Perseverance Landbou Akademie

29/10/2026

Lekker dinge aan die gebeur hier by PLA! 🍿🎬

Ons studente het gister bietjie skouer aan die wiel gesit om die banke vir hul nuut ingerigte 'movie-lokaal' silwerskoon te kry. Natuurlik word geen groot taak op die perseel aangepak sonder bietjie streng toesig nie – plaasbrak Roes het van naby af seker gemaak alles verloop vlot en elke krieseltjie stof word opgesuig! 🐾

Ons kan nie wag vir die eerste fliek-aand nie!

28/10/2026

Van Brits tot op die plaas in Bloemfontein - ontmoet die tweeling, Thiardt en Rheinhardt! 🌱🚜

In vandag se episode van gesels hierdie twee 1ste-jaar Plant Produksie-studente oor hoekom dit vir hulle so spesiaal is om hul passie vir die grond by Perseverance Landbou Akademie uit te leef.

Vir Rheinhardt gaan dit daaroor om in sy pa en oupa se voetspore te volg en die familietradisie van boerdery vorentoe te vat. En vir Thiardt? Wel, die daaglikse lewe hier tref net die regte balans:

🙏 'n Stewige grondslag: Elke oggend begin met godsdiens waar Oom Francois (ons Kampushoof) vir die studente bid voordat die skootrekenaars oopgaan.

🌿 Hande-in-die-grond prakties: Hulle bou hul eie hidroponiese stelsels en doen aktiewe proewe op koring, gars en binnekort mielies.

🏊‍♂️ Ware plaaslewe: Na 'n harde dag se prakties word daar in die plaasdam afgekoel, gebraai en die lewe saam met vriende geniet.

Druk speel en kyk hoe lyk die toekoms van landbou deur die oë van ons studente! 🎬

💬 Wat klink vir jou die heel lekkerste: om jou eie hidroponiese stelsel te bou, of 'n lekker afkoelswem in die plaasdam na prakties?

Vind meer uit oor ons Plant- en Diereproduksie programme by https://pla.org.za/

22/10/2026

Baie geluk aan een van ons PLA-studente, Marnus Smith, wat verkies is tot die Huiskomitee (HK) van Reitz vir 2027, waar hy die sportportefeulje gaan lei! 🏉🏆

Ons is trots op ons studente wat nie net in die klaskamer en op die plaas presteer nie, maar ook as leiers na vore tree.

Sterkte met hierdie leiersrol vir 2027, Marnus; ons weet jy gaan ’n reuse sukses daarvan maak!

🌱 Groei met kennis, oes met waarde https://pla.org.za/

21/10/2026

"As ek jy was, sou ek nie gewag het om na Perseverance Landbou Akademie toe te kom." 🌾

Welkom by die heel eerste episode van ons nuwe reeks, ! Vandag kuier ons saam met Ruben, een van ons 2de-jaar studente.

Ruben deel hoe die lewe by PLA regtig lyk, van persoonlike aandag in die klaskamer danksy fasiliteerders soos Marlu, tot die perfekte balans tussen teorie en prakties elke week.

Maar dit stop nie by akademie nie. Druk speel en luister eerstehands na Ruben se ervaring! 🎥

💬 Wat soek jy die meeste in jou studentelewe... die praktiese opleiding of die studentelewe en vriendskappe?

📲 Vind meer uit oor ons geakkrediteerde kwalifikasies by https://pla.org.za/

13/10/2026

Kennis is die beste wapen teen veediefstal!

Ons het op 7 Oktober waardevolle insigte gekry oor die jongste veediefstalwette danksy Isabel Kruger en Christo Doman van Vrystaat Landbou/Free State Agriculture . ’n Groot dankie aan hulle vir die praktiese leiding, die belangrikheid van behoorlike dokumentasie en die stappe wat boere moet neem om hul vee en gemeenskappe doeltreffend te beskerm.

Slegs deur saam te staan en ingelig te bly kan ons die plaag van veediefstal stuit. 🤝🔒

09/10/2026

Boer wees sit in jou bloed, maar die fynere kuns leer jy by ons.

Aansoeke vir 2027 is oop.

Volg die skakel vir meer besonderhede: https://pla.org.za/

06/10/2026

Welkom terug aan ons studente vir die finale kwartaal van die jaar. Sit jou kop neer, hou jou oë op die doelwit en kom ons sluit 2026 op ’n hoë noot af.

Julle het dit in julle!💪🥳

02/10/2026

01/10/2026

Welkom Oktober! ’n Nuwe maand bring nuwe kanse om te leer, te lei en te inspireer. Laat ons die laaste maande van die jaar ons mees betekenisvolle tot nog toe maak. Ons wens die hele PLA-gemeenskap ’n produktiewe, gefokusde en suksesvolle Oktober toe!