20/10/2026
【智齡科技工作坊－12｜智慧減痛：非藥物方法緩解慢性痛症🫂】
為推動安老業界善用智齡科技以提升持續照顧及安老服務水平，計劃團隊每季度為安老業界代表舉辦「智齡科技工作坊」嘅活動，希望喺介紹智齡工具俾業界同工認識嘅同時，亦為參加者提供一個跨界別嘅交流平台。
今期工作坊嘅主題係「智慧減痛：非藥物方法緩解慢性痛症🫂」，當日好榮幸邀請到兩位分享嘉賓，分別係廣華醫院疼痛科顧問護師林智穎博士，以及松齡護老集團高級物理治療師彭煥然先生，同大家分享醫院同院舍點樣運用智齡工具去幫助老友記減痛，令老人家可以食少啲藥💊，做多啲運動👟去緩解慢性痛症。
計劃團隊亦要感謝四間本地智齡科技供應商嘅支持🙌，喺活動當日合共展出多款創新方案 ！今次活動邀請到志聯藥業有限公司、樂康軒、Health Advisor、Scan Infinity Ltd.，向當日超過100位來自安老院舍、日間護理中心、復康服務單位等唔同範疇嘅同工即場示範同介紹智齡科技，等安老服務及照顧團隊都可以親身了解同體驗唔同嘅產品️ ！喺工作坊之外，仲參觀咗我哋嘅「賽馬會智齡匯體驗中心」！
我哋計劃團隊嚟緊都會繼續舉行唔同主題嘅智齡科技工作坊，希望令安老服務單位可以一直得到智齡科技方面嘅資源同最新動向。 今次未有參加嘅業界朋友們，期望喺下次嘅智齡科技工作坊會見到你呀✌️
