Malaka oshirish instituti

12/05/2026

|

OʻzDSA huzuridagi Jismoniy tarbiya va sport boʻyicha mutaxassislarni qayta tayyorlash va malakasini oshirish institutida may oyi tinglovchilari uchun boks sport turi boʻyicha mahorat darsi tashkil etildi.

Unda milliy terma jamoa hamda xalqaro darajadagi trenerlar ishtirok etib, tinglovchilar bilan zamonaviy mashgʻulot usullari va amaliy tajribalar boʻyicha fikr almashdilar.

MINSPORT INSTITUT matbuot xizmati:

01/05/2026

👏Tabriklaymiz!!!

Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti Nukus filiali “Jismoniy tarbiya, sport nazariyasi va uslubiyati” kafedrasi o‘qituvchisi Shamuratova Muazzam Shavkat qiziga O‘zbekiston Respublikasining «Elektron hisoblash mashinalari uchun yaratilgan dasturlar va maʼlumotlar bazalarining huquqiy himoyasi to‘g‘risida»gi Qonuniga asosan hammualliflikda elektron hisoblash mashinalari uchun yaratilgan “Bestemshe ” o‘yini dasturi uchun Adliya vazirligi tomonidan GUVOHNOMA berildi.
Bestemsh - (“To‘qqiz qumaloq”) O'rta Osiyo xalqlarining an'anaviy taxta o'yinining raqamli ko'rinishi. Ilova O'zbek va Qoraqalpoq tillarida interfeysga ega bo'lib, foydalanuvchiga sun'iy intellekt asosidagi raqib bilan o'ynash imkonini beradi.
MINSPORT INSTITUT matbuot xizmati:

30/04/2026

| | Mambetov Bayram Jaksimuratovich ilmiy daraja muborak bo‘lsin!

🛡 O‘zbekiston davlat sport akademiyasi huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti Ilmiy kengashi Buxoro davlat pedagogika instituti huzuridagi Ilmiy darajalar beruvchi Birmartalik ilmiy kengash tavsiyasiga ko‘ra, O‘zbekiston Respublikasi Oliy attestatsiya komissiyasining 2026-yil 10-apreldagi 384/1-son bayonnomasi asosida Institutning Nukus filiali dotsenti, tarix fanlari nomizodi Mambetov Bayram Jaksimuratovichga pedagogika fanlari doktori (DSc) ilmiy darajasi diplomi tantanali topshirildi.

Hurmatli, Bayram Jaksimuratovich, Sizga pedagogika fanlari doktori (DSc) ilmiy darajasi muborak bo‘lsin. Institut va filial jamoasi keyingi ilmiy ishlaringizda omad tilaydi.

MINSPORT INSTITUT matbuot xizmati:

28/04/2026

O‘zbekiston Respublikasi Prezidentining 2020 - yil 30 - oktabrdagi “Sog‘lom turmush tarzini keng tatbiq etish va ommaviy sportni yanada rivojlantirish chora-tadbirlari to‘g‘risida”gi PF-6099-sonli Farmoni hamda O‘zbekiston Respublikasi Prezidentining 2024-yil 18-dekabrdagi “Yoshlarning sport bilan muntazam shug‘ullanishi uchun qo‘shimcha shart-sharoitlar yaratish to‘g‘risida”gi PQ-443-sonli qarorlarining amalda bajarilishini ta’minlash maqsadida O'zbekiston davlat sport akademiyasi huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish institutida professor-o‘qtuvchi xodimlar hamda tinglovchilar o‘rtasida futbol, basketbol va shaxmat sport turilaridan musobaqa tashkil etildi.

MINSPORT INSTITUT matbuot xizmati:

21/04/2026

📍 Tinglovchilar Islom sivilizatsiyasi markazida

O‘zDSA huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti qayta tayyorlov guruhi tinglovchilari uchun ma’naviy-ma’rifiy sayohat tashkil etildi.

Qayta tayyorlash va o‘quv jarayonini tashkil etish bo‘limi boshlig‘i A. Axmedov boshchiligida tinglovchilar Oʻzbekiston Islom sivilizatsiyasi markaziga sayohat qildi.
Sayohat davomida tinglovchilar markazda yaratilgan zamonaviy sharoitlar, boy tarixiy merosimizni aks ettiruvchi noyob eksponatlar hamda yurtimizda amalga oshirilayotgan ma’naviy-ma’rifiy islohotlar bilan yaqindan tanishdilar.
Mazkur tashrif tinglovchilarning dunyoqarashini kengaytirish, milliy qadriyatlarimizga hurmat ruhini yanada mustahkamlashga xizmat qildi.

MINSPORT INSTITUT matbuot xizmati:

20/04/2026

Chim ustida xokkey bo‘yicha tajribali trenerlar ishtirokida Oʻzbekiston davlat sport akademiyasi huzuridagi Jismoniy tarbiya va sport boʻyicha mutaxassislarni qayta tayyorlash va malakasini oshirish instituti Fargʻona filiali tinglovchilari uchun mahorat darslari o‘tkazildi.

MINSPORT INSTITUT matbuot xizmati:

14/04/2026

Dissertatsiya himoyasi muvaffaqiyatli o‘tkazildi

O‘zbekiston davlat sport akademiyasi huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti mustaqil tadqiqotchisi Turobova Shahnoza Umirovnaning 19.00.05 – Ijtimoiy psixologiya. Etnopsixologiya ixtisosligi bo‘yicha tayyorlagan dissertatsiya ishi muvaffaqiyatli himoya qilindi.

📌 “Konchilik, qazib olish sanoati xodimlariga psixologik xizmat ko‘rsatish mexanizmlarini takomillashtirish” mavzusidagi ilmiy ish Nizomiy nomidagi O‘zbekiston milliy pedagogika universiteti huzuridagi Ilmiy kengashda ko‘rib chiqildi.

✅ Himoya jarayonida dissertatsiyaning dolzarbligi, ilmiy yangiligi hamda amaliy ahamiyati keng muhokama qilinib, ijobiy baholandi.

👏 Institut jamoasi nomidan Turobova Shahnoza Umirovnani ushbu muhim yutuq bilan samimiy tabriklaymiz va kelgusidagi ilmiy faoliyatida ulkan muvaffaqiyatlar tilaymiz!

MINSPORT INSTITUT matbuot xizmati:

06/04/2026

O‘zbekiston davlat sport akademiyasi huzuridagi Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti tomonidan Jizzax Olimpiya va Paralimpiya sport turlariga tayyorlash markazida jismoniy tarbiya fani o‘qituvchilari hamda yo‘riqchi-uslubchilari uchun ko‘chma malaka oshirish kurslari boshlandi.

Mazkur jarayonga bag‘ishlangan yig‘ilishda Institutning Malaka oshirish o‘quv jarayonini tashkil etish bo‘limi boshlig‘i B. Odilov hamda Institut professor-o‘qituvchilari so‘zga chiqdi.

Yig‘ilishda dastlab “Jismoniy tarbiya va sport to‘g‘risida”gi Qonun hamda O‘zbekiston Respublikasi Vazirlar Mahkamasining 2022-yil 4-iyuldagi 355-son qarori mazmun-mohiyati haqida alohida ma’lumot berildi.

Shundan so‘ng, malaka oshirish kurslarini tashkil etish tartib-qoidalari ishtirokchilarga batafsil tushuntirildi.

Mazkur kurslar soha mutaxassislarining bilim va ko‘nikmalarini yanada oshirishga, ta’lim sifatini yuksaltirishga xizmat qilishi bilan ahamiyatlidir.

MINSPORT INSTITUT matbuot xizmati:

01/04/2026

🍀“Yashil makon”-2026

Respublikamizda koʻkalamzorlashtirish ishlarini jadallashtirish va yashil maydonlarni kengaytirish borasida Davlatimiz rahbari tashabbuslari bilan an’anaviy tarzda o‘tkazib kelinayotgan “Yashil makon” umummilliy loyihasi yildan yilga muhim ahamiyat kasb etmoqda. Daraxt ekib - bogʻ yaratish ezgulik hamda ulugʻvorlik ramzidir.
Bugun 1-aprel kuni erta tongdan Qoraqalpogʻiston Respublikasi Nukus shahrida koʻchat ekish tadbiri uyushqoqlik bilan tashkil etildi.
Ushbu “Yashil makon” loyihasi doirasida koʻchat ekish tadbirida Nukus filiali rahbariyati va xodimlari ham faol ishtirok etmoqda.

MINSPORT INSTITUT matbuot xizmati:

28/03/2026