What are the opening hours?

Monday 09:00 - 18:00 Tuesday 09:00 - 18:00 Wednesday 09:00 - 18:00 Thursday 09:00 - 18:00 Friday 09:00 - 17:00 Saturday 09:00 - 18:00

ISFT Institute

Home
Uzbekistan
Tashkent
ISFT Institute

Call Directions Website

International School of Finance and Technology | A distinctive way of Learning and Teaching

27/10/2026

ISFTNING KOREYA BILAN YANGI KELISHUVI: KATTA REJALAR, MUHIM QADAMLAR!

🇺🇿🇰🇷Xalqaro hamkorlikda eng muhimi — imzo emas, uning ortidan keladigan imkoniyatlar. ISFT Institute Janubiy Koreyaning Daejeon University bilan hamkorlikni rivojlantirish yo‘lida ana shunday muhim qadamni tashladi.

Tashrif doirasida ikki universitet **Hamkorlik memorandumi (MoU) va Talabalar almashinuvi to‘g‘risidagi bitim (SEA)**ni imzoladi.

Xo‘sh, bu hamkorlik ortida qanday rejalar bor?
✅2+2 qo‘shma ta’lim dasturini yo‘lga qo‘yish imkoniyatlari;
✅ISFT kampuslarida Sejong koreys tili markazini tashkil etish tashabbusi;
✅Talabalar almashinuvi, professor-o‘qituvchilar malakasini oshirish, qo‘shma ilmiy tadqiqotlar va xalqaro konferensiyalar.
Bularning barchasi — ikki universitet o‘rtasidagi hamkorlikning istiqbolli yo‘nalishlari. Endi asosiy vazifa ushbu tashabbuslarni amaliy natijalarga aylantirishdir.

✅ ISFT xalqaro hamkorlikni kengaytirmoqda. Maqsad esa aniq: ta’lim sifatini yuksaltirish, akademik tajribani boyitish va yangi imkoniyatlar uchun yo‘l ochish!

25/10/2026

😌 Qorin och, lekin darsga mehr baland

Ba’zan eng yaxshi e’tirof rasmiy so‘zlarda emas, talabalarning samimiy izohlarida bo‘ladi.

ISFTda hatto ochlik ham yaxshi darsga to‘sqinlik qilolmaydi!

22/10/2026

Uchta muhim kelishuv: ISFT va Yeungjin University hamkorligi kengaymoqda

Xalqaro hamkorlik — shunchaki imzo emas, balki yangi bilimlar, akademik tajriba va istiqbolli loyihalar sari ochilgan yo‘ldir!

ISFT Instituti va Janubiy Koreyaning Daegu shahridagi Yeungjin University o‘rtasida hamkorlikni rivojlantirishga qaratilgan uchta muhim hujjat imzolandi: hamkorlik memorandumi yangilandi, talabalar almashinuvi hamda professor-o‘qituvchilar malakasini oshirish bo‘yicha kelishuvlarga erishildi.

🎓Quvonarlisi: ISFT’ning to‘rt nafar professor-o‘qituvchilari uchun mezbon universitet ta’minlaydigan turar joy bilan bepul malaka oshirish dasturida qatnashish imkoniyatiga ega bo‘ladi.

🤝Hamkorlik kelishuvlariga muvofiq, har o‘quv yilida ISFT’ning 3 nafargacha talabasi TOPIK 3 yoki undan yuqori sertifikat va universitet tasdig‘i asosida 100% kontrakt imtiyoziga, shuningdek, 10 nafar talaba esa almashinuv dasturida qatnashish uchun kontrakt to‘lovidan 50% chegirmaga ega bo‘ladi.

🌏Hamkorlik qo‘shma ilmiy tadqiqotlar, ta’lim dasturlari va xalqaro konferensiyalar bilan ham davom etadi. Yeungjin University 2026-yil 30-oktabr kuni ISFT Samarqand kampusida o‘tkaziladigan xalqaro ilmiy-amaliy konferensiyada hamkor universitet sifatida ishtirok etadi.

✅ ISFT xalqaro hamkorlikni hujjatlarda emas, amaliy imkoniyatlar va aniq tashabbuslarda namoyon etmoqda!

21/10/2026

🇺🇿🇫🇮 Finlandiyada bir semestr — kelajagingiz uchun katta imkoniyat!

ISFT Instituti Finlandiyaning Centria University of Applied Sciences universitetida 2026/2027-o‘quv yilining bahorgi semestri uchun talabalar almashinuvi dasturiga qabul boshlanganini e’lon qiladi!

Finlandiya — dunyoning eng baxtli mamlakatlari reytingida yetakchilik qilib kelayotgan, sifatli ta’lim tizimi va innovatsion yondashuvlari bilan tanilgan davlat. Bu yerda ta’lim nazariy bilimlar bilan cheklanmaydi — talabalar amaliy loyihalar, zamonaviy texnologiyalar va mustaqil izlanishlar orqali o‘z salohiyatini rivojlantiradi.

Dastur Biznes va Menejment, Marketing, Moliyaviy sohada boshqaruv yo’nalishi talabalari uchun ochiq.

📌 Asosiy talablar: ▪️ Bakalavriatning 2- yoki 3-kursida tahsil olayotgan bo‘lish;
▪️ Ingliz tilini kamida B2 darajada bilish;
▪️ Amaldagi xorijga chiqish pasportiga ega bo’lish;
▪️Yaxshi akademik ko‘rsatkichlar va yuqori motivatsiyaga ega bo‘lish.

⏳Shoshiling deadline 25-oktyabr!
Murojaat va ro‘yxatdan o‘tish uchun:

✍️ |urishoff|

🎓 ISFT — xalqaro imkoniyatlar sari ishonchli qadam!

21/10/2026

📚 21-oktabr, 1989-yil.
O‘zbek tili shunchaki maqom emas, ilm-fan, tadqiqot va kashfiyotlar tili sifatida rivojlanish huquqini olgan kun

Bugun yoshlar darsliklarni o‘zbek tilida o‘qishi, ona tilida ma’ruza tinglashi, kasbiy terminlarni o‘rganishi va tadqiqot olib borishi mumkin.
..Ammo har doim ham shunday bo‘lmagan.

Sovet davrida oliy ta’lim, ilm-fan va texnologiya sohalarida rus tili ustun mavqega ega bo‘lib, o‘zbek tilidagi zarur darsliklar va ilmiy-texnik adabiyotlar yetarli emas, kasbiy terminologiya esa hali shakllanish jarayonida edi. Hatto o‘zbek guruhlarida ham ayrim fanlar rus tilidagi darsliklar asosida o‘qitilgan.

1989-yil 21-oktyabrda qabul qilingan “Davlat tili haqida”gi Qonun oliy ta’limda o‘zbek tilida o‘qitish, o‘quv va ilmiy-texnik adabiyotlarni nashr etish, ilmiy terminologiyani rivojlantirish, shuningdek, ilmiy ishlarni o‘zbek tilida yozish, himoya qilish va nashr etish imkoniyatlarini huquqiy jihatdan mustahkamladi.

Shu sabab bugun biz shunchaki bir sanani emas, o‘z ona tilimizda bilim olish, izlanish, yaratish va kelajak haqida gapirish imkoniyatini nishonlaymiz.

🤩 O‘zbek tili bayrami barchaga muborak bo‘lsin!

Instagram | Telegram | YouTube | Facebook

19/10/2026

Siz qaysi yo‘nalishdasiz? ⬇️

19/10/2026

ISFT VA KOREYA: YANGI IMKONIYATLAR TARIXI YOZILMOQDA!

🇺🇿🇰🇷 ISFT Instituti delegatsiyasining Janubiy Koreyaning Busan shahriga xizmat safari doirasida Busan Women’s University bilan xalqaro hamkorlik o‘rnatildi.

Uchrashuv yakunida Hamkorlik memorandumi (MoU) va Talabalar almashinuvi to‘g‘risidagi kelishuv (SEA) imzolandi. Ushbu hujjatlar ikki universitet o‘rtasidagi akademik aloqalarni rivojlantirish va talabalar uchun yangi xalqaro ta’lim imkoniyatlariga zamin yaratadi.

Maqsad — bilim olish, tajriba orttirish va dunyo miqyosida raqobatbardosh mutaxassislar tayyorlash!
Har bir yangi hamkorlik ISFT talabalari uchun kengroq dunyoqarash, yangi tajriba va kelajak sari dadil qadam demakdir.

✅ ISFT — imkoniyatlar geografiyasini kengaytirib, kelajak sari xalqaro ko‘priklar qurmoqda!

16/10/2026

Samarqanddan Gwangjugacha: ISFT talabalari uchun yangi xalqaro imkoniyatlar

🇺🇿🇰🇷 ISFT Instituti rahbariyati delegatsiyasining Janubiy Koreyaga xizmat safari doirasida Gwangju shahridagi Honam University vakillari bilan uchrashuv bo‘lib o‘tdi.

Muzokaralarda turizm, mehmonxona boshqaruvi, menejment va koreys filologiyasi yo‘nalishlarida akademik almashinuvni rivojlantirish, aviatsiya sohasi bo‘yicha yangi ta’lim imkoniyatlarini o‘rganish hamda ISFT professor-o‘qituvchilari uchun 144 soatlik malaka oshirish treningini tashkil etish masalalari muhokama qilindi.

Chet tilini o‘rganayotgan talabalar uchun ajoyib yangilik!

Honam University’da xalqaro aviatsiya sohasi uchun bort kuzatuvchilarini tayyorlash dasturlari ham mavjud. Muzokaralarda ushbu yo‘nalishga alohida e’tibor qaratildi. Bu esa kelgusida xorijiy tillarni puxta egallagan ISFT yoshlari uchun aviatsiya, turizm va xalqaro servis sohalarida yangi kasbiy istiqbollarni yuzaga keltirishi mumkin.

ISFT uchun xalqaro hamkorlikning asosiy maqsadi — erishilgan kelishuvlarni talabalar va professor-o‘qituvchilar uchun real ta’lim hamda kasbiy rivojlanish imkoniyatlariga aylantirishdir.

14/10/2026

ISFT talabalari uchun Janubiy Koreyada tahsil olish imkoniyatlari kengaymoqda

🇺🇿🇰🇷 Avval xabar berganimizdek, ISFT Instituti delegatsiyasining Janubiy Koreyaga xizmat safari doirasida xalqaro hamkorlikni kengaytirish va talabalar uchun yangi imkoniyatlar yaratishga qaratilgan muhim kelishuvlarga erishilmoqda.

Navbatdagi manzil — Woosuk University. Universitet rahbariyati va fakultetlar vakillari bilan o‘tkazilgan uchrashuvlar yakunida Hamkorlik memorandumi (MoU) hamda Talabalar almashinuvi to‘g‘risidagi kelishuv (SEA) imzolandi. Ushbu hujjatlar akademik aloqalarni mustahkamlash va talabalar uchun yangi xalqaro imkoniyatlar yaratishda muhim ahamiyat kasb etadi.

🌍Kelishuvlar ISFT talabalariga Woosuk University’da tahsil olish, xalqaro tajriba orttirish va xorijiy ta’lim muhitida o‘z bilim hamda ko‘nikmalarini rivojlantirish imkonini beradi.

Muzokaralar davomida qo‘shma ta’lim dasturlarini yo‘lga qo‘yish, professor-o‘qituvchilar va fakultetlar o‘rtasidagi hamkorlikni rivojlantirish, qo‘shma ilmiy loyihalar hamda xalqaro konferensiyalar tashkil etish masalalari ham muhokama qilindi.

12/10/2026

ISFT VA JEONBUK NATIONAL UNIVERSITY: XALQARO HAMKORLIKNING YANGI BOSQICHI!

🇺🇿🇰🇷ISFT Instituti delegatsiyasining Janubiy Koreyaga xizmat safari doirasida nufuzli Jeonbuk National University rahbariyati bilan muhim uchrashuvlar o‘tkazilib, xalqaro hamkorlikni rivojlantirish bo‘yicha kelishuvlarga erishildi.

🤝Muzokaralar yakunida ikki universitet o‘rtasida hamkorlik memorandumlari imzolandi. Tomonlar talabalar almashinuvi, qo‘shma ta’lim dasturlari va akademik xodimlar malakasini oshirish yo‘nalishlarida hamkorlikni kengaytirishga kelishib oldilar.

🎓 ISFT talabalari uchun yangi imkoniyatlar!
Kelishuvlarga ko‘ra, talabalar Jeonbuk National University’da bir semestr yoki bir o‘quv yili davomida tahsil olishlari mumkin. Dastur doirasida 20 nafardan ortiq talaba uchun stipendiya imkoniyatlari, shuningdek, universitetga ilk bor keladigan talabalar uchun 400 000 Janubiy Koreya voni miqdorida bir martalik stipendiya ajratilishi ko‘zda tutilgan.

Ushbu hamkorlik ISFT talabalariga xalqaro tajriba orttirish, Koreya ta’lim tizimi bilan yaqindan tanishish va o‘z akademik salohiyatini rivojlantirish uchun yangi yo‘llarni ochishiga ishonchimiz komil.

👉 Ijtimoiy tarmoqlardagi rasmiy sahifalarimizni kuzatib boring!

Address

Кибрайский район, Улица Университетская, 2
Tashkent

Opening Hours

Monday	09:00 - 18:00
Tuesday	09:00 - 18:00
Wednesday	09:00 - 18:00
Thursday	09:00 - 18:00
Friday	09:00 - 17:00
Saturday	09:00 - 18:00

Telephone

+998555083737

Website

http://www.isft.uz/

Alerts

Be the first to know and let us send you an email when ISFT Institute posts news and promotions. Your email address will not be used for any other purpose, and you can unsubscribe at any time.