ORV

Website

Contactgegevens, kaart en routebeschrijving, contactformulier, openingstijden, diensten, beoordelingen, foto's, video's en aankondigingen van ORV, Winston Churchillweg #8, Willemstad.

29/10/2026

Agentenan polisial resien graduá, Sra. Caciano i Sr. Eisden, a bish*tá awe pa un entrevista spesial ku Sra. Valesca Diaz. Durante e entrevista, nan a kompartí nan eksperensia durante nan formashon na ORV i loke a inspirá nan pa skohe pa un karera polisial.

🎙️ Keda pendiente pa e publikashon di e podcast akí pronto!

28/10/2026

Djaluna, 19 di òktober 2026, ORV a yama un bon biní na e sinku aspirantenan di klas di Basis Politie Opleiding (BPO)-2026-I, ku a terminá nan dos siman di formashon intensivo i a kuminsá nan formashon ofisialmente serka nos riba e fecha akí.

E aspirantenan a risibí un bon biní ofisial di BPO-2025-I, otro klasnan den formashon na ORV, Direktora di ORV, Sra. Falbru, Minister Hato i otro invitadonan ku a forma parti di e seremonia. E momentu spesial akí a marka e inisio di nan trayekto di formashon na ORV, kaminda e sinku aspirantenan lo desaroyá e konosementu, abilidat i aktitut nesesario pa e funshon di polis.

ORV ta deseá klas di BPO-2026-I hopi éksito den nan trayekto di formashon i ta sigui komprometé na prepará profeshonalnan kompetente pa e sektornan di hustisia i seguridat di Kòrsou.

26/10/2026

Willemstad – Djabièrnè, 23 di òktober 2026, Werkgroep Integriteit Justitie (WIJ) a selebrá su di 10 aniversario ku un seremonia na ORV, kaminda a desvelá un obra di arte titulá “Vlam di Integridat” kreá dor di Artista 7.1, Sr. Giovanni Abath.

Desde e komienso di WIJ na 2016, WIJ a dediká su mes na promové i stimulá integridat den e diferente organisashonnan ku ta forma parti di e grupo. E obra di arte, ta simbolisá e kompromiso ku integridat, no solamente den nos lugánan di trabou, sino tambe den nos mes komo individuo. Vlam di Integridat ta sirbi komo un rekordatorio permanente pa tur hende ku pasa banda di e eskultura pa sigui traha ku integridat i pa hasi e balor aki parti di nan akshonnan i desishonnan diario.

E selebrashon a reuní hefenan di servisio di e 8 organisashonnan i representantenan di e 4 sindikatonan ku ta forma parti di WIJ, huntu ku miembronan di e Werkgroep, pa kompartí e momentu spesial akí i reflehá riba e importansia di integridat den nan organisashonnan.

E programa a finalisá ku un brunch, kaminda e partisipantenan tabatin oportunidat pa sosialisá, kompartí i selebrá huntu, e dies añanan di kompromiso di WIJ.

Ku e desvelashon di Vlam di Integridat, WIJ ta sigui resaltá e importansia di integridat komo un balor fundamental ku mester guia nos den nos trabou i den nos bida diario.

Korps Politie Curaçao SDKK - Sentro di Detenshon i Korekshon Kòrsou Caribisch Gebied 's Kitchen

22/10/2026

BPO-2025 ta SENDÉ!!!👮🚨👮‍♂️

20/10/2026

Willemstad – Djaluna, 19 di òktober 2026, un total di 13 graduado di klas Basis Politie Opleiding (BPO)-2025-I a risibí nan diploma, kla pa kuminsá nan karera polisial.

Klas di BPO-2025-I a kuminsá nan trayekto di formashon na 6 di yanüari 2025 i ta e promé klas ku a sigui e programa di BPO segun e “Kwalificatiedossier Medewerker Noodhulp en Handhaving”, desaroyá den kolaborashon entre ORV i KPC. E programa ta enfoká riba e desaroyo di konosementu, abilidat i aktitut, pa prepará polisnan nobo pa ehersé nan funshon ku profeshonalismo, integridat i rèspèt pa nos komunidat.

Durante di e seremonia, Direktora di ORV, Sra. Alpha Falbru; Hefe di KPC, Sr. Raymond Ellis; i Minister di Hustisia, Sr. Shalten Hato, a dirigí nan mensahe na e graduadonan, enfatisando e importansia di formashon, desaroyo profeshonal i e responsabilidat ku ta bini ku e funshon di polis.

Un momentu spesial tabata e rekonosementu di e tres graduadonan ku a sobresalí den nan klas pa nan bon prestashon:
Sr. Jadon Bracelly, Sra. Igvienny Djaoen i Sr. Ray-Einstein Polanco

ORV ta orguyoso di e logro di klas BPO-2025-I, un klas disipliná ku a demostrá un prestashon ekselente!

ORV ta felisitá tur 13 graduadonan ku nan logro i ta deseá nan hopi éksito den nan karera polisial.

Kòrsou ta konta ku boso!

20/10/2026

𝟏𝟕 𝐞𝐦𝐩𝐥𝐞𝐚𝐝𝐨 𝐝𝐢 𝐉𝐉𝐈𝐂 𝐚 𝐬𝐢𝐠𝐮𝐢 𝐤𝐮𝐫𝐬𝐨 ‘𝐓𝐫𝐚𝐡𝐚 𝐝𝐞𝐧 𝐃𝐞𝐭𝐞𝐧𝐬𝐡𝐨𝐧’

Resientemente, 17 empleado di JJIC a sigui e kurso ‘Traha den Detenshon’, ku a wòrdu duna pa SKUCHAMI.

E meta di e kurso tabata pa amplia e konosementu di e empleadonan tokante komportashon di hóbennan i pa duna nan mas konosementu tokante kon pa trata ku diferente forma di agresividat.

Durante e lèsnan, a trata tópikonan manera rekonosé i komprondé komportashon di hóbennan, trata ku agresividat i maneho di situashonnan di eskalashon. Ademas, a dediká atenshon na komunikashon i análisis di situashonnan ku por surgi den práktika.

E kurso a yuda e empleadonan pa haña un mihó komprenshon di e situashonnan ku por presentá den nan trabou ku hóbennan i pa desaroyá un manera adekuá i korekto pa reakshoná riba nan.

Ku e kurso ‘Traha den Detenshon’, JJIC ta sigui invertí den desaroyo profeshonal di su empleadonan, pa nan por desempeñá nan tarea ku mas konosementu i ta mihó prepará pa enfrentá situashonnan difísil.

20/10/2026

👮‍♂️🇨🇼 𝐔𝐧 𝐤𝐥𝐚𝐬 𝐞𝐤𝐬𝐞𝐩𝐬𝐡𝐨𝐧𝐚𝐥, 𝐦𝐚𝐬 𝐛𝐥𝐨𝐮 𝐫𝐢𝐛𝐚 𝐤𝐚𝐲𝐚!

Ayera mainta, na ORV, nos a hasi entrega di diploma na klas BPO 2025-I di Kuerpo Polisial Kòrsou.

Un logro importante, hustamente na un momentu ku nos pais tin nesesidat di mas polis i mas seguridat.

Durante mi mensahe mi a enfatizá ku e unifòrm ta duna bo outoridat, pero ta bo integridat ku ta duna bo rèspèt.

Pabien na tur graduado! Mi ta deseá boso un karera largu i briante, sirbiendo nos pais ku honor, disiplina i dignidat.

🇨🇼 Kòrsou ta konta ku boso!

17/10/2026

Despues di a kompletá nan promé prueba di kompetensia, e aspirantenan di BPO-2025-I a kompletá nan di dos prueba di kompetensia dia 8 di òktober 2026, komo parti di e fase final di nan formashon.

Durante e prueba, e aspirantenan a enfrentá diferente senario simulá kaminda nan mester a demostrá nan abilidat pa deeskalá situashonnan ku tabata saliendo for di man òf tuma e medidanan nesesario pa atendé e situashon di forma korekto.

Nan a wòrdu evaluá riba nan manera di manehá e situashon, nan komunikashon ku koleganan i sentral, nan profeshonalismo i nan atenshon pa ophetonan ku por wòrdu usá komo arma kontra di nan. Ademas, nan mester a demostrá ku nan por apliká e protokòlnan, teorianan i leinan ku nan a siña durante nan formashon.

Entre e senarionan tabatin un situashon kaminda un bisiña a yama polis pa reklamá tokante zonido duru di un bar den serkania, i un otro senario di violensia doméstiko i menasa.

Nos ta orguyoso di por kompartí ku tur aspirante a kompletá e prueba di kompetensia aki tambe ku éksito!

ORV ta gradisí e tim di KPC ku a forma parti di e prueba, i tambe kada mèntòr ku a kontribuí na e desaroyo i preparashon di e aspirantenan durante nan trayekto di formashon.

Huntu nos ta sigui traha pa prepará profeshonalnan pa e responsabilidat ku ta bin ku e trabou di polis!

14/10/2026

📸 Un bista di mas profeshonalnan ku a kompletá e workshop di Wetboek van Strafvordering nobo i ku a risibí nan sertifikado.⚖️

13/10/2026

Aspirantenan di klas di BPO-2025-I a kompletá nan Prueba di Kompetensia den tráfiko dia 6 di òktober 2026, komo parti di e fase final di nan formashon.

Durante e prueba, a evaluá nan abilidatnan pa para un vehíkulo, komuniká di forma adekuá ku e shofùr, prepará un prosès verbal i determiná si e shofùr por sigui partisipá den tráfiko òf si mester tuma medida pa kita e vehíkulo for di tráfiko.

Ku orguyo nos por kompartí ku tur aspirante a kompletá e prueba eksitosamente i ta kla pa kuminsá ehersé nan funshon den tráfiko, aplikando lei, nan konosementu i e abilidatnan ku nan a desaroyá durante nan formashon.

Adres

Winston Churchillweg #8
Willemstad

Website

http://orv.cw/

Meldingen

Wees de eerste die het weet en laat ons u een e-mail sturen wanneer ORV nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.