ORV

04/09/2026

Diploma uitreiking JBK-2025-I🎉🎊

04/09/2026

02/09/2026

WILLEMSTAD – Djamars, 1 di sèptèmber 2026, ORV den kolaborashon ku Beleidsorganisatie di Ministerio di Hustisia, a organisá e promé tayer den kuadro di e implementashon di e Wetboek van Strafvordering Nobo (WvSvN). E tayernan akí a keda desaroyá dor di Onderwijskundige di ORV, Sra. Tisma Adhien, huntu ku Officier di OM, Sra. Monique Dennaoui.

Durante e apertura di e tayer, a hiba palabra Direktora di ORV, Sra. Alpha Falbru, Sector Manager di ORV, Sr. Jowenny Troeman, i Fiskal Mayor di OM, Sra. Clarelli Hato-Willems, na e promé grupo ku tabata konsistí di 22 partisipante di Korps Politie Curaçao (KPC).

Sr. Earl Ogenio di LrC a inisiá e seshon ku un introdukshon di e WvSvN, siguí pa dosentenan Sr. Maurits Rosalina i Sr. Wilbert Geertruida kende a fasilitá e tayer, enfokando riba e kambionan mas importante den e WvSvN, i interkambiá konosementu i eksperiensia ku e partisipantenan.

ORV ta karga e responsabilidat pa fasilitá e workshopnan di WvSvN durante un periodo di sinku siman pa diferente grupo i organisashonnan, inkluiendo KPC, Kustwacht, LrC, Interpol, Reclassering i empleadonan ku ta traha bou di Ministerio di Hustisia. E workshopnan tin komo meta pa informá i eduká partisipantenan riba e kambionan den e leinan nobo i prepará nan pa kontribuí na e implementashon di e WvSvN na yanüari 2027.

E promé tayer ku tabata un éksito, a terminá ku palabranan di Sekretario General interino di Ministerio di Hustisia, Sra. Luz-Celeste Johannes sigui pa e repartishon di sertifikadonan di e WvSvN na tur 22 partisipante ku a sigui e tayer.

Ku e inisio di e tayernan akí, ORV ta sigui kontribuí aktivamente na e preparashon di e diferente profeshonalnan i organisashonnan ku lo hunga un ròl importante den e implementashon di e Wetboek van Strafvordering nobo.

26/08/2026

Abo sa kiko ta BAVPOL? 🤔

Den e episodio akí di ORV 101, nos ta pone e spotlight riba BAVPOL.
Kiko ta BAVPOL, dikon e ta importante, i kiko ta e ròl di un Buitengewoon Agent van Politie?

🎥 Chèk e episodio i ampliá bo konosementu tokante e formashon di BAVPOL.

24/08/2026

Durante e siman di 17 di ougústús 2026, Toetsdeskundigen di ORV, Sr. Kooks i Sr. Merenciana, a bish*tá St. Maarten i Aruba pa evaluá pruebanan di kompetensia di aspirantenan di Warda Kosta ku ta den e fase final di nan formashon.

E klas di Junior Bemanningslid Kustwacht (JBK)-2025-1, ku ta konsistí di aspirantenan di Kòrsou, Aruba, St. Maarten, Saba i St. Eustatius, a kuminsá nan estudio aña pasá i lo risibí nan diploma di JBK na sèptèmber 2026.

Den e potrètnan por mira e aspirantenan di St. Maarten durante nan prueba di kompetensia.

19/08/2026

Klas di Kerntaak Opsporing (KO) 2026, ku kursistanan for di Kòrsou, Aruba, Boneiru i Sint Maarten.

E kurso di Kerntaak Opsporing (KO) a wòrdu organisá den kuadro di un kolaborashon entre College van Korpschefs, ORV, Politieacademie (PA) i Politie Instituut Aruba (POI). E kurso a wòrdu fasilitá dor di Sr. Rosalina di KPC, huntu ku dosentenan Sr. Weber di PA i Sr. Tromp di POI Aruba.

17/08/2026

Durante nan fakansi, Maryangely Giterson i Shardinae Soriano a bish*tá ORV pa sostené diferente departamentu i haña un eksperensia den e ambiente korporativo.

Komo parti di nan periodo na ORV, nan a partisipá den diferente aktividat i a siña mas tokante algun di e lèsnan ku nos studiante i aspirantenan ta risibí durante nan formashon. Un di e aktividatnan tabata un lès di tiru bou di guia profeshonal di Sr. Isenia, kende a splika nan kon pa anda ku un arma di kandela di un manera sigur, seif, responsabel, i e medidanan di seguridat ku ta aplikabel. Despues, nan mes a haña e oportunidat di tira i biba un eksperensia úniko na ORV.

Na nòmber di ORV, nos ta gradisí Maryangely i Shardinae pa nan kontribushon durante e periodo ku nan a pasa ku nos, i nos ta deseá nan tur kos bon den nan próksimo aña eskolar.

14/08/2026

Ongewapend Zelfverdediging (OZ) ku BPO-2025-I | Part 2

12/08/2026

Kon bo por sigui un estudio na ORV?

Chèk e 4 stapnan den e infográfiko akí i prepará bo mes pa kuminsá bo karera den Ministerio di Hustisia!