!

Wonnies Alumni groete altyd
Epos: [email protected]

Kontak ons gerus indien jy 'n artikel 18A belastingsertifikaat benodig vir jou bydrae (Alle bedrae bo R5,000 kwalifiseer)

16/09/2026

https://www.facebook.com/share/p/17mRPDAScd/?mibextid=wwXIfr

📱💚 ONDERSTEUN DIE WONNIES – SONDER ENIGE EKSTRA KOSTE! 💛

Ouers, familie, oudleerders en vriende van Die Hoërskool Wonderboom kan ons nou help om maandelikse befondsing deur Woolworths se MyDifference-program te ontvang – bloot deur die skool as julle begunstigde te kies.

Vanaf 1 November 2026 sal die bedrag wat ons ontvang direk afhang van die aantal MyDifference-lede wat Die Hoërskool Wonderboom as hul gekose organisasie ondersteun.

👉 Hoe kan jy help?

Laai die Woolworths-app af of maak dit oop.
Sluit aan by MyDifference.
Kies Die Hoërskool Wonderboom as jou begunstigde/“cause”.
Doen jou gewone inkopies by Woolworths.

💚 Dit kos jou niks ekstra nie, maar elke geregistreerde ondersteuner help om die skool se toekomstige maandelikse befondsing te laat groei.

Ons huidige ondersteunersgetal is nog baie laag, daarom kan elke ouer, familielid en vriend wat aansluit ’n werklike verskil maak.

🏆 BONUS! Woolworths se MyDifference-kompetisie duur tot 31 Augustus 2026, met:
🥇 1 groot prys van R100 000
🎉 20 pryse van R20 000 elk

Kom ons gebruik die krag van ons Wonnie-gemeenskap!
Laai die app af, kies Die Hoërskool Wonderboom en help ons om ons toekomstige befondsing te groei – sonder dat dit jou ’n sent ekstra kos. 💚💛

Deel asseblief ook hierdie boodskap met familie en vriende wat by Woolworths koop.

12/09/2026

Dankie vir die oud Wonnies wat deel was vd skool se gholfdag en natuurlik Devin da Silva wat die veiling hanteer het.

Dit is altyd wonderlik om te sien hoe die Wonnies terugkeer om ñ verskil te kom maak.

10/09/2026

Baie geluk Jarred Cornelius!

Jarred het die Klippies Springbok span gehaal as Pollard se ewebeeld.

08/09/2026

Dankie aan elke oud Wonnie, Wonnie ouer, Wonnie Onnie en enigiemand anders wat gehelp het met die skenking vir teëls vir die Junior seuns badkamers!! Dit het gekom en die werk gaan voort. Saam is ons ñ span!

08/09/2026

Ek is onbewus dat soveel personeel van een skool dit op ñ top 10 gemaak het. Drie van hulle is óók oud Wonnies.

🏆💚💛 SOLIDARITEIT SE ONDERWYSER VAN DIE JAAR | TOP 10 💛💚🏆

Ons bars van trots! 🌟

Nie net één nie, maar ses onderwysers van Die Hoërskool Wonderboom het dit tot die Top 10 van Solidariteit se Onderwyser van die Jaar gemaak! Hierdie besondere prestasie getuig van die gehalte, passie en toewyding wat elke dag in ons klaskamers sigbaar is.

Baie geluk aan:

🌟 Mnr Schmahl
🌟 Me Swart
🌟 Me van der Burgh
🌟 Me Crous-Redelinghuys
🌟 Me Beyleveldt
🌟 Me Du Toit-Venter

Onderwysers doen elke dag veel meer as om net kennis oor te dra. Hulle inspireer, motiveer, ondersteun en lei jongmense om in hulself en hul toekoms te glo. Om op hierdie vlak deur Solidariteit erken te word, is daarom ’n besonder betekenisvolle prestasie.

Ons is ongelooflik trots dat soveel van die Wonnies se onderwysers onder die bestes gereken word. Elkeen van julle dra op ’n unieke manier by tot die hart van ons skool en tot die mense wat ons leerders eendag sal word. 💚💛

Baie geluk met hierdie besondere erkenning! Ons vier saam met julle en hou duimvas vir die volgende rondte. 🏆✨

06/09/2026

Jy hoef nie in “gesiene” skole te wees om dit te maak nie.

31/08/2026

🎭✨ BAIE GELUK, ME. BEYLEVELDT EN DIE MUSIEKBLYSPEL-SPAN! ✨🎭

Die Hoërskool Wonderboom is ongelooflik trots op me. Beyleveldt, die leerders, personeel en elke lid van die Musiekblyspel-span met die groot sukses van Grease – Die Musiekblyspel.

Die besondere terugvoer wat ons ontvang het, getuig van die ure se harde werk, toewyding, kreatiwiteit en passie wat agter die skerms én op die verhoog ingesit is. Julle het nie net ’n uitstekende produksie aangebied nie – julle het vir oud-Wonnies, ouers, leerders en besoekers ’n ervaring geskep wat hulle nog lank sal onthou.

’n Besondere gelukwensing aan me. Beyleveldt vir haar leiding, visie en deursettingsvermoë, en aan elke leerder en personeellid wat hul deel gedoen het om van Grease ’n produksie van hoogstaande gehalte te maak.

Welgedaan, Wonnies! Julle laat die Wonniehart trots klop. 💚💛