29/07/2026
🧑🎓【百變幼教人 Amie 👩🏫🎵一條看似「迂迴」嘅路，帶你走向更廣闊嘅視野！】
🗣️ 你有冇諗過，唔同嘅起跑線一樣可以到達目標？
Amie 中學畢業後一心想投身幼教，佢選擇咗教大嘅幼兒教育高級文憑作為起步點，再銜接幼兒教育榮譽學士（領導與非華語幼兒），其後更完成音樂治療深造文憑，再到中大修讀幼兒教育碩士。
由幼稚園非華語老師，到而家喺大學做教學助理，每一步都係裝備自己嘅過程✨
一齊聽下Amie嘅分享👇
1️⃣ 先讀幼教 High Dip 再完成幼教學士課程，呢條「迂迴」嘅路帶畀你咩收穫？
👩🏻🏫Amie：呢條路睇落迂迴，但一面工作，一面進修嘅過程，確實帶畀我意想不到嘅收穫。課堂上學到嘅理論，有時難免覺得空泛，但當我回想工作中嘅實際經歷，就能夠將兩者連結，令知識變得更具體、更有層次，亦令我喺學習同實際教學上都有所提升。例如喺學習SEN幼兒嘅特徵時，如果能夠對應返工作中遇過嘅小朋友，就更加能夠真正掌握到所學，並有效運用喺實踐中，而做功課時都有更多真實例子可以引用，令內容更充實。
2️⃣揀讀幼兒教育榮譽學士（領導與非華語幼兒）嘅契機？
👩🏻🏫Amie：喺讀BEd(ECE)之前，我班上有一位巴基斯坦籍嘅幼兒。由於佢嘅廣東話聽說能力較弱，所以唔太容易融入班級。我好想幫佢，但一時間搵唔到合適嘅方法。睇住個小朋友無所適從，我亦意識到自己喺教學上仲有不足。所以我決定揀修讀非華語課程，提升自己嘅專業能力。希望可以更有效咁協助以廣東話作為第二語言嘅學生，逐步融入社會。
3️⃣ 課程入面有冇學完「隔日返到課室就用得著」嘅嘢？
👩🏻🏫Amie：坊間對於第二語言學習有唔少迷思，透過堂上討論同探索，我哋先至搵到真正適合幼兒嘅教學方式，亦能夠畀家長更專業嘅建議。
4️⃣ 教大幼教點樣裝備你成為一個「百變」嘅幼教人？
👩🏻🏫Amie：教大幼教嘅BEd(ECE)課程，唔淨止涵蓋幼兒教育嘅核心知識，仲提供多元嘅學習方向，例如家庭教育、輔導、學校領導、兒童藝術等選修科目，學員可以探索自己嘅興趣，對自身才能同未來職涯發展有更清楚嘅方向，亦從中了解到讀幼教都唔止教書一條出路，而我就由幼師轉換跑道成為大學嘅教學助理，換個身份繼續為幼兒教育業出力。在大學嘅工作，我可以將多年嘅前線工作經驗同學習心得傳遞比師弟妹們，期盼以自身嘅微力幫助佢哋更從容踏上幼師之路；也期待在彼此嘅交流中每個人都睇到更多嘅發展方向。
#畢業生分享 #幼教職涯路
#百變幼教人 #幼兒教育 #幼教出路
