HKBU School of Chinese Medicine 香港浸會大學中醫藥學院

Home
Hong Kong
Kowloon Tong
HKBU School of Chinese Medicine 香港浸會大學中醫藥學院

香港浸會大學於1999年成立中醫藥學院，學院致力開辦優質的中醫藥課程、從事高端的研究和技術開發以及提供高水平的中醫醫療服務，積極從事中醫藥標準化工作，推動中醫藥的現代化和國際化。

HKBU, the first institution funded by the University Grants Committee to offer undergraduate education in Chinese medicine and pharmacy in Chinese medicine in Hong Kong, established SCM in 1999. SCM is committed to providing quality academic programmes, conducting cutting-edge research and technology development, offering first-rate Chinese medicine healthcare services, and contributing to the sta

ndardisation, modernisation and internationalisation of Chinese medicine.

香港浸會大學是香港首間由大學教育資助委員會資助開辦中醫及中藥本科課程的高等院校，於1999年成立中醫藥學院。

學院致力開辦優質的中醫藥課程、從事高端的研究和技術開發以及提供高水平的中醫醫療服務，並積極推動中醫藥標準化、現代化和國際化。

23/07/2026

驪歌響起🎓新一批中醫藥生力軍誕生！

由入學時嘅清澀嘅Freshman，蛻變成今日眼神堅定嘅中醫藥人，
到底師兄師姐經歷過乜嘢？
喺浸大中醫藥學院，畢業唔係離別，係傳承嘅開始。
我哋已經開始期待新生嘅加入，一齊茁壯成長🍀

#畢業快樂 #浸大中醫藥學院 #2026畢業班

22/07/2026

專家帶你行山認識草藥🌳新手都睇得明

🗺️中藥植物學專家陳虎彪教授親自編寫《香港行山植物探賞徑（新修版）》，帶你行勻香港行山徑，賞遍本地常見植物。

新書包括：🌿600種常見植物 👩🏻‍🦯32條郊遊路線

📖 《香港行山植物探賞徑（新修版）》
編者：陳虎彪教授、楊永平先生

🌿下次行山，記得認識吓沿路嘅植物喇。

20/07/2026

預防勝於治療：以現代科學實現中醫「治未病」智慧

恭喜🎉關曉儀教授榮獲醫療衞生研究基金撥款逾140萬港元，支持早期檢測肥胖族群二型糖尿病風險嘅研究。

傳統糖尿病篩檢方法，通常係等到血糖升高、身體糖代謝紊亂先會發現患病。

關教授團隊透過檢測血液中某啲蛋白質，期望喺血糖失調前就預測到二型糖尿病風險！

呢項研究以現代精準診斷科技實踐中醫「治未病」嘅智慧。等高風險族群可以把握黃金時機，調整生活習慣，配合中醫養生，重掌健康。

#香港浸會大學 #浸會大學中醫藥學院 #浸大科研

16/07/2026

😁【校友喜訊！恭賀曹志成教授榮獲浸大第十屆傑出校友獎】

曹教授喺學院取得中醫學博士學位，至今已經係享譽國際嘅生物醫學家! 佢一直致力於癌症研究，努力推動全球醫學科學進步，將科研成果應用喺臨床方面，大大提升咗癌症治療嘅效果。

佢嘅學術成就亦非常卓越，自2017年起位列史丹福大學「全球前2%頂尖科學家」，近年更獲評為科睿唯安「全球高被引學者」，發表超過700篇學術論文同編撰36部以上嘅學術著作。

院長李敏教授讚揚曹教授完美體現咗學院「精誠濟世，博學篤行」嘅精神，係師生嘅典範。

曹教授嘅故事充滿啟發，同時標誌住我哋 ✨4,000+ 校友喺各領域閃閃發光。

緊貼我哋，認識更多中醫藥界嘅代表人物。你，都可以成為其中一員！

#香港浸會大學 #浸會大學中醫藥學院 #浸大中醫 #中醫藥學院 #傑出校友

10/07/2026

學院博士研究生薛雪、楊新同學喺「第十二屆香港大學生創新及創業大賽」中表現出色，憑藉創新嘅纖維化疾病新藥研發項目，贏得生命科學組三等獎。

喺張戈教授同余思凡博士悉心指導之下，團隊利用自主研發嘅AI平台「AptGEN-AI」，開發出核酸適配子藥物Apc003OA。臨床前研究證實新藥對治療肺纖維化、杜氏肌營養不良等疾病安全有效。Apc003OA已獲美國FDA「孤兒藥」同「罕見兒科疾病藥物」雙重認證，係新藥項目邁向臨床應用嘅關鍵一步。

學院喺守護傳統醫學之餘，亦積極培訓年輕科研人才，以精準醫學為患者帶來曙光。
中醫藥涉獵嘅研究範疇廣闊。歡迎你加入，同頂尖學者一齊為人類健康而努力。

#香港浸會大學 #浸會大學中醫藥學院 #中醫藥學院 #中醫藥科研

09/07/2026

7月16-18日🌞把握JUPAS改選機會。

浸大中醫藥學院🌱你嘅專業起跑線：
🔸JS2410 中醫學學士及生物醫學理學士（榮譽）學位課程
(唯一雙學位中醫本科課程)
🔸JS2420 中藥學學士（榮譽）學位課程
(唯一獲教資會資助嘅全日制中藥課程)

成績好，仲有豐富獎學金！

登入 JUPAS 帳戶，喺個人時段內作出心儀嘅選擇。
😁Tag 埋你想讀中醫藥嘅朋友，一齊實現中醫藥夢。

#香港浸會大學 #浸會大學中醫藥學院 #中醫藥學院 #大學聯招 #讀中醫 #讀中藥

08/07/2026

【中醫藥學院獲同心基金捐贈3000萬成立高齡疾病研究所】

為應對全球人口老化帶嚟嘅健康挑戰，學院獲得「同心教育文化慈善基金會」捐贈港幣三千萬，成立「香港浸會大學同心基金高齡疾病中醫藥研究所」！🥳

新研究所將融合中醫藥智慧同現代科研，專注應對三大範疇：
🧠 腦退化
🏃‍♂️ 肥胖與糖尿病
🦴 骨關節炎

浸大管理層、同心基金三位創辦人，同埋位學院代表一齊見證研究所命名儀式。

中醫藥學院院長兼研究所奠基所長李敏教授承諾，致力把研究成果轉化為臨床應用，讓長者真正「老有所醫」！

感謝同心基金與我哋同心同行。呢一份善意將轉化為守護長者健康嘅力量。

#香港浸會大學 #浸會大學中醫藥學院 #中醫藥科研 #香港浸會大學同心基金高齡疾病中醫藥研究所

07/07/2026

「診斷是科學，治療是技術，但全面綜合的照顧，才是能在真正意義上『療癒』患者。」

──李敏教授，2026年6月29日明報專欄《敏心醫話》

06/07/2026

🎉 [再創佳績 : 中醫藥學院榮獲八項「優配研究金」資助]

中醫藥學院喺2026/27年度研資局「優配研究金」中表現卓越，獲資助項目數量連續兩年上升！研究涵蓋中醫藥、生物醫學同創新藥物研發，再次印證咗學院嘅跨學科研究實力。院長李敏教授對團隊成就感到自豪，又讚揚年輕學者表現亮眼。

恭喜咁多位學者：
🔸李敏教授
🔹張戈教授
🔸韓全斌教授
🔹張敬浩教授
🔸李芳菲教授
🔹陳綺蕾博士
🔸李利鋒博士
🔹張質彬博士

學院卓越嘅科研與人才培育實力，令我哋嘅團隊不斷壯大。
💪誠邀你加入我哋，一齊為人類健康謀福祉。

#香港浸會大學 #浸會大學中醫藥學院 #浸大中醫 #中醫藥研究 #浸大科研

24/06/2026

【新界東居民留意：香港浸會大學沙田福群中醫診所開幕喇🥳】

學院衷心感謝三豐（岑氏）投資有限公司慷慨捐贈舖位，我哋全新嘅「香港浸會大學沙田福群中醫診所」喺6月9日正式開幕！

診所「福群」呢個名，係由捐贈者岑氏父母個名各取一字組成，既代表家族嘅大愛同傳承，亦同我哋浸大中醫「福澤社群」嘅理念好夾。

新診所已經全面投入服務，除咗提供專業嘅中醫服務，亦有為弱勢社群提供醫療優惠，幫助有需要嘅居民。浸大中醫會本住「大醫精誠」嘅精神，繼續提供卓越嘅臨床服務，守護大家嘅健康！

【香港浸會大學沙田福群中醫診所】
查詢：2633 8186
地址：新界沙田沙田圍路1-7號勵城花園地下2號舖
網址：www.hkbucm.com

#香港浸會大學 #浸會大學中醫藥學院 #浸大中醫 #沙田中醫

Address

Jockey Club School Of Chinese Medicine Building, 7 Baptist University Road
Kowloon Tong

Website

https://scm.hkbu.edu.hk/

Alerts

Be the first to know and let us send you an email when HKBU School of Chinese Medicine 香港浸會大學中醫藥學院 posts news and promotions. Your email address will not be used for any other purpose, and you can unsubscribe at any time.

Contact The University

Send a message to HKBU School of Chinese Medicine 香港浸會大學中醫藥學院:

Shortcuts

Want your university to be the top-listed University in Kowloon Tong?