BSc in Data Science and Business Intelligence BSc - DSBI, HSUHK

27/07/2026

【數據科學前沿國際研討會圓滿結束 🎉】

為期三日（2026年7月8至10日）嘅「數據科學前沿國際研討會」終於喺恒大圓滿落幕 👏🏻！再次多謝大家嘅踴躍參與。今次我哋好榮幸邀請到15位嚟自英國、美國、澳洲等國家嘅頂尖學者同業界猛人親臨香港，為大家帶嚟一場超高質嘅學術交流 🧠✨

即刻等我哋帶大家回顧吓呢三日嘅精彩時刻啦：

🗓 7月8日：裝備自己，打好個底 💪🏻
第一日由「專設教學」打頭陣！重量級教授親授實用秘笈幫大家熱身，為有興趣探究數據科學嘅朋友提供咗超實用嘅入門指南 🗺️！

🗓 7月9日：走入AI世界，數據點樣改變生活？ 📈
早上嘅開幕禮齊集各方頂尖學術專家，場面星光熠熠 💫！緊接住就探討大家都極度關注嘅「機器學習與人工智能」，各位教授分享咗最新嘅前沿技術同 AI 發展趨勢，真係令人大開眼界 🤩

下午嘅焦點落喺「經濟與金融」，聽完各位權威編輯同專家嘅分享，深深體會到大數據同 AI 喺預測經濟走勢、風險管理方面原來咁重要 💰每節完結前嘅公開討論環節更加係全日戲肉，嘉賓同台交流對數據科學嘅睇法，令觀眾獲益良多 💡

🗓 7月10日：貼地實戰，業界點玩？ 🩺 💼
上午有幸聽到「生物統計與健康」權威嘅分享，發覺原來大數據同 AI 喺醫療健康同疾病預測嘅應用已經非常廣泛 🏥

下午就到唔少觀眾期待已久嘅「業界數據科學」環節！業界精英拆解咗好多真實嘅商業案例，話畀大家知出到社會，數據科學係點樣落地應用。台下觀眾都滿滿求知慾，熱烈舉手發問 🔥

再次感謝所有講者嘉賓同出席嘅每一位，令今次研討會空前成功 🙌🏻！想重溫更多活動詳情，即刻去網站睇吓啦 👇🏻

🌐 網站： https://event.hsu.edu.hk/en/isdsf/


#香港恒生大學








#數據科學

07/07/2026

[20/6 畢業晚宴] 🎓🏨

今年已經係 AIN 同 DSBI 第三次合辦畢業晚宴喇！
6 月 26 日，我哋喺朗廷酒店齊聚一堂，與近 50 位畢業生同教職員一齊共度溫馨難忘嘅一晚，為大學生活畫上圓滿句號。

衷心感謝每一位出席嘅你，令當晚充滿歡笑同感動。🥂

祝願各位畢業生前程似錦，未來喺職場同人生路上發光發亮！
快啲 like 同 share 呢個 post，一齊送上祝福啦～💪
📌
記得 follow 我哋 啊，之後都會有 Alumni 活動等你嚟玩～

#香港恒生大學 #數據科學 #商業智能學 #畢業晚宴

15/06/2026

【唔想喺AI時代被淘汰？🤖 數據科學國際研討會2026開始報名喇！】
各位對AI有興趣嘅朋友、想增值自己嘅同學仔，機會嚟喇！飛唔到去英美澳唔緊要，我哋幫你請左重量級專家過嚟✈️
我哋將會喺7月8至10日舉辦「數據科學國際研討會」，邀請咗15位嚟自美國、英國、澳洲等國家嘅頂尖教授、業界專家同埋權威期刊編輯，親身同大家分享最前沿嘅科研發展。
💡 今次國際研討會有咩亮點？
5大核心主題： 專家指導課、機器學習與人工智能、經濟與金融、生物統計與健康、業界數據科學
嘉賓交流： 每節完結前，幾位演講嘉賓會一齊進行問答討論，深化大家對主題嘅理解
福利大放送： 每節都有精美小食提供 🍕🧁
快啲報名，一齊嚟學嘢同交流啦！
📅 日期： 2026年7月8日至10日
📍 地點： 香港恒生大學袁炳濤校園利國偉教學大樓八樓 D801室
🌐 活動詳情： https://event.hsu.edu.hk/en/isdsf/
🔗 即刻報名：https://forms.cloud.microsoft/r/ZEJw7U7bZ1
#人工智能 #數據科學 #國際研討會

We are pleased to invite you to join the upcoming International Symposium on Data Science Frontier, which will be held on 8-10 July 2026 at D801, Block D, H ...

12/06/2026

✈️ BSc-AIN & BSc-DSBI 新加坡學習之旅圓滿結束啦！ ✨

喺啱啱過去嘅 6月頭（1-5日），數學、統計及保險學系帶咗一班 BSc-AIN 同 BSc-DSBI 二年級或以上嘅同學仔飛咗去新加坡考察呀！🌍 今次Trip唔單止係「衝出課室」咁簡單，仲可以親身體驗星洲嘅創科發展同多元文化，行程超級豐富！😎

一齊嚟重溫吓今次嘅 #行程亮點 啦👇🏻

🔬 玩轉新加坡科學館
第一站去咗 Science Centre Singapore 睇互動展覽！大開眼界之餘，仲可以邊玩邊感受科技嘅奧秘！🤓

💼 走入頂尖企業：Munich RE
想知尖端科技點樣應用喺業界？同學們去咗參觀當地嘅科技企業，仲非常難得咁去到慕尼黑再保險公司（Munich RE），同精算數碼解決方案專家邵博士（Dr. Shao）嚟咗個深度交流！💻📈 真係學到好多書本以外嘅實戰經驗呀！

🎓 NTU 學術交流 X 識新朋友
壓軸重點當然唔少得去南洋理工大學（NTU）做學術交流！我哋嘅同學同 NTU 嘅潘教授以及當地大學生一齊探討「金融數學」同「FinTech」嘅熱門話題！講學之餘仲促進咗兩地文化交流，識到一班新加坡嘅新朋友，真係收穫滿滿滿！🤝✨

睇見相入面大家都笑得咁開心，就知今次旅程有幾難忘啦！📸
錯過咗今次？唔緊要！記得 Follow 實我哋，留意未來更多精彩嘅海外學習體驗啦！✈️🎓

#新加坡考察團 #衝出香港 #大學生活 #擴闊眼界 #海外交流 #數據科學 #人工智能

28/04/2026

【 #上週六回顧 ✨ AIN及DSBI校友導師計劃2026】

上個星期六 (4月25日)，我哋數學、統計及保險學系舉辦嘅校友導師計劃完滿結束！🎉 當日場面非常熱鬧，AIN及DSBI嘅同學們同畢業師兄師姐聚首一堂，透過午餐聚會輕鬆交流。

今年我哋好榮幸邀請到嚟自多間頂尖機構嘅校友，包括：
🏦 金融/銀行界: 滙豐銀行、高盛
🏢 政府機構: 政府統計處
💻 科技巨頭: 甲骨文
👔 保險/顧問界: CTF Life、QBE、德勤 、友邦保險 、永明金融

同學們按照自己嘅興趣同心儀行業嘅校友配對，喺輕鬆嘅環境下，不但攞到第一手嘅行業見解同實用職業建議，仲了解到最新嘅市場趨勢。🌐

呢次活動唔單止係一個簡單嘅午餐，更加係一個拓展人脈、建立跨代聯繫嘅寶貴機會。希望同學們都獲益良多，為未來嘅事業發展叉足電！🚀

再次多謝咁多位校友百忙中抽空出席，為師弟師妹指點迷津！期待下次再見！

#師友計劃回顧 #校友網絡 #業界交流 #職涯規劃

17/04/2026

【✨工作坊回顧：AI驅動嘅數據分析與商業簡報📊🤖】
早前 (4月16日) 數學、統計及保險學系舉辦嘅「AI驅動的數據分析與商業簡報」工作坊圓滿結束喇！🎉
喺今次活動，同學們學到點樣利用AI將複雜嘅數據轉化為清晰易明嘅商業簡報。講者除咗介紹AI喺數據分析中嘅強大功能，仲即場示範用Copilot探索數據、建立圖表，同埋將重點整理成有條理嘅報告。📈
最重要嘅係，活動提醒我哋用AI時要保持批判性思維，唔可以過度依賴，仲要記得驗證AI生成嘅結果！🧐
多謝數學、統計及保險學系嘅安排！希望未來會有更多呢類咁實用嘅活動！🙌
#數據分析 #商業簡報 #工作坊回顧 #人工智能 #批判性思維 #恒大 #數學統計及保險學系

10/04/2026

🤖✨9/4/2026 AI點樣將數據變做靚故仔？一齊嚟睇下我哋個Workshop有幾勁！✨📊

琴日 (4月9號)，我哋數學、統計及保險學系搞咗個超正嘅工作坊，主題係「AI編程 × 提示工程 ─ 用人工智能把數據化為故事」！😎

想知點樣用AI將啲複雜到頭都大埋嘅data，變成一目了然嘅圖像同引人入勝嘅故仔？🤔 喺workshop入面，講者唔單止教我哋咩係「提示設計」(Prompt Design)，仲即場示範AI點樣光速整個dashboard原型出嚟！真係大開眼界！🤯

最正嘅係我哋仲可以親手落場試，自己設計prompt，將數據問題變成簡單嘅圖像。💪 動手做，學得更快！

今次活動真係學到勁多嘢，唔單止get到AI嘅新技能，仲明白咗Data Storytelling有幾重要。💡 多謝學系舉辦咁有意義嘅活動！期待將來將學到嘅嘢應用喺自己嘅專業上！🚀

#提示工程 #數據故事化 #人工智能 #數據分析 #大學生活 #工作坊 #實用技能